First time here? Checkout the FAQ!
x

الملاحظات

❤ متحف بيكاسو [ Pierre en France ] ❤

في تصنيف اللغه الفرنسية
بواسطة طالب عالمي (5.9ألف نقاط)  
+10 تصويتات
616 مشاهدات

Un, Deux, Trois Allez Allez Allez Go Go Allez Allez Allez

لك صرعتنيييييي، مفكرلي حالك ريكي مارتن! حاج تتنطوط بقى وفتحلي مخك خلينا نعرف وين بدنا نروح.

لِمَ لا نزور متحف زميلي؟

متحف زميلي؟! أول مرة بسمع بهيك اسم، وين صاير هاد؟

ههههههههههههههه أقصد متحف بيكاسو.

 Le Musée Picasso

٠_٠ هلأ بيكاسو صار زميلك؟ عشنا وشفنا والله، شوّهت سمعته للمرحوم بِنَسب زمالتك له.

هل قلتِ المرحوم؟ مؤسف، لم يدعُني أحدٌ لحضور التأبين ):

يعني برأيك لو كان عايش ليش ليعملوله متحف؟ من ايمت منكرّم الناس على حياة عينن( وهم على قيد الحياة  )؟ ما علينا شوف هالمتحف تاني أكبر متحف لبيكاسو.

ثاني أكبر متحف لبيكاسو! إذن يوجد أول!

أي طبعاً ببرشلونة

ولماذا لا نذهب إلى برشلونة؟

وليش نروح عبرشلونة! قاعدين بباريس وما أحلانا، في أحلى من باريس؟

إنها جميلة لكنني مللتُها بصحبتك.

ليش مع مين مفكر حالك رايح لبرشلونة؟

معكِ أنتِ أيضاً! Avec toi aussi!

حسناً لم أعد أريد الذهاب، هذا المتحف جميلٌ للغاية، تابعي، تابعي.

هههههههه طيب، ياسيدي هالمبنى تم بناؤه عام ١٦٥٩م...

لحظة، لحظة! وهل أنا غبيٌ في نظرك؟

أي طبعاً.

بغض النظر عن جوابك...

لأ مو بغض النظر... طبعاً أنت غبي وفيك تسأل مين مابدك.

حسناً، لن أجادلك الآن ولكن كيف قلتِ أنه بُني في عام ١٦٥٩م وبيكاسو وقتها لم يولد بعد؟؟؟

شفت أنك غبي! لو خليتني كمّل كلامي بدون ما تتذاكى كنت عرفت الجواب بدون ما تتبهدل! أنا قلت المبنى وليس المتحف.

لم أفهم!

أمري لله رح أشرح كمان، مبتلية فيك شو بعمل. هاد يا سيدي -ركّز معي ها- هاد المبنى اللي شايفو قدامك يعود للقرن السابع عشر وكان عبارة عن قصر وبعدين صار مدرسة وبعدها فندق وآاااخر شي تم تخصيصه لمتحف من أجل أعمال بيكاسو عام ١٩٨٥م . شلوني معك؟!!

واو، إنه مبنى عريق، حسناً قبل أن نخوضَ في الكلام عن المتحف ما رأيك أولاً أن نتحدّث عن بيكاسو نفسه.

أي اتفضل بتعمل عين العقل.

Merci ... بابلو رويث بيكاسو

 رسام ونحات وفنان تشكيلي إسباني ولِد في ٢٥ أكتوبر/تشرين الأول عام ١٨٨١م في مالقة، إسبانيا وتوفي في ٨ أبريل/ نيسان عام ١٩٧٣م في موجان، فرنسا. وقد تعلّم الرسم على يدي والده خوسيه رويث بلازكو الذي كان أستاذاً في الرسم والتصوير، متخصص في رسم الطيور والطبيعة. ويُنسب الفضل في تأسيس الفن التكعيبي إلى بيكاسو.

  برافو عليك... يضم المتحف أكتر من ٥ آلاف عمل فني لبيكاسو، أشهر أعماله اللوحة اللي رسمها لنفسه – والله بيحب حاله ياعمي-

ولوحة الرجل مع الجيتار وهي مرسومة بالطريقة التكعيبية – بيني وبينك أنا ما بحب هالنوع من الرسم .

اتفق معك لأول مرة هههههه

وهاد قسم المنحوتات فيه حوالي ٢٥٠ قطعة.

وفي قسم للنقوش

أما هون مكان لبيع الأشياء التذكارية.

وما هذا؟ et qu'est-ce que c'est ?

هاد مالو علاقة ببيكاسو ههه هاد من آثار الفندق اللي كان قبل المتحف، تعا بقى نطلع لفوق وناخد فنجان قهوة على هالمناظر الحلوة.

الفطور أيضاً . Je veux le petit déjeuner aussi

تكرم عينك، أنا كريمة بس أنت ما بتستاهل ههههههه

من فضلك سجل دخولك أو قم بتسجيل حساب للإجابة على هذا السؤال

9 إجابة

بواسطة طالب عالمي (8.2ألف نقاط)  
+3 تصويتات

السلام عليكم ورحمة الله وبركاته .....

جمييييييييييييل جدا الموضوع  ومميز لأنه خاص بالرسم :) 

رااااائعة سمورتي يا بطلة 

بواسطة طالب عالمي (5.9ألف نقاط)  
وعليكم السلام أهلا زنوبة تسلميلي يارب ❤
بتقوليلي يابطلة بحس عمري ١٠ سنين ههههه
دخيل قلبك ❤❤❤❤❤❤
بواسطة طالب عالمي (8.2ألف نقاط)  
ههههههههههه يا عمري ..أحب أقول يا بطلة خلاص اشيلها المرة الجاية هههههههه
❤❤❤❤❤❤❤❤❤❤❤❤❤❤❤
بواسطة طالب عالمي (5.9ألف نقاط)  
لأ يا قلبي لا تشليها طالما بتحبيها عادي هههههه بس حبيت خبرك شعوري هههههه
بواسطة طالب عالمي (8.2ألف نقاط)  
هههههههههههههه عارفة  لا لا اشيلها هههههه فااهمة عليج ❤❤❤❤❤❤
بواسطة طالب عالمي (7.6ألف نقاط)  
+2 تصويتات
يعطيك العافيه وبارك الله بجهودك

انتي وبيتر

شكرا لك ياعزيزتي
بواسطة طالب عالمي (5.9ألف نقاط)  
الله يعافيكي ياقلبي آسفة تأخرت بالنشر بس صرلي ساعتين عم حاول انشر وما كان الموقع يستجيب
بواسطة طالب عالمي (6.1ألف نقاط)  
+2 تصويتات
نفع العلاج معه هههههههههههههههههههههههههههههههههههههههه
بواسطة طالب عالمي (5.9ألف نقاط)  
هههههههههه بيتر حاقد عليك وعم يفكر يروح عالعراق خصوووصي ليغتالك لهيك دير بالك ههههه
بواسطة طالب عالمي (6.1ألف نقاط)  
ليش يا جاحد ههههههههههه فوق ماخلصتك من جنون شهد
بواسطة طالب عالمي (8.7ألف نقاط)  
شوفوا مين عم بيحكي
ملك الجنون نفسه
بس اول يا اخ روح خلص نفسك بعدين تعا احكي
بواسطة طالب محترف (4.2ألف نقاط)  
+2 تصويتات

موضوع رائع جدا 

بالتوفيق

بواسطة طالب عالمي (5.9ألف نقاط)  
تسلم يارب يا محمود
❤❤❤❤
بواسطة طالب متميز (1.6ألف نقاط)  
+2 تصويتات

ازييك سمورة موضوع رائع

انتى وبيتر تجننوا ههههه

بس عندى اقتراح مش عارفه الاء قالتلك ولا ايه؟ لو شوفتى الجدول الي مرام عملتوه للمراجعه في يوم في فرنسي ليه مش تنزلي الحلقه في اليوم ده هوريكى الجدول وقوليلي رأيك؟ 

بواسطة طالب عالمي (5.9ألف نقاط)  
اهلين ياقلبي
أي أنا شفته بس عبالي الفرنسي يومين السبت والاحد مو قلتو كل لغة يومين؟ وقلت انا بنزل الأحد... اذا فهمانة غلط خلص عادي بنزل السبت مافي مشكلة عندي
بواسطة طالب متميز (1.6ألف نقاط)  
لا زى ما مكتوب في الجدول يوم السبت
يسلم ذوقك ❤❤
بواسطة طالب عالمي (8.7ألف نقاط)  
+2 تصويتات
مسااااء الخير

بيتر وحشتني جدا كيفك ذمني عنك هاي الشريرة لسا بتمنيك بلا عشا قولي يا حمامتي الصغيرة

وبعدين يا شريرة مين هاد الى غبي والى ما بستاهل حسني كلامك والا راح اوريك الديك ارنب

بيتر الرحلة رووووعة روووووعة برافوا علكي قولي انت بتحب بيكاسو ؟

كمان دير بالك على حالك والله يعنيك على ما بتلك
بواسطة طالب عالمي (5.9ألف نقاط)  
حمامتك الصغيرة شي يوم رح اشويها واكلها هههههه
أي الديك والارنب طيبين كمان مافي فرق كله لحم
٨_٨
رح امنع بيتر يرد عليكي عقوبة
بواسطة طالب عالمي (8.7ألف نقاط)  
تشوي مين يا شريرة ولك انتي بس فكري اعمليها وشوفي شو راح اعمل فيكي

اي اي تريقي برحاتك يا ولا بلاش

ماااااااشي والله لاجي يوم وتحرره منك ولا تخلي يرد انا بوريك
بواسطة طالب عالمي (8.7ألف نقاط)  
+1 تصويت

السلام عليكم ورحمه الله وبركاته ❤️ 

مساء الخير ❤️ 

كيفك سموره وكيف حالك دكتور بيتر laugh 

حلووووو كتييير سمر 

ياتري الرحله القادمه بتكون فين smiley 

بالتوفيق ❤️⁦(✿^‿^)⁩ 

بواسطة طالب عالمي (5.9ألف نقاط)  
وعليكم السلااام
الحمدلله تمام
الله يحلي أيامك وتصير سكر متلك ههه
نحن رحلاتنا سرية ما منقول لوين حتى آخر لحظة ههههه للامانة مابعرررف
بواسطة طالب عالمي (7.3ألف نقاط)  
+1 تصويت

يسعد مساك سمر 

الله الله اشقد حلو الرحلة 

جميل يا سمورة دائما مبدعة عزيزتي 

واول مرة تصفي الافندي بلقب يليقه هههه جبتيها صح 

بس لا يسمعنا شهد والا رح يقيم قيامنا ههههه

استمري عزيزتي في طرح جميل 

دومتي موفقة دائما يا مبدعة ❤❤❤❤

بواسطة طالب عالمي (5.9ألف نقاط)  
ومساكي أسعد ياررب❤❤❤❤
تسلميلي احلى بنت خال والله
اي هو وصف حالو بالغباء الحمدلله وانا فقط اكدتلو (:
احلى شي نزّل منشور وداعا بيتر يا ترى شو رح تعمل شهد ههههههههه
بواسطة طالب عالمي (7.3ألف نقاط)  
شكرا يا قلبي وربي يسلمك حبيبتي
بس استني ما افتهمت شنو قضية منشور هاي .. يعني هذه منشور جديد لو قديم منزليتها انتي لو رح تنزليها... وليش شهد هههه ليش رح تتطلعلي شخصية افندي خلص من منشوراتك
بواسطة طالب عالمي (5.9ألف نقاط)  
له يا نجووول كشفتك بتحبيه لبيتر ووقت قررت زيله خفتي وزعلتي ههههههه لا مالو منشور قديم بس افتراض يعني هههههههه ضحكتيني
بواسطة طالب عالمي (7.3ألف نقاط)  
ومنو قالك اني بحبه هههه اصلا انا كرهته من هذاك وقت اللي غدر بيا بل امتحانات وعدني يساعدني بس طلع جبان وخوان وتركني هههه اواجه مصيري بوحدي هههه يعني فيك تقولي ما ضل ذرة محبة له ..... و هلأ هو متونس ب بنات غيري يتهنى... بس احب دائما اسبه واشوف غيري غيري يسبه ههههه فيكي تقولي كأنتقام اله هههه ....فهمتي قصدي سمورتي ما يحتاج اوضح أكثر....
بواسطة طالب عالمي (5.9ألف نقاط)  
هههههههههههههههههههه اي ماشي فهمتتتت... امممم والله اوحيتولي بفكرة شريرة ههههههه بس مو هلأ لبعدين انشالله
بواسطة طالب عالمي (7.3ألف نقاط)  
يا ستار يا سمر ههههههههههه
وشنو هي فكرة شريرة تبعك بس لا ذخليني فيها كفاية تهديدات شهد لي ما اريد أكثر من هذه ههههههه
بواسطة طالب عالمي (5.9ألف نقاط)  
هههههههه لا لا هي فكرة رح تعجبكن بس طريقة طرحها رح يكون شريرة بس رح تعجبكن انشالله ... بس حضرها وتكون جاهزة رح خبركن فيها
بواسطة طالب عالمي (7.3ألف نقاط)  
هههههههه
رح انتظرها لمنشورك بفارغ صبر
دومتي دائما مبدعة و موفقه عزيزتي ❤❤❤
بواسطة طالب متميز (1.6ألف نقاط)  
+1 تصويت

سمر حببتى هل انتي مستعده غدا السبت لسلسه بيتر اخبرتك من قبل هناك مراجعه لغه فرنسيه وكنت عايزاكي تشاركى معنا السلسه ستكون الساعه السابعه مساءا 

اتمنى ان تكوني مستعده ؟ 

وشكرا لتعاونك حببتى

بواسطة طالب عالمي (5.9ألف نقاط)  
اكيد ولو يا قلبي مالي نسيانة ..... ولكن ممكن يصير شوية تأخير بالوقت بسبب الموقع مو مني أحيانا بقعد ساعتين في محاولة نشر سؤال بقى انشالله هالمرة ما يصير هالشي ورح حاول انشر على بكير احتسابا لهيك امور
بواسطة طالب متميز (1.6ألف نقاط)  
حببتى والله تكرم عيونك ويسلم ذوقك القمر
❤❤❤
58 Online Users
0 Guest 58 Member
Today Visits : 18411
Yesterday Visits : 30449
Total Visits : 42607508

25.3ألف أسئلة

124ألف إجابة

154ألف تعليقات

29.4ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...