First time here? Checkout the FAQ!
x

الملاحظات

قصة القط الأسود الجزء الثاني بقلم : علي محمد رسلان

في تصنيف مدونين طليق
بواسطة طالب محترف (3.8ألف نقاط)  
+7 تصويتات
218 مشاهدات

#القط_الاسود

الجزء الثاني

.

.

.

انا طبعا كنت مصدوم انى ملقتش القط جنبي بعد ما حفرت عشان ادفنه جمعت نفسي و قررت اخد الحجات و اطلع البيت تاني و اول ما طلعت حسيت ان في ريحه مش كويسة في والبيت دخلت اغير هدومي و قلت اخد دوش و اول ما بدأت سمعت صرخات مراتي من المطبخ لبست في ثواني و خرجت لقيتها بتقولي ...

انت ليه مخلصتش من القرف دة حرام عليك انت عايز تموتنا انا و ابنك من الخوف...

 فقلت لها ..

انا لقيته اختفى قبل ما ادفنه ..

طيب اتفضل اخلص منه انا مش عارفه مالك يا محمود شكلك خلاص اجننت ...

دخلت لبست هدومي و خدته في كيس اسود و رميته على جنب و خلاص بقى تفكيري ارتاح و قلت خلاص كدة خلصت من القرف دة و بعد ساعه باب البيت خبط ..

مين برا ..محدش رد ..فتحت الباب ملقتش حد مشغلتش دماغي و قفلت الباب و قلت اكيد حد بيهزر و بيغلس و خلاص ..قفلت الباب و لمحت بعدها القط ماشي قدامى ...

انت يا عم انت قط اية و زفت اية انت واحد متهم بقتل مراته و انت عمال تقولى قط و زفت اخلص و قولي انت قتلتها ليه ...

و الله ما قتلتها يا حضرة الظابط انا هكملك الى حصل و انت هتعرف اني مقتلتهاش...

طب كمل و انجز في كلامك من غير تفاصيل ممله ..

ححاضر يا حضرة الظابط .. بعد ما لمحت القط دة ماشي قدامى حسيت بخوف و رعب كبير جوايا و خصوصا اما لقيت مراتي في المطبخ بتاكل لحمه نيه ...

انتى بتعملي اية يا يسرا ؟...

فضلت تضحك و اتكلمت بصوت غريب و قالت ..

انت مالك انت خلي بالك انا سايبك تعيش بمزاجي ..

انت مين و مراتي و دتها فين انطق بقولك .؟؟

هههههههههههههه مراتك خلاص انساها ...

انطق مراتي فين ...

و بدأت ملامحها تتغير لكائن مخيف اتحولت لحد منظرة بشع قرون خارجه من دماغها و ودانها كانت طويلة و صوابعها بقت مخالب و بدأ الكائن دة يهجم عليا و انا اخدت سكينه المطبخ و ضربتها في قلبه و فجأه لقيت مراتي رجعت لطبيعتها و و هي الى ماتت لكن انا قتلت الوحش مش هي صدقني يا حضرة الظابط...

طيب بص بقى يا محمود انت طبعا عارف الشيخ كارم الى ساكن في وشك ...

اه طبعا دة راجل محترم جدا و امام المسجد بتاع شارعنا ...

طيب بص بقى يا سيدي هو موجود دلوقتي برا و هيشهد بالى شافه ...

ماشي يا حضرة الظابط...

نادي يا ابني على الشيخ كارم ..

اتفضل يا حاج كارم..

ازيك يا عم كارم ..

لا حول ولا قوه الا بالله العلي العظيم انت اية الى عملته دة بس يا محمود يا ابني ...

عملت اية يا شيخ انا معملتش حاجه..

الظابط قال..

بص يا عم كارم انا عايزك تحكي الى انت شفته اليوم دة ..

بص يا حضرة الظابط الست يسرا الله يرحمها كانت ست طيبه اووووي الحقيقة و محمود برضوا كان كويس جدا معانا و معاها و في يوم الى حصل فيه الى حصل استاذ محمود كان مروح من شغله و مكنش في اي حاجه و كل شيء كان طبيعي لحد ما يسرا بدأات تصرخ من المطبخ و تقول انت بتعمل اية يا محمود و قعدت تقول الحقوني بأعلى صوتها و انا كنت بعمل قهوة في المطبخ و كنت واقف ساعتها في المطبخ و شفت محمود ماسك سكينه و بيحاول يحطها في قلبها خرجت بسرعه حاولت الحقها و بعد ما كسرت الباب انا و باقي الجيران كان حصل الى حصل ..

ماشي يا عم كارم اتفضل انت و لو احتجناك تاني هنبعتلك ..

ماشي يا حضرة الظابط السلام عليكم..

هاااه يا محمود اية رأيك في الكلام دة ..

انا و الله بريء و ربنا شاهد ...

طيب انا عندى حد تاني عايزك تسمع شهادته .نادي يا ابني على الاستاذ صابر ...

اتفضل يا استاذ صابر طبعا انت تعرف محمود ..

ايوة ياحضرة الظابط محمود يبقى زميلي في الشغل و صاحبي من ايام الدراسه و عشرة عمر و اعرف المرحومه مراته ..

تعرف ايه عن سلوك محمود في الفترة الأخيرة..

و الله يا حضرة الظابط مكنش في حاجه متغيرة في سلوكه غير حاجه واحدة ..

اية هي الحاجه دي ...

متتكلمش يا صابر متقولش حاجه ...

يعني ايه ميتكلمش يا محمود احنا لازم نعرف كل حاجه..

محمود مقدرش يتمالك نفسه و كأن في حد بيتحكم فيه و ابتدى يهجم على صابر لدرجه انه خنقه و كان هيموته ..

الظابط نده على العساكر و قالهم بعد ما خلصوا صابر من ايدة...

وده الحبس الانفرادي.. معلش يا استاذ صابر خد نفسك كدة و اهدى و ناده على بتاع البوفيه و طلب له واحد لمون و اول ما اللمون جه قال له ...

اتفضل يا استاذ صابر و ياريت تكمل الى حصل ...

كل الحكاية انه اشترك في جرووب على الفيس بوك اسمه .

قصص رعب مخيفه جداا و كان بيكتب عليه قصص كتير و كان بيقرأ قصص كتير و مع الوقت بقى من الادمن المسئولين عن الجرووب و بقى ليه متابعين ليه على الجرووب دة و كنت بقرأ الى بيكتبه كان بيتكلم عن العالم الاخر و قريت كذا حاجه من الى كان كاتبها و بصراحه كان بيكتب كويس و قبل الى حصل بأسبوع كان جاي الشغل شكله شاحب و غريب و كأنه منمش بقاله اسبوعين و سألته...

 اية يا ابني مالك في اية ..

اسكت يا صابر ياريتني سمعت كلامك و كنت خرجت من الجرووب ..

ليه بس اية الى حصل ..

حصلت مشكله في الجرووب من يومين بيني و بين واحد على الجرووب مسمي الاكونت بتاعه القط الاسود و غلطنا في بعض و قبل ما اخرجه من الجرووب قال لي ..

انت خلاص حياتك باظت ..

و بليل بقيت بحلم بكوابيس و احلام مرعبه كلها قطط سودة و مش عارف اعمل اية و مش عارف انام ..

بس كدة يا حضرة الظابط... 

و دخل عسكري علينا بيجري و بينهج و قال الحق يا حضرة الظابط المتهم الى دخنلاه حبس انفرادي لقينها متشرح و جسمه كله بينزف و مات ...

الظابط طلع يجري للمكان الى كان فيه فضل يدور على اي اداه حادة يكون محمود انتحر بيها بالشكل المرعب ده لكن ملقاش حاجه و قال لهم اتصلوا بالاسعاف تيجي تشيله و يعملوا تقرير عن سبب الوفاة و اول ما دخل المكتب بتاعه لقى قط اسود قاعد على مكتبه و بيبص للظابط بطريقه خلته خايف و خرج من مكتبة و طلب من العساكر يدخلوا ينضفوا المكتب لانه شاف فار جوا ..

دخلوا و خرجوا و قالوا ..

مفيش حاجه يا حضرة الظابط..

القصه خلصت لكن الحكايه لسه مخلصتش الى حابب نكمل يعلق ب كمل و الى اكتفى يعلق بتم...

من فضلك سجل دخولك أو قم بتسجيل حساب للإجابة على هذا السؤال

5 إجابة

بواسطة طالب عالمي (5.9ألف نقاط)  
+5 تصويتات

كمل طبعاااا 

شكلنا بالنهاية رح نصير زي محمووود من كتر قراءة قصصك laugh❤❤❤

ابدددعتتتتت

بواسطة طالب محترف (3.8ألف نقاط)  
ههههههههههههههههههه
إن شاء الله
بواسطة طالب متميز (1.7ألف نقاط)  
+2 تصويتات

كمل كمل طبعاااangel

بواسطة طالب محترف (3.8ألف نقاط)  
إن شاء الله
بواسطة طالب عالمي (8.7ألف نقاط)  
+2 تصويتات

ودا يعلمنا انو ما نشوف قصص رعب  ولا نسمعها ولا نشوفها 

ولا انت ايه رايك ؟

كملللللل طبعا اكيد انت مش عايز تخسر حياتك laugh

بواسطة طالب محترف (3.8ألف نقاط)  
ههههههههههههههههههه
و الله أنا بحب أي حاجة فيها رعب و قليل من الرومانسية مع أكشن
حاضر هاكمل
بواسطة طالب عالمي (8.7ألف نقاط)  
وانا بعشق الرعب والاكشن بس وبحب افلام الخيال العلمي
بس المشكلة انا ما بدي افقد حياتي متل محمود هههههه

طيب راح تنطر الجزء الثالث بقا
بواسطة طالب محترف (3.8ألف نقاط)  
الجزء الثالث هاينزل بالليل بإذن الله
بواسطة طالب متحمس (767 نقاط)  
+2 تصويتات

كممممل  كممل  يا  اخي  

وااصل  

continue  

استمر 

Continuer 

Devam et 

Продолжить 

بواسطة طالب عالمي (8.7ألف نقاط)  
+1 تصويت

السلام عليكم ورحمه الله وبركاته ❤️ 

مسااااء الخير ❤️ 

قصه روووعه روووعه جدا 

بانتظار الجزء الثالث 

بالتوفيق ❤️⁦(✿^‿^)⁩ 

116 Online Users
1 Guest 115 Member
Online Members
Today Visits : 28322
Yesterday Visits : 56116
Total Visits : 44198481

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...