مصطلحات برمجية
١- variables : المتغيرات
دة حاجات بتعملها و ممكن تستخدمها فى اى حته فى الكود بحيث انها لما تتغير يغير كل الاماكن اللى انت استخدمتها فيها. مثلا لو عملت لون يستخدمه فى الموقع كتير داخل متغير لو حبيت اغير الوان الموقع انا هغير المتغير و بكدة تكون اتغيرت الوان الموقع بسهولة .
٢- loop : تكرار
دة المصطلح اللى يدل على أمر تكرار الكود يعنى مثلا لو حبيت أعد من واحد لمائة هعمل متغير قيمتة ١ ( بداية العد ) و اكتب كود يوقف المتغير دة عند ١٠٠ و بعدها أخليه يزود واحد على المتغير . بكدة هو هيكرر العملية لحد ما يقف عند ١٠٠ و مش محتاج اكتب رقم رقم بيدى .
٣- function : الوظيفة
متركزش فى المعنى بالعربى ، ال function دة كدة حاجة بتعمل وظيفة معينة يعنى انا مثلا ممكن احط الloop اللى عملته فوق داخل الfunction و لما اشغل الfunction الloop يشتغل . و ممكن كمان اعمل عملية حسابية لما الfunction تشتغل و اشياء اخرى .
٤- event : الحدث
الحدث دة هو الفعل اللى بيقوم به المستخدم زى أنه يضغط على زرار أو يقف علية بالموس و احداث أخرى كثيرة .
مثال اخير :
ممكن اعمل مكان المستخدم يدخل فيه البيانات و بعدها اعمل function تتعامل مع البيانات ده زى مثلا انى اجمعهم و بعدها احط للمستخدم زرار و هنا اعمل event لما المستخدم يضغط على الزر تشتغل الfunction و يتم حساب العملية .
اتمنى ان الموضوع يكون عجبكم ، لسة فى حاجات تانية ممكن تبحثوا عنها زى ال condition و ايه هى if .
انا مبتدئ فى البرمجة فلو حد عايز يضيف معلومة ياريت يعمل كدة علشان الكل يستفيد.
بالتوفيق لكم