القط الأسود
.
.
.
الجزء الأول
انا مقتلتش يسرا مراتي يا حضرة الظابط و الله ما عملت كدة ...
طيب و الجيران الى شافوك و انت ماسك سكينه و حاتطها في قلبها دول اية ...
و الله ما اعرف حاجه انا فجأه لقيتها مرميه على الارض و ابني الى لسه مكملش 6 شهور بيبكي جنبها و في كان مضروبه بالسكينة قبل ما اشوف الوضع دة..
طيب اديني تفسير للي حصل ...
بص يا حضرة الظابط انا هقولك الحكايه من اولها و يارب تصدقني لان انا نفسي مش مصدق الى حصل معايا دة كله حصل لية و ازاي..
طيب اتفضل احكلنا يا سيدي و قول الى عندك ...
بص يا حضرة الظابط انا اسمى محمود و بشتغل في مندوب مشتريات في شركه مقاولات و الحكاية بدأت يكلام دار بيني انا وزميلي صابر اما قلت له ...
ياااااه اخيرا يوم الشغل دة خلص دة كأنه كان حالف ما يخلص ...
ايوة يا محمود مين قدك واخد اجازة 3ايام ورا بعض هتعملي فيهم اية هااااه هااااه قولي يا صاحبي هتعمل اية ..
هرتاح من غلاستك ورزالتك يا استاذ صابر ...
وجالك قلب تقولها ...
في اية يا ابني هو انت مراتي وانا معرفش ...
انت تطول دة انا كنت هفرفشك على الاخر ..
ولا لم نفسك بقولك انا هنزل هنا على جنب ياسطا نعيم نزلني هنا ...
ابقى سلم لي على محمد بيه النونو ..
انا نزلت ووقلت اشتري شويه حجات و كنت واخد اجازة عارضه 3ايام و جبت شويه حجات للبيت و كنت مشتاق لابني جدا و مراتي و اول ما وصلت قدام باب العمارة لقيت اربع كلاب شكلهم تقريبا واحد لونهم اسود و انيابهم طويلة و حتى احجامهم غريبة اكبر من العادي و الدم باين على بؤ كل واحد منهم و في على جنب زي طفل رضيع مرمي في الشارع و اتنين من الكلاب دول بينهشوا فيه و بياكلوا منه انا ساعتها قلبي وجعني افتكترت ان دة ابني حاولت انى اخليهم يبعدوا بأي طريقة عشان حتى اعرف اعدي وواطلع بيتي لكن من غير فايدة و كانوا لسه هيجموا عليا طلعت اجري و مسكت بأيدي حجر من الشارع و فجأه كلهم احتفوا من غير اثر و متفضلش غير الطفل الى في اللفه و الى كنت مرعوب ليكون ابني و فعلا رحت لحد الطفل دة و للاسف كان ابني مقدرتش امسك نفسي و ابتديت اصرخ و ابكي زي المجنون و الحجات الى كنت اشترتها سبتها. في الشارع و شيلت ابني و طلعت على البيت فوق و فضلت اخبط بعنف و فتحت لى مراتي يسرا الى اول ما شفتها انفجرت في وشها و قلت لها ...
بصي اهمالك في ابني وصله لايه الواد مات بسببك بصي عملتي في ابننا ايه ...اول ما شافت ال في ايدي صرخت و قالت لى ...
اية الى انت ماسكه في ايدك دة ازاي يجيلك قلب تقتل القط الاسود دة كدة و تشرحه بالمنظر البشع دة ...
ببص على ايدي تاني لقيت الى في ايدي فعلا قط اسود مقتول و راسه شبه مفصوله عن جسمه و هدومي و ايدي غارقنين دم كأن انا الى دبحت القط دة و كملت كلامها ووقالت ...
اتفضل نزل الى في ايدك دة في الشارع قبل ما نتلبس انا مش عارفه ازاي مش خايف على ابنك من حاجه زي دي .؟
خخخخدت القط في ايدي و نزلت و لقيت الحاجه الى كنت شاريها و قررت انى ادفن القط وو الى ساعدني على ان اخد القرار دة هو ان ارضيه الشارع عندنا رمليه فسهل انك تحفر فيها و ابتديت احفر بعد ما حتيط القط على الارض جنبي و فجأه القط اختفى كأنه مش موجود اصلا فضلت ادور عليه كتير اووووووووي لكن الغريب مش انه اختفى و بس الاغرب اني اول ما طلعت بيتي لقيت ...
انتظروا الجزء الثاني