First time here? Checkout the FAQ!
x

الملاحظات

بمناسبه ان مسيو أحمد جلال بقي معانا هنا فعايزه رأي حضرتك ونصيحتك فشئ [ تمت إجابته ]

في تصنيف اللغه الفرنسية
بواسطة طالب محترف (4.1ألف نقاط)  
+10 تصويتات
532 مشاهدات

السلام عليكم 



اولااا وقبل اي شيء دعونا نرحب باستاذنا الفاضل مسيو احمد ... نورت المنتدي بوجودك وتشريفك لنا بمناسبه انك جيت فعيد الاضحي فين العيدية بقي هههه امزح ... كل عام وحضرتك بخير باذن الله نكون عائله خفيفه علي قلبك وتحبنا باذن الله احناا اصلاا اي حد يجيلنا بيستلطفنا علي طول اماال angelangel

لو مش مصدقني اسال مستر ابراهيم ومستر احمد عطيه هما ادري هههههه 



كنت عايزه اسال حضرتك فشيء سامحني اولااا بص حضرتك هو انا مش بحب الفرنساوي مش عارفه لي مش بستطعمه كده ومش شايفه انه هيفدني مستقبلاا الصراحه 

مش حبه ادرسه لكن غصب عني لازم ادرسه كلغه تانيه فالمدرسه عندي مبدايااا فاغلب محافظات مصر بيكون في اكتر من لغه تختار بينها بس فمطروح حلفوا انهم مش هيدرسولنا غير فرنساوي هههههه 

انا لازم استحمله السنه دي وهتكون اخر سنه ان شاء الله ادرس فيها اللغه دي الاا لو حبيتها طبعااا 

انا شايفه انها لغه سهله ومن اللغات الحلوه بس مش عارفه لي مش عارفه احبهاا 

حتي الكلماات فيها او اني اسمع الدروس مش بيبقي لياا نفس فكده ومش ببقي مستلطفه ده مع ان شرح حضرتك ماشاء الله حميل وبطريقه رائعه 

بحاول هناا اني اذاكر الي اخدته والي اعرفه مع الاصدقاء هنا عن طريق مثلاا اشرح حاجه عرفتها وهكذا 

كنت عايزه من حضرتك نصيحه اني احب الفرنساوي ازاي وازاي ارجع ميولي اني ادرسه 

انا فسنه اولي ثانوي كنت مقفله فيه فالمدرسه وسنه تانيه نقصت درجه فيه 

حاسه ان لو حد حببني فيه اكتر وقالي علي مميزاته اكتر ممكن احبه بالاضافه اني شايفاه من اللغات السهله والجميله 

مش عارفه حضرتك فهمتني ولاا لاا بي اتمني ذلك واتمني يكون شرحي واضح لحضرتك وشكراا جزيلاا.  ❤❤

تمت إجابته

3 إجابة

بواسطة طالب عالمي (9.2ألف نقاط)  
مختارة بواسطة
+5 تصويتات
 
أفضل إجابة

(هو انا مش بحب الفرنساوي - مش عارفه احبها - غصب عني لازم ادرسه - غصب عنا بندرس الفرنسي - كنت برضو بجاوب بالبركه )

السلام عليكم جميعا..ماشاء الله تبارك الله..آراءكم عن الفرنسية كلها مشجعة ...طيب أقول ايه وانتوا أقمتوا الدعوة واترافعتوا وحكمتوا خلاص بالفعل ...!!! لا طبعا مينفعش كده ...حبنا أو كرهنا للغة عموما بيتحكم فيه حاجات كتير ..ممكن أسألكوا ...مع مين اتعلمتوا فرنسي؟؟ازاي كانت طريقته أو طريقتها ...وهل كان المعلم محب للفرنسية أم مؤدي وموظف ليس إلا ؟وازاي كانت طريقة تدريسه؟؟؟وازاي كان جو التدريس؟؟ كل دي عوامل بتتحكم في حبنا لأي لغة..زلكن عموما حتى لو كانت كل الظروف دي مش في صالحنا فاحنا لابد نهيأ لنفسنا ظروف نتعلم بيها اللغة بغض النظر عن حبنا أو كرهنا لفرنسا لأن مش بس فرنسا اللي بتتكلم فرنساوي ..طه حسين أتقن الفرنسية في 30 يوم وهو كفيف لاصراره ...وبالتالي يا جماعة أدعوكم لحب الاستفادة من اللغات اللي أصبح لا غنى عنها لصقل شخصياتنا وتنمية ثقافتنا واننا نبقى مش مجرد أشخاص ممتازين في الحياة ولكن ( متميزين ) وأي حاجة صعبة في الفرنسية هنحاول من خلال نافذة المناقشة دي اننا نسهلها ان شاء الله ...بالتوفيق للجميع ...ولا لكره الفرنسية بعد الآن

بواسطة طالب محترف (3.4ألف نقاط)  
الله ❤ كلام حضرتك عن طه حسين وطريقة الكلام محفزة جدا شكرا لحضرتك ❤
انا بحب اللغة الفرنسية جدا وكان نفسي وانا في المدرسة اعرف اتكلم بيها بس كان مستوايا احل الامتحان بس لكن نطق و محادثة كان صعب اوى
بعد كده لقيت طليق فيه اللغة الفرنسية مش قادرة اوصف سعادتى لما لقيت انى اخيرا هتعلمها بجد .
 
طريقة حضرتك جميلة جدا ربنا يكرمك يارب وانا حقيقي مستمتعة باللغة

ربنا يوفقنا جميعا ❤

شكرا ❤
بواسطة طالب محترف (2.9ألف نقاط)  
عُدل بواسطة
مسيو احمد .. بجد حضرتك شخص محترم ورااقي جدا ... شكراا لحضرتك جدا بجد :) ..
نفسك بظبط شرين :) .. بجد اللغة الفرنسية دي حاااجة كدا من الخيال :) هه .. لغة فعلا تحفة ومطقها لذيذ جداا ان شاء الله ارجعلها قريب جداااا
.. مش انا صاحبة السؤال ولكن كلام حضرتك عجبني جدااا
بواسطة طالب محترف (3.4ألف نقاط)  
حضرتك انسان مثقف جدا وراقي فوق كلمه راقي
ربنا يزيد حضرتك من علمه
بواسطة طالب محترف (4.1ألف نقاط)  
السلام عليكم جميعااا  ❤
اي يا جماعه انا صاحبه السؤال سبوني ارد الاول هههههه
لاا طبعااا بهزر انا وانتم واحد ❤
اولاا مسيو احمد شكراا جدا جدا لحضرتك ولكلامك الرئع ده والله انا مبحبش اللغه الفرنسيه بسبب فرنسا لاا بس فعلاا زي ما حضرتك قولت كده بدات الفرنساوي مسيو المدرسه بينطق نطق مختلف ومسيو الدرس بينطق نطق مختلف وكل مسيو ع النت لي نطق مختلف فيها لحد ما اتلخبط جدا واتعقدت منها صراحه حبيت طريقه حضرتك جدا فيهاا ونطق حضرتك فيها طريقه حضرتك مميزه جدا فالشرح عن اي حد شوفته للفرنساوي ودخلت دماغي
اه المسيو الي اعتمدت عليه فالشرح كانت طريقته صعبه شويه فالتفاه وكده وكان مش حابب الفرنسيه اصلاا
بالاضافه اني حبه جدااا اتعلم صيني مش فرنسي وبحاول امنع نفسي من اني اتعلمه السنادي عشان دراستي وبدرس لغتين غيره
بواسطة طالب عالمي (8.7ألف نقاط)  
+4 تصويتات

السلام عليكم ورحمه الله وبركاته ❤️ 

مساء الخير ❤️ 

كيفك عبير اتمني تكوني بخير ❤️ 

انا مثلك تمام كان نفسي لغتنا الثانيه تكون الايطاليه بس غصب عنا بندرس الفرنسي مع ان انا كمان مش بحبه وكمان فرنسا مش محبوبه بالنسبه ليا فحب اللغه من حب البلد اللي بتتكلمها عشان كدا حاولي تحبي فرنسا 

بالتوفيق ❤️⁦(✿^‿^)⁩ 

بواسطة طالب محترف (4.1ألف نقاط)  
وعليكم السلام حبيبتي ❤
مساء النور
اناا بخير طول مانتم بخير ❤
مش شرط تكوني حبه فرنسا عشان تحبي لغتهااا
يمكن لو كان ميولي فرنسا او هكذا كنت هحب اه اللغه دي بس مش لاازم يعني
مثلاا اناا اتمني جداا وحبه اني اتعلم العبرية مش معنا كده اني حبه شعبها اطلاااقا
بواسطة طالب عالمي (8.7ألف نقاط)  
معك حق ولكن عندما بدأت في استكشاف تركيا وبدأت اتعمق فيها بدأت احبها ومع الوقت ارغب كثيرا في زيارتها الان
لذلك احاول دراسه التركيه والتعرف على ثقافه الشعب التركي
فحب اللغات كثيرا ما يكون هكذا او حب طريقه نطق وكتابه اللغه
بالتوفيق ❤️
بواسطة طالب محترف (4.1ألف نقاط)  
اه طبعااا اوقات بتيجي بالطريقه دي حبك للبلد كفيل جداا انه يحببك ويديكي شغف دراسه لغتهاا
اناا بحب الصين جداا ونفسي ادرس لغتهاا او بمعني اصح نفسي اكمل دراسه لغتها بس مش نافع حالياا للاسف
بواسطة طالب محترف (4.1ألف نقاط)  
بس اللغه الصينيه الي حببتني فالصين مش العكس
بواسطة طالب متميز (1.6ألف نقاط)  
+4 تصويتات

بصي وانا اول ما المشروع بتاع اللغات ده اتعمل وانا كنت بفكر فيه كتييير وكنت بقول انى هتعلم الصينى او التركى لانى بحب تركيا جدا وحاسه ان اللغتين دول هيفيدونى جدا فا يوم من الايام وانا نايمه ع السرير وبسرح بتفكييرى هههههه واللغات وكده افتكرت انى باخد في المدرسه فرنساوى وبرضو ده اجبارى منKg 1 وفي الثانوى تختارى بقي مش فاهمه الدماغ بس يلا ههههه وكنت برضو بجاوب بالبركه وكده المهم وكان مستوايا بالبركه برضو ههههه وفي مش مكمل خمس دقايق قررت انى هتعلم فرنساوى علشان المدرسه وقولت احاول احبوا وكده وانا مقررة من كام شهر انى هتعلم صينىوكانت دى القصه ودلوقتى انا بتعلم فرنساوى وربنا يستر 

+وبعدين كفايه يعم انك من مطروح جنب البحر هههههه بهزر طبعا +ايوه اكييد معظم المصريين دمهم خفيف (يلا طولت عليكى بس مش انتى لوحدك)

بواسطة طالب محترف (4.1ألف نقاط)  
حبيبي تسلمي علي الكلام الجميل ده
اناا بقي عايزه ونفسي الخمس دقايق دول يجوا الي افكر فيه الاقيني حبيت الفكره وهدرسه ههههه
اناا كمان متعلقه جداا بالصيني وحرفياا مش عارفه اعمل اي حاولت ابعد عنه بس مش قاادره ان حالياا سيباه بس مليش نفس اتعلم اي لغه تانيه غيره وليه شغف جامد جداا اني اتعلمه وللاسف مش هينفع حالياا
بواسطة طالب متميز (1.6ألف نقاط)  
وانا برضو نفسي ف الصينى اوى بس انا المشوار بتاعى طويل انا رايحه تانيه اعدادى لسهفا هنستنى رد مسيو احمد بقي
78 Online Users
1 Guest 77 Member
Online Members
Today Visits : 23989
Yesterday Visits : 53472
Total Visits : 42339454

25.3ألف أسئلة

124ألف إجابة

154ألف تعليقات

29.4ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...