مشكلة النوم...........
بيوم من الايام كان كاعد كريس وينتر, ورجع البيت كلش منزعج لان صاحبته تركته وراحت لشخص اخر. بقى الليل كله سهران يفكر شلون يرجعها لحد ماشاف الساعة صارت 6 الفجر وهو سهران, وعنده دوام ساعة 7 فراح اليوم عليه
كتب كريس اول كتاب اله (ويجوز مو اول كتاب) اسمه Sleep solution
حيث عرف النوم بثلاث مراحل:
النوم الخفيف: هو الي بعدك, مجرد شخص يفتح الباب انت تفزع.
النوم العميق: هنا يكون الدماغ مسترخي والجسم بعده يتحرك, (شايف من فجأ نايم وتهتز وترجع تنام, ماعرف جتك رساله لو احد اتصل عليك), المهم الجسم يتحرك ساعة طلع رجلك وساعة تدخلها بالبطانية وهكذا.
نوم الاحلام: وهي الدماغ شغال والجسم متوقف والعين تهتز بنسبة 50 حركة بالثانية لتنتج الاحلام ولو عندك كاميرة قوية صوره بوضع البطيء جدا وراح تلاحظ الشي. الكاتب يقول مو اني ماعرف صدك ولا كذب .
وجد الكاتب ثلاث مشاكل لحل النوم:
1_ البيئة الغير مريحة
2_ المشاكل اليومية
3_ الساعة البيلوجية
البيتئة الغير مريحة: كلنا عندنا بالصبح ضوضاء سواء من الباعة المتجولين او السيارات (طمامة, خضره, مي, غاز) والكثير. ثانيا: الفراش نفسه (شايف هاي الوسادة الي من اي جهة تحطها ما تقدر تنام عليها والفراش الي بي سبرنك(نابض حلزوني) (فراشي سابقا
) مكسور لو الفراش الي فيه خسفة بالمنتصف.
هنا الكاتب اقترح انك تشغل ضوضاء هادئه مثل صوت البحر وموسيقى النوم او بالصيف صوت المروحة هذة الاصوات تغلب على الاصوات المتقطعة مثل الباعة وغيرها.
المشاكل اليومية: صاحبتي تركتني, عندي امتحان, عندي مقابلة عمل, وتبقى تفكر بالمشاكل. حل المشكلة انك تجعل الدماغ يتشتت وتجعله بارق ولايفكر الابالنوم.
لازم تعرف ان النوم ليس مكان للتفكير (اجلس مع عقلك صب له شاي واخبره بذلك: احنا نريد ننام انت ليش جاي تفكر باشياء مثل: انا ليس عندي مال لاذهب لعملي! قول ياالله ربما من نستيقظ الصبح نجد بابا نؤيل جايب 5000 دولار بظرف فانت "اضحك على عقلك"
الحل الثاني احسب خواريف او كل لون ومافيه من الوان هذة الطريقة تجهد الدماغ وتبعد عنه التفكير بالمشاكل.
ملاحظة: اذا انت نصف ساعة ماقدرت تنام, انهض من الفراش لانه سيسبب لك اشياء سلبية بالمستقبل.
الساعة البيلوجية: اذا انتي سهرانة لل4 الفجر تشاهدين مسلسلات تركية والله ماعرف ليش تباوعون مسلسلات تركية شوفوا مسلسل فريندس (ايع), لا شوف مسلسل مثل لوكي او بريك باد بس مو فريندس
هنا الساعة البيلوحية وقتت الدماغ على النوم الساعة ال4 وانتي تستيقظين بال6 ولما يحين موعد الدوام لو تموتين مراح تستيقظين ساعة 7 وتنامين ساعة 12.
فحتى نبرمج الساعة البيلوجية لازم تقرر اني انام ب11 او 10 (فتجلس مع دماغك صب له شاي وتكلم وياه : ابني احنا لازم نصحى بال7, الاستيقاظ مبكر حلو, قل يالله. وبعدين اني عندي ميك اب او من ال6 نصحى او بال5 او من الليل احضر الميك اب لحد ال7 واخلص واروح) فلازم توقت الساعة على الوقت الي انت تحدده.
