مكنتش بحب حد يضربني طالااما معملتش حاجه غلط
فكنت هديه جدا مع المدرسين اوقات لما الفصل كان ببعمل دوشه الميس كانت بتقرر انها هتضرب الفصل كله وانا كنت بقعد اعيط عشان معملتش حاجه وهتضرب ظلم فكانت بتقولي خلاص والله خلاص مش هضربك اسكتي ههههههه
بي هي مره مدرس ضربني بتاع رياضه ولي عشان كان بيشرح والقلم وقع من ع الديسك جنب مني وطيت اجيبه .. هو اصلا كان مستقصدني عشان الفصل كله كان بباخد درس عنده وانا مكنتش بحب شرحه وكنت باخد عند حد تاني وده كان فسته ابتدائي ساعتها ادايقت جدااا ومن ساعتها قررت اي مدرس او مدرسه يضربتي تاني برفض وبيني وبينه المديره او ولي الامر ولو درس خصوصي هسيبله الدرس
وده لي لاني مقطنعه جداا ان الضرب مش وسيله للتعلم وبيعقد الطلاب فالدراسه وفالماده واصلاا الضرب ممنوع فالمدرسه
واصلاا من بعدها مفيش حاجه كانت بتخلي ان ممكن مدرس يضربني لاني مكنتش بعمل حاجه وكنت الحمد لله مستوايا كويس فالدراسه
وده لحد ما وصلت ثانوي فاولي ثانوي بقي كان في مدرس رياضه ومشهور جداا فالمحافظه ومش بياخد غير مجموعه واحده والي هما اوائل المدارس بس
اخدت عنده بس مكنتش بداه باول حصه فمعرفتش قوانينه
المهم كان عليا دروي قبله وطالعه من الصبح ومفطرتش وكان في نص ساعه بينه وبين الدرس الي قبله قولت هجيب اكل باتيه مثلا او اي حاحه وهاكل فالصاله بتاعه الانتظار ع ما يخلص المجموعه الي جوه فاكلت وكل حاحه فشافني فالكاميرات دخلت بيقولي افتحي ايدك ليكي ٤ عصيان قولت لي هو حثل اي !!؟ قالي عشان اكلتي يا تفتحي ايدك يا تروحي قولتله ههروح وبس كده
عارفه اني كتبت قصه عمري تقريبا هههههه يلا معلش بقي سرحت في الذكريات هههههه