First time here? Checkout the FAQ!
x

الملاحظات

قصة جديدة بقلم علي محمد رسلان

في تصنيف اسئله عامه
بواسطة طالب محترف (3.8ألف نقاط)  
+5 تصويتات
258 مشاهدات

قصة جديدة 

(ڤيكـتور) مات الأسبـوع ال فات هو وعائلته بالكامل ..! انا الوحيـد ال في العائلة عارف هو مـاتوا ازاي وايـه السبب، بس في الحقيقة مقـدرش اقول!! ..انـا بقالي اسبـوع مش عـارف انـام بقـالي اسـبوع بتحصلي حـاجات غريبة.. واكيـد انت دلوقتي عرفت ان اكيد كل ده مش صدفة ؟ .. خليني احكيـلك الحكـاية من الاول خالص، يمكـن تحس بال انـا بعـاني منه دلوقتي! ..

.

عائلتنا كلهـا عارفة ان (ڤيكـتور هولمـز) بيـخاف من المرايات ده مش سـر بالعكس ده حتـي اطفال العائلة عـارفين ان ممنوع اي انعـكاس يظهر في وجوده ، (ڤيكـتور) اصغر مني بس ب ٤ ايـام، ولكن عكس شخصيتي تماما، شخص منطوي وملـوش اصدقاء نهائي، اصدقائي في المدرسة احيانا كتيـر بـ يتفاجأوا لمـا يعرفوا انه ابن عمي ، يمكـن ده بسبب انه بيعـاني كتير من الصـرع وان الرهبـان ديما متواجدين في البيت وديمـا بيتردد علي الكنيسـة ، ديمـا كنت بسمـع قصص كتيـر عن (ڤيكتور) خصوصا من عمتي (هيـلجا) .. 

عمتي (هيلجـا) خفيفة الظل، ديمـا بتلمنا وضحكنا ، بس لمـا تقرر تحكلنـا حكـاية مرعبة ، بتحكلنا عن (ڤيكتور السفلي).. عمتي هيلجا مسمياه ڤيكتور السفلي، ديمـا بتحكي وبتقول اننا لازم نخلي بالنا ومنحطش اي مراية قدامه لان ده بيسـاعد كيـان شبيه لڤيكتور علي التحرر، عمتي (هيـلجا) بتقول ديمـا ان ده مرض وراثي كـان موجود في اخ ليهم اسمه (كارول) وريتنا صورته وقالت انه مـات وهو صغيـر.. وفي يـوم سالتها اثناء التجمع وقولت! 

-- عمتي كفـاية القصص ال بتحكيـها عن ڨيكتور لانه معايا في المدرسة وعمري مصدقت ال بيتقـال ده، ممكن تحكلـنا قصة عمي (كـارول) وال انتي بتقولي انه مـات قبل مابابا يتولد؟ ..

سكتت شـوية.. وبعدين بصت يمين وشمـال عنيها مكنتش طبيعية وبعدها اترعشت وقالت 

-- يلا روحوا العبـوا برا ..

كان تصـرف غريب من عمتي مفهمتوش ، حولت في تجمع ال شهر ال بعده اني اسال نفس السؤال بس تجاهلتني ونبرتها كانت فيها حده وغضب .. فاسالت والدي عن ان هل كان ليه اخ اسمه (كـارول) ؟ والدي لما سمع الاسم اتوتر وبلع ريقه بصعوبة! .. وبعدها قالي 

-ايـوه كـان ليا اخ اسمه كارول مشوفتوش ومش عـارف قصته ، انزل يادفيد هاتلي علبة دخـان! ..

الغمـوض خلاني مش فاهم ايه ال حصل، مكنش حد حابب يحكي اي حـاجة بس هنـا افتكرت شيء مهم قالته عمتي؟ .. ( مرض وراثي مصـاب بيه ڤيكتور ، كان بيعاني منه كارول) .. هنـا فهمت شيء مهم جدا!!, اني مش لازم اشغل نفسي بقصـة قديمة وانا قدامي قصة حية لشخص بيعاني من نفس الاعراض ؟.. بدأت اقرب من (ڤيكتـور) وال كـان مش بيبادلني نفس الشـعور ، ولكني مع الوقت بدأت زيارتي لبيت عمي (هولمز) تكتر ، بيـت عمي هولمز تقـريبا مافيهوش ولا مراية.. بدأ (ڤيكتور) يقرب مني واحده واحده ويحكيلي اسراره .. بدا عمي كمـان يلاحظ ان لاول مرة ابنه يحب وجود حد في البيت ويتكلـم معاه .. بس الحقيقة انـا عمري ماحبيت (ڤيكـتور) انا بس كنت ببقي عـايز اعرف هو بيعاني من ايه ليه القصص ال غريبة ال بتتقال عنه ، وليه بيتردد كتير علي الكنيسة والرهـبان.. كل ده كان لازم يستدعي اني امثل الحب .. ، ولكن ال كنت بسمعه من (ڤيكـتور) ، ميجيش ١٪ من ال كـانت بتحكي عمتي (هيلـجا) .. كنت بحـاول ديمـا اسمع منه واقنع عقلي .. اني مش مصدق!! .. بس في حاجة جوايا بتصدقه 

ديمـا يقولي ، ان في شخص شبهه بالظبط عايز يستولي علي جسمه .. وانه متواجد في المراية ولو قعد في غرفة فيها مراية لمدة ربع سـاعة بس! .. الوضع هيبقي خطير قصص كتيـر بيحكهالي كنت بتجاهلها وان الرهبان بيحُاولوا يطردوا منه الارواح الشريرة ، كلام مايدخلش العقـل! وعشـان كده كنت لازم انفذ خطـة تخليني اصدق القصة دي ، الخطـة كـانت اني هحبس (ڤيكـتور ) جوا غرفة فيهـا مراية! .. كـانت خطة مجنونة ومحتـاجة بس وقت تتتفذ في ..

استنيت كتيـر لحد ماوقتها جه!! ..كـان اسبوع امتحانتنا وفي نفس الاسبـوع ده كـان التجمع العائلي الشهري، وهنـا اقترحت اقتراح لوالدي وقـولت 

-- بابا كلم عمي هولمز وقوله يجيب ڨيكتور نذاكر انا وهو وروحوا انتو مع بعض..

والدي رحب جدا بالفكرة ووافق عليـها، وبعد دقايق كلم عمي هولمز وكـان رده بالترحـاب الشديد ! .. عمي هولمز كـان بيحبني جدا يمكن عشـان انا الوحيد ال خليت ابنه يتكلم مع شخص جديد!، والدي قالي علي التعليمـات وبدأ يغطي كل مرايات البيـت بالقمـاش ،وبعد اقل مـن سـاعة كان عمي وابنه قدام بيتنـا .. امـا والدي بيتاكد ان مفيش اي مراية مش متغطية! .. والدي مكنش عارف خطتي .. وهي اني مش هغطي المراية بتاعت أوضتي ، وهي دي ال هحبس فيـها (ڤيكتور) .. 

بمجـرد مادخل البيت هو وعمي مكنش في اي امور غربية ، يمكـن بس الشيء المرعب هو نظـرات (ڤيكتور) للمرايات المتغطية ، بعد حوالي نص سـاعة من التعليـمات ال كان بيقولها عمي وابويا ليا قرروا اخيـرا انهم يغـادروا برفقة ماما ومرات عمي ، ويسبوني انا وهو وخطـتي ، خطتي ال معتمدة اني اشيل الغطاء من المـراية واسيب ڤيكتور جوا اوضتي .. ولو الامور اتصعبت انا كده كده سايب الغطاء جوا يقدر هو يغطي المراية بنفسه ، بعد مقعدنا نتكلم شويـة وعلي الساعة ٧ مساءا قولت 

-- ڤيكتـور ايه رايك نذاكر في اوضتي ؟.. متقلقش المراية فوق متغطية كويس.. 

وافق .. وطلعنا علي السلم ، باب اوضتي كان مفتـوح طلبت منه الدخول ، وبمجرد مادخل!! .. روحت شادد باب الأوضه!! وتربست بالمفتاح ال في جيبي ، كـنت بضحك ، بضحك بهيستريا رهيبة، علي صوت صـراخ (ڤيكتور) .. كـان صراخه مليان بالدموع وهو بيترجاني اني اخرجه ، وبعدها الصـراخ اتقلب لعيـاط وتخطبيـط علي الباب بترزيع مريب.... الرعب كـان متملك منه وهو بيقـول 

-- خرجنـي .. خرجني !! متخلهوش يتملك مني!! ديفيد خرجني هيخدني ؟! 

فجأه سمعت صوت خطبة شديدة علي الباب نبهتني لل بيحصل حوليا ، وفهمت ان لعبتي المريضة طلعت اخطر بكتير من ال كنت متخيله ، بـسرعة فتحت باب الاوضة ودخـلت ، (ڤيكتور) مكنش في الاوضة! فضلت اتمشي بهدوء في الاوضة وانا بنادي عليه 

- ڤيكتـور .. ڤيكتور انت فين!! ..

كنـت سـامع صوت صراخ بس كانه جي من مكـان بعيد اوي!!.. وانا بتشمي بصيت علي المراية ، لقيت انعكاس غريب وفي ضباب ، كنت شايف خيالات بتتحرك جوا المراية ، الحركات كـانت غريبة ومش مفهومة.. لحد ماشوفت ڤيكتور!! كـان بيتسحب من الخيالات دي وهو بيصـرخ ، لحـد ما كيـان من الكيانات دي حط ايده علي بؤه ، نظرت (ڤيكتور) خليت الدم مش عايز يجري في عروقي!! بدون تفكيـر جريت علي المـراية وحولت امسكه بس مفيش اي فايدة .. كنت بصـرخ وانا بخبط علي المراية زي المجانين ، الموضوع كـانه كنت بهلوس او بحلم ، شيء مش طبيعي بيحصلي .. بعد حوالي دقيقة المراية رجعت لشكلها الطبيعي وكل حاجة هديت خالص ، كنت واقف قدام المراية في حالة ذهول! مش مصدق ال شوفته ، كنت متنح لانعكاس صورتي في المراية! .. بعدها لقيت حد بيتحرك في الاوضة بصيت علي يميني ..عشان الاقي (ڤيكتور) بيقرب مني وهو بيبتسم.. 

جريت عليه وانا بحضنه وبتاسف وبقول 

-- انا اسـف حقيقي انا اسف .. 

بس لحظت حاجة غريية ، ڤيكتور كـان سخن اوي ومش طبيعي ، كان بيبتسلمي ابتـسامة غريية جدا وعينه مفتحه علي الاخر ، عينه كانت متغيـرة .. جدا وصوته كان غريب وهو بيقولي ..

- متتـاسفش ده انا عـايز اشكـرك ، ومتقلقش انا كنت مخضوض شويـة ..

سابني ومشي وهو بيبص علي المـراية وبيضحك ، كـان بيضحك ضحك مش طبيعي !!.. بعدها خرج من الاوضه وفضل يفك كل القمـاش ال علي ال مرايات!! ، كنت مسـتغرب جدا ال بيحصل؟؟ .. كنت بمشي وراه وانا مش فاهم ايه ال بيحـصل!! .. 

دخل الحمـام وفضل فتـرة ، كنت سامع ضحكـاته جوا .. وبعد خروجه شوفت لمعة في عينه اول مرة اشوفها.. نظرات عينه وهو بيتـامل كل ركن في البيت كانت مش طبيعية!! .. فضل علي الوضع ده اكتر من ٣ ساعات ، .. ٣ ساعات مقولناش ولا كلمـة لحد ما اهلنا جت!! .. وبمجرد ماجم لقيته جري علي عمي هولمز وزوجته!!. وبيرحب بوالدي وامي بترحيب شديد لدرجته انهم استغربوا جدا ، عمي قال وهو بيضحك .

-- واضح ان ديفيد الوحيد هو ال معاه سر ڤيكتور وقادر يخليه يبقي اجتماعي..

بس قبل ميخرجوا .. ڤيكتور بصلي نظرة عمري ماهنسها ، ابتسامته كانت مرعبة وهو بيشكرني وبيقولي 

- انت التالي! ..

مكنتش فاهم الجملة او ايه معناها .. لحد ماجه اتصال لبابا في نفس اليوم الساعة ٣ بعد منتصف الليل , المتصل كان بيخبر والدي .. ان ڤيكتور وعائلته البيت ولع فيهم!! .. انا الوحيد ال عـارف ال حصـل!! ، ال روح مع عمي ده مكنـش ڤيكتور!!..

بقـالي اسبـوع دلوقتي بعـاني من المـراية ، بقـالي اسبوع بشـوف شخص شبهي بالظبط الغريـب انه مش بينفذ اي حركة انا بعملها في المراية .. ده بيبستم كانه بيتريق عليا .. ، الامر بعد كده اتطور وبقي يتكلم ويقول ..

- انت انعكساسي مش العكس !! 

 الامر اتطور ومبقتش اشوفه لوحده لا ده في اتنين وراه ، الاتنين دول مربوطين .. وفي مكان تالت بس مفهوش كد .. الاول كان ڤيكتـور .. اما التاني ده كان طفل صغيـر!! انا عارفه كويس .. ده كـارول! ال ورتهولنا عمتي في الصورة ! .. امـا التالت محطوط صورتي .. انا لازم .. لازم من دلوقتي مبصش علي اي مراية ! ..

#تمت

من فضلك سجل دخولك أو قم بتسجيل حساب للإجابة على هذا السؤال

6 إجابة

بواسطة طالب عالمي (5.9ألف نقاط)  
+4 تصويتات
تحفةةةةةة  . مبدعععع
بواسطة طالب محترف (3.8ألف نقاط)  
شكراً جزيلاً لك على قرائتك و كلامك
بواسطة طالب محترف (4.2ألف نقاط)  
+3 تصويتات

بجد قصة رائعة جدا

ابدعت

بواسطة طالب محترف (3.8ألف نقاط)  
شكراً جزيلاً لك
بواسطة طالب محترف (4.2ألف نقاط)  
العفو اخي
احنا إلى نشكرك
بواسطة طالب متحمس (1.2ألف نقاط)  
+3 تصويتات

مساء الخير 

قصة رائعة و إبداع 

استمر 

بالتوفيق لك 

بواسطة طالب محترف (3.8ألف نقاط)  
مساء النور
شكراً جزيلاً لك
إن شاء الله
و بالتوفيق لك أيضاً إن شاء الله
بواسطة طالب عالمي (7.7ألف نقاط)  
+3 تصويتات

يااه القصة دي لازم تتعمل فيلم laugh

الحج ديفيد دا مكنتش مرتحالو من الاول هههههه

صديق خاين وخادع

قصة رائعة جد جد جدا أخي علي

استمر بنشر المزييد

بالتوفيق

بواسطة طالب عالمي (8.7ألف نقاط)  
مش خادع هوا بس الفضول
زي ما بيقولو الفضول قتل القطه ههههه
بواسطة طالب عالمي (7.7ألف نقاط)  
خاااااادعععع
كان ممكن يسألو بكل ادب واحترام مش يروح يكذب عليه
بواسطة طالب عالمي (8.7ألف نقاط)  
+2 تصويتات

السلام عليكم ورحمه الله وبركاته ❤️ 

مساء الخير ❤️ 

مش هبص على مرايات تاني angel 

حراام انا خفت من القصه دي اوي ههههههههههه 

رووعه بجد استمر 

بالتوفيق ❤️⁦(✿^‿^)⁩ 

بواسطة طالب محترف (3.8ألف نقاط)  
و عليكم السلام و رحمة الله و بركاته
مساء النور
لسه عادي بصي على المرايا بس مش قوي
لا سلامتك
شكراً جزيلاً لك
و بالتوفيق لك أيضاً إن شاء الله
بواسطة طالب عالمي (8.7ألف نقاط)  
ههههههههههه
 ان بقف العب قدام المرايه بس مشفتش حاجه
سليمه لسه
❤️❤️✨
بواسطة طالب محترف (3.8ألف نقاط)  
ههههههههههههههههههه
بواسطة طالب عالمي (7.7ألف نقاط)  
ههههههههه
بواسطة طالب عالمي (8.7ألف نقاط)  
+1 تصويت

مساء الخير على 

قصة روووووعة 

ابدعت ما شاء الله 

تحياتي smiley

بواسطة طالب محترف (3.8ألف نقاط)  
مساء النور
شكراً جزيلاً لك
و لكِ أيضاً إن شاء الله
108 Online Users
0 Guest 108 Member
Today Visits : 19596
Yesterday Visits : 59310
Total Visits : 42394272

25.3ألف أسئلة

124ألف إجابة

154ألف تعليقات

29.4ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...