First time here? Checkout the FAQ!
x

الملاحظات

قصة البيت الملعون الجزء الاول بقلم : علي محمد رسلان

في تصنيف مدونين طليق
بواسطة طالب متميز (2.5ألف نقاط)  
+6 تصويتات
48 مشاهدات

قصة البيت الملعون

الجزء الاول

بقلم : علي محمد رسلان

..

..

..

صحيت من النوم فجأه على صوت الجرس الى كل يوم بصحى علية لكنه ضرب قبل معادة النهاردة كل يوم بيضرب الساعه ٣قبل الفجر و ببص في الساعه دلوقتي لقتها الساعه ٢

قومت من سريري بنادي على بابا و خرجت من اوضتي و انا لسه بنادي عليه مش عارفه لية بابا مصمم اننا نعيش في البيت الكبير اووووووووي دة خصوصا بعد ما امي ماتت في ظروف غريبه و غامضه كملت مشي في الطرقه الى في الدور التاني الى كان فيها اوضتي و رايحه نحية اوضه بابا و لسه الجرس بيضرب في وداني و عمال صواته يذيد كل ما اقرب اكتر لحد ما وصلت لاوضه بابا الى خارج منها اصوات كتير و ناس بتضحك و صوت طفله بتبكي في نفس الوقت الرعب ووالخوف امتلكني مش عارفه تتصرف ازاي لقيت نفسي بفتح باب اوضه بابا الى كانت فاضيه تماما مفهاش حاجه و مفهاش اي حد .. و طول ما انا ماشيه في البيت الأصوات بتذيد و بقت واضحة اكتر و الى كانت بتقول ..

اقتليه اقتليه .. حرريني اكون خادم ليكي بعد قتله ..

اقتل مين و مين الى هيتحرر .. و لمحت طيف اسود او ظل بيتحرك قدامي بسرعه افتكرت انه بابا فضلت انادي عليه ووامشي وراه لحد ما وصلت لاوضتي و انا طفله لقيت كل الالعاب بتعتي متكسرة في الارض و كل العرايس بتعتي محطوطه على السرير جنب بعض و بيبصوا على الباب و كأنهم فيهم الروح و عايشين خرجت في هدوء بداري بيه الرعب ووالخوف الى كنت حاسه بيهم اول ما قفلت الباب عليهم تاني سمعت اصوات ضحك كتير اووووووووي طلعت اجري على اوضتي من الخوف الى كنت فيه و اصوات كتير ممزوجه ببعض ضحك و صرخات و بكى و كلام لكن الصوت الى كان مميز هو الصوت الى كان بيحرضني على القتل ..

بمجرد ما دخلت اوضتي لقيت والدي نايم على سريري و بمجرد ما حاولت اصحيه و اقوله انى دورت عليه كتير و احكي له الى حصل لقيته .. ميت .. مضروب بسكينه في قلبه و في طعنات كتير في جسمه مقدرتش اني اعمل حاجه غير اني اصرخ بأعلى صوتي لحد ما الجيران سمعوا و بلغوا البوليس ان في حاجه غلط حصلت ...

بس يا جماعه و دي حكاية البيت الغريب الى في وشنا دة ناس كتير قالت ان البيت دة ملعون من زمان و ناس كتير طلعت عليه اشاعات كتير ..

طيب و انت عرفت منين القصه دي يا سيد ..

بص يا جمال و ركز معايا يا عمر انت و علاء انا جدي هو الي بلغ البوليس و استدعوه في التحقيقات خصوصا اما لقوا في مكتب ابوها مكتوب فيها ...

انا اسف يا بنتي كان نفسي احميكي من الشرالى فتحته عليكي لكن خدام البيت اختاروكي انتى قربان ليهم و مكنش ينفع ارفض بعد ما العهد بيني و بينهم ابتدى و اما حاولت احميكي منهم لقيت انهم استخدموكي في قتل امك الى اضطريت ادفنها في البيت من غير ما حد يعرف انها ماتت غيري انا و انتي و كمان سامحيني يا بنتي انا لازم اسيبك لوحدك في البيت دة قبل ما يستخدموكي ضدي و يقتلوني بأيدك ...

و بعدين يا سيد كمل ..

ولا حاجه في الاخر عرفوا انها هي الى قتلت ابوها فعلا و استخرجوا جثة امها و قبضوا عليها و محدش دخل البيت دة بعدها غير و طلع ميت او مجنون يا عمر ...

علاء قال ..

انا بصراحه مش مصدق الى اتقال دة كله مفيش حاجه اسمها بيت ملعون و عشان اكد الكلام دة بكرة بأذن الله انا هدخل البيت دة لوحدي و الى عايز يشاركني يعرفني هاااااه اية رائيكم..

سيد قال...

مستحيل طبعا احنا مش ضامنين اية الى في البيت دة و اية الى مستني هناك و في ناس كتير بتشتكي اما بتعدي قدام البيت دة في وقت متأخر انهم بيشوفوا و بيسمعوا حجات كتير غريبه ..

خلاص طيب يا سيد خليك انت و انتوا هتيجوا معايا ولا لا 

..

طبعا معاك انا بقالى سنين عايش في ملل و نفسي الاقي حاجة تكسر الملل دة ...

و انت يا جمال هتيجي معانا ولا هتخليك مع سيد...

معاكم يا علاء ...

و انت يا سيد هتيجي معانا ولا اية اخر كلام ...

لا يا علاء لاني مبحبش اغامر او اخاطر بحياتي في المجهول الى انا مش عارفه ..

عموما يا جماعه انا هتلاقوني الساعه ٩ بليل واقف على الباب بتاع البيت دة و على الساعه ٩ و نص هدخل سواء بقى لوحدي او معايا حد منكم ...

و فعلا تاني يوم كلهم اتحركوا في معادهم و على الساعه ١٢بليل لقيت جمال بيتصل بيا و اول ما رديت عليه قال....

....

....

....

انتظروا الجزء الثاني

من فضلك سجل دخولك أو قم بتسجيل حساب للإجابة على هذا السؤال

4 إجابة

بواسطة طالب متميز (1.7ألف نقاط)  
+3 تصويتات
امممممم دايما عنصر التشويق حاضر اخي علي محمد رسلان

ما شاء الله عليك

بالتوفيق ان شاء الله
بواسطة طالب متميز (2.5ألف نقاط)  
لازم يكون في كده
يعني إزاي أجبرك تقرأ الباقي إلا و في تشويق
بواسطة طالب متميز (1.7ألف نقاط)  
+2 تصويتات
جميل جدا ومشوق.. ننتظر الجزء الثانى
بواسطة طالب متميز (2.5ألف نقاط)  
شكراً جزيلاً لك
بواسطة طالب عالمي (5.1ألف نقاط)  
0 تصويتات

السلام عليكم ورحمه الله وبركاته ❤️ 

مساااء الخير ❤️ 

قصه روووعه 

كانو خدوني معاهم بحب المغامره اوي 

جزاك الله كل خيرا ❤️ 

بالتوفيق ❤️⁦(✿^‿^)⁩ 

بواسطة طالب متميز (2.5ألف نقاط)  
و عليكم السلام و رحمة الله و بركاته
مساء النور
هههههههههه
و جزاكِ الله أيضاً خيراً
و بالتوفيق لك أيضاً إن شاء الله
بواسطة طالب متميز (1.6ألف نقاط)  
0 تصويتات
قصة ممتعه ومشوقة فعلاً

في إنتظار الجزء الثاني⁦(. ❛ ᴗ ❛.)⁩
بواسطة طالب متميز (2.5ألف نقاط)  
إن شاء الله 10 دقائق و الجزء الثاني هاينزل
79 Online Users
2 Guest 77 Member
Online Members
Today Visits : 8583
Yesterday Visits : 31206
Total Visits : 11681299

20.1ألف أسئلة

109ألف إجابة

125ألف تعليقات

25.0ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...