سلامٌ عليكم!
لما تقول اسبانيا رح يخطر في بالك أحد هذه الأمور
واليوم مع بيدرو رح نعيش مغامرة عجيبة وغير مألوفة لدينا هي
" مصارعة الثيران | Corrida de toros "
يلا بينا..
°
- يا معلم يا بيدرو عمرك سمعت بكلمة " الـماتدور Matador " ؟
* Sí. أسمعها في مباريات كرة القدم، يُقال للمنتخب الإسباني، الـماتدور الإسباني.
- طيب يا رياضي انت، بعرف انك بتحب كرة القدم، وعلى سيرة منتخب اسبانيا فهو قبل كم يوم ودّع بطولة أمم أوروبا
ماعلينا! عندك خبر انه اليوم رح نروح نشوف جولة لمصارعة الثيران!
* Sííí ( حماس) .. تقصدين ( corrida de toros) ؟
- نعم يا عزيزي. والماتدور ( Matador) الي حكيتلك عنه هو الزلمة ( الرجل) الّي بيصارع الثور.
* Genial
أنا أحب هذه الأمور، لكن لم يسبق لي الذهاب وتجربة هذا الأمر في حلبة حقيقة.
- اممم وانا كمان لكن من بعد ما عرفت شوية معلومات عن هاي " الرياضة" اختلفت عندي الأمور شوي.
* ? Por qué ¿
ما الذي قرأتيه حتى تقولي هذا الكلام؟
- والله شوف يا صديقي الي بصير كالآتي:
في الغالب بعتمدوا عادة قديمة بحيث انهم يطلقوا الثيران من الحظيرة حتى تصل للحلبة، مش بس لوحدهم لاء، بيكون في ناس كتيرة تركض قدامهم ولابسين معهم محارم حمرا.
* يا له من شيء جنوني! لما يفعلون ذلك، أليس خطرا عليهم؟ ولما المناديل الحمراء؟
- طبعا هاد شي خطير جدا عم يتسابقوا ويركضوا مع الثيران وبتحصل إصابات كبيرة. طبعا بيعملوا هيك كنوع من الشجاعة والإثارة. أما بالنسبة للون الأحمر ففي اعتقاد سائد ما بين الناس ان الأحمر يثير الثور.
* حسناً. لكن الذي أعرفه أنا بأنه داخل الحلبة يحاول الماتدور محاورة الثور من خلال قطعة من القماش ذات لون أحمر أو زهري من جانب والجانب الآخر بلون أصفر. ومن خلال قدراته تظهر شجاعته الكبيرة ورشاقته.
- هاد الّي بنعرفه وبتهيألنا عن هاي " الرياضة" لكن بتعرف انه من بعد هاي الّي بتسميها " محاورة" بيدخل مجموعة من مساعدين للماتدور وعلى عدة مراحل بيطعنوا الثور حتى يضعفوه وعلى آخر مرحلة بيجي الماتدور نفسه معه سيف وقطعة قماش حمرا ملفوفة على عصا وبيعمل جولات فيها مع الثور ويتم تقييمه للماتدور حسب رشاقته ومقدار الخطر الّي بيعرض نفسه اله.
* مُذهل!
- استنى لسى ما كملت كلام! بعد هيك بيغرز السيف بين كتفي الثور. وطبعا اذا الأداء كان رائع جدا أعجب الجمهور فممكن رئيس المصارعة يعطي الماتدور أذن من الثور، واذا الاداء فوق الرائع ممكن يحصل على أذني الثور لا والذيل كمان!
* مُذهل! حزنت على ما يحصل للثور في النهاية، لكن لا أود تضييع هذه الفرصة! أريد مشاهدة الحلبة أمامي وعيش هذه التجربة.
- الله عليك يا ابو شقرا يا ابو قلب قوي
طيب خد هاي:
. yo y pedro vamos a un corrida de toros
جبت العيد ولا لسى؟
* ممم انا لن أقول شيئا، رُفقائننا هم من سيقولون ان كانت الجملة صحيحة أم خاطئة.
وبس والله. لكن ما تجعل هاد الكلام سبب لتكره اسبانيا وثقافتها، فكل بلد فيها عادات غريبة ممكن أي شخص آخر يعتبرها حاجه مش حلوة.
وكمان رياضة مصارعة الثيران; كثير من أهل اسبانيا ما يحبوها ويرفضوها تماما، وفي " كاتالونيا" قبل كم سنة تم إصدار قرار بمنع ممارسة هاي الرياضة تماما.