First time here? Checkout the FAQ!
x

الملاحظات

نبذة عن الإتيكيت الفرنسي [ Pierre en France ]❤

في تصنيف اللغه الفرنسية
بواسطة طالب عالمي (5.9ألف نقاط)  
+12 تصويتات
1.0ألف مشاهدات

 

Bonjour mon amie. J’ai faim. As-tu une Baguette ?

بونجوراتك مسيو .. ما اختلفنا جوعان ماشي بس شو هاد الباغيت ؟؟؟

ألا تعلمين ما هو الباغيت!! الخبز الفرنسي المشهوووور .. ههه عندما تكلمتِ عن الاتيكيت الفرنسي سابقا ً ظننتك تعرفين الباغيت والاتيكيت

يووووووه طالما أنت بتعرف هات اتحفني أبو اتيكيت

تعتبر وجبة الإفطار واحدة من الوجبات المقدسة في فرنسا، ,تتكون في الغالب من قطعة من الكعك المُحلّى أو الكرواسان الشهير مع فنجان من القهوة وهذا سببُ رشاقةِ جسم الفرنسيين مثلي تماماً (: كما أنهم يعشقون تناول الرغيف الفرنسي خاصةً بعد يومٍ شاقٍ من العمل

€_€ مثلك تماما هاه؟؟!!

دعيني أكمل كلامي ... و لتناول خبز الباغيت اتيكيت خاص لدى الفرنسيين فلا تضعها في فمك وتمضغ قطعة.

هههه هاه يعني قصدك ما مناكلها عض وعج متل الارباط.

ماذا هههههه ?" ارباط Qu'est ce que ça veut dire “

 يجب عليكِ شرح كلمة ارباط هههههه

اممممم صعب والله شرحها بس بشكل عام كل شخص عديم الذوق والأكابرية هو شخص ارباطي شرشوح.

Hahahahaha .. oui oui Samor c'est clair

C'est à dire sauvage en français

والطريقة الفرنسية لأكل الباغيت -بدون أن نكون ارباط كما قالت سمر -تتمثل في تمزيق قطعة طرية للأكل وتكرار العملية حتى تنتهي. كما يقدم الفرنسيون أيضًا الخبز على الطاولة معظم الوقت وليس على الطبق.

عندما تتناول الطعام على طبق به صلصة لذيذة، من المعتاد أن يقوم الفرنسيون بمسح الصلصة من الطبق بقطعة من الخبز ثم تناولها لتغميس الوجبة .

أيوواااا والله طلعنا فرنسيين ومالنا خبر ... أنا كتير بحب أكل الخبز والتغميس اكتر من الرز

لكن الخبز العربي يجعلك سمينة

أنا سمينة !!!؟؟؟ اي رووح شوف حالك عالمراية بالاول بعدين أحكي عليّ

ههه قل أي شيء للفتاة ولا تقل لها أنتِ سمينة

ااااه هنالك اتكيت آخر مهم جدااااا ومشهورعند الفرنسيين وأعتقد أن العرب قد أخذوا هذه العادة من الفرنسيين بسبب الاحتلال الفرنسي في زمنٍ مضى .

ايواااا انت قصدك عادة التحية بالبوسات شي عشرة عالخد اليمين وعشرة عاليسار ههههه ومع كورونا ياسلاااام

هههههههه نعم نعم أحسنتِ بالفعل عادة التحية بالمصافحة والتقبيل ولا يجب استخدام ال prénom إلّا مع الأهل و الأصدقاء

والتهذيب واللباقة أمرٌ مهم جداً فعند دخولك لمتجرٍ أو مكانٍ ما، يجب أن تقول bonjour ou bonsoir و عند المغادرة تقول au revoir

وهنالك أيضاً اتيكيت للتعامل مع النساء فمثلاً عندما تكون المرأة على وشك الخروج من المقهى قد يقوم أي شخص وإن كانت لاتعرفه بمساعدتها على ارتداء معطفها وفتح الباب لها .. سيكون من الوقح رفض مثل هذه الأشكال من المجاملة من رجل نبيل فرنسي مثلي (:

أي يا فرنسي يا نبيل نسيت أهم شغلة من أصول الاتيكيت ألَا وهي دفع فااااتورة المطعممم - نسيت ولا ذكرك فيما ما مضى شو عملت – ما علينا الفرنسيين النبلاء بيرفضوا عادة تقسيم الفاتورة على الأشخاص، إللي نحن منسميها عنا " عزيمة أمريكية " يعني كل واحد بيدفع عن حالو .. هاد الشي كتير عيب وغير مقبول يا مسيووو بيير في فرنسا . إيييه شو مشتهية روح عالمطعم اللي ببرج إيفل الله يسامح اللي كان السبب ، بكل حال رح اخد نوف ونروح و منعملها عزيمة أمريكية وقتها .

احم احم أين كنا!؟ اه نعم ومن تقاليد الزيارات يجب ألّا تقدم أي مشروبات قبل وصول جميع الضيوف حتى لو تأخر البعض ساعة أو أكثر

يجب عدم البدء في تناول الطعام حتى يقوم مضيفيك بالقيام بذلك وقول bon appétit وأن تجعل اليدين فوق الطاولة مع عدم إسناد المرفق على الطاولة كما أنه من الجيد أن تأكل كل ما يوضع على صحنك.

اه مع ملاحظة الشوكة باليد اليسرى والسكين باليد اليمنى. (:

إاممم شو ليش سكتت!

لقد انتهيت (: .. اممممم إنني أفكر..

أوووووه عم تفكر!! شي عظيم انك تفكر وبشو عم تفكر بقى ؟

محمد غسان لقد اختفى منذ أن أرسلت له رسالة التهديد تلك هههه يبدو أن لديّ مهابة بالفعل.

متاكد انك عم تفكر بهيك وبس؟؟؟!! بييير انا بعرفك انت ما بتحب محمد اصلا حتى تشغل بالك عندو بقى احكي الحقيقة أحسنلك.

حسناً حسناً دائما تكشفينني ): معك حق إنني أتسائل فقد عاد عمور بعد امتحاناته وأعتقد أنه أصبح متفرغاً الآن فهل يا ترى سنذهب إلى ألمانيا أم مااااذااا؟؟؟(:

هههههههه والله حسيت طيب ماشي رح نسأله ونشوف يا بياخدك يا اما بخليك بخلقتي

Thanks Samar . Appreciate it

 شوووو قلبنا الموجة انكليزي العادة؟!!

Oui mademoiselle... Tschüss

لااااا ههههه شكلو المعالج اتعطل شي انكليزي و شي فرنسي وبالآخر ألماني ! طيب ماشي au revoir

من فضلك سجل دخولك أو قم بتسجيل حساب للإجابة على هذا السؤال

5 إجابة

بواسطة طالب عالمي (8.7ألف نقاط)  
+2 تصويتات

السلام عليكم ورحمه الله وبركاته ❤️ 

مساء الخير ❤️ 

كيفك اتمني تكوني بخير ❤️ .

 ههههههههههه مفيش احسن من الأكل باليد 

لا شوكه ولا سكينه ههههه والرغيف بناكله كله مره واحده لسه هاكل حته حته كدا هزهق هههههه 

رحله راااائعه 

بالتوفيق ❤️⁦(✿^‿^)⁩ 

بواسطة طالب عالمي (5.9ألف نقاط)  
وعليكم السلاااام ياقلبي ❤❤مسا الورد الحمدلله تمام بتعجبني تفاعلاتك مع الجمييييع الله يقويكي يارب
قولتك الاكل بالايد اريح واطيب موو
خبزنا نحن منعملو صندويشة ومننزل فيه اكل ههههه
بواسطة طالب عالمي (8.7ألف نقاط)  
حبيبتي تسلمي يارب ❤️
ههههههههه بالظبط كدا ههه
بواسطة طالب محترف (2.9ألف نقاط)  
+2 تصويتات

صبااحو سمووور ..

لك شو هالجمال والحلاوه .. والله اشتقنا لك بيير فكرت سمور خطفتك مناا ولا شي هههههههه 

اممم ليش ما في ترجمة للفرنسي والله ما فهمت شي ههههه .. 

بس حبيييت المنشور كتير بس مستغربه من قصة البوس هاي .. اللي اعرفه ان الفرنسيين "تنكين" يعني غرورين شايفين حالن يعني .. وبيسلموا من بعيد لبعيد .. انصدمت صرااحة 

اي ولا البوووس بالكورونا ههههههه (النسوان ما بيفرق معهن كورونا غير كوروناا لازم البوسات وهنن داخلين وهنن طالعين ههههههه) 

اي يااريت يروح عالماانيا متحمسة كثيير للسفره .. 

دمتم بخييير بيير et سمور :) 

بواسطة طالب عالمي (5.9ألف نقاط)  
صباح الورد جوج❤
تسلميلييي يارب .. لا شو اخطفه والله بتغتالوني صعب اتخذ هيك خطوة جريئة هههه
من مدة اخدت رأي الأعضاء قالولي مفهوم بلا ترجمة واللي مالو مفهوم عم يكون واضح من السياق بقى مابعرف هههههه
لا الفرنسيين مشهورين بالبوسات ولو لكان نحن منين جبنا هالعادة اكيد منن  طبعا ههههه
بواسطة طالب عالمي (6.1ألف نقاط)  
+2 تصويتات
ماشاء الله بيتر رشيق ونبيل  بس ماعجبني الاتكيت تبعه اكل هو ولا امتحان بكلوريا
بواسطة طالب عالمي (5.9ألف نقاط)  
شايف شايف عقدنا خلينا ناكل براحتنا ولو
بواسطة طالب عالمي (8.7ألف نقاط)  
+1 تصويت

بيتر وانا اقول المنتدى منور ليه بس ازيك وحشتني اووي ايه ما عم بشوفك 

لتكون هاي الشريرة سامو عملت فيك شي قلي والله لاكلها كرمالك 

انا يا بيتر ما بحب الاتكيت خصوصا بالاكل انا بعشق الاكل وبدي اتلز عليه واكل واستمتع قال شوكة وسكينة وقطمة قطمة شو هاد يا عمي نحن ما نحب هيك في ادب طعام على عيني بس اتكيت نوووووووووو

بيتر لازم تخلي سامو هي الى تدفع الفاترة واختار اعلى الاكلات خلص كل مصرياتها 

ههههههه لا تخلي ولا ليرا معها انت سامع 

لاااا بيتر معقول ما تحب محمد هزعل ها منك ليه بس 

اي بيتر اسال عمر متى راح نروح على المانيا منتظرة بفارغ الصبر 

ولا تغيب علينا كتير بيتر ودير بالك على حالك والله يعينك بس heart

بواسطة طالب عالمي (5.9ألف نقاط)  
يا اهلين والله €_€ كله بيتر بيتر بيييتر ولما انذكرت انا صار بقى تخلصولي مصرياتيييي  لا مافي ما حزرتو
بروح باكل لحالي احسنلي  
لكان ليش اسمه رجل نبيل .. مشان انا ادفع عنه!؟؟؟  لازم النبيل هو يدفع (: صح ولا مزبووط
نوووورتيييي شهوووودة❤❤❤❤❤❤❤❤❤❤❤
بواسطة طالب عالمي (8.7ألف نقاط)  
شو سامو تغارين من بيتر ههههههههههههههه
انتي اكبر واعقل
اه وين المشكلة لما تدفعي انتي يعني لكن هو المسكين الرقيق يدفع خليك امراة نبيلة
كل الرجل لازم يدفع
منوووور بوجود بيتر يا سامو
بواسطة طالب عالمي (5.9ألف نقاط)  
هيك شي (: امرأة نبيلة حبيتاااا هههههههههههههه
أي لاحظي بيتر مابحبو لمحمد وبعتلو رسالة تهديد شفتي! لازم تربيه بهدليه مو تحبيه
بواسطة طالب عالمي (8.7ألف نقاط)  
ماشي بيتر ممكن يكون غلطان
بس ليش ابطل احبه
نحكي معه بهدوء ورواق ونفهمه بس انتي شريرة بدك تخلصي منوه وخلاص
اي خاكي بنت نبيلة ههههههه ولا بس انتي حد يدفع اما انتي تدفعي
ليش الكل بخيل يا ساتر عليكم
بواسطة طالب عالمي (7.3ألف نقاط)  
+1 تصويت
يسعد صباحك سمورتي❤❤

كيفك ان شاء الله تكوني بأفضل حال

وعاشت ايدج على هذه معلومات رائعة اول مرة اعرفها

أما الفرنسية  بعدني أجد صعوبة في فهمها لكن احاول أضيف اللغة ان شاء الله في قائمة لغات اللي اتعلمها بأذن الله

أكثر شي لفت انتباهي التحية والبوسة ببلاش وكورونا تقول يا اهلا بيكم نورتوني هههههه

دومتي بالخير والسعادة والتوفيق دائم للجميع ❤❤
بواسطة طالب عالمي (5.9ألف نقاط)  
وصباحك نجلاااؤؤ
الحمدلله تمام وخاصة بعد.كلامك الحلو
شايفة هالبوسات ههههههه ليش نحن انظم مثلا ههههه
بالنسبة الفرنسية بكرا رح نزل منشور جديد رح يكون فيه ترجمة باللون الابيض للجمل الفرنسية يبقى بتحددوا عليها وبتشوفوها
بواسطة طالب عالمي (7.3ألف نقاط)  
ههههه اي والله صدقتي خاصة احنا نساء مشهورات بل بوسات
ان شاء الله حبيبتي منتظرين منشوراتك حلوة يا حلوة❤
دومتي بالخير والتوفيق ❤
110 Online Users
0 Guest 110 Member
Today Visits : 44317
Yesterday Visits : 56116
Total Visits : 44214457

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...