First time here? Checkout the FAQ!
x

الملاحظات

قصة جديدة بقلمي : علي محمد رسلان

في تصنيف موضوعات اعجبتني
بواسطة طالب محترف (3.8ألف نقاط)  
+3 تصويتات
264 مشاهدات

#قصة_جديدة

الوقـت كـان متـاخر اوي لمـا سمعت صوت صرخة جـايه من غرفة بنتي (كريس) نزلت بسرعة كبيرة عشـان الاقيها بتنتفض في غرفتها، وبمجرد مافتحت النور لقيتـها جريت في حضني وهي بتقولي ..

- كلارك معـاه شخص غريب في اوضته!!

كلامـها خلاني افكر لمده دقيقة! (كلارك) ابني ال عنده ٤ سنين معـاه شخص غريب ؟ ويـاتري (كريس) ال اكبر منه بسنتين بتتخيل؟ .. بس في الحقيقة صدقتها!! ، صدقتها وانـا بكتم خوفي جوايا! .. صدقتها وانا عارف ان بمجرد مافتح غرفة (كلارك) هلاقي نـايم ، او بيمثل انه نـايم ومفيش اي حاجة .. بس انـا عارف دلوقتي انت بتسالني سؤال؟ انت ليه مصـدق اصلا كل ده ؟ ..

خليني اقولك ان (كلارك) ابني من سـاعة ما جه الدنيـا وهو غريب جدا، تقريبـا عمره مضحك في حياته من صغره، حتي لمـا كنا بنلاعبه ، ديمـا سرحان بعينه بعيد في ركن من اركـان الحوائط، الامر كـان طبييعي بنسـبة ليـا في البداية بس بمجـرد مابدا يكبـر بقيت الاحظ التغيـرات دي ديما منطوي وقـاعد في اوضته ديـما بيلعب مع شخص خيـالي مش موجود، انا شخص فاهم ان الاطفال في السن ده بيحبه يكونه اصـدقاء خيـالية يقضـوا معاها وقتهم! انـا كمـان كـان عندي صديق خيـالي في صغري، كـان اسمه (العم جوش) ومكنش صديقي لوحدي ده كـان صديق (ستيـڤ) جاري، فـ عشـان كده كنت مقدر ال بيعمله ابني (كلارك) .. بس بعد فترة بدأت الاحظ التغيـرات ، السهر لوقت متـاخر ، والضحـك ال بصـوت غريب، كـمان لاحظت حاجة غريبة .. (كلارك) ابني بيكـتب بخط جميل جدا!! في حين ان عنده ٤ سنين؟ ولمـا سالته 

- كلارك مين ال كتب ده؟ ..

- انـا! 

- ومين علمك الكتـابة!! .. استاذ ديفيد؟؟ 

-- لا .. ده صديقي 

- ومين صديقكك؟

-- اسمه الكسندر 

لمـا قالي الاسم ده حسـيت برعشة مسكت اطراف جسمي ؟ .. سكت! بس اثناء سكـوتي لحظت نظرات ابني (كلارك) بتتغير.. ابتسامته فيها شيء غريب ، كانه عايز يقولي ايه الاسم رعبك؟ ..مرضتش اتكـلم كتير بس اتاكدت من الموقف ده ان في مش طبيعي هيظهرلي الايام الجـاية .. حكيـت الموقف لبعض من اصدقائي وال نصحـوني اني لازم اهتم ب (كلارك) اكتر من كده ، وفي الفترة جبت قس من الكنيـسة عشـان يقعد معـاه، القس طلب مني انه يقعد معاه لوحدهم ، وبمجرد مـاقعد مع كلارك وخرج.. قال

-- بيتك في روح شيطـانية خبيثة!! .. لازم اجيلك اكتر من مرة؟!..

مكنتش فاهم ايه ال بيحصل! .. وسيبته يقرأ من الكتـاب المقدس في البيت، بس من بعد اليـوم ده كل حـاجة اتغيرت لاسواء، (كلارك) دخل في حالة من التشنج المستمر وحالة هيسترية غريبة من الصراخ في منتصف الليل! .. كمـان بدات الاحظ ان (كلارك) مش لوحده بيبقي لوحده في اوضته! ديمـا في خيـال غريب و(كلارك) بيتكلم معاه!! .. البيت بدأ يبقي حر بطريقة شديدة بعد السـاعة ١٢، ويمكن دي من العلامـات المميزة ال كل البيت لاحظها حتي زوجتي (مارتينا) خصوصا ان الكلب بتاعنا مبقاش يعدي من قدام غرفة كلارك نهائي وبقي خايف طول الوقت .. بدأت اتردد كتير علي الكنيسة والرهبان بدات تزور بيتي باستمرار لحد ماتواصلت مع شخص مستحضر روحاني كبير في مديتني كان اسمه ( الفريد) ولمـا قعدت معاه وحكتله حالة ابني .. قال 

-قبـل مابدأ لازم اقولك بعض المقدمـات يمكن تفيدك ، ركز معايا ... ، عشـان تقدر تنتصر عليـهم لازم تكـون مدرك انت بتتعـامل مع مين كويس ، ولازم تكـون فاهم ان كيـانات العالم ده مش بس اشبـاح وخيالات ؟ لا .. دول ملهمش عدد وبيختلفوا زي البشـر بالظبط في الشكـل والقدرات، بس تعرف ايه ال ممكن يكون خطيـر ولازم تقدره كويس؟ انهم ممكن يـاخدوا اي شكل او اي هيئة مش بس القطط والتعابين .. لا لا ده ممكن ياخدو صفتك انت ايوه صـفتك الآدمية في اي زمـان او مكان عشـان يوصل بس لل هو عايـزه ، لو قربت تعمقت بس في حكايتهم هتسني اي قصـة سمعتها او حتي قرأتها وسببت ليك رعب، لان الحقيقة اكثر هول ورعب عن كـل ال تعرفه ، الكيـانات دي بتهتم بينا كتير وبيعرفه عنك اكتر من ال انت عارفه عن نفسك ، ومن معرفتهم بينـا هما عندهم ادراك بمشـاعر الخوف ال بنحسها من المجهول! وده هو السبب ال بيخليهم لما يتعاملوا معانا يظهروا لينا بصورة بشرية .. راجل عجوز .. او طفل .. او امراه ..

وهنـا سكت شوية وحساني عايز اقول حـاجة وفعلا سالت وقولت..

- انـا شوفت حد فيـهم .. شوفته وانا صغير! هل ده كان حقيقي ؟

- اممم خليني اقولك كالاتي .. طبقا للمعلومـات ال جمعتها خلال تجاربي اقدر اقولك انك ممكن تشوفهم في ٣ مراحل بس ..

""المرحلة الاولي"" ودي بيكون غير مرئي للعين البشرية ولا حتي لكـاميرة التصوير وبيكون مرئي لعين الحيوانات بس انت كبشري بتحس باشياء غريبة في البيت .. 

"" المرحلـة التانية "" بيكـون مرئي لكاميرة التصوير وكمان ظاهر اكتر للحيوانات واحساسك كبشـري بيكبر وهنا لازم تتدخل عشان المرحلة التالتة خطر ..

"" المرحلة التالتة "" 

دي المرحلة الخطر واتمني ميكنش وصلتوا ليهـا هنا بيكـون ظاهر للعين البشرية العادية .. وخليني بردو علامات .. لو حسيت في بيتك ان السخونية بقيت شديدة مرافقة ريحة شياط واصبحت بعض المناطق حوليك باردة ، لو بتربي حيوان اليف في البيت ولقيته مـات بصورة مش طبيعية يبقي انت هنا مش لوحدك في البيت وعليك خطر شديد ..

مش عارف لما قال المرحلة التالتة دي اترعشت .. وقولت

- طيب هو ممكن يظهرلي؟ 

ابتسم وكمل وقال 

- لو عندك الجرأه .. خد موبايلك وشغل الكاميرة واقف في زاوية من زواية البيت .. وابدا بالحركة حوالي ٦ امتار ومتبصش وراك وبعدها خد صورة سيلفي! بس بشرط الركن يكون ظاهر معاك في الصورة .. وبعدها بص في الصورة! لو لقيته .. هيبقي سبب وجوده ياما عايز يأذي المكان او يأذيك انت شخصيا! ..

خصلت الكـلام معاه وشكرته ومشيـت! .. ركبت عربيتي وانا طول الطريق بفكر هل انا وصلت للمرحلة التالتة ال بيقول عليـها دي! .. بفتكر ذكرياتي وانا صغيـر .. انا محستش الاحساس ده من اكتر من ١٥ سنة ! .. وصلت البيت عشان الاقي زوجتي (مارتينا) وبنتي (كريس) بيبكوا بكـاء هستيري.. وحاضنين كلبنا (روكي) .. الكلب كـان ميت!! .. بدون حتي مسال لقيت جسمي بيرتعد!! وببص علي غرفة (كلارك) .. فتحت عليه الغرفة وسيبتهم في بكـائهم كـان نايم! .. اوضته كانت باردة بطريقة توحي اننا في شهر ديسمبر مع اننا في اواخر اغسطس بس كنت شامم ريحة شياط في غرفته!! .. قفلت غرفته بهدوء ، وفضلت اواسي زوجتي وبنتي علي فراقهم للكلب.. وانا مخبي كل احاسيسي!! .. اليـوم ده مقدرتش انـام فضلت في الصالة قدام التلفزيون وعيني مش بتفارق غرفة (كلارك) .. حاسس اني وصلت للمرحلة الخطر؟ .. بس انا بيحصل معايا كده ليه!! .. غرفة (كلارك) اتفتحت! .. الباب اتفتح ببطيء شديد .. كان صوت صرير الباب عالي، لدرجة اني بلعت ريقي بصعوبة ومستني اي شيء خطر يواجهني .. بس لحسن حظي كان ال طلع ابني (كلارك) كان واقف قدام الباب متسمـر وبيبصلي بدون اي تعابير .. او مرة اخاف من نظرته فاتكلمت وقولت 

- كلارك في ايه؟ وايه ال مصحيك للوقت ده!! ..

مردش عليا .. وقرب مني كان ماسك في ايده كراسة فضل يبصلي كتير قبل مايقول! 

-- بابا؟ هو انت سيبت الكسندر ليه؟؟..

مش عـارف ليه خوفت .. وقولت 

- الكسندر مين؟ ..

ابستم واداني الكراسة فتحتها .. عشـان الاقي كاتب بخط ايده!! ..

"" صديقي ريتشارد، .. انـا حكيت كل القصة لابنك العزيز وصديقي(كلارك) ، افكرك بيها يمكن تكون نسيت؟ .. فـاكر العم جوش؟ رجل المنزل المهجور؟ .. فـاكر مغامرتنا معاه .. محدش كـان بيصدقنا ياصديقي، محدش كـان بيصدق ان البيت ال وراه البحيرة بيسكنه العم جوش!! .. بس انت خـاين ياريتشـارد، لما اتفقنا نروح انا وانت حفلة الشاي ال عملها لينا ، اتفقنا نرجع سواء!! .. البيت بتاعه كـان مظلم؟ .. الاصوات كمان مكنتش ال اعتدنا عليها!! يمكن عشان اول مرة كنا ندخل البيت بعد منتصف الليل وكنا ديما معتادين اننا نروح البيت الصبح؟ .. بس انت قولتلك قبل مندخل بلاش وانت صممت علي الدخول! .. ولما الباب اتقفل علينـا انت جريت لفوق وسيبتني اصرخ ونطيت من البلكونة!! .. حولت اعمل زيك بس مقدرتش، العم جوش مسكني؟؟ .. بس انا استنيتك كتيـر اوي انك تيجي عشان تنقذني او حتي تقول لاهلي!! بس انت خليت السر ده جواك؟ .. انا هنا جمبك وانت بتقرا الورقة دي .. بس خليني اقولك ان شكلك اتغير جدا عن زمان!! ..

 بمجرد مخلصت الكلام ال مكتـوب لقيت (كلارك) سابني ومشي بدون حتي مايقول ولا كلمة .. كنت خايف !! خايف ومرعوب!! ولما (كلارك) قفل الباب عليه .. حسيت بخوف اكبر .. حسيت ببرودة في المكـان كله ، مسكت موبايلي بارتعـاش ايدي كانت بتهزز بصورة جنونية ، خليت زاوية من الحيطة ورايا .. واتقدمت ٦ امتار!! .. واخدت صورة سيلفي!! .. وبمجرد مبصيت فيها!! لقيت الكسندر ورايا!! .. كـان هو هو !! متغيرش؟ نفس التشيرت البرتقاني والبنطلون الكاكي؟ .. نفس سنه !! .. كان بيضحك ضحكة مرعبة! .. موبايلي وقع مني وانا بصرخ!! مذعور .. اغمي علياا في مكـاني ، ولما فوقت لقيـت نفسي في غرفة (كلارك) وجمبي ورقة! مكتوب فيها ..

"" انا مشيت من البيت يا بابا ، بس لو عـايز تعرف مكاني هتلاقيني مع صديقي الكسندر في البيت ال عند ال بحيـرة ! "" ..

#تمت

  بقلم : علي محمد رسلان

من فضلك سجل دخولك أو قم بتسجيل حساب للإجابة على هذا السؤال

3 إجابة

بواسطة طالب عالمي (8.7ألف نقاط)  
+2 تصويتات

السلام عليكم ورحمه الله وبركاته ❤️ 

مساء الخير ❤️ 

روووعه بجد استمر 

حسيت اني بشاهد فيلم على هوليوود 

هل القصص دي انت اللي بتكتبها يعني المؤلف الخاص بيها ولا قصص متداوله 

بالتوفيق ❤️⁦(✿^‿^)⁩ 

بواسطة طالب محترف (3.8ألف نقاط)  
السلام عليكم ورحمه الله وبركاته
مساء النور
جزاك الله خيراً
أنا أكتب هذه القصص جزء من خيالي بقليل من الواقع
و بالتوفيق لك أيضاً إن شاء الله
بواسطة طالب عالمي (7.7ألف نقاط)  
+2 تصويتات
شو هالرعب والخوف هههه إن كلارك إنسان مخيف جداً حقاّ من الآن وصاعداً سأحذر من الأطفال.

لكن وجود الناس الخيالية لا يقتصر على الأطفال فقط أليس كذلك

أأنت من ألفت القصة؟

ان كنت قد قصدت أن تجعلها مخيفة وغريبة فلقد أحسنت ذلك .. لكن أنصحك بتقليل الدهشة وعلامات التعجب

استمر وواصل التقدم
بواسطة طالب محترف (3.8ألف نقاط)  
منذ الصغر و أنا أحب الخيال أكثر من الواقع لأن الخيال في كثير من الأحيان يجعلني سعيداً أكثر من الواقع.
أنا أحب قصص الرعب و مع أكشن و يكون هناك قليل من الرومانسية مع أكشن .
أنا ألفت قصص كثيرة .
الخيال يكون لأي مخلوق فقط الفرق يكون هناك شخص يستطيع أن يضع حبكة في عقله و شخص فقط يتخيل القصص و يضع لها أي شئ ، مجرد خيال
بواسطة طالب عالمي (7.7ألف نقاط)  
رائع، لا تترك هذه الموهبة
انا ايضا احب الخيال ولكن لم اجرب أن أكتب ما بعقلي من خيال لأنه عادة ما يكون غريباً. كصديق كلارك، الكسندر ..
شارك ما تكتب وخذ آرائهم فربما تكون مؤلفا يوما ما
بالتوفيق
بواسطة طالب محترف (3.8ألف نقاط)  
إن شاء الله
بارك الله فيك
و جعلك من مُحفزين بإذن الله
بواسطة طالب محترف (2.9ألف نقاط)  
مرااحب :)
هو انا مفهمتش النهاية ..
هل اكسندر دا جاره اللي كان يبلعب مع العم جوش بردوو ؟؟
وكمان القصه دي خياال صح ؟؟ يعني لا تمس الواقع بشئ ؟
علشان اعرف انام بس هههههههه



مررريييم ياه دا انا عندي كمية اصدقاااء خياليين ممكن يحصلي نفس ما حصل للبني ادم دا ؟؟؟ هههههههه
بواسطة طالب عالمي (7.7ألف نقاط)  
اه اكيد خيال بس مش عرفه الكسندر دا بيعلب مع جوش ولا


انا كمان عندي صديق واحد بس الحمدلله يعني موثوق منو ومش بيعمل الحاجات دي هههههه
شوفي انتي بقا صحابك بتحبيهم وبيحبوك ولا لاء وخاينين ولا لاء والحاجات دي يعني ههههه
بواسطة طالب عالمي (8.7ألف نقاط)  
+1 تصويت
صباح الخير

واووو قصة رووعة روووعة بجد

انت الى مالف القصة هاي خيالك خصب وقصصك روعة غموض على رعب مكس حلووو

انتظر باقي الاجزاء
بواسطة طالب محترف (3.8ألف نقاط)  
صباح النور
جزاك الله خيراً
125 Online Users
0 Guest 125 Member
Today Visits : 46680
Yesterday Visits : 56116
Total Visits : 44216819

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...