First time here? Checkout the FAQ!
x

الملاحظات

#روابط وصور وتوضيحات مهمه جدا#

في تصنيف تجارب شخصيه
بواسطة طالب محترف (4.1ألف نقاط)  
+27 تصويتات
1.6ألف مشاهدات

السلام عليكم ورحمة الله وبركاته 

النهارده حبيت انفذ خطه بفكر فيها من فتره كبيره وهي روابط واساسيات تكون عارفها لو جديد ع المنتدي هيا نبدا 



1. ازاي تحفظ حسابك علي الموقع 

بعد ما تسجل الاسم  والباسورد وقبل ما تضغط علي تسجيل دخول اضع علامه صح ✅ عند تذكرني (اضغط داخل المربع الصغير ضغطه) كما في هذه الصورة 


2. ازاي تنزل الموقع عندك علي التليفون 

هتضغط علي ال 3 نقط فوق ع الشمال ومنها اختار اضافه للشاشه الرئيسية 

وبعدها اختار اضافه 

عشان تظهر عندك علي الشاشه الرئيسية بالشكل ده 



3. ازاي تنشأ سؤال كل ما يتعلق به 

هتضغط علي علامة+ الي فالجنب بعدها تكتب عنوان سؤال ومن التصنيف اختار التصنيف المناسب لسؤالك كما في هذه الصور 

   

 الجدول الي فوق ده جدول الاداوات الي هتستخدما لما تيجي تكتب سؤال او اجابه.

هوضح فيه الاجزاء الي اعرفها والي باستخدمها 



الخط: دي بتحدد شكل الخط الي حابب تستخدمه وبتوضح اكتر فالانجليزي hello   hello 

حجم الخط دي بتحدد الحجم واضحه اهي

كبير عادي  صغير 


الصف الي تحته التراقيم 1، 2 و ال ••  الي تحت بعض ده لو مثلا بتتكلم فحاجه وعايز تركمها 

علامة التنصيص لو حابب تكتب حاجه مهما او تظلل علي حاجه مثلا 

taleek.com 

العلامات الي جنبها بقي دي بتحدد مكان الكلام عايزه يمين يسار فالمنتصف وهكذا 

* حرف الB لو عايز تكتب بخط تخين زي الي انا مستخدماه حاليااا وحرف ال I عشان تكتب بخط مائل وحرف ال U عشان تضع خط اسفل الكلام 

وحرف ال S عشان تضع خط زي ده كده 

وال x الي تحتها 2 عشان لو عايز تكتب كلمه تحت الكلام  Abeermohammed وحرف ال x الي فوقيه 2 عشان او حابب تكتب حاجه فوق الكلام Abeer mohammed   

وال A الي تحتها شرطه فدي عشان تختار اللون الي انت حبه 

وال A المظلله عشان تظلل الكلام باللون الي تحبه.

العلامه الي فالصف الي تحته علي اليمين فدي عشان لو حابب تضيف رابط وعلامه الصوره الي جنبها عشان لو حابب تضيف صوره (وطريقه اضافه الصوره هسيب اللينك بتاعها مع لينكات تاني تحت )

العلامه الي جنبها دي علامه الجدول عشان لو حابب تضيف جدول مثلاا 

الي جنبه ده بقي عشان لو حابب تعمل فاصل بين فقره وفقرة 



هكذا  wink

بعد كده سيبك من السماعه عشان معرفش استخدامها ههههههه وادخلي علي الي بعدها دي بقي عشان لو حابب تضيف اي تعبيرات 

smileysaddevilheartyes وهكذا 

الي تحت دول ماستخدمتهمش قبل كده smiley 

*طريق تحويل النص اي كلام اولاا 

هتبحث عن ttmp3 وتختار اول موقع يظهرلك 

كما في هذه الصوره 

وبعد كده لما تدخل الموقع هتنفذ الخطوات الي انا موضحاها في الصوره دي 

ولتحويل المقطع الصوتي لرابط هتستعمل موقع top4top نفس طريقه تحويل الصور بالظبط 

هتلاقي الطريقه سيباها فاللينكات الي تحت اللينك رقم 2 



لو المقطع الصوتي بقي مش بالامتداد mp3 هتنفز الطريقه دي اولااا قبل ما تستعمل top4top لان ده موقع التحميل الي بيحمل فيديوهات وصوت و pdf وصور لرابط والطريقه كالتالي 

 1 هتبحث فجوجل كروم بعنوان "طريقه تحويل الصوت ل mp3 " هتختار الموقع ده 

وبعدين لما يفتح هتضغط ع اختيار ملف 

وبعد ما تختار الملف الي انت عايزه اختار بدا التحويل 

وهو اول ما يتحول هيتحمل عندك ع التليفون تلقائي او هتلاقي كلمه تحميل ظهرتلك لو ملقيتهوش جالك اشعار انه اتحمل اضغط ع تحميل 

كده بقي معاك ملف صوتي بامتداد mp3 تقدر تحوله لرابط من موقع top4top بنفس الخطوات 

هتيجي بقي هنا علي المنتدي بعد ما تعمل نسخ لرابط الملف لما يتحول هتضغط علي الايقونه دي 

وهتنسخ الرابط وتكتب العنوان وبس كده ضفت ملف صوتي لسؤالك 

اتمني تكون الطريقه واضحه ❤



*روابط مهمه* 

1. رابط اضافه الصور للسؤال لموقع عرب فور داون اضغط هنا

2. رابط اضافة الصور والفديوهات موقع 

top 4 top  اضغط هنا

3. طريقه استخدام شات طليق اضغط هنا

4. لو عندك مشكله فالتطبيق اضغط هنا

5. الاساله المتكرره والمهمه جدااا اضغط هنا

6. دعم طليق عن طريق فوري  اضغط هنا

7. لو جديد وبتشوف المنشور ده من غير ما تسجل ومش عارف تسجل اضغط هنا

8. انضم الان الي فريق مدونين طليق اضغط هنا

9. لمن.يرغب بالتدوين مرحبا بك اضغط هنا

10. نصائح للمدونين الجدد اضغط هنا


وفالنهايه لو عايزين اي معلومه اضافيه سبوها فالاجابات 

بالتوفيق لكم ❤

من فضلك سجل دخولك أو قم بتسجيل حساب للإجابة على هذا السؤال

24 إجابة

بواسطة طالب جديد (63 نقاط)  
+9 تصويتات
السلام عليكم اختي

جزاك لله خيرا بعض من هذه معلومات ما كنت اعرف بها شكرا لك على يا اختي

بالتوفيق ان شاء الله
بواسطة طالب محترف (4.1ألف نقاط)  
وعليكم السلام حبيبتي  ❤
واياكم يارب تسلمي حبيبتي لا شكر علي واجب  ❤
للجميع يارب  ❤
بواسطة طالب محترف (2.9ألف نقاط)  
+7 تصويتات
جزاك الله خيرا منشور جميل جدا ومفيد ♥
بواسطة طالب محترف (4.1ألف نقاط)  
واياكم يارب
تسلم يارب استاذ نور
بنتعلم منكم اكيد....  بالتوفيق يارب
بواسطة طالب عالمي (6.0ألف نقاط)  
صباح الخير نور ...
كل سنه و انت طيب و عيد سعيد عليك ❤✨
بواسطة طالب محترف (2.9ألف نقاط)  
صباح النور... وانت بخير يارب♥
بواسطة طالب عالمي (6.0ألف نقاط)  
عُدل بواسطة
+6 تصويتات

ولله منشورك يا عبير المفروض نضربله تعظيم سلااام 

ايه الحلاوه دى يا بت ؟ انتى بتجيبى الجمال داه منين ؟ بتجيبى المنشورات الجامده اوى دى منين ؟

♥♥♥♥♥♥♥♥♥♥

♥♥♥♥♥♥♥

ولله منشورك المفروض ينحط فى خانه الملاحظات فوق 

داه اكيد هيكون عندى فى المفضله و يستحق منى 100 تصويت مش واحد بس ❤❤❤❤❤❤

ربنا يوفقك يا عبير و تحققى كل الى بتتمنيه و ربنا يخليكى لينا يا جميله انتى الى محليه الموقع بوجودك و بمنشوراتك المفيده دى دايما بتحبى تساعدى الكل من غير اى حااجه 

انتى تخلى اى حد فخور انو عرفك ولله ❤❤❤❤

تعرفى لو مستر احمد او مستر ابراهيم شافو منشورك ولله هيفرحو بيكى جدا و هيفرحو انهم عندهم تلميذه زيك يا ريت بجد يشوفوه ❤

بواسطة طالب محترف (4.1ألف نقاط)  
منال انا والله مش عارفه اقولك اي علي جمال كلامك ده
ربنا يحفظك ليا العمر كله يارب العالمين
وطبعاا ده ميجيش حاجه جنبك يا ست الكل  ♥  ❤❤
كلامك قراته اكتر من مره ومازلت بقراه
ربنا يديمك ليا للابد  ❤
بواسطة طالب اسطوري (11.6ألف نقاط)  
يا منال قولتي كل ما كنت أريد كتابته
اللي عملتيه ده عبير والله تستحقي عليه مكافأة وتقدير لجهدك . أحسنت يا عزيزتي
بجد أنا كتير فخورة بك . وبك يا منال لكلامك الطيب وتشجيعك لصديقتك . ربي يديم المحبة بينكم
ضيفي كمان المدونة وكيفية الأشتراك .. كدة هيكون شامل كل شئ .. تسلم ايدك وعيونك
بواسطة طالب عالمي (6.0ألف نقاط)  
ولله فعلا يا استاذه رومانتك المجهود فى المنشور خرافى المفروض الكل يشوفه بجد و ميختفيش من الصفحه الرئيسيه
انا كل يوم بأذن الله هبعت المنشور لعدد من الاعضاء علشان يشوفوه
جزاكى الله كل خير يا عبير و ربنا يحفظك و يحميكى ❤❤❤
بواسطة طالب محترف (4.1ألف نقاط)  
تسلمي ياارب يا استاءه رومانتيك انا مش عارفه اقول اي والله العظيم ❤
ربنا يديمكم ليا يارب العالمين. بس حبيت اوضح الاساسيات عشان لو حد جديدد هنا
ربنا يحفظك يا منال انا مش عارفه اقول اي ع التشجيع ده والله ❤
ربنا يديمك ليا للابد يارب ❤
حاضر استاذه رومانتيك هعمل تعديل واضيفهم ❤
بواسطة طالب متحمس (802 نقاط)  
+6 تصويتات
شكرا جزيلا لكِ
بواسطة طالب محترف (4.1ألف نقاط)  
العفو بالتوفيق يارب ❤
بواسطة طالب محترف (2.9ألف نقاط)  
+5 تصويتات
اهلا عبير ..

منشور رائع جزاك الله خير ..

كنت لسه بحضرله من كام يوم نفسه بالضبط :) بس يلا مش هتفرق مين ينزله ..

شكرا عبير ..

دمتِ بخير ✨
بواسطة طالب محترف (4.1ألف نقاط)  
مرحبااا جناوي عامله اي ❤
تقريبااا نفس التفكير
تسلمي ياارب ❤❤
لا شكر ع واجب ❤
بواسطة طالب محترف (3.2ألف نقاط)  
+5 تصويتات

السلام عليكم

مجهود رائع

جزاك الله خيرا

بواسطة طالب محترف (4.1ألف نقاط)  
وعليكم. السلام ورحمه الله. وبركاته
تسلم يارب اخي
واياكم. يارب
بواسطة طالب متميز (2.0ألف نقاط)  
+5 تصويتات

احسنت العمل يا عبير يا صاحبة أجمل تعبير على رأى جرير هههه

بجد شغل هايل و مفيد جدا ♥️♥️♥️

ربى يجعله في ميزان حسناتك ✨

بواسطة طالب محترف (4.1ألف نقاط)  
حبيبتي يا صافي تسلمي يارب العالمين ❤
ده من بعض ما عندكم طبعا ❤
واياكم. يارب ❤
بواسطة طالب عالمي (7.7ألف نقاط)  
+5 تصويتات

سلمت يداكِ عبيرتي ♥♥♥♥♥♥♥

منشور جميل اوي اوييي واي حدا جديد هيستفيد جدا من شرحك وهيعرف كل حاجة هنااا

بجد شكرا ليكي كتير كتير عبيرتنا ربي يجازيكي كل خير ويديمك معنا♥♥♥

بالتوفيق يا ثكر ♥

بواسطة طالب محترف (4.1ألف نقاط)  
حبيبتي مريوم اي الكلام الجميل ده كله تسلمي يارب ❤
بنتعلم منك طبعاا ❤
حبيبتي متشكرنيش معملتش غير واجبي هنا ❤
بواسطة طالب محترف (3.7ألف نقاط)  
+4 تصويتات

جزاك الله يا بيرو انتي بكدة افدتي ناس كتيرة اويblush

جعلها الله في ميزان حسناتكheart

دمت بخير heart

بواسطة طالب محترف (4.1ألف نقاط)  
حبيبتي تسلمي يارب ❤
امين يارب واياكم يا روجو ❤
بواسطة طالب متميز (1.7ألف نقاط)  
+4 تصويتات

ألف شكر على هذا المجهود

بواسطة طالب محترف (4.1ألف نقاط)  
تسلم يارب لا شكر ع واجب
بواسطة طالب عالمي (6.9ألف نقاط)  
+4 تصويتات

لا شغل جميييل جدا ومتعوووب فيه اووري 

وربي تستاهلين الف نجمة عاش عبييير 

وان شاء الله يكون من الأسئلة المهمة اللي ليها مرجع قوي 

بالتوفيق 

بواسطة طالب محترف (4.1ألف نقاط)  
كيف حالك اخي
تسلم ياارب
ان شاء الله... شكراا للتحفيز بالتوفيق يارب
بواسطة طالب عالمي (6.4ألف نقاط)  
+4 تصويتات
السلام عليكم ورحمة الله وبركاته

برافوووووو عليكي بيروووو❤❤❤

منشور رائع ربنا يكرمك بكل الخير بعدد اللي هاتساعديهم وتسهلي عليهم استخدام المنتدى

جزاك الله خيرا وجعله في ميزان حسناتك
بواسطة طالب محترف (4.1ألف نقاط)  
وعليكم السلام ميرفت عامله اي  ❤
حبيبتي تسلمي يارب
امين واياكم يارب العالمين  ❤
❤❤❤❤❤❤
بواسطة طالب عالمي (6.4ألف نقاط)  
انا الحمد لله بخير بيرو ❤❤❤
طمنيني عليكي انت اخبارك ايه يا جميل يارب تكوني بخير وصحه وسعاده
بواسطة طالب محترف (4.1ألف نقاط)  
يارب دايماا يا جميل ❤
انا الحمد لله بخير طول مانتم بخير ❤
بواسطة طالب محترف (4.2ألف نقاط)  
+4 تصويتات

شكرا جدا جدا علي كل الحاجات الجميلة دي 

و دة اكيد بيفيد الناس إلى لسه مسجلين

بواسطة طالب محترف (4.1ألف نقاط)  
تسلم ياارب يا محمود شكراا لك
بالتوفيق يارب
بواسطة طالب محترف (3.8ألف نقاط)  
+4 تصويتات
عندي خبر حزين الوزارة شالة التهكيرة هههههههههههههه كل عام وانتوا بخير اشوفكم اخر الشهر ان شاء الله
بواسطة طالب محترف (4.1ألف نقاط)  
يا سيدي مش احزن من الي عندي هههههه انت شالت التهكير بس في صغرات اناا قفلتهولي خاااالص لحد ما تمتحنوا ههههههههههه
ربنا يوفقك ياارب انت والي زيك
بواسطة طالب محترف (3.8ألف نقاط)  
اه صح افتكرت ههههههههههههه بس انت ما بتستعمليه انا يستعمله كتير I have to feel sadness
بواسطة طالب محترف (4.1ألف نقاط)  
كنت بيتخدمه عشان تليفوني بايظ بس يلا بقي ربنا يسامحهم
لااا لاا مش دلوقتي اشعر بيها لما تخلص امتحانات براحتك بس دلوقتي بلاش كأبه ههههه
بواسطة طالب محترف (3.8ألف نقاط)  
لا منطقيا ده وقت الكائبة خاصة من الهبد الحصل الشهر الاخير ده بالذات
We saw that no one saw ever and they won't see in entire life
بواسطة طالب محترف (4.1ألف نقاط)  
باذن الله الامور هتبقي تمااام متقلقش وهتوصلوا للي بتتمنوه
عارفه انها فاترة صعبه بس هنتعداها قريي جدااا
وخليك كالم ومتتعبناش ياما كاالم ياما بلاش هههههههه
بالتوفيق يارب ليك وللي زيك.
بواسطة طالب عالمي (6.6ألف نقاط)  
+2 تصويتات

وعليكم السلام ورحمه الله وبركاته

كيف حالك اختي الجميلة⁦❤️⁩

منشور رائع جدا

جزاك الله خيرا اختي 

وفقك الله

بواسطة طالب محترف (4.1ألف نقاط)  
حبيبتي رباا انتي الي عامله اي ❤
اناا بخير الحمد لله
تسلمي يارب انتي الي رائعه
واياكم. يارب ❤
بواسطة طالب عالمي (6.6ألف نقاط)  
أهلا باختي الغالية⁦♥️
الحمد لله تمام
الله يسلمك حبيبتي⁦♥️⁩
بواسطة طالب عالمي (7.1ألف نقاط)  
+2 تصويتات

دكتورتنا الجميله...

انتي بجد ابدعتي...

ربي يجزاك كل خير...ويبارك في جهودك...

السؤال هذا صار عندي في المفضله ...

ربي يوفقك⁦♥️⁩

بواسطة طالب محترف (4.1ألف نقاط)  
حبيبتي لوزه تسلمي يارب العالمين ربنا يبارك فيكيي يارب
تسلميلي والله علي كلامك. الحلو ده
اكيد يشرفني ❤
بواسطة طالب عالمي (8.7ألف نقاط)  
+2 تصويتات
بصي يا نونة

بما انو انا مكسلة ومو جاي على بالي اعمل شي حتى اني اقرا

فانا راح احط المنشور في المفضلة ولما افوق ابقى اشوفه لانو واضح انو مهم
بواسطة طالب محترف (4.1ألف نقاط)  
ماشي يا ستي اماا نشوف اهره الكسل ده اي. ههههههه
بواسطة طالب محترف (3.4ألف نقاط)  
+2 تصويتات
ما شاء الله عليكي ❤❤❤

جزاك الله خيرا ❤❤❤
بواسطة طالب محترف (4.1ألف نقاط)  
حبيبتي تسلمي ياارب ❤️
بواسطة طالب متميز (1.6ألف نقاط)  
+2 تصويتات

انا مش عارفه اقولك ايه ولا ايه انا استفد منه جدا علشان جديده كمان مكنتش اعرف تلت تربع الحاجات دى بجد تسلم ايدك يا قمر مبخلتيش علينا بأي حاجه والله انا بطلب من الاستاذه رومانتك انها تثبته في الملاحظات والله الواحد تفسه يعمل 100 اب فوت مش واحد انتى نعمه فعلا انك معانا في الموقع ربنا يوفقك ويحققلك كل اللي بتتمانيه وتبقي دكتورة ان شاء الله 

شكرا بجد.كلمه صغيرة بس معلشheart

بواسطة طالب محترف (4.1ألف نقاط)  
يا حبيبتي تسلميلي ياارب العالمين علي كلامك الجميل ده ❤❤
مش عارفه ارد واقول اي والله
جزاكِ الله كل خير
هههههه تثبت السؤال مره واحده لا مش للدرجادي
انا معملتش غير واجبي معاكم والله
كلامتك دي تكفي عن مليون اب ڤوت مش ١٠٠
امين ياارب با جميله ويحققلك الي فبالك يارب
ما في داعي للشكر انا معملتش غير واجبي واحنا اخوات ما في بنا شكر ❤❤
بواسطة طالب متميز (1.6ألف نقاط)  
اه بجد تثبته علشان هيكون مفييييد جدا لاى حد جديد
انا نفسي الشات يرجع بصراحه هو عرف ان انا جايه قال اما اقفل ولا ايه ههههه
بواسطة طالب محترف (3.8ألف نقاط)  
+2 تصويتات
دكتورة ينفع نرفع ملف صوتي اذا فكيف
بواسطة طالب محترف (4.1ألف نقاط)  
تماام محمد هقول الطريقه بالظبط بس فضلاا هيكون اخر الليل
واول ماضفهاا هعرفك ان شااء الله
بواسطة طالب محترف (4.1ألف نقاط)  
تماام محمد انا كده ضيفت الطريقه معلش اتاخرت شويه بس حاولت اختصر فالكلام اكتر واحتر عسان بيقولي عدد الحروف اطول من اللازم لو في حاجه وقفت معاك عرفني وهشرحهالك
بواسطة طالب محترف (3.8ألف نقاط)  
وانا بشوفه الصبح اعرف اركز فيه واشوف نستفاد به كيف
134 Online Users
0 Guest 134 Member
Today Visits : 31727
Yesterday Visits : 56116
Total Visits : 44201881

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...