إزيكم ي جدعان
طبعا انتوا عارفين انا مين ولا نسيتونى؟ اكون حزين(واخد بالك انت من القافية) هههه
المهم بعد غياب طويل، حوالى 5 شهور الحمد لله رجعت تانى بعد ما خلصت الثانوية، وانهاردة كان آخر امتحان (تفاضل وتكامل) ،والحمدلله كان كويس، طبعا احنا اتشحورنا(متسألش عن معناها علشان انا معرفش ههههه)12 شهر مذاكرة وسهر وليلة ما يعلم بيها الا ربنا.. خلصنا والحمدلله وربنا يوفقنا في اللى جاي بقى..
بإذن الله عندى أفكار جديدة هحاول اشاركها معاكم هنا، ولكن انا هنام اسبوع كده ولا حاجة وبعدين ابدا بقى هههه
والله ي جماعة عايز انام يجي سنة هههه.. بس بعد ما اروح العب كورة انهارده (العشق طبعا)
وبإذن الله هكون موجود طول الاسبوع ده بشارك في الإجابات، بس هنزل بقى الأسبوع الجاي منشور اقول لكم هعمل ايه واقترح عليكم الأفكار.. كونوا في الانتظار (واخد بالك من القافية) ههههه لتانى مرة
فايق ي جدعان خلاص مفيش مذاكرة بقى الله ههههه
يلا سلام اشوفكم قريب..
رزقكم الله سعادة الدارين ❤️