Question

اقتراح انه يتم اخذ عامل الكتابه في اللغه في عين الاعتبار اصعب حاجتين في اي لغه على الاقل بالنسبه ايه هي القواعد والكتابه وتم التركيز على القواعد ولم يتم التركيز على الكتابه على الاقل لحد دلوقتي في المستوى الاول الوحده الثانيه فأقترح اضافه اختبار كتابي للاختبار الي بعد كل حلقه بصفه دائمه بتنميه مهاره الكتابه عند الدارسين لان كتير ممكن يعرف يتكلم اللغه بس مش يعرف يكتب صح وشكرا

Answer 1

اخي في دروس كتابه عناخدها

وبعدين هو انت بتتعلم لغه عشان تتكلمها ولا تكتب

التحدث هو اصعب مهاره وبتيجي بعد اخر شى ..حتي دايما بتلاقي مشكله الطلاب هو التحدث

وفي الكتابه بيكون عندك وقت تفكر وترتب الجمله اما التحدث مفيش فرصه تفكر و مفيش حد هيستناك تفكر

Comments

تسلم يا سيدي الفاضل على الملحوظات دي
بس عندي كام نقطه هتناقش مع حضرتك فيهم
حضرتك بتقول في دروس كتابه بناخدها
عشان كده يا سيدي الفاضل اشرت في سؤالي اني في المستوى الاول الوحده الثانيه عشان يمكن يكون فعلا زي ما حضرتك قلت بس انا لسه موصلتش للمستوى ده عشان كده اشرت للنقطه دي
اما في نقطه تعلم اللغه عشان التكلم او التحدث وان اصعب شئ التحدث من وجهه نظر حضرتك
فالكتابه مهاره مهمه من اي لغه عشان تكون ملم باللغه من جميع النقاط واذا حضرتك في شركه ومطلوب منك تعمل تقرير عن شئ معين هل حضرتك بتقدم التقرير كتابي ولا بالصوت
فإذا مكنتش بتعرف تكتب اللغه كويس فاكيد هيبقا عند الشخص اخطاء
واكيد الترجمه مش هطلع كل حاجه صح
بس يا سيدي الفاضل وشكرا لحضرتك مره اخرى على المشاركه

---

عنيا ليك انا في خدمتك
اخي الكتابه مفهاش صعوبه زي ما انت متخيل كل الي بتعمله نقطه تنهي الجمله او فاصله للربط بين جملتين

اه بظبط عشان انت لسه في الوحده التانيه فا لسه ما اخدت دروس كتابه بس لما تتقدم هتلاقي دروس كتابه وفي نص الدرس هتلاقي المستر بيقولك خد المعلومات دي واكتب عنها موضوع وهيصححها في نفس الحلقه

عموما هي الرغبات مختلفه فا انت بتتعلم اللغه عشان تكتب كويس مع انك هتكتشف لاحقا ان الكتابه بتتقنها او لا تتقنها مش هيفرق ومش هيشغلك وهتكتشف ان كل الوظائف بتطلب ناس بيكلموا اللغه باتقان
اما انا فا بتعلمها عشان هعيش في البلد الي بتتكلم اللغه الي بتعلمها ان شاء الله وهشتغل call center وكل شغلي هيكون عباره عن تحدث مع عملاء المان لمده 8 ساعات والانترفيو في التقديم بيكون ساعه تحدث مع الي بيعملك انترفيو وبنتكلم في مواضيع مختلفه ولازم تكون اللهجه مظبوطه وبتتكلم صح وبسرعه
عشان كدا انا مركز علي التحدث والاستماع
الموضوع بس اننا مختلفين وده لا يعني انك خطأ او انا خطأ

---

فهمتك يا سيدي الفاضل
بالعكس يا سيدي الفاضل احنا متشابهين ولكن الاختلاف كان في توقيت الحاجه دي
يعني حضرتك عايز تتعلم التحدث وبعديها الكتابه
انا واعوذ بالله من كلمه انا كنت عايز التحدث والاستماع والكتابه يكونوا ماشيين في نفس الخط وده صعب
ولكن يا سيدي الفاضل زي ما حضرتك قلت التحدث والاستماع وانك تتكلم بسرعه وتفهم الي قدامك من اهم مهارات اللغه ان لم يكن اهمها بالفعل زي ما حضرتك اشرت بالفعل
والمثال الي حضرتك ضربته كان مثال ممتاز ان سوق العمل عايز الي يتكلم كويس مش الي يكتب كويس
اشكرك
شكرا جزيلا يا سيدي الفاضل على المشاركه الطيبه دي وموفق ان شاء الله في الكورس الي بتتعلمه حاليا
تحياتي

---

شكرا علي زوقك واخلاقك العاليه
اتمنالك التوفيق والنجاح ايضا