First time here? Checkout the FAQ!
x

الملاحظات

رواية نسائم الرحمة ، الجزء الخامس و الأخير , بقلمي : علي محمد رسلان

في تصنيف موضوعات اعجبتني
بواسطة طالب محترف (3.8ألف نقاط)  
+2 تصويتات
266 مشاهدات

رواية نسائم روحانية

الجزء الخامس و الاخير...

اولا احب اعتزر عن التأخير 

ثانيا هنحاول منتأخرش عليكم تاني ...

.

.

.

اسامح مين يا عم صبري دي كانت السبب في موت توأمي ولا انت بتقول كدة عشان اختك ...

يا ابني انا اكتر حد اتعذب بسببها اسمعني يا ابني كويس ..انا اول ما اتجوزت كانت اختى بتغير اووووووووي من مراتي و كانت بتتعمد تضايقها و تأذيها و بعد ما عدى شهرين من جوازنا جاتلنا البيت و اديت مراتي قطه هدية القط دة كان بيظهر و يختفي لوحدة و كان صوته مزعج و شكله مخيف و بعد وجودة في البيت بأسبوع مراتي كانت بتشتكي انها بتسيب حجات كتير في مكان و ترجع تلقاها في مكان تاني و غير كدة كمان القط نفسه كان بتسيبه مثلا في المطبخ تدخل الحمام تلاقيه مرة على مرة كنت بحاول اهديها و اطلع بأي حجه عشان مطلعش اختى .....

دجاله مش دة الى انت كنت عايز تقوله يا عم صبري ...

سيبني اكمل يا حامد يا ابني .. و يجي بعدها بأسبوع حصل لى مع القط دة حكايه غريبه و مخيفه كنت اجازة و مراتي كانت بتجهز الغداا و فجأه لقيت القط دخل المطبخ عند مراتي مشغلتش دماغي لكن لما لقيتها بتصرخ طلعت جريت نحيتها لقيتها واقعه فاقدة للوعي حاولت افوقها و ببص برا لقيت القط جاي من الصاله مع اني مشفتوش خرج و من ساعتها ابتدينا نشغل قرأن في كل اركان البيت و القط دة اختفى لوحدة محدش شافه و هو خارج من البيت لكن برضوا مشفنهوش تاني ..و بعدها بأسبوع لقيت دلال جاية البيت و الغضب باين عليها و سألت عن القط و قالت ودوتوه فين انطقوا ...

طيب ادخلي يا دلال ...

انا ولا هدخل ولا زفت القط راح فيين .. مراتي سألتها ..

طيب عرفتي منين انه مش موجود ...

سكتت و مردتش عليها و مشيت على طول ...

دة غير جوزها الى مات بسببها يعتبر و حجات كتير حصلت بسببها و زعلتنا كلنا منها .. اسمعني با ابني الانتقام طريقه اوله نار و اخرة ضلمه ....

خلاص يا عم صبري الحكايه خلصت هتعرفي العنوان ولا ارحلها انا بطريقتي ...

انا هوديك بيتها يا حامد ....

لا يا فرح دي عمتك برضوا ..

مقدرتش امسك نفسي لما بابا قال لى كدة و قلت له..

و هي ليه معملتش حساب لكدة و قتلت شاب ملوش زنب غير انه حبني و دخلنا من البيت من بابه و مضحكش عليا وا لعب بيا و كان صريح معايا اسمع يا حامد انا هاجي معاك ...

ووفعلا حامد و فرح اتحركوا نحية البيت و صبري مقدرش

 يمنعهم لكنه راح لعم ماضي ..

الحقنا يا عم ماضي حامد رايح ينتقم من اختي ...

لا حول ولا قوه الا بالله...احنا كدة مش هنقدر نعمل حاجه ..

بص يا استاذ صبري حامد اقوى روحاني ممكن تشوفه في حياتك دة كان طفل صغير و طلع عاش في صحرا مفتوحة لمدة سنه و رجع معاه قوى كبيرة جدا...

يعني اية يا استاذ احمد و ازاي محمود الله يرحمه ميحكلناش عنه كل دة ...

بص يا استاذ صبري محمود كان خايف انه يترفض بسبب اخوة و غير كدة محمود وارث طبع امه و حامد واخد كل حاجه من ابوه لان محمود عاش هنا مع والدته و حامد راح الصعيد مع ابوه بعد انفاصلهم ....

طيب الحل اية يا شيخ ماضي...

مفيش حل حامد لو حب يحرك جبل من مطرحه هيعمل كدة و لو مقدرش هيموت و هو بيحاول....

و في الاتجاه التاني

هو دة البيت يا حامد ...

ماشي يا فرح امشي انتي ..

لا انا عايزة اكون موجودة وخلاص مبقاش عندي الى اخاف علية بعد اخوك الله يرحمه..

اسمعي الكلام يا فرح انتى مش قد الى هيحصل امشي ..

حامد اخد بعضة و طلع و انا اتسحبت وراه و طلعت ..

فجأني اما قال ...

يا فرح قلت لك متجيش ورايا ...

انت عرفت ازاي ..فضحك و قال انا عارف انك هتطلعي مهما منعتك عموما خليكي بعيد لسلامتك مش اكتر و حط ايدة على راسي و قال لى انزلي و محستش بنفسي غير و انا واقفه قدام باب العمارة .. و بعدها بساعه لقيته نزل و قال يلا بينا عشان اروحك ...

انت عملت اية .. لكنه مردش عليا مكنش باين عليه اي حاجه نفس النظرة و الحركه الى كانوا مليانين ثقه بالنفس و بعدها بيومين سمعت من ابويا و هو بيبكي و بيقول ...

اختى اجنت خلاص و بناتها دخلوها مصحه عقليه..

طيب يا صبري اية الى حصل لها ...

الى عرفته يا ام البنات من الشيخ ماضي الى كلمني بعد ما حامد نزل من عندها ...

بص يا استاذ صبري حامد اول ما دخل بيت اختك طلبت من بناتها يدخلوا اوضهم و ميطلعوش مهما سمعوا غير اما تخبط عليهم و فعلا دخلوا و بعدها قالت له ..

ههههههههه انا كنت مستنياك من الاول خالص انت مجتش ليه من بدري يمكن كنت تقدر تحمي اخوك الخايب دة .. و بدأت تظهر بصورتها المخيفة و حاولت تأذيه لكنه متحركش من مكانه ولا كان خايف و اول ما الخادم بتعها ظهر له حامد بص له اول ما قرب منه و خنقه بأيديه الخادم من كتر الخوف اما حامد قال له ...

انا ممكن احرقك و ممكن اسيبك و ممكن اخلى اصغر خدامي يسجنك ...

فخرج له اصغر خادم عنده كان خادم من جن المقابر ابشع و افظع انواع الجن و اختك اول ما شافت الخادم بتعها خايف حاولت تساعده بحضور القرين بتعاها لكن دة منفعهاش مع حامد لان حامد في ساعتها استدعى مارد من اعوانه و سجن القرين بتعها و بعدها بص للخادم بتعها و قال له ...

هااااااه تحب السجن ولا الحرق ولا..... و بص لاختك و الخادم في ساعتها بص معاه و بمجرد ما حامد سابه ابتدى هو الخادم بتعها هو الى يهجم عليها و حامد واقف بيتفرج و قال لها ...

انا صعيدي و ايدي متجبش دم ولا تقتل حريم انا هعذبك بخدامك و سابها و مشي ...

و بعدين حصل اية تاني يا صبري ...

قبل ما ينزل خبط على بناتها و اول ما خرجوا كان هو نزل و هما شالوا امهم الى ابتدت تكسر في البيت و حاولت كتير تقتل بناتها لحد ما اتصلوا بالنجدة جم خدوها و دلوقتي هي في مصحه عقليه ..

طب و حامد ..

معرفش عنه حاجه لكن عم ماضي قال ..

حامد كلمنى بعدها و قال ..

انا راجع لارضي بعد ما اخدت حقي و حق اخويا .....

**تمت**

للمرة التانيه بقدم اعتزاري لاعضاء الجرووب الكرام لكن التأخير كان بسبب ظروف العمل و انتظروا قصتنا الجديدة بعنوان ...

مدفون بالحيااا

ياريت تقترحوا لنا عنواين قصص جديدة بأفكاركم ...

و شكرااا

....

من فضلك سجل دخولك أو قم بتسجيل حساب للإجابة على هذا السؤال

4 إجابة

بواسطة طالب مبتدئ (168 نقاط)  
+2 تصويتات
بارك الله جهودك
بواسطة طالب محترف (3.8ألف نقاط)  
و بارك الله لكي أيضاً إن شاء الله
بواسطة طالب عالمي (8.7ألف نقاط)  
+1 تصويت
مساء الخير

قصة جميلة اووي اووي بس زعلت اووي على فرح وحمود

ممكن تحكي قصص عن المستقبل وغزل الفضائين لارض هتشوف شي غريب بس انا بحب القصص من النوع دا
بواسطة طالب محترف (3.8ألف نقاط)  
مساء النور
إن شاء الله
بواسطة طالب محترف (2.9ألف نقاط)  
تعرفي يا شهد .. انا قرأت القصة بس علشاان اعرف من حمووود ههههههه ومطلعش في حد اسمه حموود حتي القصه بتدليعهااا ؟؟؟!!!
بواسطة طالب عالمي (8.7ألف نقاط)  
ههههههههههههه
لك تنوب انتبهت اني كاتبة و بدل م هو اسمو محمود مو حمود
بواسطة طالب عالمي (8.7ألف نقاط)  
+1 تصويت

السلام عليكم ورحمه الله وبركاته ❤️ 

مساء الخير ❤️ 

لا تعتذر جميعنا لديه مشاغل 

ولكن القصه بجد روووعه روووعه بمعني الكلمة 

جزاك الله كل خيرا ❤️ 

بالتوفيق ❤️⁦(✿^‿^)⁩ 

بواسطة طالب محترف (3.8ألف نقاط)  
و عليكم السلام و رحمة الله و بركاته
مساء النور
و جزاكِ الله أيضاً خيراً
و بالتوفيق لك أيضاً إن شاء الله
بواسطة طالب مبتدئ (224 نقاط)  
+1 تصويت

هلا تقص قصصًا بالعربية الفصحى؟ smiley

بواسطة طالب محترف (3.8ألف نقاط)  
سأفعل ذلك بإذن الله
116 Online Users
0 Guest 116 Member
Today Visits : 41938
Yesterday Visits : 61219
Total Visits : 47894491

25.4ألف أسئلة

124ألف إجابة

154ألف تعليقات

29.7ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...