First time here? Checkout the FAQ!
x

الملاحظات

ماتيجوا معايا ❤❤❤❤ 3/1

في تصنيف اسئله عامه
بواسطة طالب عالمي (6.4ألف نقاط)  
+22 تصويتات
1.8ألف مشاهدات

السلام عليكم ورحمة الله وبركاته

يالا بينا كله يطلع الطيارة بسرعة مش عايزين نتاخر... اتفضلوا اقعدوا كل الكراسى جنب الشباك زي ما طلبتوا الا كرسيين قلاب هههه واحد لمنال جنب عبير والثانى لجوجو جنب نوجا واول تاسك النهاردة كله يربط الكوتشي لان مشوارنا طويل... ايه داه انت يا أ ربا انت وصافى لابسين كعب ليه انا قولت كله يلبس كوتشي ولا كلامى مابيتسمعش خلاص اقلعوا الكعب وخليكوا حافيين زيي هههههه يالا مستعدين بسم الله نبدأ رحلتنا

النهاردة رحلتنا لجمهورية الصين الشعبية (معلش يا لوز) ودى بتقع فى شرق اسيا وتعد من اكبر دول العالم مساحة وعدد سكان وصاحبة حضارة من اعرق الحضارات وبتتميز الصين بتعدد الاماكن السياحية والمناظر الطبيعية والتاريخيه مما جعلها تحتل المركز الرابع سياحيا وعشان كده اختارتها تكون وجهتنا النهاردة والنهاردة هانزور خمس مدن صينية (شنغهاي– بكين– هونج كونج– كوانزو– شيان)عشان خاطر مرام ومليار ومنه وكل طلاب الصيني السراب لاء هههه

شنغهاي

زي ما احنا شايفين شنغهاي بتقع عند مصب نهر يانغستى وهى اكبر ميناء هنا والجزء اللى قدامنا ده بوند شنغهاى والصيني "وايتان" وهى بوابة الصين هنتمشي على الممشي بطول المدينة عشان نتفرج على نهرهوانغبو واللى بيقابل اشهر ناطحات سحاب هنا والتى يتم اضائتها لتصبح لوحة فنية من الاضواء ليلا

شايفين الطويييل اللى على اليمين ده برج شنغهاي واللى فى النص قدامنا ده (السيد وحسن نركز من فضلكم) ده برج لؤلؤة الشرق Oriental Pearl Tower تعالوا نقرب شوية عشان نشوفه كويس البرج ده ارتفاعة 468 متر وفى هنا غرفة اسمها المنطاد بداخلها بتنعدم الجاذبية وهانحس كأننا فى الفضاء مافيش داعى نضيع فلوسنا عليها محمد هايخدنا للفضاء الحقيقى وببلاش هههه وفى هنا كمان قاعات بتحاكى عالم الاحلام والخيال زي رحلات عبر الغابات او القطب الجنوبى اما الدور اللى تحت ده واحد من اجمل متاحف شنغهاي واللى بيحكى تفاصيل تاريخ وتتطور المدينة.

يالا بينا بقى بسرعة على احلى مكان هنا ...صح برافو نور ديزنى لاند اى والله بصوا وصلنا لا سحر ولا شعوذة هههه

هاه صدقتونى وانت يا Boss القلعة دى بتطابق قلعة ديزنى الحقيقية وتعتبر أرض الأحلام هنا مثلا يا أيه قلعة أميرات ديزني ودى أكبر قلعة هنا يالا بينا نعمل جولة بالقوارب بصوا دى احلى مشاهد أفلام ديزني دي علاء الدين بصى يا نورة انت وزوزو دي الجميلة والوحش واللى هناك دول يا خدوج انت وروجا وزينب الأقزام السبع ودى يا سارة بيتر بان بص ياجرجير انت ومحمود دي متاهة آليس في بلاد العجائب. كفاية كده جمع اخواتك يا عبده عشان نطلع على اكبر حوض سمك يمكن القرش يخلصنا منك قصدى من اعتراضاتك هههههه.

ادينا وصلنا ده حوض اسماك المحيط Shanghai Ocean Aquarium هننزل النفق ده ايوة النفق ده ممتد تحت المياه مسافة 155 متر هياخدنا لكهوف القرش والشعاب المرجانية وأكثر من 300 نوع و 15 ألف مخلوق مائي وأسماك نادرة مثل الضفادع السامة وتنين البحر المورق وطيور البطريق الامبراطورية واضح يا اسامه ومحمد انها عجبتكم 

مدينة شنغهاى مليئة بالمتاحف والمزارات والحدائق زي حديقة يو بس احنا قدامنا رحلة طويلة يالا بينا على

بكين

تعتبر بكين من اعرق المدن وهى عاصمة الصين وبها احد عجائب الدنيا السبع واللى هانمشي عليه دلوقت.... شايفينه ايه رايكم عرفتوا انا قولتلكم نلبس كوتشى ليه عشان هناخدها مشى بطول 21.196 كم ههههه طبعا استحالة

طب بما اننا مش هانقدر نمشي فى حلين نركب التلفريك الممتد على طول السور وبكده نشوف مشاهد بانورامية للسور العظيم والمساحات الرائعة الجمال المحيطة به او ممكن نركب Slow Roller Coaster وده عبارة عن قطر بطيء بيمشي في مسار منحدر بياخدنا من البرج الشمالي الرابع للسور لحد الوادي وكمان السورعليه متاحف جميلة هنستمتع بيها

دي بقي المدينة المحرمة Forbidden City وبيطلق عليها أيضاً القصر الإمبراطوري وهي عبارة عن قصر يقع في قلب بكين بالقرب من ساحة تيانمين الشهيرة وبني سنة 1406 واستغرق بنائه  14 سنة وكان منزلاً لللأباطرة وبيضم أكبر مجموعة من الهياكل الخشبية القديمة المحفوظة في العالم ويوجد فيها حوالي مليون قطعة من التحف الفنية النادرة.

وده معبد السماء في بكين Temple of Heaven Beijingوهو بيضم العديد من المبانى الدينية تم بنائها فى عهد الامبراطور يونغل هناخد شوية صور ونروح على القصر الصيفي summer palace

هو ده وزي ما احنا شايفين القصر مقام بين مجموعة من البُحَيرات الشاسعة والحدائق والقصورتم بنائه على تلة وعلى بحيرة كونمنغ وهي تُغطي حوالي 3 كيلو متر مُرَبَع و التلة بترتفع 60 مترعن مستوى سطح البحيرة

استنوا ... استنوا الرحلة لسه ما خلصتش هانكمل فى منشور 2 عشان عدينا ال 1200 حرف ههههههههه 

للذهاب لمنشور باقي الرحلة اضغط هناااا

من فضلك سجل دخولك أو قم بتسجيل حساب للإجابة على هذا السؤال

25 إجابة

بواسطة طالب محترف (4.2ألف نقاط)  
+4 تصويتات

مينفعش نروح باريس شوية هههههه

عايز اشوف في أي في باريس

بواسطة طالب عالمي (6.4ألف نقاط)  
ههههههههههه حاضر من عنيا ليه لاء
بواسطة طالب محترف (3.3ألف نقاط)  
+3 تصويتات

تسلم ايدك يا ميرو انا ضعت ههههههه 

انتي مشفتيش جرير اليوم ؟؟

بواسطة طالب عالمي (6.4ألف نقاط)  
الله يسلمك محمد مش عارفة مختفي ليه ومش بيرد
ان شاء الله يكون خير
بواسطة طالب متحمس (909 نقاط)  
+3 تصويتات

تاني تلفريك تاني هههههه لا انا هركب القطار البطيء

وهروح حوض الاسماك وسور الصين 

شكرا لكِ ميرفتheart

بواسطة طالب عالمي (6.4ألف نقاط)  
ماشي اميرتي انت تعملي اللي انت عايزاه ❤❤❤❤وعلي حسابي يا قمر هههههه
بواسطة طالب متحمس (919 نقاط)  
+3 تصويتات
اسلوبك دايما بيشدنى

رائع جدا جدا جدا جدا بجد

يا ريت الرحله الجايه تكون للنرويج لو سمحتى هههههه

حمااااااااااااااااااااااااااااااس للرحله الجايه إن شاء الله
بواسطة طالب عالمي (6.4ألف نقاط)  
تسلميلي يا اميرتي ويسلملي ذوقك وكلامك الاجمل ويارب تفضلي دايما تشجعيني علي طووول ❤❤❤❤
حااااضر من عينيا يا جميل ❤❤❤❤
بواسطة طالب متحمس (919 نقاط)  
تسلميلى ي جميل
بواسطة طالب عالمي (6.4ألف نقاط)  
❤❤❤❤❤❤❤❤❤
بواسطة طالب متميز (1.5ألف نقاط)  
+3 تصويتات

تحفه يا مرفت اجمل رحله يلا هروح اكمل ❤️❤️

بواسطة طالب عالمي (6.4ألف نقاط)  
تسلميلي ياساااارة ويخليكي لي ولا يحرمني منك ابداااااااااا وتشجعيني كتيرررررر ❤❤❤❤❤
بواسطة طالب مبتدئ (294 نقاط)  
+3 تصويتات

وعليكم السلام 

صدقتك أختي هههه 

شكرا على ذكر اسمي 

الرحلة كانت خرافية 

بالتوفيق 

بواسطة طالب عالمي (6.4ألف نقاط)  
وعليكم السلام ورحمة الله وبركاته
تسلملي boss ويارب تكون عجبتك مش بتجاملني وتكملها للاخر عشان انا صارفة وكلفة هههههه
بس انت اسمك ايه عشان تكلفة  اغير من العربي للانجليزي عشان اكتب اسمك كده كتير مجهود تاكسي رايح وتاكسي جاي هههههه
بواسطة طالب مبتدئ (294 نقاط)  
ههههه
ناديني بالزعيم
ترجمي الاسم إن أردت ههه
بواسطة طالب عالمي (6.4ألف نقاط)  
ماشي يا زعيم هههههههه
بواسطة طالب مبتدئ (294 نقاط)  
هههه
مرحبا
كيف حالك ؟
عيد سعيد
بواسطة طالب متميز (2.0ألف نقاط)  
+2 تصويتات
يا مرفت هو مسمعش الكلام بردو هههههههه متأكدة انك قولتيله صافى بتقولك ههه

انا مش قادرة أصدق انى قضيت الرحلة حافية هههههههه

يا ربى على جمال المنشور و المعلومات اللى فيه ♥️♥️♥️

منشور اكتر من مميز و فى احلى مكان ♥️♥️♥️

برافووووو ميروووووووو
بواسطة طالب عالمي (6.4ألف نقاط)  
اسكتي ماسمعش كلامك وقسمته نصين عشان كده خليتك حافية طول الرحلة روحي كمليها باي شبشب من عندك او ببش ههههههههه
بواسطة طالب متميز (2.0ألف نقاط)  
انى اسف يا سى دونى هههههه
همووووووت هههههههههههههههه
و الله بتقتلينى ضحك مش انا بس اللى بقول ببش هههههههههه
بواسطة طالب عالمي (6.4ألف نقاط)  
ههههههههههه بعد الشر عليكي يا قلبي لو اتقابلنا هاشتريلك احلي ببش بصوباع مدوحس كمان يالا شالله ماحد حوش ههههههه
بواسطة طالب متحمس (1.4ألف نقاط)  
+2 تصويتات

بجد بعشق اسلوبك الجميل .... مبحبش المنشورات الطويله بس استمتعت في منشورك الجميل وهطلع اكمل اهو ⁦^_^⁩

عاش ي حبيبتي بالتوفيق ❤️❤️

بواسطة طالب عالمي (6.4ألف نقاط)  
تسلميلي يا منه وانا بحبك قوووووي ❤❤❤❤
طمنيني عليكي عاملة ايه يارب تكوني بخير
بواسطة طالب متحمس (1.4ألف نقاط)  
وانا كمان بحبك جدًااااا ❤️❤️❤️
الحمدلله لسه تعبانه بس أفضل شويه من الاول دعواتك ❤️
بواسطة طالب عالمي (6.4ألف نقاط)  
الف الف مليون سلامة عليكي ياجميل ❤❤❤
شفاكي الله شفاءا لا يغادر سقما وعفا عنكي يااارب بقدرته وكرمه
طب مالك منه ايه اللي تاعبك ؟
بواسطة طالب عالمي (7.2ألف نقاط)  
+2 تصويتات

السلام عليكم ورحمه الله وبركاته 

حماس كبير  لقراءه المنشور. 

وشكراً . 

بواسطة طالب عالمي (6.4ألف نقاط)  
وعليكم السلام ورحمة الله وبركاته
تسلميلي نورة ويارب زوزو تكون بخير
بواسطة طالب عالمي (8.7ألف نقاط)  
+2 تصويتات

ميرو انا بدي اروح على جزر المالديف بلييييييز دا مكان رائع جدا لا يوصف 

بس دي رحلة حلوة برضو مادام معنا الكابتن ميرو 

استمر يا جميل 

تحياتي smiley

بواسطة طالب عالمي (6.4ألف نقاط)  
مبسوووووطة قووووووي انك جيتي وفرحانه انه عجبك تسلميلي شهوووود ❤❤❤❤
بواسطة طالب عالمي (8.7ألف نقاط)  
جيت لاني ما قدرش على زعل القمر طبعا راح تعجبني اي حاجة منك راح تعجبني
بواسطة طالب عالمي (6.4ألف نقاط)  
تسلميلي يارب وتنجحي نجاح يفرح قلبك ويجعل كل الامتحانات كلها سهلة عليكي واشوفك دايما ناجحة وسعيدة ويريح قلبك وعقلك اللهم امين يارب العالمين
بواسطة طالب اسطوري (11.7ألف نقاط)  
+2 تصويتات

السلام عليكم 

ههه للأسف كنت أستمتع بالرحلة 

إنتظريني لأصل للمنشور الثاني و أنهي الرحلة معكم هههه 

منشور رااااااااااااااائع عزيزتي  مرفوت 

لا بأس لوز ستتقبل الأمر و المرة القادمة بإذن الله نذهب لليابان هههه 

و لا تثقي في الأستاذ غسان هو سيترككم في الفضاء و يأتي هههه 

بالتوفيق للجميع smiley

بواسطة طالب عالمي (7.3ألف نقاط)  
هو في حد ميحبش ام الدنيا،  اصلا دي احد أحلامي اني ازور مصر لان احب مصر واهل مصر ، بس يا حسرة معنديش إمكانية اجي
وان صار ربي كرمنا في احد أيام ان شاء الله اجي واجي ببيتك يا ميرو تستقبليني يا ميرو ولا ايه ههههههه بحبك يا ميرو ❤❤❤❤ ربي يسعدك
بواسطة طالب اسطوري (11.7ألف نقاط)  
مساء النور ^_^
أحلى قعدة يا نوجا هههه
للأسف يا مرفوتي لا , لو كنت قريبة لأتيت
ولكنني لا أركب وسائل النقل ههههه
بواسطة طالب عالمي (6.4ألف نقاط)  
ههههههه اه انا عارفة بس قولت يمكن تغيري رايك ههههه
بواسطة طالب عالمي (6.4ألف نقاط)  
وام الدنيا واهل ام الدنيا واصحاب دنيا ودنيا نفسها بتحبك هههههههه❤❤❤
انا اتشرف وغرفتي تتشرف انك تنزلي فيها وتنوريها وهافرجك علي معالم غرفتي طبعا مش معالم ام الدنيا ههههههه
ان شاء الله ييسرلنا الاحوال جميعا ونتقابل
بواسطة طالب اسطوري (11.7ألف نقاط)  
إن شاء الله
هههه ظننتك نسيتِ يا مرفوت , فأردت تذكيرك هههه
بواسطة طالب محترف (4.6ألف نقاط)  
+2 تصويتات

السلام عليكم...

أسلوبك في الكتابة جميييل جدا...

تسلم ايدك حبيبتي ميرو ❤❤

توقعت انوا الرحلة ستكون إلى الصين ^_^

بس بصراحة منشور رائع و مفيد...

تسلميلي يا قلبي على الإفادة ❤❤❤❤

دمت بخير و سعادة ❤❤❤

بواسطة طالب عالمي (6.4ألف نقاط)  
تسلميلي اسرااااااء ❤❤❤❤❤❤
يارب لما تكمليها تعجبك كلها واسفة علي التقسيمة دي كله من تحديد عدد الحروف
بواسطة طالب محترف (4.6ألف نقاط)  
اهلين بحبيبة قلبي ❤❤❤❤
بالطبع حبيتها كتيير و ما في داعي تتأسفي و لو بتكتبي مليون كلمة مستعدة أقرأها كلها كم ميرفت عندنا (: ❤، بس عندي بلاغ صغير كده منشور 3/3 مفقود؟؟! هههه ^_^
دمت بخير و سعادة ❤❤❤
بواسطة طالب عالمي (6.4ألف نقاط)  
ههههههههه تسلميلي يا حلي اسراء ❤❤❤
ربنا ما يحرمني منك ابدا ابدا وتفضلي كده تشجعيني علي طووول ❤❤❤❤
دمت بخير وسعادة وصحة وعافية
بواسطة طالب متحمس (641 نقاط)  
+2 تصويتات

​​​​​​ههههه أنا مركز يا باشا 

جميلة بكين ممكن تأخدينا لزيارة ثانية على حسابك laugh

بواسطة طالب عالمي (6.4ألف نقاط)  
مش باين كل شوية تسرح يا استاذ
مش لما تكمل باقي الرحلة هههههههههه
بواسطة طالب متحمس (641 نقاط)  
ههههه أنا أنتظر
لكن المرة القادمة سنصعد السور العظيم مشيا على الأقدام
بواسطة طالب عالمي (6.4ألف نقاط)  
انا موافقة واللي يرجع في كلامه هههههههه هايروح حافي زيي ههههههههه
بواسطة طالب متميز (1.7ألف نقاط)  
+2 تصويتات
أيه الرحله الحلوه دي مع المرشده الجميلة ميرفت

بجددد براااافو⁦(◍•ᴗ•◍)❤⁩
بواسطة طالب عالمي (6.4ألف نقاط)  
تسلميلي نهي ويخليكي لي يا قلبي ومايحرمني منك ابدا ولا من تشجيعك ❤❤❤❤
بواسطة طالب متميز (1.7ألف نقاط)  
آني وياكي ي حب❤️❤️
بواسطة طالب عالمي (6.4ألف نقاط)  
تسلميلي يا بطوط ❤❤❤❤❤
بواسطة طالب متميز (1.7ألف نقاط)  
الله يسلمك⁦(≧▽≦)⁩
بواسطة طالب عالمي (6.4ألف نقاط)  
❤❤❤❤❤❤❤❤❤❤❤
بواسطة طالب مبتدئ (408 نقاط)  
+2 تصويتات

رحلة رائعة ومفيدة ومميزة تعرفنا من خلاها على الكثير من الأشياء العظيمة والعجيبة لقد استمتعنا واستفدنا كثيراً

منتظرين للتكملة....

شكراً جزيلاً لكِ أختي مرفت 

جزاكِ اللّه خير

بالتوفيق للجميع

بواسطة طالب عالمي (6.4ألف نقاط)  
تسلملي شهاااب وشكرا جزيلا علي ذوقك
التكملة موجودة في منشور رقم ٢ هتلاقي الرابط في اسفل المنشور اضغط علي كلمة (هنااا) هايفتحلك التكملة
دمت بخير وسعادة وصحة وعافية❤
بواسطة طالب عالمي (6.6ألف نقاط)  
+2 تصويتات

مساء الخير 

رحلة جميييييييييلة 

يعطيك الف عافيه اختي ميرو ❤️

انا زعلانة منك لم تخبريني ان الرحلة سوف تكون طويلة ⁦ಥ‿ಥ⁩

سلمت يداك ميرو ❤️

بالتوفيق للجميع ✨

بواسطة طالب عالمي (6.4ألف نقاط)  
يسعدلي مساكي يا جميل وربنا يوفقك دايما ويكرمك بكل الخير يا اجمل جندي في الفريق ❤❤❤
معلش بقي طولت مني ههههههههه هاعملك واحدة قصيرة المرة الجاية ههههههه
دمت بخير وسعادة وصحة وعافية يا قلبي ❤
بواسطة طالب عالمي (6.6ألف نقاط)  
واياك حبيبتي ❤️❤️
لم اقصد طول المنشور اكتب براحتك لقد قرأتها ثلاث مرات ههههه
اقصد انني طول الرحلة كنت حافية القدمين لم تخبريني انها ستكون كذلك ههههه
وفقك الله ❤️
بواسطة طالب عالمي (6.4ألف نقاط)  
هههههههههه لاء ربا تنت لازم تعرفي لوحدك انت وصافي في حد يروح رحلة بالكعب العالي ههههههههههه
اوعي تعملي كده تاني الرحلة الجاية والا مش هاطلعك الطيارة
دمت بخير وسعادة وصحة وعافية ❤❤❤
بواسطة طالب عالمي (8.2ألف نقاط)  
+2 تصويتات

السلام عليكم ورحمة الله وبركاته ...

من لما نورة قالت لي أنج راح تنزلينه وانا متحمسة جدا جدا ....بس  تعبت لما قعدت على الابتوب فقعدت شووي أريح عشان أقدر أقرأ ...الحمد الله أنه الله رزقني وكنت معاكم اليوم وااايد أستانست أني موجودة 

بس قبل أي شي طمنيني عنج أنتي والأستاذة رومانتيك ما أدري إذا راح تشوف هذا التعليق أول لا بس اشتقت لكم واااايد واااايد أنتوا وكل البنات الموجودين هني طمنوني عنكم إن شاء الله بخير ....بصراحة كنت مستحية من البنات وكل من كتبلي تعليق لأنه لي ألحين ما رديت على التعليقات إن شاء الله بأقرب وقت وأقدر أرجع أتفاعل مثل قبل كونوا بخير وبصحة 

بواسطة طالب عالمي (6.4ألف نقاط)  
الف الف مليون سلامة عليكي شفاكي الله شفاءا لا يغادر سقما ويعفو عنك يا قلبي وترجعي عن قريب ان شاء الله وتعلقي لكل البنات وتطمنينهم لانهم كانوا قلقانين عليكي
من فضلك ماتجهديش نفسك وارتاحي وان شاء الله لما ترجعي تردي علينا ❤
بواسطة طالب اسطوري (11.6ألف نقاط)  
يسعد صباحك زوزو . منحرمش أبدا من سؤالك
حبيبتي . انا بخير طول ما انتِ في صحة وسعادة
بيننا ما في خجل . كل الشباب هنا مقدرين ظروفك وبيدعولك . ان شاء الله حبيبتي ترجعيلنا في أقرب وقت .. ولا تجهدي نفسك ربِ يشفيكِ من كل شر ❤❤❤
بواسطة طالب عالمي (8.2ألف نقاط)  
الله يحفظكم لي ❤️❤️❤️❤️❤️❤️
بواسطة طالب عالمي (7.2ألف نقاط)  
+2 تصويتات

السلام عليكم ورحمه الله وبركاته 

منشووور رائع ، بالتوفيق ان شاء الله تعالى . yesheart

سور الصين راااائع ، لقد ألتقطت صوراً كثييره له . 

وقلعة ديزني رااائعه . 

وشكراً . 

بواسطة طالب عالمي (6.4ألف نقاط)  
وعليكم السلام ورحمة الله وبركاته
تسلميلي يا نورة وياارب يسعدك سعادة الدارين يا قلبي ويكرمك بكل الخير والفرح والسعادة زي ما بتسعديني بكلامك الحلو ❤❤❤❤
بواسطة طالب عالمي (8.2ألف نقاط)  
+2 تصويتات

سلام يا جميلة مرة أخرى .....

جمييييييييييييلة جدا جدا للأمانة اليوم ما قريت أي منشور طويل لأنه اتعب وماأقدر أكمل ولا قدرت أتفاعل شاركت بالي أقدر عليه  فقلت إن شاء الله بس أصير زينه أقرأ كل إلي طافني لأنه أكيد هذه المنشورات كلها جميلة ومفيدة بس منشورج هو إلي قريته رائعة يا حبيبة قلبي 

بواسطة طالب عالمي (6.4ألف نقاط)  
يااااقلبي يا زينب وبتتعبي نفسك ليه علي قد ما انا طايرة من الفرح انك قريت منشوري حتي وانت تعبانة علي قد ما انا زعلانه منك انك تعبتي نفسك واجهدتي عينيكي الحلوين تسلميلي يا قلبي من جوه ويسلملي قلبك الطيب وبحبك قوووي زينب وربي يديم صداقتنا ومحبتنا ويشفيكي ويعفو عنك يا قلبي وترجعي عن قريب ان شاء الله بالف سلامة ويشفيكي شفاءا لا يغادر سقما
❤❤❤❤❤❤❤
بواسطة طالب عالمي (8.2ألف نقاط)  
اللهم آمين... الله يسمع منج يا ميرفت
..............
صبااااااح الخير نوف ❤️❤️❤️❤️شلونج طمنيني عنج
بواسطة طالب محترف (4.0ألف نقاط)  
صباح النور ، سبقتك في التصبيحة هالمره ؛)❤️❤️
الحمدلله بخير إذا انتِ بخير ✨
بواسطة طالب عالمي (8.2ألف نقاط)  
هههههههههه ❤️❤️❤️❤️❤️❤️تسلمين لي شكرا لوجودج نوف
بواسطة طالب عالمي (8.9ألف نقاط)  
+2 تصويتات

لن أقول مبدعة فهذه مرحلة تجاوزته و أصبحت فوق الإبداع

معاك بقلوبنا مرفت و إن ابتعدت أجسادنا

بواسطة طالب عالمي (6.4ألف نقاط)  
تسلميلي يا احلي جرجير بالدنيا كلها ❤
ربنا يحميك ويحفظك ويرزقك كل الخير والفرح والسعادة وتحققي كل اللي تتمناه ❤
124 Online Users
0 Guest 124 Member
Today Visits : 21742
Yesterday Visits : 56116
Total Visits : 44191912

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...