First time here? Checkout the FAQ!
x

الملاحظات

Queene et bonito 3as 2022

في تصنيف شات طليق
بواسطة طالب متحمس (1.5ألف نقاط)  
+8 تصويتات
435 مشاهدات
هذا منشور خاص للمناقشة بيني و بين كوين منشان الباك ارجو من كوين ان تعحب بالأمر

و ان كان هذا العمل ممنوع فأنا أسفة كثيرا

بالتوفيق لكم ياحبايبي

من فضلك سجل دخولك أو قم بتسجيل حساب للإجابة على هذا السؤال

23 إجابة

بواسطة طالب عالمي (7.8ألف نقاط)  
+2 تصويتات

السلام عليكم 

شكرا عزيزتي على المبادرة الجميلة :) 

كلما احتجت شيئا أكتبيه لي هنا , وبإذن الله أكون متواجدة حينها 

الموقع من أجل مساعدة بعضنا الآخر , لذا لا أظن بأنه ممنوع :)

بالتوفيق للجميع smiley

بواسطة طالب عالمي (7.8ألف نقاط)  
إبني قلعتك مما تبقى من رماد :)
أتذكر؟
بواسطة طالب متميز (1.7ألف نقاط)  
بالعقل كدة في حاجة بتتبنى بالرماد
سبحان الله
Only bright side come to people who can survive
بواسطة طالب عالمي (7.8ألف نقاط)  
بل يأتي لمن ينادونه :) فهو ليس أطرشاً
مساؤك سعيد :)
بواسطة طالب متميز (1.7ألف نقاط)  
مهو اذا الشخص صار ابكم نهائيا اي فايدة سمعه بالحظة دي
مساؤك اسعدين مش أسعد واحد
بواسطة طالب عالمي (7.8ألف نقاط)  
مساؤك سعيد أس مالانهاية
وهأنذا قد اخترعت أُسًأ جديدا
:)
كيف حالك أخي مخيمر ؟
إذا كان أبكما ؟ يتحدث لغة الإشارة :)
هل سيصبح الأمل أعمى في هذه الحالة أيضا ؟
نحضر مترجما بين العمى والأبكم
هذا موقع للغات , وسنوفر له أي لغة يريدها :)
غالي والطلب رخيص يا أخي :)
دمتَ بخير
بواسطة طالب محترف (3.2ألف نقاط)  
+2 تصويتات
بالتوفيق يارب لكم جميعا ❤️
بواسطة طالب متحمس (1.5ألف نقاط)  
شكرا لك ياحبيبتي
بواسطة طالب عالمي (7.8ألف نقاط)  
+2 تصويتات

السلام عليكم 

نجاوبك هنا أوكي؟

1*مانعرفش نرسم الآرأن  ارسميهلي اذا طقتي 

2* تعرفي تشتقي دالة ؟ 

كي تشتقيها روحي اكتبي المشتقة وديريها=0

ومبعد شوفي الحلول , مثلا إذا كانت  كثيرة حدود ديري بالدلتا واحسبي x1,x2

ومبعد ديري جدول إشارة المشتقة 

 +مالانهاية"ولامجال التعريف " x1       x2                        -مالانهاية x
                            نفس         مثلا:  -       I      عكس إشارة a     |نفس f'x
كي تكون المشتقة سالبة تكون الدالة fمتناقصة
وكيتكون المشتقة موجبة تكون الدالة  fمتزايدة  î
f x

إذا مازال مفهمتيش كاش حاجة قوليلي نشرحهالك :)

بواسطة طالب متحمس (1.5ألف نقاط)  
خديجة مافهمتش وكتاش نديروا نفس اشارة a و عكس اشارة a  و لوكان ماتكونش كثيرة الحدود واش ندير
و وريلي كيفاش ندير مستقيمات المقاربة
خديجة نخلعك مانعرف والوا في دوال ديريلي ملخص توريلي كيفاش نحل
بواسطة طالب عالمي (7.8ألف نقاط)  
1* نفس إشارة aمابين الحلين " ماهيش واضحة في الجدول "
نقولك حاجة خير ؟ كاين عندي ملخصات توب , دقيقة
بواسطة طالب متحمس (1.5ألف نقاط)  
+2 تصويتات
كيفية رسم ARN

ADN فيه سلسلتين مستنسخة و غير مستنسخة حيث  مستنسخة ترقيمها 3' الى 5'  و غير مستنسخة 5' الى 3'

تتبع نيكليوتيدات تاع  ARN PM  نفسه تاع غير مستنسخة غير بدلي t  ب u

تعرفي علاش ADN فيه t  و ARN فيه u
بواسطة طالب عالمي (7.8ألف نقاط)  
نو
وماغسي على التوضيح :)
بواسطة طالب متحمس (1.5ألف نقاط)  
خديجة ياك كي درنا تجربة الكشف عن موقع الadn استعملنا التايمين المشع لون ديالوا أحمر
وياك كي نديروها فيه يظهر لون أحمر سما موقع ال ADN في النواة
ومي باش نكشفوا عن موقع ARN نستعملوا اليوراسيل و لون ديالو أصفر ونفسها كي نحطها فيه تتلون النواة بالأصفر سما ARN موجود في النواة
بب مرحلة الترجمة لازم حتى نراجعها مليح باش نوريهالك علاخاطش بزاف صعيبة و لازملها تركيز
بواسطة طالب عالمي (7.8ألف نقاط)  
مساء النور :)
واش راكي بب؟
يعذيك الصحة على المعلومات , واسمحيلي تعبتك معايا
بواسطة طالب متحمس (1.5ألف نقاط)  
بلامزية بب حنا خاوة تعاونوا بعضنا
نتي خدمتك تشرحلي نبذة التاريخي تاع  المحور الأول تاع العربية و تبعتيلي شرح تاع أسلوب التلقين و الفرق بين الحكمة و النصيحة و المجاز العقلي و البلاغي
أكديلي بزاف على النبذة بب اشرحيلي كيفاش جا هذا الشعر واش فيه علاخاطش أنا خاطيني هاذوما العفاسي
و زيد كي يقولنا ارسم مستقيم مقارب نحسبوا نهاية عند حل المعادلة اومبعد نرسموا مي حبيت نعرف كيفاش نلقاو حل المشتقة و نديروا جدول. الإشارة ديالها
بواسطة طالب عالمي (7.8ألف نقاط)  
نقولك نبذة من واش فهمت , لخاطش تاع الكتاب طويلة
بعد هجومات التتار على بغداد في نهاية الطور الثاني من العصر العباسي656هجري قاموا بقتل العلماء وإحراق المكتبات وأتلفوا الكتب في نهر الفرات حتى قِيل أن لونه أصبح أسودا بلون الحبر
مما أدى إلى افتقار في الحياة الأدبية في العصر الموالي وهو : عصر الضعف والإنحطاط , كما سُمي أيضا بالعصر المملوكي
وفي هذا العصر ضعفت قيمة الأدب بتدهور الأوضاع الإجتماعية والسياسية إضافة إلى قلة فرص العمل
فأصبح الأدب عبارة عن مواضيع سطحية و تقليد وقلة إبداع بسبب انصراف الشعراء إلى مِهن أخرى
 "نصلي ونجي نكمل "
بواسطة طالب عالمي (7.8ألف نقاط)  
من الأغراض الشعرية التي سادت في هذا العصر : الشعر التعليمي
وهو غرض شعري قديم يتناول الأخلاق , النصائح ,يخلو من العاطفة فهو يخاطب العقل
بواسطة طالب متحمس (1.5ألف نقاط)  
+2 تصويتات
مرحلة النضج وهي ثاني مرحلة في تركيب بروتين يتم فيها تحول arnpm الى arnm حيث ينقص طوله

علمنا ان arnpm. لديه نفس طول ADN و منه نعرف بلي مايقدرش يغادر النواة

كيفاش ينقص الطول ديالوا

الجواب المورثة مجزأة اي فيها قطع دالة و قطع غير دالة

كي نرسموا arnpm نديروا كامل القطع  او مبعد كي نرسموا arnm لي دالة تبقى في بلاصتها و غير دالة يصرا اختناق في بلاصتها و تغادر من سلسلة و يصغار الطول و تبقى دالة فيها برك اومبعد يغادر النواة

بب انا و مانيش فاهمة مليح كيفاش نعرف وين راهي دالة و غير دالة
بواسطة طالب عالمي (7.8ألف نقاط)  
هههه والله ماني عارفة أنا ثان
مي كي نوصلو ليها بإذن الله نسقسي البروف :)
بواسطة طالب متحمس (1.5ألف نقاط)  
مي بب هاذي مرحلة النضج مادريهاش لوكان يطلب منك مراحل تركيب بروتين غير إذا هو طلبها منك في التمرين
بواسطة طالب عالمي (7.8ألف نقاط)  
السلام عليكم
اليوم قاللنا عليها الأستاذ مي ماكفاناش الحال باش نسقسوه
بصح كي رسمهالنا  دارها كشغل كرات في وسط خيط الadn
غدوة إن شاء الله نتأكد :)
بواسطة طالب متحمس (1.5ألف نقاط)  
اسمعي دارلكم دالة و غير دالة على شكل كرات في وسط adn
بواسطة طالب عالمي (7.8ألف نقاط)  
غير الجالة رسمها كشغل نصف دائرة لاصقة مع الarn
بواسطة طالب متحمس (1.5ألف نقاط)  
بروف تاع ليسي بل هذا و لا تاع يوتيوب
بواسطة طالب عالمي (7.8ألف نقاط)  
تاع الليسي
صبت في اليوتيوب بلي القطع غير الدالة هي اللي ماعندهاش أحماض أمينية موافقة ليها في الشفرة الوراثية
بواسطة طالب متحمس (1.5ألف نقاط)  
وي تاع اليوتيوب صحيح وعلاش قتلك ماديرهاش غير كي يطلبوها منك يقولك ارسم الarn على حساب جدول تشفير ونتي تعرفي كيفاش ديريه على حساب الرامزة
مي تاع يوتيوب حمارهههنن
بواسطة طالب متحمس (1.5ألف نقاط)  
+2 تصويتات
خديجة علوم خصتنا عبير ترفهانا ديراكت مي ماشكيتش نقدروا نافيڨيوها راحت تقرا خسارة
بواسطة طالب عالمي (7.8ألف نقاط)  
هههه بصح هوما مايقراوش كيما احنا
أساسا الرموز ممكن تختلف :)
الله يوفقها هي ومنال  وكامل اللي عندهم الباك :)
بواسطة طالب متحمس (1.5ألف نقاط)  
اه صح نسيت كامل
بواسطة طالب متميز (2.0ألف نقاط)  
انا عندي اتصال مع عبير اذا عندكم سؤال نقدر نوصلهولها
المهم تفرحونا في نهاية السنة❤❤❤❤
بواسطة طالب متحمس (1.5ألف نقاط)  
كيفاش تتسالي بها ياواحد شاموتية
لالا بب كي عندنا نقولولك
بواسطة طالب عالمي (7.8ألف نقاط)  
اللهم آمين أجمعين :)
شكرا حبيبتي فاطمة , أساسا برنامجهم وبرنامجنا ليسا نفس الشيء
دمتم بخير
بواسطة طالب متحمس (1.5ألف نقاط)  
+2 تصويتات
خديجة روحي للصفحة 46 تاع فيزيك سؤال تاع جدول تقدم بدلالة t تعرفي كيفاش داروه يعني الطريقة
بواسطة طالب عالمي (7.8ألف نقاط)  
ديزولي بب ماشفتهاش حتى ضوك
نروح نشوف ولا خلاص؟
بواسطة طالب متحمس (1.5ألف نقاط)  
وي روحي شوفي بب
بواسطة طالب عالمي (7.8ألف نقاط)  
شفتو ومافهمت والو ‪¯\(°_o)/¯‬
بواسطة طالب متحمس (566 نقاط)  
+2 تصويتات

السلام عليكم و رحمة الله ^^  

laugh

يعني صراحه من كلمه وحده عرفتك بلي جزائريه ههههههه  

تبانلي  غير حنا لي نسموه "باك "  مشي بكالوريا ههههههه 

كيف لحال بنت لبلاد 

ربي يوفقكم  ان شاء الله 

القليل من الاجتهاد و الكثير من التركيز و تبتغي مرادك ان شاء الله ^.^ ✌

   بالتوفيق 

بواسطة طالب متحمس (1.5ألف نقاط)  
ميرسي خويا و خديجة انشالله نوصلوا وين رانا حابين
بواسطة طالب عالمي (7.8ألف نقاط)  
اللهم آمين أجمعين :)
بواسطة طالب متحمس (566 نقاط)  
ان شاء  الله ربي يوفقكم  ^.^ ✌
بواسطة طالب عالمي (7.8ألف نقاط)  
اللهم آمين
بواسطة طالب متحمس (566 نقاط)  
عُدل بواسطة
هاو ليكم المقال هادا تاع خونا علي محمد رسلان  عجبني  
 
و ممكن يساعدكم ✌

https://bit.ly/3lOYcLy
بواسطة طالب متميز (2.0ألف نقاط)  
+2 تصويتات
ربي يوفقكم حبيييييبااااااتي
بواسطة طالب متحمس (1.5ألف نقاط)  
امين يارب نتي والديك شيوخة واش يقروا
بواسطة طالب متميز (2.0ألف نقاط)  
بابا يقري ميكانيك في الليسي
وماما تقري عربية في المتوسط
بواسطة طالب متحمس (1.5ألف نقاط)  
الله يبارك بب باباك يقري في ليسي ديالك
بواسطة طالب عالمي (7.8ألف نقاط)  
اللهم آمين أجمعين
شكرا حبيبتي :)
بواسطة طالب متميز (2.0ألف نقاط)  
لا لا ماشي في الليسي نتاعي
في المتوسط قريت في المتوسطة الي تقري فيها ماما وكانت تقول للمدير غير بنتي ما تقريهاش و جامي قراتني بصح كرهولي حياتي ماماك تجيبلك ليسوجي ماماك تحاول المعلمين يعطوك النقاط ومعلاباليش وشنو خلاص الليسي كل واحد في بلاصة خير من تكسار الراس ههههه
بواسطة طالب عالمي (7.8ألف نقاط)  
علابالك حاجة ؟
سقسيت ماما وبابا من قبل كون جاو أساتذة وأنا نقرا عندهم
بابا قالي نحللك ليسوجي في الدار هههه
وماما قاتلي نتي اللي نعصرك أكثر منهم هههه
الحمد لله ماهيش أستاذة
بواسطة طالب متميز (2.0ألف نقاط)  
هههههههههههههههههههه
مستحيل يديرها انا ماما والله العظيم تحاول المدير ما تقرينيش خطراش ولاد الناس امانة في رقبتها
بواسطة طالب عالمي (7.8ألف نقاط)  
كيما ماما
قالتلي نتي نعصرك كون تقراي عندي ههههه
الحمد لله ماهيش أستاذة
بواسطة طالب متميز (2.0ألف نقاط)  
هههههههههههههههه
الحمدلله
بواسطة طالب متحمس (1.5ألف نقاط)  
+2 تصويتات
سلام خديجة وين راكم حابسين فيزيك

خديجة وين راكم اونقلي و فرونسي

انا حبيت ندير ملخص تاع وحدة اولى تاع العلوم ماعرفتش نديروا هههه
بواسطة طالب عالمي (7.8ألف نقاط)  
وعليكم السلام ورحمة الله تعالى و بركاته :)
واش راكي بب؟
أونغلي مابديناش , راه غايب
فرونسي دارتلنا نص على ثورة نوفمبر

ملخص العلوم وين تحوسي تحبسيه ؟
قوليلي ونبعثولك :)
بواسطة طالب متحمس (1.5ألف نقاط)  
في ترجمة اسمعي علوم فيها واحد تمارين بزاف صعاب
بواسطة طالب عالمي (7.8ألف نقاط)  
نديرلك ملخص تاع  التعبير المورثي؟
التمارين ماجربتش نحلهم لحد الآن
نظن مازال الحال على التمارين , لحد الآن نعرف التحليل وفقط :)
بواسطة طالب متحمس (1.5ألف نقاط)  
+2 تصويتات
واش لباس

خديجة فرونسي دىرتوا كونت غوندي ولا مازال
بواسطة طالب عالمي (7.8ألف نقاط)  
مساء النور :)
غاية الحمد لله , ونتي بب؟
لالا مازال , قرينا غير على ليستواغ و1 نوفمبر

وين راكم حابسين علوم  ؟
بواسطة طالب متحمس (1.5ألف نقاط)  
علوم رانا في مراحل ترجمة
انا راني الحمد الله
فرونسي كيما حنا مازال
بواسطة طالب متحمس (513 نقاط)  
+2 تصويتات
انا نسيتوني ؟؟؟

BEM 2022
بواسطة طالب عالمي (7.8ألف نقاط)  
عاش من شافك عمري :)
مساء النور:)
واش راكي ؟
ياختي هو نتي رحتي منعرف شكون خطفك , باينة لانتارنت ههه
كي راكي وكيراه البيام ؟

عندك بلاصة معانا , وأي سؤال إن شاء الله نجاوبوك  عليه إذا قدرنا :)
بواسطة طالب متحمس (1.5ألف نقاط)  
نعانوك ابعتي هنا وحنا إذا قدرنا نعانوك
بواسطة طالب متحمس (513 نقاط)  
السلام كيراكم والله ماتقدروش تتخيلو قداش توحشتكم
هي الحق ما شي الكونيكسيو بصح انا بغيت نختفي عن الموقع خاطرش عندي البيام و بغيت ندخل بانطلاقة قوية
و حبست قبل شهرين من الدخول المدرسي خاطرش كي كنت هنا كنت قاع اليوم فيه و ماندير تا حية و قلت حتى نحكم روحي و دروك راني نرجع شوية شوية
انا راني ناوية على معدل 18 فالبيام راني مزيرة روحي
بواسطة طالب متحمس (1.5ألف نقاط)  
ربي ينجحنا كامل و خلاص بب
بواسطة طالب عالمي (7.8ألف نقاط)  
مساء النور :)
إن شاء الله يا رب , كامل ندو امتياز وعلاه لا  ؟
وحنا ثان توحشناك :)
بواسطة طالب متحمس (1.5ألف نقاط)  
+2 تصويتات
خديجة شريعة وين راكم لاحقين عمبالك بلي بزاف طويلة و فيها فهامة سما نصيحة مني ديرلها اهتمام بزاف علاخاطش راهي فهامة فصل الثاني ماتتخلعيش برك و ربي معانا

خطبة الوداع لازم نحفظوها كامل و الميراث و الزكاة و بزاف دروس فهامة
بواسطة طالب عالمي (7.8ألف نقاط)  
+2 تصويتات

السلام عليكم :) 

أخي/أختي المحرر (ة) 

عذرا على شعبة العلوم المفتوحة هنا هههه تحملونا قليلا بعد :) smiley


بونيتو , شوفي , كي يكون عندك منحنى x بدلالة t 

حيث x التقدم " m.mol/l" الملي مول / لتر ...مثلا . 

وt الوقت " بالدقيقة " min

يعني أنو  x في محور التراتيب 

و t في محور الفواصل 

يكون دايما المنحنى عبارة عن قطع مكافئ 

 لحد الآن راكي فاهمتها ؟ 

تعرفي كيفاه نديرو t1/2؟ 

بواسطة طالب متحمس (1.5ألف نقاط)  
وي رانا فهمتها لحد الان هذه
و ميرسي حبي على معلومات
بواسطة طالب عالمي (7.8ألف نقاط)  
أوكي , مليح
ضوك كون تكون n كمية المادة الإبتدائية في بلاصة X
رايحا تكون على العكس , بمعنى تتناقص , بصح تبقى فرع من قطع مكافئ
"نفس الرسم شاهو هو يبدا من الفوق ويهود للتحت "
يبقى يهبط حتى يتلاقا معا محور الفواصل اللي هو الوقت بالدقيقة , معناها nf=0
نشوفو n0/2
وتقابلها t1/2

نروحو نعينو t1/2  في المنحنى
ومبعد نعينو نقطة قبلها ونقطة بعدها بنفس المسافة
مثلا  
   النقطة 1      "1سم"         t1/2                سم "1     النقطة 2

ومالازمش تفوتي 1 سم
تعينيهم في المنحنى , ومبعد توصلي بيناتهم "بين النقطة 1 والنقطة 2 "

مبعد ترسمي مماس للمنحنى , يمر بالنقطة t1/2 ويوازي القطعة "النقطة 1 و2 "

موراها هاذاك المماس يتقاطع مع محور التراتيب اللي هو كمية المادة

نزيدو نرسمو خط متقطع بين t1/2 و المنحنى

نوصلو المماس من طرف محور التراتيب " وين يتقاطع " مع الخط المتقطع تاع t1/2

يولي عندنا مثلث قائم :
عند t1/2 في المنحنى + نقطة تقاطع المماس مع محور التراتيب + تقاطع الخط اللي رسمناه بين محور التراتيب و الخط المتقطع تاع t1/2

إن شاء الله تكوني فهمتي لحد الآن
موراها ندو الطول تاع ضلعي المثلث , اللي هوما مقدار t1/2  هلى محور الفواصل , ونسموه  "دلتا t"
وندو الطول الزاوج ,  "تاع دلتا n" بمعنى محور التراتيب " طول المثلث مش محور التراتيب في حد ذاتو "
ونحسبو النسبة : دلتا n تقسيم دلتا t
نصيبوها بالملي مول على الmin
ياربي تكوني فهمتي :)
بواسطة طالب متحمس (1.5ألف نقاط)  
+2 تصويتات
واش كاش لومبيونس تاع مولود ولا والوا البنات

احكولي واش درتوا
بواسطة طالب عالمي (7.8ألف نقاط)  
جاو لافامي عندنا
ونهار كامل وأنا نجري ورا القهوة ولاتاي والماعين توع ال×××××
هههه قتلوني بالعيا , وزادو العشا عاونت ماما ومبعد رحت مت مش رقدت هههه
ونتي؟
بواسطة طالب متحمس (1.5ألف نقاط)  
حنا عندنا في مولود نجوزوه مع الحومة علاخاطش عامرة. بصوارة و نواسوا نفس التقاليد مع بعضنا المهم
جوايه الظهر يزينوا الحومة و لي عندوا وليدوا صغير جامي لحفف يديه يحففلوا و يمدلوا يوزع الحلوى على دراري صغار و نطيبوا القاتوا و نشروا الحلوى او مبعدة كي. يأذن المغرب كل واحد يتعشا في داروا و تبعتي الجارتك واش درتي حنا جارتنا لي مقابلتنا قبايل بعتنالها و تضربنا بالكسكسي اممممم بنين اومبعد كي نكملوا لعشا نجتامعوا العايلة كامل و نديروا لما كيما حنا ماني تاع بابا تضرب الدربوكة هي لي كانت تواسي و حنا علابالك انا تعرفي واحد ماصفق خير مني ديتهالهم كامل و موراها بهبط واحد يطلق البوق و الحومة تهبط كامل و الحرب العالمية الثالثة  تسكني في حومتنا نهار مولود تتخلعي هههه اومبعد كي نكملوا كلش نعاودوا ندخلوا و نزيدوا نديروا سهرة تاع لتاي و كلش و نقسروا و لي يحب الحنة يدير و خلاص
حنا عادة في مولود ولد بحفف شعره
بواسطة طالب عالمي (7.8ألف نقاط)  
احنا عندنا بعد العشا نديرو الحنة خطرات , ونشعلو كل واحد شمعة واللي تكمل شمعتو لولة هو اللي يموت قبل
هههه
زعما
ونشعلو الصينيال :)
وولاد الكرطي يهبلونا بالمحيرقات
بواسطة طالب متحمس (1.5ألف نقاط)  
+2 تصويتات

هو جايني احساس بلي ماراحش نجيبوا broken heart

بواسطة طالب عالمي (7.8ألف نقاط)  
أنا نفضل نقرا وحدي
مع العم يوتيوب هههه
بواسطة طالب متحمس (566 نقاط)  
مااعلييش  مليحه  تاني  
او  اليوتيوب  راه فيه  كلشي متوفر  
او انا من النوع لي مانقدرش  نقرا وحدي  علابيها ماتعجبنيش ديك لحاله غير كي  تتحتم
بواسطة طالب عالمي (7.8ألف نقاط)  
صباح الخير :)
على العكس , وحدي مع اليوتيوب نقرا خير من مع الجماعة :)
بواسطة طالب متحمس (1.5ألف نقاط)  
هههههههههههههههههههههههههه. انا مافريتهش بين زوج
بواسطة طالب عالمي (7.8ألف نقاط)  
ههههههههههه
بواسطة طالب متحمس (1.5ألف نقاط)  
+1 تصويت
سلام خديجة واش راك دايرة فيها

وين راك لاحقة علوم اسمعي فيزيك شحال صامطة هههههه
بواسطة طالب عالمي (7.8ألف نقاط)  
وعليكم السلام ورحمة الله تعالى و بركاته :)
الحمد لله , ونتي؟
العلوم كملنا الترجمة , وغدوة بإذن الله ندخلو للوحدة 2 العلاقة بين البنية والوظيفة
والفيزيك  عجبتني , أساسا الأستاذة اللي تمنيتها تقرينا طاحت فينا الحمد لله
بواسطة طالب متحمس (1.5ألف نقاط)  
اسمعي كي يقولنا احسب سرعة تحول و يكون منحنى كمية المادة واش ندير
بواسطة طالب عالمي (7.8ألف نقاط)  
شوفي مقدار اختفاء كمية  المادة
 قصدك حساب بالأرقام ؟
لازملها شرح :)
بواسطة طالب متحمس (1.5ألف نقاط)  
مافهمتش قصدك
بواسطة طالب عالمي (7.8ألف نقاط)  
من البيان تحوسي تحسبي السرعة , صح ؟
نشرحهالك هنا ؟
بواسطة طالب متحمس (1.5ألف نقاط)  
ايه حبيبتي
بواسطة طالب متحمس (1.5ألف نقاط)  
+1 تصويت
اسمعي خديجة في مرحلة تنشيط الأحماض الأمينية الطاقة المحررة من طرف ATP  وين تروح
بواسطة طالب عالمي (7.8ألف نقاط)  
ATP ترجع ADP+P
 ومبعد في المرحلة 3 تاع تشكل المعقد الثلاثي : ممكن تكونو درتوها المرحلة 2 , على حساب التفصيل
ADPترجع AMP +P

ال ATP أدينوزين ثلاثي الفوسفات
ADP أدينوزين ثنائي الفوسفات
AMP هو أدينوزين أحادي الفوسفات
بواسطة طالب متحمس (1.5ألف نقاط)  
حنا قرينا بلي تتحول ديراكت amp + 2p  و تتحرر طاقة اومبعد هاذيك طاقة تشكل رابطة استرية بين حمض الأميني و الarnt  و يتشكل امينو اسيل arnt  و ينفصل على امينو اسيل arnt سينتاز في مرحلة اخيرة من تنشيط الأحماض الأمينية
بواسطة طالب عالمي (7.8ألف نقاط)  
حنا مازدناش هاذ التفاصيل اللي من بعد :)
صحيتي  على المعلومة
بواسطة طالب متحمس (1.5ألف نقاط)  
درتوا ياك مرحلة تنشيط الأحماض الامينية
بواسطة طالب متحمس (1.5ألف نقاط)  
راك تشوفي شكون راهو اونلين
بواسطة طالب عالمي (7.8ألف نقاط)  
درناها باختصار
شكون راه أونلاين ؟
بواسطة طالب متحمس (1.5ألف نقاط)  
+1 تصويت
خديجة الشعر التعليمي جاء بعد سقوط الدولة العباسية مباشرة و كان في عصر ادب الإنحطاط

اسمعي كي يكون موضوع تلخيص علم من العلوم النمط يكون تفسيري حجاجي مشي امري حجاجي
بواسطة طالب عالمي (7.8ألف نقاط)  
ماغسي : )
بواسطة طالب متحمس (1.5ألف نقاط)  
+1 تصويت
خديجة تعيشي سلكيني عنوان درس  لول و دوزيام و تروازيام تاع لونقلي شيختي ماتكتبش العناوين
بواسطة طالب عالمي (7.8ألف نقاط)  
هاذو علاه ما شفتهمش من قبل ؟
اسمحيلي والله غير هاذا وين راني نشوف فيهم
نتوما ما تكتبلكمش العناوين , احنا ما نقراوش قاع ههههه
هاذا واش رانا كاتنبين :
Unit 01:Ethics in business
Sequence01: Listen and Consider
أول درس درنا الأخلاق في العمل Ethics in business ص47
ومبعد درنا  دروس توع قواعد :
Expressing condition with the use of : provided that /providing that /as long as .
وبعدو درنا :
Expressing wishes with the use of :wish
وبعد درنا :
Vocabulary Explorer  ص 50
82 Online Users
5 Guest 77 Member
Today Visits : 29423
Yesterday Visits : 31206
Total Visits : 11702132

20.1ألف أسئلة

109ألف إجابة

125ألف تعليقات

25.0ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...