يامعشر محبى فخر العرب
البث شغال الان
انطلقواااااا وان شاء الله نحاول نلخصه للناس اللى ماشافتوش
المخلص على قد ماقدرت كل اللى شاف اللايف ويقدر يضيف حاجة يقولى
تم تحديث التطبيق
الدروس على طليق ليست متوقفة
نتيجة اصابتي بكورونا مرتين وبعض المشاكل الاسرية فاستلزمت مجهود وعند العودة وجدت ان هناك بعض المشاكل بالتطبيق وتم حلها ولذلك لم يتم استمرار انطلاق الدروس بموازة زي امريكان ولكن تم انتهاء تحديث طليق وتم نزول حلقة من كوفى بريك وجارى استمرار نزول الحلقات
البرمجة ؟ فى كذا مشروع وان شاء الله شغالين فيه بجديه ولكن يوجد بعض الجوانب يجب تأسيسها اولا وشغالين فيه بخطوات فعليه من تسجيل حقوق ملكية
ليه مهتم نتعلم عبرى ؟ على راى المثل ( ابقى اصدقائك مقربين واعدائك اقرب )
ال pdf بتشوفوا من غير نت لكن ماينفعش تحمله غير باشتراك
هل الصينين بيرموا الاطباق والصوت اللى يطلع يبقى هو اسم الطفل دى كانت نكته هههههه
ماعنديش ولاد صينين
تقدر تتعلم على طليق كل اللغات مجانا ولا نستطيع زيادة عدد الدروس عن درسين يوميا لانه بيتطلب تكلفة عالية
تانى اهم لغة ؟ هى اللغة المهمة لك ولكن اللغة على مستوى العالم فانه من المتوقع ان تكون الصينية
سيتم اضافة خاصية لتتكلم مع المدرسين على طليق
حاليا بيتم نزول 16 حلقة بالاسبوع بعد العيد هايبقى 20 حلقة
الاعلانات يمكن يقدر يتحكم فيها ولكن فى اعلانات لاء ولكن جارى ايقاف بعضها
ممكن نسيب البث موجود بعد الحلقة ؟ بصراحة انا حابب انها تكون قاعدة بينا بس هافكر
اختبار تحديد المستوى مش بيظهر ؟ لانه بيظهر بعد انتهاء المستوى كاملا
كورس الافلام قادم ان شاء الله
الدردشة مش شغالة ؟ برجاء ارسال الرسالة التى تظهر وسوف يتم حلها
لو مبتدئ فى الانجليزى كمل مع طليق ولو انت فى مستوى متقدم شوية يبقى كمل مع زى امريكان
الدراسة على التطبيق متقدمة فى العدد عما تم نزوله على اليوتيوب لذلك برجاء المذاكرة من التطبيق
االهدف انك تدرس اللغة العربية وقواعدها هو معرفة لغتك ولغة القران ولتسهيل تعلم باقى اللغات
ايوة انا حافظ للقرأن الكريم
اول ثلاث مستويات من زي امريكان توازى B2
ازاى تتعلم تركي زي ما بنتعلم اى لغة باتقان المهارات
قريب هايتم استفتاء بين اللغة الايطالية والعبرية والكورية واللى هايفوز فى الاستفتاء هاندرسه
شغالين على اننا نقدر نغير اللغة من داخل التطبيق لنتمكن من اضافة لغتين
يا جماعة لعمل حساب تانى للغة التانية حط اى رقم عشوائى وقريبا هانشيل ده من التطبيق
تقدر ترجع للدرس تانى لو عايز تشوفه تانى وتشوف الكلمات والامتحان كمان واخرج بدون تجاوز الامتحان ومش هايتحسب درس
تم عمل لايف مع بعض الاعضاء الذين طلبوا الانضمام وكانت هذة اسئلتهم
درس الايلتس ؟ هايتم اضافته تانى بشكل مختلف لان كامبريدج عملت عليه مشكلة
مدة تعلم البرمجة ؟ راجع لقدرات الشخص مافيش حاجة اسمها مدة معينة لتعلم لغة
الويب سايت عليه ناس كتير بيساعدوا الناس وبيجمعوا نقاط وفى منهم وصل ل 9 الاف نقطه و لهم اجابات هايلة ممكن نرجعلهم وهم هايساعدونا
ازاى اتغلب على الكسل ؟ الكسل ناتج عن التشتتييت لذلك فى كتاب اسمه DEEP WORK انصحك تقراه وتبعد عن التشتتييت
لماذا يتم اختيار المدرسين مصريين؟ لان بيتم اختيارهم وجها لوجه وتدريبهم تدريب مكثف وده بيتم فى مصر كمان فى ناس كتير بتفهم اللهجة المصرية
طلب عمل كورس للغة الهندية ؟ موجوده فى الحسبان واكتر من 9 افراد فى التيم هنود
حلقات ولع النور هاترجع باذن الله
المستوى الاول فى طليق 10 وحدات
التكبر على المتكبر صدقة
كيف يتم دعم الشركة ؟ بدعائكم
متزوج ؟ طبعا 35 سنة اكيد متزوج ههههه
بتشتغل ايه ؟ اضافة من اسلام طبيب اسنان
اتقان مهارة التحدث لاى لغة ؟ فى البداية تشتغل على مهارة انك تقدر تكتبها وبعدين تعرف تقراها ومن ثم تعرف تسمعها ثم تقدر توصل للمنتج بتاعك انك تقدر تتحدثها وفى الاخر ان شاء الله هاتوصل
كم لغة فى طليق ؟ 9 وقريبا هانضيف العاشرة
تم ايقاف قناة اليوتيوب التى تم انزال فيديوهات القوة الناعمة عليها من المستر نفسه
ازاى اتعلم برمجة ؟ ابدء بلغات اسكريبت ابدء بلغة بسيطة عشان تقدر تفهمها
عايشة فى امريكا بقالى 9 سنين ومش باعرف اتكلم ومش عارفة ايه المشكلة ؟ مرحلة الانتاج بعد تحسن باقى المهارات نصيحتى لكي ما تخليش دايرتك كلها عرب نصيحتى تشوفى حد من متحدثى اللغة الاصليين ومهتم بتعلم اللغة العربية وتتعلمى منه وتعلميه
باحفظ كلمات كتير وبانسي نصها ؟ فى ماقولة بتقول لاتأكل اكتر مما تستطيع لذلك بانصحك تقلل عدد الكلمات اللى بتحفظها عشان ماتنسهاش ( ممكن تحفظ 10 كلمات فى اليوم كفاية ) واستخدام هذة الكلمات خلال المحادثات اليومية وتكرراها هايثبت حفظها
راح تفلس المعلمين يا باشا ههههههه لاء يا باشا كل واحد بيشوف الحاجة اللى بيحبها زى كوكاكولا مافلستش بيبسي او سينا كولا هههههه
التحدث فى طليق مع المعلمين هل سيكون متاح لجميع اللغات ؟ ان شاء الله
هايكون فى نوع معين انك تجمع نقاط وتكسب بيها تحدث مع المدرسين وفى امكانية الدفع للتحدث معهم
لو حضرتك بتشتغل شغلانه مش حاببها ؟ نصحيتى اوعى تخسر وظيفتك الاساسية لحين ان تجد الوظيفة التى تحقق لك شغفك تجاهها اوعى تعمل الغلطة دى لان عندك التزامات
معدل حلقات الانجليزى بطئ على طليق ؟ هاشوفها حاضر
ازاى تمارس الانجليزى واللى حواليك مش مشجعك ؟ مالكش دعوه بيهم وشجع نفسك حاول تتكلم مع نفسك واتكلم قدام المراية مع نفسك هاتتحسن
ال PDF مش شغال اللغة الانجليزية ؟ لاء هو شغال حضرتك ادخل تانى لكن بحلقة المقدمة لايوجد لها PDF برجاء تنزيل التحديث اللى لسه نازل اول امبارح
فيديو شرح تعلم اكتر من لغة ؟ يوجد فيديو على اليوتيوب فيه كل النصايح لذلك
المدرسين اللى معانا على طليق هايطلعوا معانا لايف بعد العيد للاجابة على اسئلة اللغات الاخرى.
محتاج انترفيو عن العمل ؟ سيتم تخصيص حلقات لذلك
هل فى جدول حلقات لكل لغة ؟ نعم
اضافة المجلدات لايقبل سوى 15 كلمة ؟ متاح عدد 100 كلمة للاشتراك المجانى
كيف استطيع التواصل معك ؟ على طليق من CONTACT US وده اللينك
https://www.taleek.com/contact-us
بدات على زى امريكان وبعدين وقفت عشان طليق واتاخر نزول التطبيق فانا محتار اكمل على زي امريكان ولا اكمل على طليق ؟ مستواك ايه ؟ لاء انا ضعيف ....نصيحتي ليك كمل مع طليق وان شاء الله هانزود الدروس بعد العيد
عايز كتب تفيدنى فى حياتى ؟ حسب هوايتك هل تحب التاريخ او الاقتصاد او ...... انا باحب علم النفس ... انصحك بقراءة كتاب ( ماسمعتش اسم الكتب )
لايسمح لى باضافة الكلمات ؟ لابد من تفعيل الايميل حتى يسمح لك باضافة الكلمات لان فى ناس بتستخدم ايميل وهمى
اخر حاجة احب اقولها اننا هانتقابل فى مكان ونعمل محادثات ( اناماسمعتش باقى الجزء ده ياريت حد يقولى ) شرين بعتتلى الجزء ده ( بخصوص اخر جزئية اننا نتقابل في مكان قال هيختار الناس اللي هتحضر وهيكون حسب ايه في وقتها هيعلن عنها ان شاء الله عشان مش هينفع الناس كلها مرة واحدة يعنى)
اشوفكم على خير ونكون فى لايف تانى