السلام عليكم ورحمة الله و بركاته
كيف أحوالكم ؟
أنا : اليوم سأتكلم عن ضمير الفصل و أكيد باين من اسمه انه ضمير بيفصل بين أشياء معينة
واحد مالناش دعوة بيه :(يا سلام أنت جبت المعلومة دي منييييييين)
انا : من أهم الأشياء هي الخلافات بين الناس
واحد تاني ملناش دعوة بيه بردو : ده شكلو ضمير متعاون جدا
انا : طب تعالا نشرح
ضمير الفصل هو صمير عادي و لكن المميز هنا أنه ضمير زائد يعني يمكن حذفه و معنى الجملة لا يتغير مثل : (الصحة هي تاج على رؤوس الأصحاء) هنا يمكن حذف الضمير (هي ) و المعنى للجملة لا يتغير أبدا
حالات يأتي فيها ضمير الفصل :
1- بين إسمين معرفة : مثل :
أ- أحمد هو الغائب
2- بين إسم معرفة و الثاني نكرة و لكن نكرة مخصصة (يعني بعدها جار و مجرور أو ظرف مكان أو زمان) : مثل :
أ- إن أحمد هو مجتهد في الصف
3- بين اسم معرفة و بعدها فعل مضارع :
أ - احمد هو يجتهد في دروسه
و بس كده
واحد ثالث ملناش دعوة بيه بردو : طب انت قلت إنه بيفصل بين الخلاف بين الناس ، ممكن تنزل بالترجمة ؟
انا : هو فعلا بيفصل بين الخلاف اللي ممكن يحصل بين الناس في إعراب الجملة دي مثلا
محمد المجتهد : فبعض الناس هتعرب كلمة المجتهد صفة و البعض هيعرب المجتهد خبر فعشان نخلص من الخلاف ده نحط ضمير الفصل و بالتالي الجملة تكون : محمد هو المجتهد و بالتالي تعرب كده كلمة المجتهد خبر لان المعنى واضح و مكتمل
فضمير الفصل يفصل بين النعت و الخبر
و إن شاء الله هيكون فيه جزء تاني للمعلومة هذه لأن هناك بعض الأشياء الأخرى التي يجب ذكرها
سلااااااااااااااااااااام
