نسائم روحانية..
الجزء الاول.. بقلمي : علي محمد رسلان
الف مبروك يا فرح يا بنتي عقبال الليله الكبيره..
الله يبارك فيكي يا عمتي دلال..
الف مبروك يا عريس..
الله يبارك فيكي عقبال اولادك ..
مالك يا محمود شكلك مضايق في ايه ..
مش عارف ليه يا فرح و سامحيني يعني انا مبحبش عمتك دي ..
ليه بس يا محمود و الله هي طيبه بس هى ممكن تكون بتغير مننا شوية عشان انا و اخواتي البنات فرحه و فاطمه متعلمين اكتر من بناتها و كلنا مخطوبين و بناتها لسه محدش اتقدم لهم مع اننا اصغر منهم ..
اممممم ممكن ...
المهم النهاردة خطوبتنا يا حبيبي بعد انتظار سنه و نص ...
يااااه سنه و نص قليل اووووووي انا حاسس انى اتسرعت شوية ..
نعم يا بابا هو انت كنت تطول اصلا احمد ربنا اني وافقت عليك ..
الحمد لله رب العالمين و الله ..
خلصت الخطوبة ووالكل روح على بيته و تاني يوم كان المفروض اروح لفرح اخدها و نخرج .. اول ما وصلت بيتهم لقيت استقبال اهلها على غير العادة المقابلة غير كل مرة حاسس ان في حاجه غلط ..و فرح خرجت من اوضتها جهزت نفسها و قالت لى ...
يلا بينا ننزل دلوقتي...
طيب اخد نفسي من السلم حتى ..
لا يا محمود معلش يلا اسمع كلامي..
خدتها و نزلت و سألتها في اية يا بنتي انا حاسس ان في حاجه غلط في اية ...
مفيش حاجه يا محمود ...
لا في انتى خدتيني و نزلنا على طول حتى المقابلة في البيت عندكوا مختلفه هو في حاجه حصلت...
اصل ...
اصل اية يا فرح ما تتكلمي ...
اصل النهاردة الصبح بابا كان زعلان منى اووووووووي انا و انت و كان هيرفض اننا ننزل اصلا ...
طيب اية السبب...
عمتي اتصلت بيه و حكيت له على الى انا و انت قولناه ...
طيب هي سمعت ازاي احنا كنا في البلكونه و لوحدنا و كان في دوشه جوااا ...
و الله ما اعرف مين الى قال لها يا محمود ..
طيب خلاص انا هعتزر لوالدك بنفسي و فكيها بقى احنا رايحين نتفسح ...
خلاص طيب يا حبيبي مفيش حاجه...
استمتنا باليوم الى كان جميل ...و اول ما رجعنا مكنش في حاجه اتغيرت نفس المقابلة..دخلت هى اوضتها تغير هدومها و ابوها خرج يقعد معايا و بعد السلام قال ..
انا زعلان جدا منك يا محمود ...
انا عارف حضرتك زعلان من اية لكن انا مكنتش اقصد و انا بعتزر جدا لحضرتك ...
عموما انا مليش حق عندك و لو ليا انا مسامح فيه لكن هي الى ليها حق عندك ...
اه تمام انا ممكن الله اعتزر لها مفيش مشكله...
طيب يا ابني عين العقل ...
ابتدت المقابلة تبقى احسن شويه .. و قبل ما انزل حمايا قال ..
انت تحاول تفضي نفسك بكرة على الساعه ٥المغرب عشان انت هتيجي معانا عند اختى و تعتزر لها ..
تمام حاضر ..
و فعلا تاني يوم كنت عند فرح الساعه ٥و بعد ساعه كنا عند عمتها و دخلنا و بعد السلام اعتزرت لها و قلت ..
انا اسف جدا لحضرتك على الكلام الى ضايقك مني ...
لا لا ابدا مفيش حاجه انت زي ابني ..
كملنا قعدتنا و جه معاد الغدا اكلنا كلنا سوا لكن بنات الست دي شكلها مريب و طريقه اللبس و المكياج دى انا عارفها كويس يلا ما علينا اهو يوم هنقضيه بالطول والعرض و نخلص المهم بعد الاكل حطولنا عصير ..ووجيت اشربه فجأه الكبايه وقعت من ايدي اتكرست ..
انا اسف جدا مكنتش اقصد ..
ولا يهمك اعتبر نفسك في بيتك قومي يا مي و دة كان اسم بتها .. قومي حطي له مكان العصير الى وقع منه ...
لا لا تمام انا مش هقدر...
انت كدة عايزني ازعل تاني منك ..
لالا وعلى اية خلاص زي ما تحبي .. اخدت الكباية التانيه و دخلت البلكونه اشرب سيجاره و بصيت للعصير حاجه قالت لي لا متشربش منه فكبيته في الزرع الى جنبي و فرح دخلت وقفت جنبي و قالت لى انا مخنوقه و عايزة امشي ..
استني شويه و كلنا هنمشي ..
الوقت مش عايز يعدي كلنا ساكتين و فجأه الباب خبط ..
داليا قومي افتحي الباب.. داليا دة اسم بنتها التانيه ..
بعد ما فتحت الباب دخلت واحدة ست شكلها غريب جدا و كان باين عليها القلق ..
دخليها الاوضه يا داليا ..
حاضر يا ماما ...
بعدها بدقايق حمايا قال ...
احنا هنروح بقى و هنبقى نزورك تاني ..
ماشي نورتونا و كلنا سلمنا عليها و اما جت تسلم عليا قالت لي ...
برضوا عيب اما اديلك عصير و متشربهوش و تكبه في الزرع عموما مفيش مشكله...
انا اتوتر جدا من ملامحها و هي بتتكلم كان حد تاني بيكلمني غيرها ...على قد ما اقدر حاولت اشغل تفكيري بأي حاجه و بعد ما وصلت فرح و اهلها لبيتهم خدت عربيتي و طلعت على بيتنا بمجرد ما وصلت خدت دوش و غيرت هدومي و طلعت لقيت فرح اتصلت بيا اكتر من ١٠ مرات حسيت بقلق عليها خصوصا ان موقف عمتها الغريب لسه شاغل تفكيري ..
اتصلت بيها ردت عليا
اية يا محمود مبتردش ليه ..
كنت بخد دوش يا قلبي و مكنتش سامع الموبيل ..
انا فكرت انك اضايقت من عمتي او حصل حاجه هناك زعلتك ..
لا يا حبيبتي مفيش حاجه و انا اعتزرت لها عشان خاطرك انتى و بباكي ..
طيب يا حودة هتخرجني تاني امتى ..
يوم الجمعه بأذن الله عشان اجازتي انتي عارفه..
ماشي يا....
و فجأه سمعت صوت فرح بتصرخ بصوت مليان خوف و رعب ...
الوووووووووووو
الوووووووووووو
يا بنتي مالك في اية
الوووووووووووو و بعدها الخط اتقفل ياترى حصل لها اية احنا كنا كويسين مع بعض مبقتش فاهم حاجه اتصلت على ابوها الى رد عليا بعدزما اتصلت بيه كتير و قال .....
انتظروا الجزء الثاني...
