سـلامٌ يـا قـوم طـلـيـق!
متحمسين حتى نشوف قائمة المتواجدين بعدد كبير متل الصورة تحت؟ وقتها رح تكون بجد ساعة تاريخية لنا وللموقع.
رح يكون التجمع ان شاء الله يوم السبت ١٩/٦. الساعة ٨ مساءًا بتوقيت مصر، ٩ بتوقيت السعودية، ٧ بتوقيت المغرب، ١٠ بتوقيت مليار وماحولها!
كل شخص موجود هنا مميّز وله أسلوبه الذي يتفرّد به سواء في طرح الأسئلة أو حتى في الإجابة، كل واحد فينا له بَصمة خاصة فيه بالموقع، فما تبخل على حالك وعلينا في تواجدك المُهم في هاي الساعة.
رح نزيد التفاعل من خلال: طرح أسئلة عن اللغات| مشاركة بمعلومة مفيدة تساعدنا وتنفعنا في الحياة| اختبار صغير | تمارين للمراجعة | ومن ناحية أخرى الإجابة على اسئلة المشاركين ودعمهم.
وبهيك ممكن نعمل شي- ولو صغير - يفرّح قلب الأستاذ ابراهيم لما يشوف انه احنا طلابه مهتمين ومستفيدين من المنتدى الّي هو انشأه كرمالي أنا وكرمالك أنت ولكل شخص مشتهي يتعلم بطريقة ممتازة. وما تنسىٰ أن الأستاذ عم يبذل مجهود كبير بالساعات والأيام والليالي حتى يقدملنا هاد المحتوى الرائع، فمعقول احنا ما نقدر نضبط يومنا ونستثني فقط ساعه وحدة لنجتمع ونرد ولو جزء بسيــــط مقابل الشي الّي عم ناخده!
الّي بإذن الله رح يثبت وجوده هنا يخبّرني في التعليقات ❤️
°وأنا بإذن الله رح أكون في سلسلة رهـيبة ورائـعة جدا - سيتم الإعلان عنها في تلك الساعة - مع المبدعات سمر ونوف و سـ... ممم الباقي رح تعرفوهم بعدين ان شاء الله.
°ورح يكون في ( اختبار للوحدة الثانية للغة الإسبانية) لهيك اعمل من الآن ريفرش للمعلومات الّي عندك.
° وأيضا في ملخص أو تمارين لدرس ما بالإسباني.
وأي استفسار عن الموضوع بإمكانك طرحه هُـنا
كونوا على الموعد, كل الحب لكم ❤️