First time here? Checkout the FAQ!
x

الملاحظات

قصة نسائم روحانية ، الجزء الرابع ، بقلمي : علي محمد رسلان

في تصنيف موضوعات اعجبتني
بواسطة طالب محترف (3.8ألف نقاط)  
+4 تصويتات
476 مشاهدات

قصة نسائم روحانية

الجزء الرابع

بقلمي : علي محمد رسلان

.

.

انا فرح و كنت خلاص بطلع انفاسي الاخيرة و كنت بواجه موت حقيقي قبل ما يظهر لي الشخص الغريب الى كان مع محمود و قرايبه او الى كنت مفكراهم قرايبه شدها من فوق مني بقوة رهيبه و وقف قدامي مترقب بيبص في كل الاتجاهات عليها و ابتديت احس ان الارض بتتهز كل حاجه في البيت بتقع و بتتكسر و انا عماله بصرخ من الخوف و الرعب و فجأه ظهرت عمتى بأبشع شكل شفتها فيه شعرها كله منكوش و طاير لفوق و بينزل من بؤها دم اسود و مركزة عنيها عليا و ابتدت تضحك و قالت للشخص دة انت مش هتقدر تحميها هي خلاص ههههههه ماتت .. ابتديت احس ان جسمه سخن و انفعل جدا و جري نحيتها و الاتنين اختفوا و لقيت امي قدامي و انا بحاول اقوم من الارض و قلت لها الحقيني يا ماما و ابتديت احكيلها الى حصل خدتني في حضنها و طمنتني حسيت بهدوء غريب كأنه بيبشر ان في مصيبه كبيرة معرفش اية او اية الى هيحصل لكن انا مش مطمنه و اول ما بابا رجع ماما قالت له يا صبري لو سمحت انا محتاجه انا و فرح نتكلم معاك شوية ..

طيب خليها بكرة انا راجع تعبان شية ...

لا يا صبري الموضوع ميتحملش و عايزين حل للى اختك بتعمله مش كفايه الى حصل زمان معايا بسببها ..

مش قدام البنت قلت لك نتكلم بعدين ...

لا يا صبري ما بنتك بتموت بسبب الى اختك بتعمله فيها احكي له عن الى بيحصلك و بتشوفي اية...

حكيت لبابا على كل حاجه و اخر حاجه قلتها. ...انا قلقانه اووووووووي على محمود ارجوك يا بابا تعالى معايا نحلقه او نطمن عليه ..

حاضر يا بنتي يلا بينا...

و اول ما وصلنا البيت عنده فضلنا نخبط كتير و فتحلنا الراجل الى جالنا البيت معاه و اول ما دخلنا لقينا محمود فاقد الوعي و انا انهرت من العياط و حاولت افوقه لكن مفيش فايدة ...

الشيخ ماضي قال..

متقلقيش يا بنتي هو شويه و هيفوق انا اديته منوم عشان كان خطر علينا انه يفضل صاحي ..

ليه خطر ...

فرد على بابا و قال له انه متسلط عليه جني سفلي من جن المقابر و دة من أخطر أنواع الجن ...

و الحل اية يا شيخ ماضي..

لازم الى عامل الرصد دة هو الى يفكه ...

طيب من الى عمله ...

اخت حضرتك يا استاذ صبري ...

طيب الحل اية ...

لازم نوصل للرصد دة او هي تفكه بنفسها.الى مش قادر افهمه حاجه واحدة احنا ممكن نقول ان محمود مثلا زعلها او عملها حاجه لكن هي تعمل حاجه زي كدة مع بنتك كمان لية ...

انت متأكد من الكلام دة يا عم ماضي..

للاسف متأكد و لازم نخد خطوه بسرعه و نشوف حل ...

طيب يلا نروح لها انا و انت يا عم الشيخ ماضي..

يا احمد خلي بالك من محمود هروح انا و الاستاذ صبري عند اخته و نشوف حل و انتي يا فرح يا بنتي خليكي انتى و امك مع خطيبك ...

حاضر ...

انا صبري و بعد ما نزلنا من عند محمود بنص ساعه وصلنا خبط عليها و فتحت الباب ...

ازيك يا صبري مين الى معاك دة ..

هنتكلم من على الباب ياختي ولا اية ...

لا ابدا اتفضلوا ...

اية ريحه البخور و الشياط دة ...

دة دة مفيش اصلنا كنا بناكل سمك و الريحه جامدة ..

الشيخ ماضي فضل يتمتم بكلام غريب ..

محمود مشي الدجال دة من هنا و ابتدت ملامحها تتغير ...

دلال سيبي بنتي و خطيبها في حالهم ...

هههههههههههههههههههههه لا ....

طيب ليه هما عملوا لك اية ..

الباشا خطيب بنتك كان زميل كليه لبنتي داليا و كان مسابقها بسنه و البت كانت معجبه بيه و جاات بنتك على الجاهز اتخطبت له ...

يا دلال دة نصيب سيبي العيال في حالهم ....

دة لازم يموت و دلوقتي...

تلفوني رن فجأه من فرح بنتي ...

الووووووووووووو 

الحقني يا بابا محمود فاق و بيكسر البيت ...

قفلت معاه و خدت الشيخ ماضي و نزلنا جري على بيت محمود اول ما وصلنا للشارع الى ساكن فيه لقينا ناس كتير متجعه قدام العمارة و في اسعاف و عربيه بوليس لسه واصلين لكن الى كسر قلبي صوت بنتى فرح هي و امها بيصرخوا باسم محمود و بنتي اول ما شافتني فضلت تضرب في صدري و قالت ...

محمود مات يا بابا انتحر و نط من البلكونه كل دة ليه بسببها يحصل هو معملهاش حاجه لكل دة و فجأة فقدت الوعي و بعد ما الاسعاف خدت الجثه و فات يومين و كان جه معاد الدفن رحت استلم الجثه و ادفنها في مقابرنا و انا كنت بستلم الجثه شفت هناك شاب شبيه لمحمود بدرجة غير معقوله لكنه لابس هدوم صعيدي و قال لى انت مين يا حاج ...

انا صبري و محمود الله يرحمه كان خطيب بنتي ...

بص لي بقرف و قالي انت الى اختك موتت توأمي بسحرها ...

يا ابني انت فاهم غلط يا ابني ....

لا انا فاهم صح اووووووي ....

كان باين انه بيكلم بثقه كبيرة و متأكد من كلامه فمكنش قدامي غير اني اسأله انت عرفت منين ....؟

اخويا قبل ما يموت كلمني و حكالي عن الى حصل معاه فقلت له اني مشغول و وصفت له انه يروح لاحمد و ماضي ...

طيب هو معرفناش ان ليه اخ ليه ...

المرحوم كان محرج يقول لكم ان اخوه اكبر دجال في الصعيد لانه مكنش يعرف ان السحر موجود في نسبه الي شرفه و خلاه يستعر من اخوة ...

بص يا عم صابر ..

لا يا ابني انا اسمي صبري ...

لا انت خلاص هتبقى صابر على الى هيحصل في اختك بعد ما ادفن اخويا ...

شفت في عيونه شر غريب و نيه انتقام تدمر دوله فسكت و استلمنا الجثه و خدناها على الغسل الى كان مجمع قدامه اصحاب محمود و زمايله في الشغل و مراتي و بنتي فرح الى فقدت النطق من الصدمه و مبقتش بتكلم حد و اما شافوا حامد اخوة و هو شايله على ايدة و داخل بيه المسجد عشان نصلي عليه كلهم اتصدموا حتى بنتي فرح و جريت عليه بعد ما خلصنا صلاه الجنازة اول ما خرج من المسجد و قالت له انت عايش يا محمود ...

قال لها ...

محمود مات لانه كان بيحبك و انت هجيب حقه ...

و سابها و مشي و اول ما وصلنا للمقابر حامد شال نعش اخوة و كلنا شلناه معاه و فتح القبر بنفسه و نزل اخوة لقبرة و وقف و اخد عزاه و كنت معاه و اما الشيخ ماضي و احمد عزوه قالوا ...

البقيه في حياتك يا حامد يا ابني ..

حياتك الباقيه يا شيخ ماضي ...

كفايه شر بقى يا ابني احنا حاولنا نحميه لكن مقدرناش ..

مقدرتوش تحموه لكن انا قادر اجيب حقه ...وبعد ما الشيخ ماضي عزاه قال....

يا اهل الله الى ليه عند اخويا دين انا ملزم بيه ليوم الدين...و حقه دين في رقبتي والا تحرم عليا انفاسي و الهوا الى بشمه و كمل و قال.......

انتظروا الجزء الخامس و الاخير

من فضلك سجل دخولك أو قم بتسجيل حساب للإجابة على هذا السؤال

2 إجابة

بواسطة طالب عالمي (8.7ألف نقاط)  
+1 تصويت

السلام عليكم ورحمه الله وبركاته ❤️ 

مساء الخير ❤️ 

روووعه التكمله

 منتظره الانتقام وياتري هيعمل فيها اي 

مش صعبان عليا اللا فرح والله smiley 

بالتوفيق ❤️⁦⁦(✿^‿^)⁩

بواسطة طالب محترف (3.8ألف نقاط)  
و عليكم السلام و رحمة الله و بركاته
مساء النور
و بالتوفيق لك أيضاً إن شاء الله
بواسطة طالب عالمي (8.7ألف نقاط)  
0 تصويتات

يالله والله حزت على محود وفرح 

متظرة الجزء الخامس 

تحياتي smiley

بواسطة طالب محترف (3.8ألف نقاط)  
و تحياتي لك أيضاً
200 Online Users
0 Guest 200 Member
Today Visits : 26536
Yesterday Visits : 55702
Total Visits : 44252358

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...