قصة نسائم روحانية
الجزء الثالث
بقلمي : علي محمد رسلان
.
.
الووووووو
اهلا بحضرتك يا استاذ محمود اخبارك اية..
الحمد لله يا عم الشيخ...... انا بنسى اسمك على طول انا اسف ...
ههههههههه اسمي الشيخ ماضي يا ابني...
اه ايوة افتكرت .. حضرتك فين دلوقتي اوعى تكون نسيت معادنا ...
لا يا محمود يا ابني متخفش انا مستني واحد جاي معانا ...
واحد مين يا شيخ ...
الاستااذ احمد اما عرف حكايتك قرر يساعدك معايا...
ربنا يستر...
متقلقش يا محمود انا عمك و هو ابني قولي العنوان فين و هتلاقيني مستني هناك ..
اتصلت بحمايا و قلت له ..
ازيك يا بابا عامل اية ..
بخير يا محمود انت اتأخرت ليه النهاردة ..
و الله مستنى عمي و ابنه لانهم كانوا عايزين يجوا يشوفوا خطيبتي دة بعد اذنك طبعا ... سكت لثواني و قال ...
ينوروا يا ابني دة بيتك لكن كان المفروض تعرفني الاول او قبلها بيومين على الاقل ...
معلش يا بابا و الله الموضوع جه فجأه...
عموما زي ما قلت لك البيت بيتك...
شكرا جدا ليك يا بابا...
نزلت و خدت عربيتي و رحت على المكان الى المفروض هنتقابل فيه .. اول ما شفت الشيخ ماضي و احمدالى معاه سلمت عليهم و خدتهم و طلعنا على البيت و كانوا جايبين حجات معاهم كأنهم رايحي زياره لحد تبعهم فعلا انا استغربت جدا من التصرف دة لكنه عجبني جدا جدا بصراحه .. خدتهم و طلعت على البيت و قبل ما اخبط لقيت احمد مسك في ايدي و قال...
البيت دة في حجات كتير اووووووووي غلط ... خبط يلا ..
كلامه خوفني و اكد لي شكي و ظنوني خصوصا اما الباب اتفتح...
ازيك يا محمود اهلا بيك اتفضل اتفضلو يا جماعه البيت بيتكم ..
اول ما دخلنا لقيت عمتها قاعدة قدامي بس هي ليه شكلها اتغير كدة بشرتها سودة اووووووووي و عيونها حمرا جدا كأنها بتنزف دم.. اتفجأت بماضي بيهمس في ودني و بيقول لي ..
اوعى تقوم تسلم على قرين عمتها و تجاهلها خالص انا عارف انك شايفها ...و قال ...
اومال فين العروسه يا جماعه محمود من كتر كلامه عنها شوقنا ليها جدا ..
و فجأة خرجت و سلمت على الموجودين و راحت تسلم على حد بعدنا انا فكرتها اجنت اما رجعت تاني كأنها بيتهيء لها و اتوترت جدا و بان عليها و انا كمان كنت مرتبك يا ترى فرح كانت شايفه اية ولا مين الغريب ان ماضي و احمد فضلوا يبصوا لبعض و انا مش فاهم اي حاجه ...
بعدها بشوية احمد و الشيخ ماضي استأذنوا و ماشين ..
بعد ما خرجوا من البيت حمايا قال..
قرايبك دول محترمين جدا يا ابني ...
شكرا يا بابا ربنا يحفظك...
قعدت شويه و مشيت على طول اول ما نزلت كلمت الشيخ ماضي...
اية يا عم ماضي اية الاخبار .؟...
الحمد لله رب العالمين يا بني بص بقى الى عرفته و انا عند خطيبتك و اهلها ان في حد مسبب لها اذى جامد جدا و عايزك تقوي قلبك من الى هقوله لحضرتك...
خير يارب انت قلقتني بكلامك دة...
بص يا ابني انا هكون معاك صريح و هقولك على كل حاجه..
اول ما دخلنا البيت و انت شفت قرين عمتها و احنا كمان شفناه فكرتنا اتغيرت كنا هنعالجها و احنا موجودين في ساعتها لكن ...
لكن اية يا شيخ ماضي كمل ...
لكن الكائن دة مؤذي جدا فأحنا اضطرينا نسيب خدمنا هناك و هما هيحاولوا يحموها ...في حاجه مهمه كمان عايزك تعرفها ان خطيبتك بتكشف ...
يعني اية ...
يعني شافت نادر اقوى خدمنا ....
طيب و دة الي كانت رايحه تسلم عليه ...
ايوة فعلا انا حسيت انك اخدت بالك ...
طيب و بعدين اية الى هيحصل ..
احنا سيبنا في الكيس الى جبناه ازازة ميا اطلب منها انها تستحمى بيها في مكان غير الحمام و متخفش لو شافت نادر تاني ...
هي ممكن تشوفه تاني.؟..
طبعا لانه موجود هناك و معاه مارد هيحاولوا يساعدوها ...
طيب يا شيخ ماضي انا مش عارف اشكرك انت و استاذ احمد ازاي ...
لا يا ابني مش محتاجه ولا شكر ولا حاجه احنا بنعمل الموضوع دة لوجه الله...
ماشي يا شيخ ماضي هقفل معاك و نتكلم بعدين...
قفلت معاه لانى لاحظت ان في رقم غريب بيتصل بيا اول ما رديت...
الوووووووووووو
ايوة مين معايا ....
انا عمت فرح . ...
حسيت اني شايفها قدامي بنفس الهيئة الى شفتها بيها عند فرح...
ااهلا بحضرتك اززيك ..
انا كويسه انت اخبارك ايه...
االحمد لله .تحت امرك ..
انا سمعت انك شغال في الديكورات كنت عايزاك تعدي عليا في البيت عشان عايزة اخد رأيك في كام حاجه كدة عايزة اعملها ..
ححاضر قريب بأذن الله...
تمام ماشي ...
مين نادر الى كان معاك عند فرح دة ...
نادر؟؟ نادر مين ...
اقصد احمد ...
دة ابن عمي و عمي كانوا عايزين يتعرفوا على فرح .. و فجأة السكه اتقفلت و الصورة بتعتها ظهرت تاني قدامي و قالت ...
بس انت بتكدب و هتتعاقب على كدبك دة و فجأة مسكت في رقبتي و كانت بتخنق فيا و كنت هموت في ايدها و فجأه لقيت انها اختفت ..و بعدها بشويه لقيت فرح اتصلت بيا ...
الوووووووووووو ازيك يا محمود ...
الحمد لله يا قلبي اخبارك اية ...
كويسه الحمد لله قرايبك كويسين اووووووووي يا محمود بس في حد منهم نسى ازازة ميا عندنا ...
لا دي خديها و امسحي بيها جسمك بس مش في الحمام ..
لية يا محمود ...
هفهمك بعدين يا قلبي...
طيب تمام في حاجه انا عايز اقولك عليها اما جيت انت و قرايبك عندنا في واحد كدة كان شكله غريب شوية اما جيت اسلم عليه حسيت اني مسكت الهوا بأيدي اتوترت اووووووووي ساعتها مش كدة و بس انا شفت الشخص دة موجود حتى بعد ما انت ما مشيت ...انا خايفه اووووووي يا محمود و مش عارفه اعمل ايه ولا اية الى بيحصل معايا دة ...
متخفيش يا قلبي انا عايز اقولك على حاجه الاتنين الى كانوا معايا دول مش قرايبي دول واحد شيخ و التاني معالج روحاني و انا كنت حكيت لهم عن الي حصلنا و انا مش عايزك تخافي من الى شفتيه معانا لان دة مهمته انه يحميكي ...
يحميني من اية يا محمود انا مش فاهمه حاجه ..
بصي يا فرح في حد تقريباً عاملك حاجه مسببه لك اذى كبير و بتخليكي بتشوفي حجات و بتسمعي حجات المفروض متحسيش بيها ....
حد مين يا محمود ...
ثواني يا فرح هرجعلك تاني ..
في اية يا محمود ...
ثواني يا بنتى النور قطع فجأه ..
طيب خلي بالك انت قاعد لوحدك ؟.؟
اه طبعا يا فرح انتى نسيتي ان اهلى ماتوا في حادثه من ٥سنين ...
معلش يا حبيبي خلي بالك من نفسك...
حااضر يا قلبي المهم انا عرفت ان عمتك هي السبب في الى بيحصل معانا ...
انت اكيد بتهزر عمتى مالها بينا ...
و الله يا بنتي زي ما بكلمك انا اما كنت عندها معاكوا قدمت لي عصير و .... اية دة سيبوني سيبوني انا معملتش حاجه انتوا ماسكني كدة ليه ااااااااااااااااااه...
محمود انت روحت فين الوووو الوووووو الووووووووو
الوووووووووووو ... بعد ما سمعت محمود زي ما يكون حد بيعذبه خرجت زي المجنونه ادور على بابا عشان نروح له البيت و نلحقه و اول ما خرجت من اوضتي لقيت بابا فقلت له ..
الحقني يا بابا محمود في خطر تعالى معايا نلحقه ...
لا يا فرح انتى اكيد اجننتي نروح فين دلوقتي و نلحقه من اية ...
يا بابا .. و حكيت له على كل الى قاله محمود ...
لا ده زودها على الاخر جايب اتنين دجالين لبيتي و كمان بيتبلى على اختي محمود دة مستحيل يكمل معاكي يوم واحد بعد النهاردة ...
يا بابا طيب تعالى نلحقه و بعدين اعمل الى انت عايزة ..
بتكلمى مين يا فرح ...
بكلم بابا يا ماما عشان نلحق محمود ...
يا بنتي ابوكي نزل من ساعه و لسه مطلعش ...
ازاي يعني يا ماما اومال دة مين .. ببص تاني نحية بابا لقيتها عمتي اللي كان شكلها مخيف و مرعب جدا حد في بنفس ملامحها لكن بشرة سودة لون الليل و ملامح صعبه و عيون الشر خارج منها و فجأه مسكتني من رقبتي و خنقتني و قالت بصوت مرعب و خشن ...
خلاص محمود ماااات و ابتدت تضحك بجنون و بشر و قبل ما خلاص كنت هموت في ايدها ظهر لي فجأة.......
.........
.........
انتظروا الجزء الرابع
