Question

لا استخدام التطبيق لاني لا املك الهاتف واملك الكمبيوتر ويجب تنزيل الكورسات لكن لم اجدها في الموقع

Answer 1

السلام عليكم أهلا و سهلًا بك.

بإمكانك متابعة الكورسات هنا على الموقع في قسم "Courses" .

اضغط هنا

دمت بخير 

Comments

السلام عليكم ورحمه الله وبركاته------ سلمي كيف الحال يارب تكوني بخير ؟
اي اخبار الالماني بدأتي ولا لسه ؟

---

و عليكم السلام ورحمه الله وبركاته
يوسف أخبارك اي ؟ يارب تكون بخير
انا الحمد لله كويسة جدا
أولا بعتذر عن تأخري في الرد ، اها بالفعل بدأت الحمد لله بس أخدت ٣ حلقات بس لأني كنت مشغولة شوية الاسبوع اللي فات بس بجد حبيت اللغة جدا جدا و بإذن الله بداية من انهارده هاخد دروس بشكل يومي إن شاء الله
شكرا كتير يوسف ليك و لسؤالك تشرفت جدا بمعرفة شخصية مثلك

---

انا الحمدلله علي ما يرام ....لا ولا يهمك عادي .....طب حلو جدا والله ....حابب اقولك شئ تبقي علي الدراسه شهرين وبدائنا ندرس في الوحده الخامسه وبدأنا ندرس حاجات بيدرسوها في تانيه ثانوي ...في التطبيق حوالي 50 درس لو درسين كل يوم هتخلصي كل الدروس في شهر او اقل هتدخلي الثانوي مرتاحه جدا في اللغه وكمان درسين في اليوم قليل لانك هتستغربي من البساطه وهتشتغربي من شرح المستر المبسط والسهل جدا ......انا الي اتشرفت بمعرفتك والله

---

حاجه تانيه ...في بوستات عن العاميه منزلها و في اختبارات ومراجعات كتير للاخت naimorrocoتبقي تلقي عليها نظره كدا لما تخلصي الوحده الاولي

---

يارب تكون بخير و سعادة دايما يارب
تمام ممتاز جدا جدا بجد ... بإذن الله من انهارده أعمل كدا اعتقد هيكون مفيد جدا إن شاء الله و درسين في اليوم مش كتير خالص
بصراحة عندك حق جدا جدا اللغة الألمانية اللي بيقولوا عليها صعبة-من غير ما يدرسوها أصلا- بجد لغة جميلة جدا و شرح مستر رائع بصراحة
بإذن الله اعمل بنصائحك دي.
و شكرا ليك كتير يوسف
أنت اي اخبارك في الدراسة و عامل اي في تانية ثانوي بدأت و لا لسه ؟

---

سبحان الله
كنت لسه بعمل كدا دلوقتي بالفعل هههه
ربنا يجزيكم كل خير بإذن الله استفيد من الأسئلة دي و تكون مفيدة لأي حد هيتعلم ألماني بعد كدا إن شاء الله

---

يا سلمي انا هبدأ الدروس مع المدارس.....والله الدراسه تمام مع الالماني ......سيبك من الناس لو عاوزه تنجحي ابعدي عن البشر ....اللغه مرنه يجماعه والله لغه فيهاي حريه مش مقيده ....هما معزورين برضوا يا سلمي درسوها بطريقه خاطئه وكمان هما معندهمش استاذ زي استاذنا

---

هههههههه انا بقرأ الافكار

---

ممتاز جدا بإذن الله شد حيلك كدا السنة دي و ربنا يكتبلك فيها كل الخير ..
والله صدقت كلام الناس طول عمره دايما محبط ليس إلا طالما الإنسان مقتنع باللي هو بيعمله و شايف أنه هيقدر يبدع فيه يكمل و ربنا هيوفقه
عندك حق اللغة بيتم تبسيطها بطريقة أكثر من ممتازة
شوفت انهارده في اللايف ؟ مستر إبراهيم ذكر أنه المستوى A1 من كل اللغات تقريبا إن شاء الله هيخلص كمان حوالي 3 شهور أو أربعة بالكتير و إن شاء الله بعد كدا اسرع كمان.


هههههه ملاحظة جدا :)

---

انا مشوفتش البث .....هو بث النهارده كان بيتكلم عن طليق و لا زي امريكان ....انا مشفتهوش خالص لو في حاجه مهمه اتقالت قولهالي ياريت ونبي...........ده جميل كدا انتي تعرفي ان ال3 سنين ثانوي  تعادل مستوي A1 يعني انتي علي نص الترم الاول كدا هتكوني مخلصاه ال a1  هتكوني متقدمه علي بتوع 3 ثانوي كمان وطبعا مستمره في الكورس يعني علي بدايه 3ثانوي ليكي هتكوني مخلصه ال b2 كدا ان شاء الله .....طريقك الحمدلله متسير وفرصتك جميله استغليها بكل الجوانب

---

شوف الصراحة البث كان ميكس طليق و ذي اميركان بس طليق كان مسيطر هههه ،
بس كدا من عيوني طبعا هحاول أقولك أبرز الحاجات و اللي افتكره
مبدأيا إن شاء الله يتم الانتهاء من A1 بعد حوالي شهر و نص أو شهرين "كتصوير" بعد المونتاج و الرفع و كدا فهيخلص إن شاء الله كمان ٣ أو ٤ شهور

كمان ٤ أيام تقريبا او اقل من اسبوع مستر إبراهيم هيعلن عن حاجة جديدة كان شغال عليها الفترة اللي فاتت و كانت واخدة جزء من وقته و كان سبب في انقطاع ذي اميركان.
 سؤال عن ازاى اعرف الحاجة اللى هنجح فيها.؟

ماحدش يقدر يقولك انت هتنجح فى ايه لكن تاكد انك هتنجح فى اللى بتحبه

و سؤال عن لي مش بنقدر نراجع من طليق و الحلقات بتتحسب جديدة
بإذن الله هيتم عمل تحديث و نقدر نراجع عادي و ناخد درسين جدد

الاستفتاء الجاي هيكون في خلال شهر تقريبا و هيكون هنا على الموقع
بين الكوري و الايطالي و العبري إن شاء الله

---

اووه دا ممتاز جدا بجد
إن شاء الله اشتغل الفترة دي كويس بإذن الله
اول مرة اعرف ان ال ٣ سنين في الثانوي A1 بس
على كدا يا يوسف بإذن الله إذا كملت عادي مع طليق إن شاء الله و خلصت ال ٥ واحدات اللي على التطبيق هكون قطعت جزء كويس في منهج اولى ثانوي صح ؟

---

اها طبعا هتكوني اخدتي حاجات كمان هياخدها في تانيه ثانوي زي الافعال الغير منتظمه والافعال الناقصه

---

كويس جدا
تعبتك يا يوسف معايا شكرا كتير ليك بجد

---

عنيا ليكِ

---

تسلم يارب مننحرمش ✨