First time here? Checkout the FAQ!
x

الملاحظات

❤ المملكة الكوشية [ بيتر بين العرب ] ❤

في تصنيف اللغه العربية
بواسطة طالب عالمي (5.9ألف نقاط)  
+13 تصويتات
699 مشاهدات

مساءُ الخيرِ أصدقائي

ستكونُ رحلتُنا هذه المرة إلى لُبنان فهي على مَقرُبةٍ منّا ..

ومين قال رايحين عَلبنان!!!!! عيني انشالله صدقتلي حالك وصرت الآمر الناهي! لاااا ابني الرحلة عسابي يعني أنا اللي بقرر وين منروح لهيك رايحين عالسودان.

ياللهول!!!! من سوريا إلى السودان شتّااان بينَهُما ، المسافاتُ شاسعةٌ للغاية !

لا شتان ولا شي السودان يعني السودان ، رُفِعت الجلسة .

حَسَنٌ ): .

يا سيدي هل تعلم أن السودان فيها تنوّع سياحي حلو كتير ..أكيد لا تعلم من وين بدك تعلم أصلا .. احكيلك بقى بشمال السودان في آثار الممالك الكوشية النوبية القديمة اللي تُعتَبر مهد الحضارة البشرية لانه فيها أهرامات ومعابد فرعونية .

أما بالشرق يا سيدي عندك البحر الأحمر و شعبه المرجانية ساحرة الألوان .

 و بالغرب بقى عندك صحاري رملية و قمم بركانية ... فضلاً عن نهر النيل طبعاً

لم أفهمْ شيئاً (: .

أي معلوم ! على قولة الفراهيدي :

لو كُنتَ تعلمُ ما أقولُ عذرتَني

أو كُنتَ تعلمُ ما تقولُ عذلتُكَ

لكن جَهِلتَ مقالتي فعذلتَني

وعلِمتُ أنّكَ جاهلٌ فعذرتُكَ

يالهُ مِنْ رد !!!!

احذرْ عدوّكَ مرّة واحذرْ صَديقَكَ ألف مرّة

فلربّما أنقلبَ الصّديقُ فَكانَ أعلمَ بالمضرّة

هههههههههههههه لك شبك عم نمزح معك فوراً زعلت وعملتها قصة يلا يلا لا تنزعلنا المشوار ، افردها وكمّلّي من خبرتك يا معلّم.

تنتشرُ في السودان الآثارُ التاريخية التي تعكِسُ الحضاراتِ المختلفة التي مرَّتْ على البلاد بدءاً من آثارِ النوبة في الشمال وآثار سلطنة الفور في الغرب والفونج في الوسط ثم الآثار الاستعمارية والمهدية في سائر أنحاء السودان.

يوجد حوالي 220 هرم موجودة في الولاية الشمالية التي تبعد عن الخرطوم 500 كم .

 وتُعَدُ من أقدمِ الأهرامات في وادي النيل التي أقامَها الحُكّام الكوشيون. اشتهرت النوبة بكثرة بناء الأهرامات حيث كان النوبيون يعتقدون أن ملوكهم آلهة أحياء وعندما يموتون هم وملكاتهم لا بد من دفنهم في مدافن عظيمة. لهذا يوجد بها أهرامات عديدة أكثر مما موجود حالياً في مصر.وأكبر الأهرامات النوبية مرواه ونوري والكوري . وإلى جانب الأهرامات توجد عِدَةُ معابدَ قديمة منها:

 معبد الأسد أبادماك 

ومعبد آمون 

 والكشك الروماني 

 وكلها تقع في مدينة النقعة .

أي بس بس حاج عطيناك دور تحكي .. بكفي صار دوري!

حسناً ..

ليش هون قلت حسناً وفوق قلت حسنٌ؟

لا فرق كِلاهما صحيح ..

يالطيييف جوابك على قد السؤال . اشرح شوي قول هي كذا إعرابها وهي كذا.. طيب طيب ماشي ماعلينا ... ما بدك تختم بفقرتك المميزة؟

لا ... لأنني مشغووولٌ جداً

وشو شاغلك بقى؟

هل نسيتي؟ بقي أسبوع على موعد المدوّنة! عليَّ الاستعداد .

هااااا إي أمرك دكتور، لا تواخذنا أخدنا من وقتك

 ههههه ( كتب نسيتِ بالياء هههه شكله متوتر صاحبنا ) ، طيب ما بتاخدلنا صورة تذكارية .... خلص خلص مابدنا شي سكتنا (: .

من فضلك سجل دخولك أو قم بتسجيل حساب للإجابة على هذا السؤال

8 إجابة

بواسطة طالب عالمي (8.7ألف نقاط)  
+5 تصويتات
سامو منشور روووعة

وصور تحفة ما تصدق انها موجودة في السودان

ياعم الوطن العربي اجمل مكان في العالم واكتر مكان متنوع بكل شي

بس هو انتي ازي تصرخي كدا على بيتر انا موجودة وبعدين خلي يروح المكان الى بدوه ياه راح تزلي لانو الرحلة على حسابك هههههههه
بواسطة طالب عالمي (8.7ألف نقاط)  
يعني انا هيك جملتي غلط لاني حاطة a  والحلق جمع
بواسطة طالب عالمي (5.9ألف نقاط)  
ايوا لازم تشليها
بواسطة طالب عالمي (8.7ألف نقاط)  
تمام تمام
شكرا سامو كتير
غلبتك معي
بواسطة طالب عالمي (5.9ألف نقاط)  
لك له ولو نحن في الخدمة خاصة للحلوين اللي اسمهن شهد .....( بيتر وصاني فيكي  لازم اساعدك  والااااا...)ههههههه
بواسطة طالب عالمي (8.7ألف نقاط)  
حبيتبي انتي الحلوة والعسل وكل شي حلووو ♥️♥️♥️
لكن هيك القصة بس عشان بيتر وصاكي عليا امممممم ايه كتر خيرك غلبتي حالك
بواسطة طالب عالمي (7.7ألف نقاط)  
+5 تصويتات
حلوووو كتيير✨❤❤❤❤❤

المسافات شاسعة اي بس وصلتو بسرعة الضوء ههههههه بس عنجد معلومات مذهلة ومفيدة

لسا ما نسيت موعد المدونة ضل ست ايام؛) بالتوفيق سمور

اقصد بيتر احم

بالتوفيق بيترناا

❤❤❤
بواسطة طالب عالمي (5.9ألف نقاط)  
طبعا وصلنا بسرعة راكبين على غزالة طليق ههههههه
حبيبتي مريووومة ❤❤
تسلميلي يارب انشالله تكون المدونة عند حسن الظن
بواسطة طالب عالمي (8.7ألف نقاط)  
+4 تصويتات

السلام عليكم ورحمه الله وبركاته ❤️ 

مساء الخير ❤️ 

كيفك سمر اتمني تكوني بخير ❤️

اخبارك بيتر 

المره الجاي بتكون على لبنان عشان بحبهاااا كتيير ❤️ 

بانتظار المدونه 

بالتوفيق ❤️⁦(✿^‿^)⁩ 

بواسطة طالب عالمي (5.9ألف نقاط)  
وعليكم السلام ألووء مسا الورررد
خلص تكرمي نشوف بقى رأي بيتر هالمرة راح اخد رأيه بالرحلة هههه
قريبا انشالله ❤❤❤❤❤
بواسطة طالب عالمي (6.1ألف نقاط)  
+3 تصويتات
يخرب بيتك بيتر طالع تجنن بالجلبية
بواسطة طالب عالمي (5.9ألف نقاط)  
من بعدو ما حدا يلبس
بواسطة طالب عالمي (6.1ألف نقاط)  
اي هههههههه
بواسطة طالب عالمي (7.3ألف نقاط)  
+3 تصويتات
يسعد مساك سمورتي❤❤

ابدعتي تسلم ايدك ويعطيكي الف عافيه على منشور رائع ومعلومات اول مرة اعرفها عن السودان تصدقي وانا مفكرة انو بس مصر بيها اهرامات وتفأجات لما شفتها في السودان عنجد المعلومات روعة

يرادلي اخذ رحلة على السودان واخذ بيها صورة تذكارية بس على حساب افندي ههه واذا ما قبل فقولي له امون لن يسامحك هههههه

شكرا عزيزتي على طرح رائع

دومتي بالخير والتوفيق دائم لك وللجميع
بواسطة طالب عالمي (5.9ألف نقاط)  
ومساكي أسعد بنت الخاااال❤
الله يعافيك يارب للأمانة ماكنت مقررة هالاسبوع اعمل رحلة عربية بس انطلبت مني وما قدرت خجل حدا .. والله السودان فاجأتني  انا اخترتها لانه خطرت عبالي وماسبق حدا حكى عنها شي لهيك تم اختيارها الحمدلله عجبتكن  سعيدة جداااا جداااا
لك بتنووووري على حسابي ولا منية لا افندي ولا غيروووو
بواسطة طالب عالمي (7.3ألف نقاط)  
ههههههه
الله يسعد قلبك وايامك دائما يا سكر ❤وتسلملي يا احلى بنت عمة ❤❤❤❤
قلتلك مسبقا انتي أساس ابداع وما شاء الله ابدعتي فعلا في طرح المعلومات احسنتي عزيزتي ❤
اي والله بلا منية الافندي... اجي على حسابك احسن وان شاء الله ما اكلفك كثير
دومتي موفقة عزيزتي بأنتظار ابداعك في منشورات جاية ❤
بواسطة طالب عالمي (5.9ألف نقاط)  
حبيبي على راسييييييي ❤❤❤❤❤❤❤❤
بواسطة طالب عالمي (6.6ألف نقاط)  
+1 تصويت

صباح الخير سمورر 

ما شاء الله السودان جميلة فعلا 

لقد اصبح بيتر كسول ههههه , لم اعلم ان بتير ايضا دكتور سوف ارى المنشور السابق :)

شكرا سموور على المنشور الرائع heartheartsmiley

بالتوفيق للجميع 

بواسطة طالب عالمي (5.9ألف نقاط)  
أهلااااا ربى❤❤❤❤ كيفك
صباح الورد اي ياعم دكتور ومخبى بتيابه  شوفي منشور المدونة  باسم Doctor Peter  
العفو ياقلبييي
بواسطة طالب عالمي (6.6ألف نقاط)  
الحمد لله تمام ، كيف حالك انت⁦♥️⁩
لك ايه ما عرفته لبيتر متغير كتير ما توقعت يطلع دكتور :)
وكمان بدو يقدمها بالعربية الفصحى صحله مكان يقدم فيه أن شاء الله ما يخطئ عشان ما يصير خناقات هههه
الحمد لله لحق حالي بعد اربع ايام لمدونة الدكتور بتير
بقى قولي لبيتر قصدي الدكتور بيتر نحن منتظرين المدونة و متحمسين جدا
يعطيك الف عافيه سمور على كل منشوراتك الجميلة ⁦❤️⁩ ⁦(. ❛ ᴗ ❛.)⁩
طول عليك حبيبتي ، دمت بخير وسعادة ⁦♥️⁩⁦♥️⁩⁦♥️⁩
بواسطة طالب عالمي (5.9ألف نقاط)  
حبيبة قلبي يا ربى  دووووم بخير انشالله
الله يعافيك يارب و انشالله تكون مفيدة وممتعة في آن معا❤❤❤❤❤❤❤❤❤
بواسطة طالب عالمي (6.6ألف نقاط)  
يدوم محبينك ⁦♥️⁩⁦♥️⁩⁦♥️⁩
أن شاء الله يا رب ⁦♥️⁩
بواسطة طالب اسطوري (11.7ألف نقاط)  
+1 تصويت

السلام عليكم 

كيف حالك عزيزتي سيمران ؟ 

الرحلة كانت رائعة , شكرا جزيلا ياسيد بيتر 

هل ستزوروننا يوما ؟ 

أم أنكم ذهبتم أثناء غيابي ؟

بالتوفيق للجميع smiley

بواسطة طالب عالمي (5.9ألف نقاط)  
لك اهلاااااا اشتقتلكككك
والله كان في رحلة مخططة للجزائر بغيابك بس لظروف أجلتها  ... ههههه من حظك والله انشالله خلال الأسبوع الجاي
نووورتييي❤❤❤❤
بواسطة طالب اسطوري (11.7ألف نقاط)  
مساء النور عزيزتي سمر :)
كيف حالك يا عسل؟
الحمد لله لم تأتو , كانت عندنا بعض المشاغل من حريق وغيرها
أما الآن فالجو أمان والحمد لله , تعالي أنت والسيد بيتر
تشتاق لك الجنة ❤❤❤
بواسطة طالب متميز (2.3ألف نقاط)  
+1 تصويت
السلام عليكم

كيف حالك ؟

لم نتحدث منذ مدة طويلة , ما هي أخبارك ؟

بالتوفيق ..............
بواسطة طالب عالمي (5.9ألف نقاط)  
وعليكم السلام
هلا وغلا
كيفك
صرلي فترة ما دخلت الموقع
شو اخبار كتاباتك؟
بواسطة طالب متميز (2.3ألف نقاط)  
الحمد لله بخير
أوقفت الكتابة لأنني مشغولة
و لكنها ستعود بإذن الله
لن أتوقف نهائيا عن ذلك بإذن الله
أنت كيف حال رحلاتك ؟
بالتوفيق ........
بواسطة طالب عالمي (5.9ألف نقاط)  
بالتوفيق انشالله  الله يقويكي
رحلاتي وقفت من عدة اشهر ههههه خلص تعطلت الطيارة
بواسطة طالب متميز (2.3ألف نقاط)  
أكملي بالسيارة أو حتى بالباص
إن أردت مشيا فلا بأس , نحن لا نمانع ههههه
المهم لا تتوقفي هههه
بالتوفيق .........
128 Online Users
0 Guest 128 Member
Today Visits : 34050
Yesterday Visits : 56116
Total Visits : 44204200

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...