First time here? Checkout the FAQ!
x

الملاحظات

ماتيجوا معايا ❤❤❤❤ 4

في تصنيف اسئله عامه
بواسطة طالب عالمي (6.4ألف نقاط)  
+22 تصويتات
2.0ألف مشاهدات

 السلام عليكم ورحمة الله وبركاته وسالخير يا طليقون ويا طليقات 

ايوووة يا نوجا وروجا ونهى رجعنا نستأنف رحلاتنا تانى يالا بقى مش هانرغى كتير كله يضيق عينيه وينط فى الطيارة عايزين نرجع قبل الوقفة رحلتنا بناءا على طلب لوز اللوز رحلتنا النهاردة لكوكب ايووون زيمبقولك كده كوكب يدور فى مجرة العالم المتقدم رحلتنا الى ارض الشمس المشرقة اليابان تقع اليابان في شرق القارة الاسيوية بين المحيط الهادي و بحر اليابان تعرفوا ان اليابان بتتكون من أرخبيل يضم 6852 جزيرة واكبرها جزيرة هونشو وهى اكبر سابع جزيرة على مستوي العالم واليابان جيرانها بقى مين من الشمال تايوان ومن الشرق الصين و كوريا وروسيا واهم مدن اليابان بقى مين طوكيو طبعا وكلنا عارفينها وكيوتو واوساكا ونارا ويوكوهاما وهيروشيما 

طوكيو : المدينة دى بقى ياريم انت وصافى وشهد هى العاصمة وفيها اشهر برجين اللى على يمينا ده برج طوكيو ارتفاعه 333م كان اشهر واكبر برج فى اليابان لكن مافيش حاجة بتفضل على حالها يا منه وجه بقى ايه ياسيدى الطوكيو سكاى ترى واللى تم افتتاحة 2012 بس وسحب البساط من تحت برج طوكيو ليه بقى لان ارتفاعة 634م يعنى تقريبا ضعفة وكمان تم انشائة بتصميم معمارى وانشائى فريد منال هانم بتسال ليه فريد اقولك ياستو انا ههههه تصميمه على شكل مثلث يا جنة مش مستطيل والطوابق فوق على شكل دائري هاه داااائرى عشان الزوار يشوفوا المدينة ب360 درجة وكمان تم انشائه من الاستيل ومقاوم للزلازل واصبح تانى اكبر برج على مستوى العالم هاه يا شطار مين البرج الاول ؟

ايوة بقى يالا بينا يا سلمي وسولي وسارة نلعب شوية هانروح ديزنى لاند وده اول منتجع لشركة ديزنى خارج امريكاوالتانى على مستوى العالم من حيث عدد الزواروبيتم تغيير العروض سنويا 

تعالو بقى نركب مركب عشان نشوف مخلوقات عجيبة وندخل ممركهف جبل سبلاش ونعدى على القلعة القوطية ودى كلها اشباح وعفاريت وتمثال العيون المتوهجة عبير وخديجة ولارا ورؤي خوفتوا ليه ده مجرد بيانو بتعزف عليه ايد خفية وموسيقى مخيفة بس كده مش حاجة تخوف هههههه

تعالوا بقى نكمل اجواء الاثارة ونروح الناحية التانية عشان نشوف طوكيو سي لايف بارك شايفين جمال المبنى من بره فما بالك من جوه

  طبعا احنا هانستمتع بحوض اسماك القرش والتونة نورة وبسمة هايرحوا حوض السمك اللى هناك ده على الشمال ههههه ْيلعبوا ويصطادوا حاجة نتغدى بيها هههه وممكن يروحوا يلعبوا مع البطاريق البحرية كمان    

  

يالا بينا بقى نروح مدينة تانية.. لاء مش قادرة لازم نروح سمر لاند هاندخلها ببلاش عشان معانا سمور قبل ماننمشى هنا بقى ممكن حد كده مغامر زي جرير وعبده يتزلج على المياه وخدوا معاكم ربا وبيان ورنا هههه واحنا نروح ناخد غطس فى حمام السباحة الساخن وبعدها نطلع بقى نركب العاب الملاهى الجامدة اللى هناك دى هاتعجبك يا براء انت ونوف

طوكيو كمان فيها حدائق حيوان وحدائق نباتية جميلة جدا بس ماعندناش وقت يالابينا على كيوتو

كيوتو : يا نور انت والاء واميرة مدينة تحاط بالتلال وهى المدينة الوحيدة التى لم يطالها الدمار الذى خلفتة الحرب العالمية التانية وكانت مقر الامبراطور لمدة 1100 عام وتعتبر هى مدينة الثقافة والعلم بتشتهر بالمعابد واشهرهم معبد فوشيمى انارى ومعبد كيو ميزو واللى قدامنا ده معبد كينكاكو-جى هايعجبك يا روما

يالا بينا بقى يا السيد انت واكرم على فينيسا الشرق ايوة بجد تستحق كده مدينة اوساكا هي مدينة صاحية باضوائها الساطعة وقنواتها المائية والقائم عليها اكثر من الف جسر بتقع على ساحل جزيرة هونشو وبها العديد من المتاحف والمعارض والمسارح شايفين احد شوارعها واهم حاجة بقى هاتعجب الاسرائتين والخدوجتين والزينوبتين والمريومتين ههههه هى مراكز التسوق وشارع شينسايباشى فى منطقة دوتونيورى كل واحد يشترى اللى فى نفسه فى هنا مطاعم بتقدم التاكوبى والسوشى والسلطعونات والحساب عندى كالعادة ما انتوا اخدتوا على كده ههههههه

 

هيروشيما : يا رؤي انت وامال  تقع على البحر الداخلي في هونشو الغربية وطبعا اسمها بيفكرنا بذكرى مش المطربة لاء ذكرى إلقاء أول قنبلة ذرية في 6 / 8/ 1945 ورغم المأساة اللى دمرت معظم المدينة وأسفرت عن مقتل نحو 260،000 شخص وأصابة أكثر من 160،000 شخص آخر لكن المدينة قامت من جديد رغم اعتقاد الكثيرون أنها غير قابلة للسكن لعقود واصبحت عاصمة السلام واصبحت زي ما احنا شايفين مدينة رائعة

شايفين اللى هناك ده .. ده اهم معالم هيروشيما قبة غنباكو وده كان قصر صممة الفنان التشيكي يان ليتزل ولما انفجرت القنبلة الاولى فوقه تهدمت معظم الابنية حوله وفضل هو بعد تهدم اجزاء من واجهته وقبته الفارغة

وبما ان ال 1200 حرف هايفضلوا عائق امام رحلات ماتيجوا معايا فمضطرين نكتفى النهاردة بالجزء ده من رحلة اليابان بس واحنا مروحين اكيد الطيار بتاعنا اللى حروفة اتبعترت هيعدينا على جبل فوجى اهو شايفين ده بقى اعلى قمة جبل فى اليابان واللى قالنا عنه م ابراهيم لما قال ان فى جبال بتقال عليها mountain وفى جبال بيتقال عليها mount 

بص بقى يا احمد انت وشهاب وهيثم انتوا هاتطلعوا قمة الجبل عشان نصوركم ارتفاعة مش كبير ده كلهم 3,776 م بس ههههه اليابانيون كانوا بيخافو من الجبل ده وبيقدموله القرابين لالاف السنين عشان ثوراته البركانيه لحد ما اتخمد ونام من 1700 سنة ولسه مقامش فبقى مزار سياحى وانا باتمنى يجي يوم واطلعه

رحلتنا خلصت باتمنى الرحلة تكون عجبتكم واللى مجاش معانا المرة دى يجي معانا المرة الجاية heart 

 حمدلله على سلامتكم heartheart ودمتم سالمين .... بحبكم جداااااا  

من فضلك سجل دخولك أو قم بتسجيل حساب للإجابة على هذا السؤال

24 إجابة

بواسطة طالب متميز (1.6ألف نقاط)  
+6 تصويتات
رحلة جميلة لكوكب اليابان .

عايزين مرة نروح كوكب تانى زى زحل مثلا و متقلقوش أجرة الصاروخ على حسابى ههههه .
بواسطة طالب عالمي (6.4ألف نقاط)  
هههههههههههه والله انت دمك خفيف جدا يا احمد والركاب هايفرحوا بيك جدا لو خلصت علي الطيار ابو حروف مبعثرة وخدتنا علي زحل اهو نتزحل هناك شوية ونرجع
بواسطة طالب عالمي (8.7ألف نقاط)  
انا موافقه
الركاب بيحبو الرحلات المجانيه دايما ههههه  
ومره نبقا نسافر نبتون عشان الجو حر جامد
بالتوفيق ❤️⁦(✿^‿^)⁩
بواسطة طالب عالمي (6.4ألف نقاط)  
هههههههههه
بلاش بلوتو عشان في شوية زعل بينه وبين باقي المجموعة ومحتاجين قعدة صلح لانه سابهم ومشي وهناخد فترة نقنعه يرجع هههههههه
طب والله احنا مجموعة عسل ودمنا سكر ههههههههه
بواسطة طالب عالمي (8.9ألف نقاط)  
+4 تصويتات

من زمان وانتظر موضوع اليابان لأنه من الجنان

بواسطة طالب عالمي (6.4ألف نقاط)  
تسلملي جرير وتسلملي اختصاراتك هههههههه
بواسطة طالب عالمي (6.1ألف نقاط)  
ههههههه لا فرحان وانت مين اخذك
بواسطة طالب عالمي (8.9ألف نقاط)  
اخذني واحد دقائق
علشان اقرأ له الرقائق
هههههههههخخخخخخخهههه
بواسطة طالب عالمي (6.1ألف نقاط)  
ههههههههههههه عندك رد لكل شي والله
بواسطة طالب عالمي (6.4ألف نقاط)  
ههههههههههه انتوا مالكوش حل هههههههه
المهم خلصت تزلج منك ليه عشان نرجع ولا هانفضل في اليابان ونقضي العيد هناك
بواسطة طالب عالمي (8.9ألف نقاط)  
أنا زعلان عليك
مرففففووووتي وين البلاستيشن ٥
ههههههه
بواسطة طالب عالمي (6.1ألف نقاط)  
هو احنا رايحين نزور مريض خلينا للعيد على حسابك
بواسطة طالب عالمي (6.4ألف نقاط)  
هههههههه
بلايستشن ٥ ههههههه حاضر جرير انت تأمر ههههههه
عبد الخالق يا بخت من تزلج وخفف
خليك علي حسابك انا كفاية علي فاتورة مشترياتك من سوق السمك ههههههههه
بواسطة طالب محترف (4.0ألف نقاط)  
+4 تصويتات

يا أهلاً وسهلاً بميرو وسلسلتها الجميلة أخيراً

منشور رائع وأسلوب ممتاز كالعادة ورحلة جميلة و ممتعة انا من محبين اليابان جداً. لكن ما لقيتي غير هالملاهي تعجبني الله يهديك :) والله المرتفعات هذي مشكلة لازم نتعود عليها بما أنها في كل رحلة راح تصادفنا :)

يعطيك ألف عافية على مجهودك الطيب ❤️

بالتوفيق، دمتِ بخير ✨

بواسطة طالب عالمي (6.4ألف نقاط)  
اهلا بيكي نوف يسعدلي صباحك يا جميل ❤❤❤
انا كمان من محبي اليابان شعب جميل و عنده هدف
هههههههههه ايوة لازم تتعودي عشان دي من احلي الحاجات اللي بتجري الدورة الدموية في الجسم ههههههه
 تسلميلي نوف ويرزقك كل الخير والفرح والسعادة ❤
بواسطة طالب عالمي (8.2ألف نقاط)  
+3 تصويتات

السلام عليكم ورحمة الله  وبركاته ........

الله عليج يا ميرفت ايه الجمال والشياكة دي حبييييييت حبييييييت حبيييييييييت برافو عليج يا بطلة 

سموره طلعت عندها واسطة من ورانا وإحنا ما ندري هههههه

من أجمل الأشياء  في اليابان هي أنهم يقدرون يقومون مرة ثانية مهما واجهتهم ظروف وهذا درس عظيم دولة تدمرت مع هذا ألحين هي تعتبر من أكثر دول العالم تطور وازدهار رائعة ...تدرين قبل على بالي أنه اليابانين عيونهم مسحوبة بسبب قنبلة هيروشيما :) بعدين اكتشفت الحقيقة أنهم هم جذي عيونهم 

استمري يا ميرفت فرحت لما شفت ما تيجوا معاي العنوان منور وما في ما تيجوا معاي كوريا الجنوبية :) 

بواسطة طالب عالمي (6.4ألف نقاط)  
وعليكم السلام ورحمة الله وبركاته
حبيبة قلبي زوزو باشوف تعليقك بافرح ربنا ما يحرمني منك
عارفة يا زوزو تخيلي لو نفس القنبلة وقعت علي اي دولة تاني كانت قامت اعتقد لاء لان واضح الناس دي عندها هدف وبتعمل اي حاجة وكل حاجة عشان توصله وده اللي ينقصنا كعرب عايزين نحدد هدفنا ونشتغل عليه عشان نحققه من غير ما ننتظر مساعدة او تشجيع من حد
تسلميلي يا قمر انا كمان فرحت لما رجعت تاني ❤❤❤
حاضر ان شاء الله
دمت بخير وسعادة وصحة وعافية يا قلبي ❤
بواسطة طالب عالمي (8.2ألف نقاط)  
❤️❤️❤️❤️❤️❤️... لأنه الكل حط ايده بأيد بعض الشعب والحكومة عشان يبنون مجتمع لاولادهم وللاجيال القادمة وأنه يكونون احسن و ددايما يفكرون بالخطوة الجاية حتى مع الزلازل هالشي بروحه يوقف التطور مع هذا اشتغلوا شلون يطورون نفسهم ودااائما ينظرون للموضوع من زوايا مختلفة... ✨✨❤️❤️
بواسطة طالب عالمي (6.4ألف نقاط)  
صح الصح راي سديد احسنت زينب
بواسطة طالب عالمي (8.7ألف نقاط)  
+3 تصويتات

السلام عليكم ورحمه الله وبركاته ❤️ 

مساء الخير ميرفت 

وصلت اخيرا كان في بعض المشاكل في المطار معلش بقا هههه

لسه ليا مكان في الطياره ولا لا 

بصراحه جوله راائعه جدا في اليابان 

منتظره الباقي ان شاء الله ❤️ 

بالتوفيق للجميع ❤️ ⁦(✿^‿^)⁩ 

بواسطة طالب عالمي (6.4ألف نقاط)  
وعليكم السلام ورحمة الله وبركاته
هو انت لسه بتسالي انت بالنسبالي ايه لاء يا حبيبتي ...... لاء استني مش دي دي اغنيه عم هاني هههههههه
يعني انت لسه بتسالي ليكي مكان ولا لاء و اسمك منور فوق ولا العتب علي النظر ههههههههه
تسلملي لولو وربنا ما يحرمني منك ابدا ابدا وتفضلي كده تشجعيني علي طووول ❤❤❤❤
بواسطة طالب عالمي (6.1ألف نقاط)  
+3 تصويتات
انا ضنيت انها رحلة نسائية ما عتبت عليك بس هيثم وشهاب راحو هههههههه

وينك جرير تعال شوف العصابة اخر مرة ضلينا واقفين وهاي المرة ما ركبنا ههههههه
بواسطة طالب عالمي (6.4ألف نقاط)  
هههههههه نسائية مين انت يا ابني مش شايف ( جرير - محمود - احمد - شهاب - هيثم ) سلامة نظرك يا حاج عبده هههههههههه
المرة دي تزلجتم علي المياة قولت يمكن يطمر فيك وتبطل تغلس علي ههههههههه
بواسطة طالب محترف (4.2ألف نقاط)  
+3 تصويتات

انا ضحكت لما شوفت الراجل ماسك ايد ميكي شكلة كان بيلعب معاه  هههههههه

شكرا لكي اختي علي هذا المنشور

بواسطة طالب عالمي (6.4ألف نقاط)  
هههههههههههه ربنا يديم ضحكتك محمود طب ما ضحكتش علي طيارنا اللي حروفه لسه متبعثرة هههههههه فضحتنا في اليابان لمها بقي مش هاينفع كده هههههههه
العفو يا حوده تسلملي وربنا يوفقك دايما
بواسطة طالب محترف (4.2ألف نقاط)  
هههههههه
شوفوا اخويا ينفع طيار صواريخ شوفوا ينفع يسوق ولا لأه
بواسطة طالب عالمي (6.4ألف نقاط)  
هههههههههه
صحيح بيقولي المرة الجاية هانطلع بصاروخ علي حسابه بس هايودينا زحل ههههههههه
بواسطة طالب محترف (4.2ألف نقاط)  
يلا خير و بركه أو نتزحلق شوية
ههههههه
بواسطة طالب عالمي (6.4ألف نقاط)  
ههههههههه قصدك نتزوحل شوية
بواسطة طالب محترف (4.2ألف نقاط)  
هههههههه
بواسطة طالب عالمي (5.9ألف نقاط)  
+3 تصويتات
صباح الخير ميرووو❤❤

تحفة شو هااااااد بتجنن هالرحلة

شايفة الي فائدة لولاي ما بتدخلو ببلاش ههههههه

تسلم ايديكي❤❤❤❤❤❤❤❤❤❤❤
بواسطة طالب عالمي (6.4ألف نقاط)  
يسعدلي صباحك وايامك كلها سمووووور ❤❤❤❤
تسلميلي يا جميل مبسوطة انها عجبتك
الحمد لله انك جيتي معانا تذاكار سمر لاند دي كانت غالية علي قووووي ههههههه
تسلميلي يااارب ويرزقك كل الخير والفرح والسعادة ❤❤❤❤❤❤❤❤
بواسطة طالب عالمي (5.7ألف نقاط)  
+3 تصويتات

جمااااال و دلال والله يا ميرووو ❤️❤️❤️❤️❤️❤️❤️❤️

أي العظمة دي ❤️❤️❤️❤️ 
بجد رحلة ممتعة جدا جدا و مفيدة ❤️❤️❤️❤️❤️❤️❤️
كل سنة و انتي طيبة يا حبييبي ❤️❤️❤️❤️❤️❤️
بواسطة طالب عالمي (6.4ألف نقاط)  
اااااوباااااا شوفوا مين جه ينورنا سولي ❤❤❤❤❤
تسلملي عيونك يا جلبي ويارب يسعدك ويسعد ايامك ويجعلها كلها اعياد ❤❤❤❤
انذار اياااك تتأخري تاني هاحملك تمن التذاكر كلها ههههههه
بواسطة طالب عالمي (5.7ألف نقاط)  
ههههههههههههه عنيا يا حبييبي أن شاء الله هتلاقيني منتظمة بعد كدا حاضر مش ناقصين غرامات هههههههه
ربنا يخليكي ليا يارب مننحرمش يا باشا ❤️❤️❤️❤️
بواسطة طالب عالمي (6.4ألف نقاط)  
ايوة كده مش لازم اهددك كل شوية ههههههههه
ويخليكي لي يا جلبي ❤❤❤❤❤❤❤
بواسطة طالب عالمي (6.6ألف نقاط)  
+3 تصويتات

وعليكم السلام ورحمه الله وبركاته

سلمت يداك ميرو ⁦♥️⁩ رحلة رائعة ⁦♥️⁩

انا استمتعت فيها كثيرا ، ربي يرزقنا رحلة زيها يا رب 

بالتوفيق للجميع 

بواسطة طالب عالمي (6.4ألف نقاط)  
تسلميلي ربا ❤❤❤❤❤
عارفة لو اتأخرتي تاني هادفعك حق التذكرة هههههههه
اللهم امين يارب العالمين ان شاء الله يا جميل وتلفي الدنيا كلها وتستمتعي بحياتك وتفتكريني كل ما تروحي مكان منهم ❤❤❤
بواسطة طالب عالمي (6.6ألف نقاط)  
ههههه هتديك من فلوس البنك الاهلي المسروقة هههه
واياك يا رب ⁦♥️⁩ انا مش هلف الدنيا لوحدي هنزل مصر و اخذك معي بما انني هنزل مصر هزور خالتي و بعد كدة نلف الدنيا اتفقنا ؟؟
بواسطة طالب عالمي (6.4ألف نقاط)  
هههههههههههه
ياريت يا ربا تعالي انت بس وانا اشيلك وارميكي هههههه قصدي اسرق فلوس البنك الاهلي يووووووه قصدي اشيك والف بيكي مصر ههههههههههه
بواسطة طالب عالمي (6.6ألف نقاط)  
لا كدا كثير يا ميرو ههههه ، كدة انا هخلي الفلوس مع رومانتيك و بعد ما اجيبك أخذ شنطة واحدة منهم و التانية تبقى عند رومانتيك ههههه
بواسطة طالب عالمي (6.6ألف نقاط)  
مساء الخير
ازيك حبيبتي ميرو
ليك وحشة في الموقع يا جميل
مش ناوي تسرق بنك تاني ، اكيد لتكوني فلستي من اخر عملية
بتمنى تكوني معنا 2/12 يوم افتتاح موقع طليق
بتنوري معنا ربي ييسر امرك ميرو
بواسطة طالب عالمي (6.4ألف نقاط)  
مساكي كله خير ربا ❤❤❤
الف الف مبروووك عليكي التحرير يا قلبي وربنا يوفقك دايما ويكرمك بكل الخير ❤❤❤
يالا بينا ده انا محتاجة فلوس كتير ههههههخ
بواسطة طالب عالمي (6.6ألف نقاط)  
الله يبارك فيك ، عقبال ما ترجعي محررة ، امين واياك ♥️♥️
تمام هنتفق على كل حاجة ، الفلوس بالنص تمام هههه
بواسطة طالب اسطوري (11.6ألف نقاط)  
+3 تصويتات

السلام عليكم 

بصراحة كانت الرحلة جميلة ولكن .............

عندما عرفت بأنها عن اليابان إنتظرت حديثا عن هابارا  , عن مدينة الأنمي 

وانتظرت رؤية صور كهذه : 

أو هذه : 

عموما , رحلة جميلة , شكرا عزيزتي ميرو 

بالتوفيق للجميع smiley

بواسطة طالب عالمي (6.4ألف نقاط)  
صباحو فل صباحو عيد
في الجزء الثاني بقي هما كلهم ١٢٠٠ كلمة يا خدوج والبلد بصراحة تستاهل طوكيو لوحدها فيها كمية حاجات هايلة البرج لوحدة عايزله منشور هههههههه
دمت بخير وسعادة وصحة
بواسطة طالب اسطوري (11.6ألف نقاط)  
هههه لا تنسي أن تتحدثي عن الأنمي في الجزء الثاني يا ميرو
دمتِ بخير :)
تحياتي
بواسطة طالب محترف (3.7ألف نقاط)  
+3 تصويتات

يا ميروووsadheart

رحلة جميلة والله وانبسطت كتير والله❤️

بتعرفي لو مطولين شوي بعد مو كان احسن لانو والله ماكان حاي عبالي انزل) :

❤️يعطيكي العافيه ياقلبي ❤️

بواسطة طالب عالمي (7.3ألف نقاط)  
يسعد صباحك روحا
بلاش طلبك يا روجا ما تطلبي أكثر ضلي ساكتة احسن وارضي بلي موجودة وخلينا مستورين  ما شوفتي ميرو تطلب مني ادفع حساب تذاكر ولو ضلينا كمان شوي بتدفعيني حساب فندق واكلات الكل بلاش يا روحا معليش ما اقوى على دفع أكثر ههههه
دومتي بخير والسعادة دائما يا روحا والتوفيق للجميع
بواسطة طالب عالمي (6.4ألف نقاط)  
يسعد صباحك يا روجا وتسلميلي يا قمر ❤❤❤❤
وانا مبسوطة انك استمتعتي بالرحلة ❤❤❤
مكناش هانلحق العيد ههههههه
ويعطيك الف عافيه وكل الخير والفرح والسعادة وتحققي كل اللي تتمنيه ❤❤❤❤❤
بواسطة طالب عالمي (6.4ألف نقاط)  
يا نوجا حسابك تقل وانا ماكنتش عاملة حسابي فنادق ومطاعم وملاهي وكافيهات وسهر كمان ههههههههخ
بواسطة طالب محترف (3.7ألف نقاط)  
ههههه حاضر يانوجا عشانك بس مش هطلب حاجة
حبيبتي ياميرو❤️❤️❤️
تضلو بخير حبيبات قلبي❤️
بواسطة طالب متحمس (1.4ألف نقاط)  
+2 تصويتات
رحله جميله جدًااا وممتعه واستمتع معاها والحمدلله لقيت اسمي ⁦^_^⁩ ... بجد طريقه السرد تجنن ومحستش خالص بطول المنشور واحلي حاجه روحك الجميله اللي بتشدني اني اكمل ع الرغم اني مبقدرش اكمل 3 سطور ع بعض ⁦^_^⁩ .... عاش بجد ي روحي ومستنيه رحلتك الجايه أنتِ روحتِ كوريا ولا لسه اوعي تنسوني ⁦⁦ಠಿ_ಠ⁩

بالتوفيق ي جميلتي ❤️❤️
بواسطة طالب عالمي (6.4ألف نقاط)  
تسلميلي تسلميلي يا منون ❤❤❤❤❤
فرحت قوي انها عجبت وما اقدرش انساكي يا جميل ❤
لسه ماروحناش بس ان شاء الله نرتب رحلة لكوريا حاضر
بواسطة طالب متحمس (1.4ألف نقاط)  
تسلميلي ي حبيبتي ... في انتظارها بأذن الله ❤️❤️
بواسطة طالب متحمس (1.0ألف نقاط)  
+2 تصويتات

لا معلش بقى الزحمه فوصلت متأخره :)

جميله الرحله لليابان مش ناويه تاخدينا لام الدنيا بقى مصر صحيح احنا من مصر بس عاوزين بردو كده رحله للى ميعرفش مصر 

وإلا انتى ختينا بس أنا كنت نايمه ههههه⁦^_^⁩

بواسطة طالب عالمي (6.4ألف نقاط)  
هههههههههه والله انت عسل يا نور ❤❤❤
عرفتي منين اني بافكر فيها بس خوفت مالاقيش حد يروح معايا واخسر ثمن التذاكر ههههههههه
علي فكرة ده انذار ليكي لو جيتي متأخرة تاني هامسحك اسمك من فوق هههههههههه لاء ماتزعليش ما اقدرش ده منور المنشور ❤❤❤❤
بواسطة طالب عالمي (6.4ألف نقاط)  
https://bit.ly/2UVubi2
اهي العيدية هههه
بواسطة طالب عالمي (7.1ألف نقاط)  
+2 تصويتات

نيالي عنجد...

بس كان خليتي الحساب علي هالمره ههههه

يسعد قلبك جد ابدعتي واستمتعت بالرحله جدا جدا

في معلومات جديده علي ..

اشكرك يا جميل⁦❤️⁩

بواسطة طالب عالمي (6.4ألف نقاط)  
تسلميلي يا لوز اللوز ❤❤❤❤
ويارب تكون بجد عجبتك واستفدتي منها يا جميل ❤❤❤
انا قولت بلاش اكلفك خليكي انت تدفعي حساب الرحلة الجاية هههههههه
بواسطة طالب عالمي (6.4ألف نقاط)  
اسفة لوز نسيت اعمل ال  up vote. وجيت جري اعمله ❤❤❤
بواسطة طالب عالمي (7.1ألف نقاط)  
راح اسامحك هالمره لأنها تحصل معاي هههههههه
بس انا عملت اب فوت بعدها فتررره علقت
امزح معك ترا عادي هههههههه
بواسطة طالب عالمي (6.4ألف نقاط)  
ههههههههه انت عسل والله ❤❤❤❤
بواسطة طالب عالمي (6.4ألف نقاط)  
https://bit.ly/2UVubi2
اتاخرتي علي العيدية يا لوز
بواسطة طالب عالمي (7.1ألف نقاط)  
امممم.
شكلها خلاص راحت علي.
⁦⁦ಠ◡ಠ⁩⁦
جيت متاخر
بواسطة طالب عالمي (6.4ألف نقاط)  
لاء ياقلبي روحي وهتاخدي عيدية ان شاء الله انا كل شوية بافكرهم لا تقلقي ❤❤❤❤
انا كنت لسه شايفة اول اجابة كانت ليكي في منشور عيدية عيد الفطر
بواسطة طالب عالمي (7.1ألف نقاط)  
إن شاءالله أمر هناك...
ايوه اتذكر.
........بس منشورك جميل جدا⁦♥️⁩⁦♥️⁩⁦♥️⁩
دائما تبدعي...⁦❤️⁩
بواسطة طالب عالمي (6.4ألف نقاط)  
تسلمي لوز ❤❤❤
ربنا يتقبل منا جميعا ❤❤❤
بواسطة طالب عالمي (8.7ألف نقاط)  
+2 تصويتات

يسعدلي صباحك الحلو يا ميرو 

كل سنة وانتي طيبة يا حبوبين ينعاد علكي بالخير 

اوقلك ايه بس ان الرحلة الجميلة دي انا استمتعت اووي اووي بجد روعة يا ميرو 

عجبني المعبد اوي والمنطقة المحيطة وانا بحب طوكيو اووي اوي 

وحبيت دزني لاند وسمر لاند انا مش عايزة اروح انا عايزة ابقى هنابعدين يا ميرو انا كل رحلة عايزة اووحها معاكي مليش دعوة اتصرفي والا راح ابكي طول الوقت cryingcrying

تحياتي smiley

بواسطة طالب عالمي (6.4ألف نقاط)  
يسعدلي صباحك ايامك كلها شهووووود ❤❤❤❤
يسلملي الكلام الحلو والتشجيع الجميل من احلي شهوووود بالدنيا ربنا يخليكي لي ولا يحرمني منك ابدا ابدا وتفضلي كده تشجعيني علي طووول يا قمر ❤❤❤  ماشي اطلعي جبل فوجي اتصوري صورتين لحد ما نرجعلك هههههههههه وتبكي ليه يا حبيبي ما انت منورة كل الرحلات ربنا ما يبكيكي ابدا ويفرحك ويجبر بخاطرك دايما ❤❤❤❤❤
بواسطة طالب عالمي (6.4ألف نقاط)  
https://bit.ly/2UVubi2
العيدية شهود
بواسطة طالب عالمي (8.7ألف نقاط)  
انا بحب دعواتك اووي اووي يا ميرو بتفرحني كتير والله
ربنا لا يحرمنا منك ولا من دعاواهم الحلوة دي ولا من رحلاتك الى بدخل البهجة لقلوبنا
وانا كيف بدي ابكي وميرو موجودة ❤️❤️❤️
بواسطة طالب عالمي (5.6ألف نقاط)  
+2 تصويتات
وييييييييي

الرحلة حلوة اوى

لقيتكم محدش قالى على الرحلة دى رحت استخبيت فى شنطتك يا ميرفت
بواسطة طالب عالمي (6.4ألف نقاط)  
يااااه رؤي
يسعدلي صباحك يا جميل بجد وحشتيني رؤي ❤❤❤
يارب تكوني بخير وصحه وسعاده
هههههههههه ضحكتيني يا رؤي
انت مش تستخبي في شنطتي انت تيجي مكاني ❤❤❤ ارجعي تاني هتلاقي انك منورة الرحلة ❤❤
بواسطة طالب عالمي (5.6ألف نقاط)  
وحشتينى أكتر
حبيبتى والله ربنا يخليكى
بواسطة طالب عالمي (6.4ألف نقاط)  
ما تغبيش تاني بقي ماشي ❤❤❤
بواسطة طالب عالمي (5.6ألف نقاط)  
هو انا امتا اسمى هيظهر
بواسطة طالب عالمي (6.4ألف نقاط)  
انت شككتيني في نفسي اسمك مكتوب يا بطوط
بواسطة طالب عالمي (5.6ألف نقاط)  
هههههههههه تصدقى مقريتهاش بعد التعديل
بواسطة طالب عالمي (6.4ألف نقاط)  
كده عليكي خمس عيديات هههههههههه
بواسطة طالب عالمي (5.6ألف نقاط)  
هههههههههه مش لما اخد انا الاول
دة عيد لحمة
بواسطة طالب عالمي (6.9ألف نقاط)  
+2 تصويتات

عادي مش مشكلة ابدا والله 


هزعل شوية بس يلا الحمد لله لعل هناك الافضل 

بواسطة طالب عالمي (6.4ألف نقاط)  
ليه كده تزعل ليه السيد خير مالك
مين زعلك وانا اطلعهولك جبل فوجي مشي هههههههه
بواسطة طالب عالمي (6.9ألف نقاط)  
شوفتي بقا مش هتصدقي مين اللي مزعلني عارفة مين انت ي باشااااا هههههههه مفاجأة
يعني انت تعملي القصة العريضة والكبيرة دي وما اكونش موجود فيها طيب ودة ينفع يعني  ههههههه
يعني اغيب يومين ...........
بواسطة طالب عالمي (6.4ألف نقاط)  
لا طبعا ماينفعش وعندك حق
طب والله ما تزعل ما اقدرش ازعلك يا السبد
طب ارجع اقري كده تحت صورة المعبد
كنت هاكتبك امبارح في هيروشيما بس خوفت تزعل
بواسطة طالب عالمي (6.0ألف نقاط)  
+2 تصويتات

علفكره انا عمرى ما جيت معاكى فى اى رحله ولا ذكرتى اسمى حتى frown

هو انا للدرجادى منسيه !!!!!!!


بعيد عن النكد الى كتبته فوق الرحله حلوه و الصور احلى laugh

امتى بقا اعمل سياحه خارجيه ؟ هههه

بواسطة طالب عالمي (6.0ألف نقاط)  
انتى مخلتيش حاجه غير لما ذكرتيها يا ميرفت ههههههه
و انا يا سيد ابقى هاتلى كريب و بيتزا و شاورما و كرتونه شبسى بالشطه و اللمون
و شوكلاته كيندر و كيت كات و متنساش العيديه و الملاهى بتاعه بكرا
هههههههههههههههه
اشمعنا ميرفت يعنى ؟! ههههه
بواسطة طالب عالمي (6.9ألف نقاط)  
بس كداي مناال هو دة اللي قدرتي عليه
بسيطة انت جيتي ف جمل
دا انا هخرجكم ملاهي ما تحلموا بيها ههههههههه
محتاجة العيدية تكون ف حدودكام طيب عشان اعمل حسابي؟؟
ميرفت قصة تانية خههههه
بواسطة طالب عالمي (6.0ألف نقاط)  
بص انت تودينى على دريم بارك و تركبنى قطار الموت و الديسكفرى و الشلالات  علشان بحبهم الصراحه هههه بس اعمل حسابك الدخول ب 150 و اللعبه جوا 40 داه كان السنه الى فاتت الله اعلم السنادى بقا هيكون ايه النظام ههههههه
و بالنسبه للعيديه انا مش هفترى فخلينا مثلا نقول 200 جنيه ^_^
انا مرضتش احاسبك بالدولار قولت خلينا فى الجنيه
بواسطة طالب عالمي (6.4ألف نقاط)  
ايه دااااه انا مش مصدقه نفسي السيد هايجبلنا كل الحاجات دي وهايخرجنا في العيد وكمان هياخدنا علي الملاهي انا موااااافقة ههههههههههه
بواسطة طالب عالمي (6.4ألف نقاط)  
العيدية يا منول
https://bit.ly/2UVubi2
بواسطة طالب محترف (4.6ألف نقاط)  
+1 تصويت

السلام عليكم 

و يا مرحبا بالمبدعة (: اشتقت لرحلاتك الرائعة

رحلة جميلة حقا... احب اليابان كثيييرا و هي كذلك من أجمل الدول التي  أتمنى زيارتها يوما ما... أحسنت الإختيار عزيزتي...

الله يعطيك العافية أختي ❤

ليس لدي كلمات تصف مدى جمال الرحلة (و بالطبع لقد قمت بوضعه في المفضلة ) في انتظار الجزء الثاني من الرحلة...

أسعدك الله حبيبتي ميرفت و ربي يكرمك بكل الخير و يريح قلبك و يرزقك براحة البال 

دمت في أمان الله ❤❤

بواسطة طالب عالمي (6.4ألف نقاط)  
وعليكم السلام ورحمة الله وبركاته
يسعدلي مساكي يا جميل ❤❤❤❤❤
ربنا يفرح قلبك زي ما بتفرحيني بكلامك الحلو ❤❤❤
بحبك كتير كتير كتير كتير كتير اسراااااء وربنا يخليكي لي ولا يحرمني منك ابدا ابدا وتفضلي كده تشجعيني علي طووول يا قمر ويارب يرزقك كل الخير والفرح والسعادة وتحققي كل اللي تتمنيه ويحميكي من كل شر ❤❤❤
دمت بخير وسعادة وصحة وعافية ❤
بواسطة طالب عالمي (6.4ألف نقاط)  
https://bit.ly/2UVubi2
العيدية يا سوسو
52 Online Users
0 Guest 52 Member
Today Visits : 25064
Yesterday Visits : 41462
Total Visits : 42803285

25.4ألف أسئلة

124ألف إجابة

154ألف تعليقات

29.4ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...