قصةالبيت الملعون
بقلمي : علي محمد رسلان
الجزء الثاني
.
.
.
اصحابي علاء و عمر و جمال قرروا خلاص انهم يدخلوا تجربت البيت الملعون الى كانوا موجودين قدامه الساعه ٩بالدقيقه و دخلوا البيت فعلا و على الساعه ١٢بليل لقيت جمال بيتصل بيا و بيقول اول ما رديت من غير مقدمات ..
الحقنا يا سيد احنا ممش عارفين نخرج من البيت دة و تقريبا بقلنا هنا اكتر من ٣ايام من غير اكل ولا ميا ...
اهدى يا جمال انتوا من ٣سعات بس في البيت دة و فين عمر و علاء ..
معرفش عنهم حاجه ابوس ايدك اتصرف و خرجنا من هنا البيت هنا مرعب و مخيف و في واحدة ست هنا شكلها مرعب و في ايدها كرباج بتحاول تقتلني و.....
الوووووووووووو انت رحت فين يا جمال الووووووووو.. محدش بيرد و بعدها سمعت صراخ جمال بيقول ابوس ايدك سيبيني امشي انا معملتش حاجة....
و فجأه السكه اتقفلت مبقتش عارف اتصرف ازاي و احساسي بالذنب تجاه اصحابي لان انا الى حكيت لهم عن البيت دة مموتني من جوايا خصوصا بعد ما جمال كلمني و انا متأكد دلوقتي انهم في مشكله كبيرة مش عارف اعمل اية ولا اتصرف ازاي ... مكنش قدامي غير حل واحد و هو اني اعرف اهاليهم بالى حصل و الى سهل عليا اني اجمعهم انهم يعتبروا كلهم ساكنين قريب من بعض و قريبين مني كلمت كل واحد فيهم و قلت لكل اب فيهم اني عايزة في موضوع ضروري يخص ابنه و اما اجمعت معاهم و حكيت لهم عن الى حصل امبارح و عن مكالمة جمال ليا و الى اول ما ابوه سمع الكلام دة قال ..
يا حبيبي يا ابني انا لازم الحقه .. و لسه هيتحرك لقى ابو علاء مسك ايدة و قال ..
انت رايح فين و ازاي هتروح لوحدك انت نسيت الى حصل زمان ..
ابو عمر قال ..احنا لازم نفكر الاول هنعمل اية و هنخرجهم ازاي من غير ما حد يتأذي زي ما جلال اتأذى ..
جلال ... انت بتتكلم عن بابا ولا عن حد تاني يا ابو عمر ...
هااااه لالالا يا ابني دة واحد تاني كان صاحبنا ...
بس انا معرفش حد من صحابكم اسمه جلال غير والدي يا ابو عمر ... ابو علاء قال خلاص يا ابو عمر سيد كبر ولازم يعرف .. ايوه يا سيد يا ابني جلال والدك الى احنا بنتكلم عنه ...
قصدك اية انا مش فاهم حاجه..
بص يا سيد من ٢٠ سنه والدك جه و سكن هنا في المنطقة معانا كان لسه عريس جديد و كان سنه صغير كان قدنا فتعرفنا علية و بقينا اصدقاء و كنا بقعد مع بعض كتير لانه كان بيخلص شغل بدري و في ليله الخميس كنا بنسهر كلنا سوا لاننا كنا بنبقى اجازة تاني يوم و في ليله خميس كنا ساهرنين كنت انت عندك سنتين و كنا ساهرنيني مع بعض عمك ابو جمال اتكلم عن البيت الملعون الى اولدنا دلوقتي فيه و قال...
بص يا سيد و اسمع الكلام دة كويس ...
قطع كلامه ابو جمال و قال..
انت لسه هتحكي العيال هتموت يا ابو علاء عايزين نعمل حاجه و نتصرف ...
طيب روح انت و ابو عمر شوفوا الشيخ فضل امام المسجد هو الوحيد الى قدر يخرجنا زمان و هو الى هيقدر بأذن الله يخرجهم ...
حاضر يا ابو علاء ..
و كمل ابو علاء و قال لى ..
بص يا ابني كنا سهرانين و ابوك سأل هو اية البيت الى قدمنا دة ..
ابو جمال ضحك و قال ..
يا جلال دة بيت مسكون من سنين و محدش بيخش و يطلع منه حي في ناس بتقول ان كان فيه عيله ساكنه فيه عيله كبيرة و معاهم فلوس كتير و كان عندهم بنت سنها ١٩ سنه حبها ولد من اهل البلد هنا حاول يتعرف عليها كتير لكن كانت بتصدة و قرر انه يطلب ايدها و يتجوزها و فاتح ابوة في الموضوع الى رحب اووووووي بفكرة جواز ابنه من اغنى بنت في البلد و اما راحوا يتقدموا لها اهل البنت كرشوهم من على الباب خصوصاً اما عرفوا ان ابو الواد دة دجال و بيعمل اسحار و رفضوا الموضوع تماما اما بقى بالنسبه للولد جته ازمه نفسيه كبيرة و كان بيعاني لفترة و اما ابوة شاف كدة قرر انه ينتقم لابنه و سلط على البنت دي جني عاشق الى دمر البيت و دمر حياتها كان بيظهر لها في كل مكان حاولت كتير تفهم اهلها ان في حاجه غلط بتحصل معاها و انها بتشوف واحد غريب دايما موجود معاها في كل مكان لكن اهلها رفضوا يصدقوا الكلام دة لحد ما في يوم ابتدى يظهر على جسمها علامات تعذيب و كانت خلاص بطلت تشتكي و ابتدى سلوكها يختلف بقت تقعد لوحدها كتير و كانوا ييسمعوها بتكلم حد و حد بيرد عليها ابتدوا يقلقوا و يشكوا انها كان عندها حق لحد ما حصل الى اكد لهم كل كلامها لما ابوها لقاها ماسكه اكبر سكينه في المطبخ و بتحاول تقتل والدتها و انه منعها في اخر ثواني و ابتدت تصرخ بأصوات غريبه و اخيرا صدقوها و خدوها لبيت الساحر الى كان هو السبب في الي بيحصل و حكوا له على الى حصل و هو قال لهم انها عليها جني عاشق و انه الموضوع دة صعب جدا و هو مش هقدر يساعدهم اترجوه و وعودة بفلوس كتير و ان الجوازة هتتم و فعلا الطمع خلاه يروح معاهم و كان فاكر انه هيقدر يساعدهم لكن الجني العاشق انقلب عليه و اتسبب في موته و موت باقي الى كانوا معاه بصورة بشعه. ...
و كمل و قال ابوك يا ابني مكنش مصدق و طلب اننا نروح على هناك كلنا و كلهم راحوا معادا انا عملت زيك يا ابني ...
و بعدين يا عم ابو علاء كمل ...
بعد ما راحوا فات يوم و التاني و التالت و الاهالى حست بغيابهم بدون سابق انذار فدوروا عليهم و طبعا سألوني فقلت لهم على الى اعرفه انهم راحوا البيت الملعون و اما الناس عرفوا منهم الى صرخ و الى ضرب كف على كف و منهم الى قال تلاقيهم ماتوا خلاص و الوحيد الى كان واثق انه هيقدر يخرجهم هو الشيخ فضل و فعلا خدني معاه و كان معانا نص رجاله البلد و دخلنا البيت في عز الليل و طبعا شفنا العذاب و الرعب الى محدش شاف زييه قبل كدة الى كان بيظهر له بنت صغيرة و تضحك و تختفي و الى يخاف من قبل ما ندخل و يجري غير البقع السودا الى في الارض و الحيطان الى عرفنا بعد كدة انها كانت دم فضلنا ندور كتير لحد ما لقينا كله معادا ابوك انا الوحيد الى شفته كان واقف قدامي بيضحك بمنتهى الشر و ملامحه اتغيرت و فجأه اختفى و من وقتها و محدش فينا قرب من البيت دة تاني غير دلوقتي ...
فجأة ابو عمر اتصل على ابو علاء و قال..
تعالى لنا قدام البيت انا معايا الشيخ فضل ..
فعلا روحنا و انا قلبي مقبوض حاسس اني متراقب بمجرد ما وصلنا و قابلناهم و دخلنا البيت لقيت ....
انتظروا الجزء الثالث
