First time here? Checkout the FAQ!
x

الملاحظات

قصة البيت الملعون الجزء الرابع و الأخير بقلمي : علي محمد رسلان

في تصنيف مدونين طليق
بواسطة طالب محترف (2.6ألف نقاط)  
+5 تصويتات
38 مشاهدات

قصةالبيت الملعون 

الجزء الرابع

بقلم : علي محمد رسلان

.

.

قبل ما اكتب الجزء الرابع و الاخير من قصة البيت الملعون احب اعرفكم اني كل ما ابتدي اجمع افكار و اكتب الجزء دة بلاقي صوت سامعه من جوايا بيقولي لا بلاش تكمل بلاش الجزء دة بالذات لكن طبعا انا اتعودت انهى كل قصة بكتبها نرجع لقصتنا تاني و نقول ....

بعد ما ابو عمر بادلني بأبنه وخرجه بره البيت الملعون و سلمني الشخص الغامض دة

على عكس ما كنت متوقع مكنتش حاسس بخوف خصوصا اما ابتدى يكشف عن ملامح وشه و ابتدوا هما يحسوا بالخوف و الفزع بان على ملامح الكل و ابتدى يتكلم و قال ...

هااااه يا فضل اتكلم انا ولا تتكلم انت عموما انا هوفر عليكم كلكم الاحراج مع انكم عارفين كل حاجه من ساعه ما دخلنا البيت سواا لحد ما خرجتوا و سيبتوني ليه بعد ما اتفقتوا كلكم معاه فاكرين ولا نسيتوا ... بعد ما قال كدة لقيت نفسي بنفعل و بقول...

فاكرين اية و نسيوا اية مين دة يا شيخ فضل رد عليا ...

بعد توتر و سكوت مدامش اكتر من دقيقة قال ..

دة جلال ابوك يا سيد ابوك الى ال٣ الى قدامك دول خلوة يدخل البيت هنا بدافع المغامرة مع انه كان رافض الموضوع نهائي لكنه ضعف قدام التنمر بتعهم و حب يثبت شجاعته ليهم على حساب اي حاجه و اما دخلوا البيت اكتشفوا ان في ساحر عايش فيه و كنت لسه مخلص صلاه الفجر و مروح من الجامع سمعت أصوات بتصرخ من البيت و اول وصلت عند الباب لقيته مفتوح قلبي اتقبض فكرت كتير قبل ماا ادخل و في الاخر دخلت لقيت الاربعه متكتفين و عرايا حاولت ادافع عنهم ضد الساحر لكنه كان معاه ملوك من ملوك الجن السبعه بمقدار قوة مخيفه و رهيبه استخدمت معاه الجني الى كنت مخاويه و الى كان اسمه ضخيش لكنه هرب اول ما شاف حجم القوه و الساحر وافق اننا نخرج و كان عنده شرط واحد ....

ايه الشرط دة ...

الشرط كان اننا نخرج ٤ مش ٥ و يفضل واحد منهم يكمل مع الساحر و للاسف كلهم اختاروا والدك يا سيد ....

والدي ساعتها قال....

 قصدك كلهم خافوا و انت معاهم انا مكنتش هختار كدة ابدا لكن انتوا اخترتوا و انتوا عارفين اني كنت لسه اب جديد و كنتوا عارفين ان مصيري العذاب و خصوصا انت يا فضل اوعى تكون فاكر انه مكنش عارف انك كنت بتعدى من قدام البيت كل يوم و الى متعرفهوش كلكم انه في البداية قعدنا في اوضه لوحدي لمدة ٣ ايام و قدامي اكل لكن ايدي و رجلي متكتفين واقف بلا حركة و بعد ما الايام دى خلصت 

دخل و عمل عليا رصد و طقس شيطاني منعني من الخروج من البيت و الى لازم تعرفوه انه مع مرور الوقت ابتدى يعلمني كل انواع السحر السفلي و الاسود و في يوم قال لي ...

اوعى تفتكر انى خليتك تعيش هنا معايا لاني عايز اعذبك او ان هما الى ضحوا بيك بالعكس انا اخترتك من بينهم ..

طيب اخترتني ليه ...

عشان تورث السحر من بعدي و من وقتها ابتديت اتعلم منه كل حاجه و كان بيجيلوا ناس من كل مكان و مش هتصدقوا مين الى كان بيدخلهم هههههههههههههههههههههه طبعا مش هيصدقوا يا فضل ... عموما انتوا عرفتوا الحقيقة خلاص و انتوا دلوقتي محسوبين على الاموات انا برضوا محتاج دم كتير عشان في ناس كتير بقت بتيجي ليا دلوقتي ...

بعد ما خلص كلامه .... ظهر ناس لابسين نفس لبسه خرجوا من الضلمه و كتفوهم و بعدها خدوهم كل واحد على اوضه لوحدة صرخاتهم كانت ملت المكان و بعدها ضمني ليه و قال ...

وحشتني اووووووووي يا ابني و امك عامله ايه ..

الحمد لله بخير اتقدم لها ناس كتير لكنها دايما كانت بترفض...

طيب بص يا ابني انا عايزك تخليها تيجي معاك لكن قبل كدة عايزك تخرج و تبين للى برا ان الاباء ماتوا خلاص و انك خرجت بعد ما هربت بالعافيه و قدرت تخرج ...

بالفعل دة الى انا عملته و رجعت لولدتي و قلت لها ...

انا اكتشفت سر خطير و انا في البيت دة و مش عايز حد يعرف حاجه عنه غيرك و بعد الحاح شديد وافقت و اول ما راحت و شافت ابويا فقدت الوعي من الصدمه بعد ما فاقت خدت وقت اما استوعبت الى حصل و بعدها بقينا بنزور والدي كتير في البيت دة و كنت بقضي معاه ايام كتير و ليالي و اتعلمت منه اساليب كتير من السحر السفلي و الاسود لكن بعد مدة لقيته بيطلب مني اني و لمدة شهر امتنع عن زيارته و اداني ٤ كتب سحر و مبلغ مالي كبير و فعلا نفذت طلبه و بعد مرور أسبوعين البيت كله النار مسكت فيه و قامت حريقه كبيرة و عشان الناس عارفه ان البيت ملعون محدش قرب منه غير و انا بالرغم من محاولتي انى اطفيه لكن من غير فايدة و للاسف والدى مقدرش يخرج لانه كان عليه رصد بعدم خروجه حصل ليا انا و امى نوبة زعل شديدة لحد بعد مرور أسبوعين لقينا حد بيخبط علينا الباب و اول ما فتحت لقيت والدي واقف على باب بيتنا ...

طب ازاي انت حي يا والدي ...

انا قدرت افك الرصد الى عليا اخيرا و حرقت البيت و خرجت منه مطولناش في البلد و سيبناها و نزلنا عيشنا في الاسكندرية و دة المكان الى والدي ادفن فيه بعد ما ساب لي فلوس و علم لكن للاسف غير نافع ضرني كتير اكتر ما فادني 

..

النهاية..

تمت

من فضلك سجل دخولك أو قم بتسجيل حساب للإجابة على هذا السؤال

4 إجابة

بواسطة طالب عالمي (5.2ألف نقاط)  
+3 تصويتات

السلام عليكم ورحمه الله وبركاته ❤️ 

مساء الخير ❤️ 

رروووووعه القصه جميله جدا 

بس مش كنت متوقعه النهايه كدا كنت متوقعه زومبي جوا البيت وهياكلوهم

 او انهم هينقذوهم ويخرجو ما عدا واحد زي ما حصل مع والده 

بس النهايه دي احلي تسلم كتيير ❤️ 

بالتوفيق ❤️⁦(✿^‿^)⁩ 

بواسطة طالب محترف (2.6ألف نقاط)  
و عليكم السلام و رحمة الله و بركاته
مساء النور
شكراً جزيلاً لك
دي حاجة بتتعمل في عقل القارئ ، إنه يتخيل شئ و يطلع شئ آخر
و بالتوفيق لك أيضاً إن شاء الله
بواسطة طالب محترف (4.0ألف نقاط)  
+3 تصويتات

قصة جميييلة جدا اخي 

قصة خيالية روعه

بواسطة طالب محترف (2.6ألف نقاط)  
إللي جاي أحلى إن شاء الله يعجبك
بواسطة طالب عالمي (6.0ألف نقاط)  
+2 تصويتات
مساء الخير

قصة  رووووووعة روووووعة جميلة جدا جدا

عاش بجد

بس هو سوال يعني

انت ليه ما كنتش عايز تزل الجزء ذا ولو مش عايز تجاوب براحتك وانا احترم ذلك بس هو فضول الصراحة
بواسطة طالب محترف (2.6ألف نقاط)  
مساء النور
شكراً جزيلاً لك
تقصدي إن وقفت نزول حلقة يومين .
ده لإن إنشغلت كتير في الشغل ، وغير كده ،أنا بقول الساعة 10 بتوقيت مصر هتنزل الجزء الرابع أو أي حاجة تانية لكن الوقت ده بكون مشغول مش بعرف أنزل و أفضى من الشغل في وقت متأخر .
ياريت يضيفوا حاجة إسمها جدولة يعني أنزل المنشور و يتم الموافقة عليه لكن بالميعاد إللي أنا محدده
( مثلاً قصة كذا
يوم 16 أغسطس 2021
الساعة 10 مساء )
دي إسمها جدولة .
لو دي موجودة كنت نزلت منشورات كتيرة في اليوم الواحد و ممكن أعمل منشورات لمدة شهر كامل و كل إللي أنا هاعملة إني أرد على التعليقات .
حتى لو النت مغلق المنشور ينزل لوحده .
لكن إن شاء الله أحاول الفترة المقبلة أنزل قصص و روايات و حلقات مفيدة بإذن الله
دمتي بخير دائماً إن شاء الله
بواسطة طالب عالمي (6.0ألف نقاط)  
هو انا قصدي على الكلام الى قلته باول المنشور انك مش عايز تكمل الجزء دا بالزات بس كملته ؟
هي فكرة جميلة اووي بس ما اعرف اذا تقدر تتنفذ هون بس عجبتني
بص بما انو انت مشغول ودا قلته قبل كدا
ليه ما تحدد ايام معينة بداتها اوقات معينة بناتها
متلا انت بتكون فاضي يوم الاتين والاربعاء
من الساعة كذا لساعة كذا بدا الوقت تقدر تنزل الى انت عايز تنزله
وكدا مش بتغط نفسك وبتنزل لينا الحاجات المفيدة
بواسطة طالب محترف (2.6ألف نقاط)  
تمام
إن شاء الله أعمل كده و أنزل حجات كتير روايات و قصص و معلومات .
أعمل وقت أنزل فيها منشورات و وقت أرد على التعليقات .
و شكراً جزيلاً لك
بواسطة طالب عالمي (6.0ألف نقاط)  
ان شاء الله ونحن في الانتظار
لا شكر على واجب
بواسطة طالب متميز (1.7ألف نقاط)  
+2 تصويتات
طبعا رائع كالعادة، ولكن أعتقد الجزء ده كان ناقصة شوية حاجات يعنى مثلا الأب المفروض أن الساحر سيطر عليه فليه مبقاش شرير مثلا او حاجة زى كده ولو كان عنده لسه ذكريات ليه مبينتش ده.. وهكذا

ولكن بكل الأحوال القصة جميلة جدا وإن شاء الله في تقدم
بواسطة طالب محترف (2.6ألف نقاط)  
الحجات إللي زي كده بتكون مقصودة علشان القارئ يتخيل إللي ممكن يحصل ، ممكن خيالك يطلع صح و ممكن يطلع خطأ .
بواسطة طالب متميز (1.7ألف نقاط)  
على كل حال كتابات حضرتك جميلة جدا، وفي تقدم إن شاء الله
60 Online Users
3 Guest 57 Member
Today Visits : 7653
Yesterday Visits : 34022
Total Visits : 11903662

20.3ألف أسئلة

110ألف إجابة

127ألف تعليقات

25.0ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...