السلام عليكم ورحمة الله بركاتة
كل عام انتم بخير الي الله اقرب
كل لما نقرب من يوم عرفة افتكر (سباستيان) !!
سباستيان ده شاب ألماني ، فييم من الايام لعام (2012) كان فيه سلسلة محلات ألمانية شهيرة اسمها (Saturn) ، الشركة دي عملت مسابقة كبيرة جدا لجمهور صفحتها على الفيسبوك احتفالا بافتتاح فرعها رقم (150) في ألمانيا !!!!.......... الفائز بالمسابقة دي هيسمحوا له بدخول المحل لمدة (150) ثانية"انت متخل ي عزيزي القارئ 150 ثانية يعني 2.5 دقيقة" ياخد فيها (كل) اللي نفسه فيه مجانا !! 
يدخل المحل ، يشيل كل اللي عاوزه ، ويخرج بيه ببلاش !!
انتهت المسابقة وتم الاعلان عن الفائزين ، منهم شاب عنده (27) سنة اسمه (سباستيان) !
يوم المسابقة كان فيه تغطية اعلامية رهيبة ، وبدأت العد التنازلي للـ 150 ثانية ، وبدأت الناس تدخل تلم اللي تقدر عليه !!
ناس كتير كانت بتتكعبل وتقع ، وناس تشيل حاجات وبعدين ترميها وتاخد حاجات تانية ، وفيه ناس بقت تاخد اي حاجة أدامها ، وفي الاخر طلعت بحاجات ملهاش قيمة أوي يعني !! لكن العجيب إن (سباستيان) دخل بمنتهى السرعة والنظام والتركيز ، وكإنه حافظ وعارف هو بيعمل ايه !! بقا يجيب شاشات كبيرة ويسحبها على برة ، موبايلات ولابات وأجهزة من كل الأشكال والألوان ومن أفخم الماركات وأغلى الأسعار يحطها فوق بعض بترتيب عجيب ويخرج بيها يحطها على جمب ، ويرجع يدخل تاني !! الناس كلها كانت مستغربة من أداءه واختياراته !! لدرجة إنه في الاخر عرف كمان يسحب "تلاجة" هههه بحالها ويخرجها لبرة !!
وبالفعل انتهت الـ(150) ثانية وخرج (سباستيان) وسط تهليل فظيع من الجمهور واترمى على الأرض من كتر التعب !! حسبوا قيمة الحاجات اللي أخدها في الـ(150) ثانية دول لقوها تساوي (29) ألف يورو !! تخيلوا !! يعني ل تيجو نحسبها بالمصري كدا = 600 الف جنية
!!
وبعد ما خلص الوقت اول كلمة قالها بعد جهد وتعب لا يوصف " لقد نجحت استراتيجيتي" !!
تعالوا نشوف الاستراتيجية بتاعته دي كانت عبارة عن ايه؟!!!!!
لما عملوا معاه لقاء بعدها قال إنه من يوم ما سمع عن المسابقة وهو بيروح المحل كل يوم "يخطط" ويحفظ أماكن الحاجات الغالية اللي عاوز ياخدها ، ويرتب مساره وطريق جوة المحل الكبير عشان يعرف يخرج بأكبر قدر من المكاسب خلال الـ(150) ثانية دول !
وبالتالي أول ما وقع عليه الاختيار .. كان جاهز !! وكانت أول كلمة ليه بعد الانتصار " لقد نجحت استراتيجيتي" !!
أهو أنا بقا كل ما نقترب من يوم عرفة ، والقصة دي ملهمة
وحابب أقول : مش احنا أولى من سباستيان في التخطيط ليوم عرفة 
؟! هذا الشاب خرج بحاجات قيمتها 29 الف يورو في دقيقتين ونصف ، ياترى احنا هنخرج بايه من يوم عرفة ؟؟
قال الأوزاعي رحمه الله : أدركت أقواماً كانوا يخبئون الحاجات ليوم عرفة ليسألوا الله بها !
فالواحد مش عارف ازاي يكزن عارف قيمةاليوم دة وما يستغلهوش ربنا يوفقنا جميعا فيه
إزاي تكون عارف أن ده أكتر يوم ربنا بيعتق فيه الناس من النار ، وده اليوم اللي ربنا بيباهي بعبادِهِ ملائكته ، وإن صيامُه بيكفر السنة الماضية والسنة القابلة ، وإن العمل الصالح فيه أفضل مما دونه من الأيام ، وإن خير الدعاء وأفضل الدعاء دعاء يوم عرفة ، إزاي تكون عارف كل ده وما نكونش جاهزين !!!
جهز قائمة لكل ما تتمناه في دنياك وآخرتك وانزل"اللي داخل علي ثانوية واللي بيمتحن ا........ الخ
جهز قائمة دعواتك ؟؟
قال عبدالله بن المبارك : جئت إلى سفيان الثوري عشية عرفة وهو جاثٍ على ركبتيه، وعيناه تذرفان فالتفت إلي ، فقلت له : من أسوأ هذا الجمع حالاً ؟ قال : الذي يظن أن الله لا يغفر له !
اللهم اغفر لنا ذنوبنا ، وأعتق رقابنا ، وأجب دعواتنا ، واغمرنا في فيض عفوك ورحمتك يا كريم .. امين
العبرة هنا الدنيا فرص فلنغتنمها
شكرا لكم جميعا
