First time here? Checkout the FAQ!
x

الملاحظات

ازاي بتوفقوا بين دراسه لغتين سوا ⁦ಠಿ_ಠ⁩

في تصنيف تجارب شخصيه
بواسطة طالب متحمس (1.4ألف نقاط)  
+10 تصويتات
928 مشاهدات

السلام عليكم اخواتِ الغاليين ⁦^_^⁩

مؤخرااا طاقتي قليله شويه وحاسه اني مش قادره أوفق بين دراسه الانجليزي والصيني لما ببدأ صيني مش عايزه ابدأ في الانجليزي لما ببدأ انجليزي مش عايزه ابدأ في الصيني وبسبب الحيره ابدأ بـ اي بقالي اكتر من اسبوع مذاكرتش حاجه ... شوفت فيديو مستر ابراهيم اكتر من مره انا عايزه اعرف بس انتم بتعملوا اي وبتظبطوها ازاي وبتذاكروا وتراجعوا أمتي وهكذا يمكن اغش منكم  ⁦ಡ ͜ ʖ ಡ⁩

بتمني لو واحد بس يعبرني شكلي بيبقي وحش اووي ومحدش بيرد خالص قولوا ليا بالتوفيق حتي ⁦⁦⁦(o_O) ⁩

وكل سنة وانتم طيبين ... متنسوش تدعولي في الايام الجميله دي ... دمتم ديمًا بخير ❤️❤️

من فضلك سجل دخولك أو قم بتسجيل حساب للإجابة على هذا السؤال

11 إجابة

بواسطة طالب عالمي (6.0ألف نقاط)  
+7 تصويتات

بصى يا منه هو الموضوع كله بيكون عباره عن تنظيم الوقت ثم تنظيم الوقت ثم تنظيم الوقت 

هتحسى كده ان بالك مرتاح وبتقدرى تنجزى حجات كتيره جدا غير حتى الى انتى كنتى محدداها 

فبصى انتى هتعملى جدول كل لغه تذاكريها 3 مرات فى الاسبوع و تاخدى يوم راحه تراجعى فيه الى بتاخديه 

يعنى هتذاكرى بالتناوب يوم انجلش و يوم صينى و يوم الجمعه مثلا يكون اجازه 

انا بعمل كده اهم حاجه تعملى بقا جدول و تمشى عليها هااا لازم تمشى عليه مش تعمليه و تركنيه على جمب و نرجع للغبطه تانى 

لو انتى من النوع الى مش بيحب الجداول و كده جربى بس امشى عىل الموضوع داه اسبوع و ان شاء الله هتحسى براحه نفسه و انك قدرتى تحققى الى كنتى عايزاه و زياده كمان

و بس كده 

بالتوفيق ان شاء الله

بواسطة طالب متحمس (1.4ألف نقاط)  
والله ي بنتي عملت نفس الجدول داا ومشيت عليه كويس في البدايه بس بعد كدا ضغط نفسي بحاجات جديده فـ مبقتش قادره اعمل اي حاجه خالص ... تمام هرجع تاني الجدول بدون اضافات جديده حاليًا ... بالتوفيق ي جميله تسلميلي ❤️❤️
بواسطة طالب اسطوري (11.6ألف نقاط)  
+6 تصويتات

اممم ابعتيلي طاقتك دي أظبطهالك 

شوفي حبوبة مش بكثرة اللغات , انت ميولك تجاه أي لغة لو عرفتي مشكلتك اتحلت , واستمري فيها واتقنيها جيدا وانتقلي لغيرها .. 

مش هقولك ظبطي جدول وامشي عليه لأني انا شخصيا ما بعمله لأني ما أعرف ثاني يوم مخبأ لي ايه . وأخاف اني لا أستطيع أمشي علي الجدول 

لكن قبل النوم انوي علي ما أفعله في اليوم التالي . كل ما تشاهدي تقدمك باللغة ومشاركتها معنا هنا هيعطيك دافع أكبر للأستمرار 

الأهم لا تتوقفي .. 

وليس شرطا طول الأسبوع مذاكرة حددي يوم او اتنين مارسي فيه هوايتك

اتمني الك التوفيق والثبات في مسيرتك التعليمية ..  

بواسطة طالب محترف (4.1ألف نقاط)  
⚡% 1/2
ظبطيهالي بقي يا استاذه رورو  :-*   ^_^
بواسطة طالب متحمس (1.4ألف نقاط)  
ياااريت ينفع تاخديها تظبطيها لأنها تعباني جدااا مؤخرًا ⁦^_^⁩
تمام بأذن الله هحاول أكتب مهام قليله اقدر اعملها بليل واحاول انفذها الصبح اعتقد دا هيذود طاقتي ويشجعني جدااا ... معنديش هوايات للاسف انا بعمل حاجات كتيير علشان الاقي شغفي ولسه موصلتش لسه بس اكيد هوصلوا بأذن الله .... تسلميلي جدًااا ❤️❤️
بواسطة طالب محترف (2.9ألف نقاط)  
طب وانا مليش مكان معاكم ؟ ههههههههه
بواسطة طالب اسطوري (11.6ألف نقاط)  
هههه خلاص عبير ابعتيهالي أظبطهالك مع منة وهروقها كمان . ازاي جناوي مالكيش مكان ليك ونص
اوعوا تفتكروا انتم بس اللي طاقتكم بتخلص كلنا مثلكم بس الفرق في اللي بياخد راحة لنفسه ويرجع أقوي
وفي اللي بيستسلم .. منه حبيبتي ابسط شئ القراءة اقرئي أي شئ ..... اتعلمي اي هواية لو ماكليش فعلا
الهوايات ياااما بس انت انوي علي اي واحدة وابدأي بتعليمها .واللي تذاكريه تعالي شاركيه هنا حتي لو كان سؤال واحد مش مهم
كلا ده طاقة ويعطيك دافع للمذاكرة بدل ما تذاكري لوحدك الانجلش كلنا بنذاكره .. الصيني ياااما هنا بيدرسوه ...
. عبيرو انت داخلة علي مذاكرة جامدة حاولي تفرفشي ولا تضغطي ع نفسك كل ده هيأثر عليك .. اتعلموا تضحوا وابتسموا مهما كانت الظروف . ...وانتي جناوي مكانك في أي مكان بالمنتدي ليه وضعه وبهجته .. ربي يسعد أيامكم ويفرحكم دائما ..
ع فكرة شباب جناوي عامة هي ورجاء سلسلة حلوة جدا ..
بواسطة طالب متحمس (1.4ألف نقاط)  
انا بحب القراءه وبقرء بس مش كتيير معرفش دي هوايه ولا لا بس لسه موصلتش للشغف نفسي الاقي حاجه فعلا ابقي شاطره فيها واحبها نفسي اووي انجح في اي حاجه لاني جربت كتييير وفشلت بس اكيد في يوم هلاقي مادام مازلت بحاول .... بالتوفيق لينا اجمعين ❤️❤️
بواسطة طالب محترف (4.1ألف نقاط)  
يااه ع جمال كلامكم ماشاء الله بجد ربنا يحفظكم
علي فكره يا منه اناا كماان مكنتش عارفه احدد هوايتي يمكن من قبل ماعرفكم بغد ما عرفتكم اكتسبت منكم حجاات جميله جداا وكماان عرفت اي هي هواياتي
وتسلمي ياارب يا استاذه رومانتيك ع كلامك الجميل ده باذن الله الامور تبقي خير كلهاا يارب  ❤❤
بواسطة طالب محترف (2.9ألف نقاط)  
ممكن ادخل للمره التانيه :) ....
هو ممكن حد يقولي اعرف هوايتي منين لو سمحت ؟؟ لان حالي نفس حال منه شويه .. بصراحة مجربتش حاجات كتير بس بردو مش عارفه اعمل اي :) او انا بالنسبه ليا كل الهوايات اللي في العالم هما :- قرءاة - رسم - كتابة - قرءاة -رسم - كتابة :/ ... اوه نسيت رسم تااني هههههههه
دوول اللي اعرفهم ... Idk اذا كان في تاني او لا يعني .. فا دا بردو شي موقفني لاني مش بحب ولا واحده فيهم ...
ميرسي ميرسي رومانتك علي كلامك الجميل دا :) ❤️
بواسطة طالب محترف (4.1ألف نقاط)  
بصي جنااوب هقولك بسرعه عشان عندي دري حالياا وطبعاا ادخلي فاي وقت
الهوايات كتير قرائه رسم موسيقي كتابه مثلاا ناس هوايتها انها تعمل حجات hand made وناس هوايتها الرياضه مثلاا سباحه كره ركوب خيل ناس هوايتها الصيد ناس هوايتها تعلم اللغات وهكذا بتختلف من حاجه لحاجه
عارفه جناوي من قبل اعرفك او اعرف مستر ابراهيم مكنتش بحب اقراا خااالص مكن لو حاجه بسيطه عايزه اقراها بمل منها
شوفت حب الكثير منكم للقرائه وغيره بحثت عنها وعرفت فوائدها قولت اجرب واحده واحده بدات بكتب فمحالات فهماها وبحبها وواحده واحده بقيت احب القرائه جداااا
والهوايه التانيه تعل اللغات عمري ا فكرت اني افكر اتعلم لغات اجنبيه كان الانجليزي بشد فشعري منه لما اقابله مش عشان مش بحبه بس عشان مكنتش بهتم بيه وكانوا المدرسين بيدرسهولنا كماده مش كلغه
لماا شوفت طريقه مستر ابراهيم فتدريسه وقد اي هو لغه قبل ا يكون ماده والجرامر كل حاجه ليها تفسر بدل كل الشواذ الي كانوا بيدوهلنا حبيت الانجليزي جداا ولما بداا بمشروع طليق حبيت جداا الفكره حبيت اني اتعلم اكتر من لغه بحبها حبيت جداا موضوع تعلم اللغات وبقت دي هوايتي التايه
الهوايه بتيجي مع التجربه وهوايتك مختلفه عن هوايتي عن هوايه صحبتي وغيره
بواسطة طالب محترف (3.2ألف نقاط)  
+4 تصويتات

السلام عليكم

هناك شيء قد يفيد. هو تسريع الفيديو. ادخلي الى قائمة التشغيل على يوتيوب. واختاري اللغة التي تريدين. اختاري اسرع سرعة ممكنة. هكذا تستطيعين مراجعة الدروس بسرعة. وعند انتهاء قائمة التشغيل ادخلي الى التطبيق وإبدئي من حيث وقفتِ. لان الدروس ليست كلها على يوتيوب.

هناك ايضا نصيحة اختاري لون لكل لغة. مثلا اللغة الانجليزية دائما دوِّني بالأزرق. واللغة الصينية دائما دوِّني بالأخضر.

بالتوفيق.

بواسطة طالب متحمس (1.4ألف نقاط)  
تمام هحاول اعمل كدااا ... فكره حلوه بتاعت الاقلام انا مؤخرا بدأت اجربها بس في نوعيه الأقلام اللي فيها لميع دي هحاول اجربها في باقي الأقلام بأذن الله ⁦^_^⁩
بواسطة طالب عالمي (8.9ألف نقاط)  
+4 تصويتات

باختصار 

_ عيشي اللغة كيف انت في المطبخ تكلم عن نفسك في المطبخ

_ بكرة حتروح فين السوق خلاص كل حوارك عن السوق

هذه فلسفتي في اللغة 

بواسطة طالب عالمي (6.1ألف نقاط)  
كم انت فيلسوف ولاتفلفس انا هو انت بردو عندك جولات في المطبخ وحرب مع الثلاجة مثل اخوك
بواسطة طالب عالمي (8.9ألف نقاط)  
ههههههههههههااااي
أجل أرنا فلسفتك يابن العراق
بواسطة طالب عالمي (6.1ألف نقاط)  
هو انا شكل فلسفة شفتك حبيت اسلم عليك قمت نطيت بنص التعليق ههههه
بواسطة طالب متحمس (1.4ألف نقاط)  
اشمعنا بس المطبخ انا مبحبش ادخلوا عكس كل البنات ولا عمري روحت سوق ⁦^_^⁩ .. عامه الفكره عجبتني جداا وهتساعدني اني أمارس اللغه وهجربها بأذن الله .... بالتوفيق .
بواسطة طالب محترف (4.1ألف نقاط)  
+4 تصويتات

منه عامله اي  ❤

اولاا شكراا ليكي حبيبتي علي السؤال ده عسان بجد استفدت من التعليقات عشان اناا كمان زيك كده فاغلب الاوقات 

ثانياا ربناا يوفقك يارب وتكوني ايتفدتي منها انتي كماان

بواسطة طالب متحمس (1.4ألف نقاط)  
الحمدلله ي حبيبتي أنها ساعدتك وساعدتني جدااا المهم اننا نحاول نطبقها سوا .... بالتوفيق ي صغنن ربنا يوفقك ويثبتك يااارب ❤️❤️
بواسطة طالب محترف (2.6ألف نقاط)  
+3 تصويتات
الله يوفقك يا قلبي

جربي تشوفي واحدة يوم والتانية يوم !!!!

بالتوفيق .
بواسطة طالب متحمس (1.4ألف نقاط)  
تمام بأذن الله ... بالتوفيق ي حبيبتي ❤️
بواسطة طالب متحمس (1.4ألف نقاط)  
+3 تصويتات
اعتقد اللي حصل ليا دا بسبب اني الشهر اللي فات بالصدفه دخلت كامب مفروض اعمل فيه 8 تاسكات كل يوم لمده 3 شهور وبرضو اشجع ناس في الكامب فـ انا ضغط نفسي في الاول كان عادي وماشيه تمام وبعدين طاقتي بدأت تقل وبعمل غصب ومع الوقت بقيت بجبر نفسي ومش قادره حرفيًاا ولازم اني اعملهم برضو فـ اعتقد أن دا كان خطأ مني صعب حد يبدأ بكميه التاسكات الجديده دي ويقدر مكمل للاخر فـ حاليًا قررت اني أخرج ممكن اشجع غيري بس انا كفايه عليا اللغات وممكن مع الوقت اذود من غير ضغوطات .... شكرًاا بجد لكل شخص رد عليا ❤️❤️
بواسطة طالب عالمي (7.3ألف نقاط)  
مساء الخير اختي منه
كيف حال عزيزتي...إن شاء الله تكوني بألف خير
زمان ما شفتك في منتدى
طمنينا عنك وعن اخبارك .. إن شاء الله كله تمام
دومتي بالخير والتوفيق دائم عزيزتي
بواسطة طالب متحمس (1.4ألف نقاط)  
الحمدلله ي حبيبتي أنتِ عامله أي ❤️❤️
شكرًا ع سؤالك ي جميله ❤️
بواسطة طالب محترف (2.9ألف نقاط)  
+3 تصويتات

ازيك منه عامله اي ؟؟؟ ...

بصي انا مش هقدر افيدك بأي حاجة لاني نفس حالتك بظبط للأسف :|| .... وقتي ضايع بشكل رهيب ومفيش طاقة لحاااجة ... 

بس جاية اقولك انك وحشتيني جداا بجد .. ثانيا شكرااا للسؤال لاني فعلا كنت محتاجة الكلام دا جدا .. بس كسلت انزل منشور :) ❤️❤️ .. فا شكرااا كتير بجد مش متخيله كنت محتاجة دا ازاي ... ثالثا والاهم .. بالتوفيق :) هههه ..

دمتِ بخير عزيزتي منه :) ... موفقة داائما ان شاء الله ❤️❤️✨

بواسطة طالب متحمس (1.4ألف نقاط)  
چانو القمر وصغنن الموقع اكتر بنوته نشيطه وحبوبه هنا .. طاقتك قلت ما دا طبيعي لازم يحصل للكل واكيد مع الوقت هترجع بالتدريج نحاول انا وانتِ نشحن طاقتنا بالكلام والنصايح الجميله اللي اخوتنا قالوا لينا عليها ونبدأ بالراحه بدون ضغط ومع الوقت الشغف والطاقه هيرجعوا افضل من الاول ... الحقيقه انا كتبت بوست مشابه من اسبوع تقريبًا وفضلت فتره طويله مستنيه حد يرد ومحدش عبرني فـ خفيته وقررت محرجش نفسي اكتر من كدا بس لما خلاص غلب حماري قولت ارجع اكتبه بصياغه مختلفه يمكن لو واحد بس يقولي نصيحه واحده تساعدني بس الحمدلله المره دي غير والنصايح كتيير نحاول بس نمشي عليها وكل حاجه هتتصلح .. والحمدلله اني بطريقه ما قدرت افيد غيري .... بالتوفيق ي حبيبتي ❤️❤️
بواسطة طالب محترف (2.9ألف نقاط)  
عيووني جانوو :) ازييك عامله اي ؟؟ ...حبيبتي تسلمي علي كلامك الحلوو دا ❤️❤️ ...
صح عندك جق فعلا .. وفعليا بدأت شويه وذاكرت درسين انجلش الصبح وكاان انجااز الصراحة ههه ❤️ ....
ايوه ايوه شفته وكنت متسنيه الاجاابات عليه بفارغ الصبر والله واضاايقت لما لقيتك شلتيه ... بس رحت شفت كلام محمد في منشوره ...
بصي انا عايزه اقلك حاجة بخصوص النقطة دي ... الموضوع ابداا مش احراااج خالص والله صدقيني ... تعرفي انا مره نزلت منشور اسباني قعد اكتر والله من 3 ساعات من غير ابفوت وااحد حتي ولا اي اجابة !؟؟! متخيله ؟
فا صدقيني هو التفااعل في الموقع بقي شبة معدوم لدرجة اني مش عارفه انزل المنشور امتي علشان الاقي حد يعبرني والله .. فا اوعي تفكري ان المشكله منك ابدااا صدقيني الموقع بقي ميت حرفيااا ... اوعدك اني هكوون شخص اساسي بيتفاعل علي منشوراتك ايا كانت صيني اي حاااجة هتلاقيني معاكي دايما :) ❤️❤️❤️ ... واوعي تيأسيي ابداا ^_^
ان شاء الله ياارب والله الدنيا تظبط :) ...
ولكِ كماان يارب ❤️❤️
بواسطة طالب اسطوري (11.6ألف نقاط)  
اه لو تعرفوا كلامكم عمل ايه فيا
منه اوعي تكتبي بوست هنا في الموقع وتخفيه تاني لا تتضايقي ولا تحزني ابدا ابدا والله لو كنت شوفته لكنت جاوبتك عليه .
وانتِ جناوي منشورك نزليه وقولتلك لا تفكري قد ايه التفاعل ده لو واحد بس اتفاعل معاك تأكدي انك انتِ اللي كسبتي كفاية انه وجد شئ هادف وبيراجع معاكِ .. نفس الكلام منه اتشجعي ولا تخجلي ..
الموقع مش ميت الناس حياتها بتتشغل وعندهم مذاكرة شوفي عبير مثلا خلصت مذاكرة ودخلت هنا . شهد من امتي وهي في امتحانات وخلصت وراجعه بكل قوة . يوستينا هتخلص ع الاسبوع اللي جاي . شرين مش عارفة اذا كنت تعرفوها اولا . كانت في امتخانات وخلصت برده وعاملة شغل يجنن..
الكلام اللي بتكتبوه ده يحبط مش يشجع ابدا
انتم بكل قوتكم وارادتكم ترجعوا الموقع تاني
مستر ابراهيم من امتي غايب وظهر اقل شئ نعمله نفرحه بوجودنا وبشغلنا فيه
طلاب الانجلش ياما والصيني والاسباني ياما
توكلوا علي الله واجتهدوا وبلاش اشوف الحزن واليأس ده تاني هنا .. لو احتاجتوا لأي مساعدة
مش هتأخر عليكم ابدا . ومحدش يخفي شئ
بواسطة طالب متحمس (1.4ألف نقاط)  
الحقيقه كنت محرجه جداا إن محدش اتفاعل خالص معايا حسيت أنه ممكن منشوري تافه أو ملوش لازمه وخاصه اني نشرته وكان الوقت دا كتيير فاتح ما علينا انا ندمت بعد كدا اني خفيته اصلا واني كنت استني شويه كمان علشان كدا نشرت دا وفي نيتي اني مخفيهوش واسيطر ع مشاعري وبأذن الله هحاول بعد كدا لو نشرت حاجه اسيبها بعد كدا يمكن حد يستفيد بطريقه ما مش شرط تفاعل خالص .... تسلمولي بجد ع كلامكم الجميل والمشجع جزاكم الله كل خير ❤️❤️❤️
بواسطة طالب محترف (2.9ألف نقاط)  
فعلاا كلامك صح جداا رومانتك والله لولاكي كنت بقيت في خبر كاان بجد هههههه كان زماني سبت الموقع من زمااااان خالص ... بجد شكرا ليكي جدا وكلامك الجميل زيك ❤️❤️ وتقريباا انتي اللي هتمشيني من الموقع من كتر ما سمعتي مني الكلام داا اصلا هههههه .. زهقتك معايا اووي انا عارفه سوري :) ..
بواسطة طالب محترف (4.5ألف نقاط)  
+3 تصويتات

( بدي أصوت بس مش راضي يصوت ) . 

امم لما م يكون لي نفس أشوف ولا لغة منهم أفتح فلوقات وأشوفها أو أدخل تعليقات الفلوقات وأحاول أفهم ايش الناس تقول لأنه فالعادة كلامهم ممتع هيهيهي 

تقدري هيك تفتحي حلقة من مسلسلك واكتبي النص أو مثلي المشهد مع نفسك هيك أشياء ممتعة ما تعتبر بشكل مباشر تعلم ولما تمر فترة هيك يومين ثلاثة أرجع أجبر نفسي أتعلم وبعدها ما أحس بنفس الضيق زي أول ..

بالتوفيق منوو اللطيفـةة ♨️♨️✨

بواسطة طالب متحمس (1.4ألف نقاط)  
يعني اي فلوقات الاول ⁦^_^⁩ ... تعرفي انا لما بفقد الشغف للتعليم بفقده للمسلسلات برضو بقالي كتيير اووي مسمعتش مسلسلات صيني الشغف مات لكل حاجه بس حاضر هجرب .... بالمناسبه وحشتيني جدًاا والمنتدي وحش من غيرك .... بالتوفيق ي ميليا الجميله ❤️
بواسطة طالب محترف (4.5ألف نقاط)  
فلوقات هي هيك لما بيصوروا يومياتهم وأشياء عن حياتهم .. ⁦(. ❛ ᴗ ❛.)⁩ حتى المسلسلااتت ؟ اوميغاد حالتك صعيبة . عادي تأخذي راحة كذا يوم ❤️❤️❤️
والله أنا الي فاقده المنتدى .. يوفق الجميعع ♨️
بواسطة طالب متحمس (1.4ألف نقاط)  
اهاااا ... بحاول ارجع تاني اهو ⁦^_^⁩
مفتقداكِ جدًااا والله ي جميلتي ... عيدك سعيد ودمتِ بخير ❤️❤️
بواسطة طالب متميز (1.5ألف نقاط)  
+1 تصويت

اهلا منوش 

معنديش نصائح أزيد من باقي الاعضاء 

 بس هقولك بالتوفيق  ❤️

ربنا يفرحك ويبعد عنك الغم والحزن وتكوني من اهل الجنه  ويرزقك طاقه تدرسيهم وتتقنيهم يا جميله ♥️♥️❤️

بواسطة طالب متحمس (1.4ألف نقاط)  
تسلميلي ي حبيبتي ... يااارب انا وانتِ اكتر حاجه بحبها الدعاء جزاكِ الله كل خير ... بالتوفيق ❤️❤️❤️
بواسطة طالب عالمي (8.7ألف نقاط)  
+1 تصويت

يسعد مساكي يا منك كيفك يا رب تكوني بخير 

كل سنة وانتي طيبة 

بصي هو انا مش نزود كتير على كلام الزملاء لانهم ما شاء الله وفوا 

لكنت انا تقلك انو احنا كلنا طاقتنا بتقل وعزتنا تقل كذلك و بنحس ساعات انو مش عايزين نعمل حاجة 

بس دا احيانا بيكون بسبب الروتين لازم تغيري يعني اي 

يعني لازم تبتكره اسلوب في المزكرة اكسري خازم الملل والروتين وذاكري بطريقة ممتعة ومفيدة دا هيخلي تنحزي 

استخدمي الالوان في الكتابة ذاكري عن طريق الموسيقى عن طريق لعبة او  اي حاجة ممكن تسليك 

الروتين شي ممل وبوقف حيانا واتمنى الك التوفيق يا منة وتخققي كل ما تتمنيه 

تحياتي smiley

بواسطة طالب متحمس (1.4ألف نقاط)  
الحمدلله ي قلبي ... وأنتِ طيبه وعيدك سعيد ي جميلتي ... فكره كويسه بس ازاي عن طريق الموسيقي واللعب معرفش غير الطريقه التقليديه ⁦^_^⁩ ... عارفه جدًاا انا اصلا بزهق وبمل بسرعه من كل حاجه وبحب التجديد ... تسلميلي ي حبيبتي بالتوفيق ❤️❤️
105 Online Users
1 Guest 104 Member
Online Members
Today Visits : 32273
Yesterday Visits : 56116
Total Visits : 44202425

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...