First time here? Checkout the FAQ!
x

الملاحظات

من هو؟ ذاك العبقرى!

في تصنيف اسئله عامه
بواسطة طالب متحمس (1.0ألف نقاط)  
+12 تصويتات
481 مشاهدات

السلام عليكم ورحمة الله وبركاته 

'مصطفى محمود'

مصطفى كمال الدين محمود مواليد سنه 1921منين بقا من مصر وتحديدا محافظه المنوفيه بس عاش حياته فى طنطا محافظه الغربيه نفس محافظه استاذنا' ابراهيم' واسفه يا دكتور مصطفى هقتحم حياتك شويتين تلاته 

كانت حياته غريبه شويه اولا كان ليه اخت (الحجه زكيه) واخ اسمه( مختار) وكان مصطفى آخر العنقود 

مصطفى مكنش زى اى طفل عادى بيحب اللعب او الخروجات كان يا اما بيقرأ كتب او يقعد شويه على الترعه او البحيره حيث العزله وعزف الناى واما فى الكتّاب 

وفى مره كان في الفصل فسأل استاذه فين ربنا وشويه اسأله من النوع ده وبدل ما الاستاذ يفهمه اولا الادب فى السؤال ويجاوبه... ضربه ضرب مهين جدا ودى كانت اول صدمه! 

ساب المدرسه لمده ٣سنوات وبعدها رجع تاتى المهم كان فيه صراصير كتير فى القريه اللى عايش فيها وقرر يتخلص منها وهو لسه عنده 12سنين راح لشيخ او بمعنى اصح دجال وعمله كام عمل فى ورق وقاله حطهم والصراصير هتمشى وعمل اللى قاله عليه وطبعا محصلش حاجه انتوا فكرتوا ايه 

ودى كانت تانى صدمه! وكان عنده معمل صغير وقرر انه يطارد الصراصير بالعلم ونجح 

بعدها عمل جمعيه الكفار بس مش كفر بالله وانما كفر بالدخل والخرافات المنسوبه لله سبحانه وتعالى 

ويكبر مصطفى ويدخل كليه الطب سنه 1945بس كان والده اتوفى وبما انه بيعرف يعزف الناى هيشتغل مع راقصه كعازف ناى

 وفى الكليه يقف قدام اول جثه حقيقيه فى حياته وتكون تحت تصرفه وتكون دى نقطه تحول كبيره جدا بالنسباله 

جثه مفتوحه، شرايين واورده، جلد وعظام، أجهزة ومخ واعصاب وليله كبيره 

ف اشترى حثه وقعد يتأمل فى ابداع الله لمده 4شهور 

استمر كعازف ناى وعود احيانا وفى نفس الوقت كاتب قصص ومقالات فى المجلات والكاتب ذو القلم الذهبى، وفى النهار طالب طب، وبعد الظهر مفكر وفيلسوف، حياه غريبه جدا! هى اللى جذبتنى و جعلتنى  اكتب عنه واعرفكوا بيه 

واتخرج سنه 1953 وتزوج واشتغل طبيب وبعدها استقال واتجه للكتابه واول روايه عملها كانت (المستحيل) ومن ارباحها اشترى ارض وبنى عليها مسجد، مسجد مصطفى محمود ودا طبعا ينفى من عليه تهمه انه كان ملحد واللى اكد انه مكنش كده فى كتابه الرائع (رحلتى من الشك الى الايمان)  قعد ٣٠سنه يدرس فى الكتب السماويه وبنى مستشفى وجمعيه خيريه ومسجد حط فوقه تلسكوب عشان كل الناس تتامل فى ابداع الله فى هذا الكون... 

سافر لافريقيا لما رجع عمل كتاب (مغامرة فى الصحراء) 

قعد مصطفى محمود ووقفوفه عن الكتابه ولكنه لم يتوقف كاب بيكتب ويخزن زى مثلا كتاب حافه الزلازل وكتاب شله الانس وكتاب العنكبوت كلها اعمال جميله..... 

وسنه 1971 بدا برنامجه المشهور العلم والايمان وتحديدا كل يوم اتنين الساعه الثامنه مساء ويستمر برنامجه 28 سنه اتعرف فى كل الوطن العربى فى اكثر من 400حلقه يجمع فيهم العلم بالايمان 

تحصله شويه مشاكل عائليه ويطلق زوجته ويتعرض عليه انو يمسك وزاره الثقافه 

ولكنه يرفضها، كتبه كانت سياسيه، دينيه، فلسفيه،  ثقافيه دا غير الروايات والمقالات وبدأ يكتب فى المحظور!  اللى هوا ايه يعنى 

كتب كتاب اسرائيل البدايه والنهايه وبعده كتاب اسرائيل النازيه ولغه المحرقه وعمل اخر كتاب( الشفاعه) 

وبعدها يتحجب تماما عن الكتابه وعن الاعلام ويتوقف برنامجه سنه 1999 

وبعدها يدخل فى عزله تامه ويتسمى كويكب صغير فى الفضاء على اسمه تكريما له

 ويقعد لوحده 10سنين 255 يوم فى المستشفى لحد يوم السبت 31اكتوبر 2009 وفى تمام الساعه 7:30 صباحا يتوفاه الله بعد 87 سنه عاشهم من الصالحين و88 عمليه انقذ فيهم حياه الناس و89 كتاب كتبه واكثر من 400 حلقه رائعه جمع فيهم بين العلم والايمان 

سكت صوت مصطفى محمود ولكن لم يسكت صوت الاذان فى مسجده الى الان..... 

مات مصطفى محمود ولكن لم تمت جمعيته التى تساعد الناس الى الان...... 

فرحمه الله عليك دكتور مصطفى محمود واسال الله ان يجعل قبرك روضه من رياض الجنة.. قولوا امين 

من فضلك سجل دخولك أو قم بتسجيل حساب للإجابة على هذا السؤال

9 إجابة

بواسطة طالب عالمي (8.2ألف نقاط)  
+4 تصويتات

وعليكم السلام ورحمة الله وبركاته... 

للامانة ما قريت المنشور بس إن شاء الله بعدين اقراه... حبيت اسلم عليج شلووونج نورر وشلون هدى وينج مختفية عسى ما شر 

بواسطة طالب متحمس (1.0ألف نقاط)  
ازيك حبيبتى زينب ♥الحمد لله كويسه واختى كمان
عادى لما تلاقى وقت اقرأيه عشان الشخصيه مهمه جدا
بواسطة طالب عالمي (8.7ألف نقاط)  
+1 تصويت

السلام عليكم ورحمه الله وبركاته ❤️ 

مساء الخير ❤️ 

كيفك اتمني تكوني بخير ❤️ 

برغم كل الصدمات الا انه من اعظم الشخصيات المصريه والعربيه 

ربنا يرحمه يارب ❤️❤️❤️ 

بالتوفيق ❤️⁦(✿^‿^)⁩ 

بواسطة طالب متحمس (1.0ألف نقاط)  
ازيك يا الاء ♥عامله ايه
انا كويسه الحمدلله بس الدراسه بدات وكده
اه طبعا انبهرت بكتابه رحلتى من الشك الى الايمان كلامه جميل جدا وعميق وطبعا من اعظم الشخصيات تأثيرا وتميزا فى الوطن العربي
بواسطة طالب عالمي (8.7ألف نقاط)  
بخير دامك بخير ❤️
يارب دايما بخير ❤️
بالتوفيق وانا كمان كلها اسبوعين وهبدأ مدارس بس هحاول انظم وقتي ان شاء الله ❤️
فعلا جمييل جدا وكمان ليه كتابات عظيمه مثل اينشتين والجاذبيه وكل كتبه هادفه ومفيده
بواسطة طالب عالمي (7.7ألف نقاط)  
+1 تصويت
ياه انا بحب الكاتب ده بس ما كنت اعرف سيرته كويس

تسلم ايدك يا نور ويعطيك الف عافية

قرأت من كتبه شوي زي في الحب والحياة، وفي الروح والجسد، والعنكبوت وحكايات مسافر.. كلهم حلوين وكمان كتاب الاحلام قرأت منو شوي

فعلا من اعظم الشخصيات اللي عرفتها عنجد شخصية عظيمة.. الله يرحمه يارب ويغفرله

موفقة ان شاء الله❤
بواسطة طالب متحمس (1.0ألف نقاط)  
ازيك مريوم ❤عامله ايه
اه فعلا كتاباته جميله وان شاء الله عاوزه اقرألو كتير
بواسطة طالب عالمي (7.6ألف نقاط)  
+1 تصويت
من اعظم الشخصيات المصريه

ارجو ان تنزلي عن فارس المنابر الشيخ عبدالحميد كشك رحمه الله عليه

وبارك الله فيك وبجهودك الطيبه

قصة جميلة جدا لأروع الشخصيات المصرية شكرا لك بالتوفيق
بواسطة طالب محترف (3.4ألف نقاط)  
للأسف شيخ كشك متشدد جدا وعصبي جدا وكمان كان بيسوء صوره مصطفى محمود وكمان فهمه غلط
بواسطة طالب عالمي (8.7ألف نقاط)  
بس انا بعرف غير كدا
صحيح انا ما سمعت ليه كتير بس يعني انا بعرف انو الشيخ كشك من اعظم رجال الدين في القرن العشرين كان متل الشيخ الشعرواري رحمه الله
بواسطة طالب محترف (3.4ألف نقاط)  
الله أعلم به
بواسطة طالب متحمس (1.0ألف نقاط)  
ان شاء الله بالتأكيد  هكتب عنه
بواسطة طالب عالمي (7.6ألف نقاط)  
اخي يوسف لا اتمنى تقرا سيرته هو مش متعصب هو حقاني فيه اشياء كثيره اتكلم عليها واتعذب بسببها
وفيه اشياء كثيره سياسيه اتكلم فيها وحصلت بعد سنوات من وفاته
اول حاجة لم اتكلم عن موتت القذافي كيف راح تكون
لم اتكلم ع روسيا عشان سوريا اقسم بالله كانه عايش معانا لليوم هذا اتمنى تسمعله وتقرا سيرته راح يتغير تفكيرك تجاهه
بواسطة طالب محترف (3.4ألف نقاط)  
+1 تصويت
وعليكم السلام ورحمة الله وبركاته

ما اروعك بجد ❤❤❤ وحقيقي من أروع الشخصيات المصرية فعلا بحب اوى برنامج العلم والإيمان ❤ شكرا لك يا مبدعة علي منشورك واسلوبك الجميل في الكتابة ❤ ما شاء الله عليكى ربنا يحفظك ويوفقك يارب.  ❤
بواسطة طالب متحمس (1.0ألف نقاط)  
شكرا يا حبيبي ♥
الحمد لله انك استفدى وعرفتى قصه حباته
بواسطة طالب عالمي (8.7ألف نقاط)  
+1 تصويت
نور الهدى الى بدي اكلها لاني ما بشوفها

كيفك اشتقت لك وكيف هدى يا رب تكون بخير هي فاتت كلية ايه

انا بحب الكاتب دا ومحظوظة جدا اني اتعرفت عليه وعلى كتبه بحد رووعة

الكل لما يسمع عنه يقول ملحد مع انو مو هيك والله ربنا يرحمه ويجعل مثواه الجنة

انا قرات ليه شوية وكتبه روووووعة روووووعة فكر مختلف ومميز بكتابته مختلف عن غيره

لا يعوض بحد وانا راح اسمع برنامج تبعه ياارب القيه على يوتويوب
بواسطة طالب متحمس (1.0ألف نقاط)  
ازيك شهود ❤انتى عامله ايه اناالحمد لله كويسه واختى كمان
ايوه هتلاقى حلقات على اليوتيوب
طبعا كلنا محظوظين انه عرفناه حبيت اعملكوا مفاجأة ♥
بواسطة طالب عالمي (6.8ألف نقاط)  
0 تصويتات
ربنا يرحمه يارب

المنشور أكثر من راااائع

بالتوفيق يارب.
بواسطة طالب متحمس (1.0ألف نقاط)  
شكرا حبيبتي ♥امنيه
وبالتوفيق لكى ان شاء الله
بواسطة طالب محترف (4.2ألف نقاط)  
0 تصويتات

امين يا رب العالمين 

الله يرحمو و يرحمنا جميعا 

بواسطة طالب متميز (1.6ألف نقاط)  
0 تصويتات

ازييك نور حببتى 

عامله ايه❤❤❤

كاتب عظيم رحمه الله شكرا للمعلومات مكنتش اعرفها جزاك الله خيرا

106 Online Users
0 Guest 106 Member
Today Visits : 4273
Yesterday Visits : 55702
Total Visits : 44230103

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...