يا جماعه فى ناس كتير بتعمل تصويت بالسالب لأشخاص سواء كنت انا او غيرى مع ان اسئلتهم عاديه ومفيش اى حاجه فيها بل وبالعكس بتكون مفيده وخاليه من الأخطاء الاملائيه ومفيهاش اى حاجه مسيئه بس داه تقريبا بييقى غيره من الناس الى عندها نقاط كتيره احب اذكر بس الى بيعمل كده ان الموقع داه معمول علشان الناس تستفيد من بعض والمنافسه بتكون شريفه مفيهاش اى نوع من الحقد او الغيره لان النقاط دى هتفيد فى المستقبل لما تنزل ميزات جديده على الموقع
اما نصيحتى للاشخاص دى انها تحاول تفيد غيرها بالاجابه عن اسئلتهملو كانو يعرفو الاجابه وتصوت بالموجب لو كان السؤال كويس ومفيد اما لو كان السوال غير مفيد او خارج عن اطار الاسئله المسموح بيها فلا مانع طبعا فى التصويت بالسالب
فى النهايه دى حريه شخصيه كل واحد بقا وضميره اتمنى ان الفكره تكون وصلت ومحدش يكون فهمنى غلط مع كل الاحترام والتقدير لجميع الاعضاء على الموقع؛
* وبالتوفيق للجميع*
❤