عندي إقتراح للمنتدى مش عارفة اذا كان مقبول ولا لا
يكون في صفحة لكل أستاذ زي الفيسبوك نحط عليها الاسئلة والاستفسارات اللي محتاجين نفهمها او نناقشها والمشرفين على الاسئلة يمنعوا نشر اي سؤال خارج الكورس لمنع اضاعة وقت المدرس في قراءة بوستات مش هتفيده ولا هتفيد السائل وممكن المدرس ينزل عليها اسئلة او اختبارات تحدي اسبوعية مثلاً ومنعاً لإضاعة وقت المدرس ف مراجعة الاجابات ينزل بس الاجابة الصحيحة تاني يوم مثلاً وكل واحد يقيم نفسه بنفسه
اما البوستات او الاسئلة او كل اللي بنعمله دلوقتي يفضل زي مهو عادي بس اللي اقصده ان يكون في تواصل دائم بيننا وبين الاساتذة خصوصاً ان ممكن حد يجي دلوقتي يبدا كورس ف لغة ويحط سؤال حابب يعرف اجابته من الاستاذ نفسه عشان يكون واثق من الاجابة فيكون الاستاذ مثلاً ف الدرس العشرين فصعب ان الاستاذ ياخد باله من السؤال لان ملاحظة ان الاسئلة اللي بيجاوبوها الاساتذة بتكون من اليوتيوب فبالتالي الفيديو بتاع الدرس الاول مثلاً لو نزل فيه سؤال الاستاذ مش هياخد باله غير ان التعليقات ف اليوتيوب بتبقى كتيرة جدا بين كلمات شكر وتحيات ونصايح وايات قرانية ...الخ طبعاً منكرش فضل الاساتذة علينا وطبعاً يستحقوا كل الشكر والتقدير
بس اللي اقصده ان هنا ف المنتدى مينزلش ف صفحة مدرس اللغة الا الاسئلة المباشرة فقط منعاً لاضاعة وقته ووقت فريق العمل والمشرفين ع المنتدى
اتمنى الاقتراح يحوز اعجابكم
وشكراً جزيلاً لكم