مرحباا... يسعد مساكم ...
كنت بتسأل هو بعد ما الدراسه تبدي وكتير هيطلعوا علشان الثاني عشر (ثانويه العامه) والناس اللي هتتطلع دي هي اكتر ناس بتتفاعل اصلا هنعمل ايه ؟ وهيبقي اي حال الموقع بعد ما يطلعوا؟
قعدت افكر لقيت انهم بعد ما يطلعوا هنقعد نهش دبان (ذباب) زي ما بنقول بالمصري كدا ... لان الموقع حرفيا هيبقي فاضي ... وكمان كان في تسأؤل تاني الا وهو ... ليه الاعضاء الجديده مش بتتفاعل خالص ؟ صراحة ملقتش اجابه ..
لو لحظتم هتلاقوا ان معظم الاعضاء اللي سجلت جديد كل اسألتها عن التطبيق وبس ... نادرا اوي لما بلاقي عضو جديد نزل حاجة عن اللغات .... قعدت افكر بردو ... لو الموقع فضل بالحال دا هيموت جداا فتره الدراسه ودي مش هتخلص قبل شهر 6, 7 اساسا فا تخيلوا سنه كامله الموقع مفيهوش الا عدد قليل جدا بيتفاعل ... ودا اكيد مش حاجة كويسه ..
انا فكرت ان احنا مثلا نشوف كل الاسئلة المتعلقة بالتطبيق بتاعت الفتره الاخير دي ... ونقول للأعضاء دي افكار وهما ينفذوها ... يعني مثلا حد يدي السلسله بتاعته لعضو جديد "موقتًا" يجرب الموضوع يشوف التفاعل ودايما نتفاعل معاهم جدااا ... نديهم احنا افكار جديده يعملوها ممكن لو عشره قلنلهم تلاته منهم ينفذوا بس هيكون احسن بكتيييير لما ميكنش فيه خالص ... ولما يلاقوا تفاعل علي اسئلتهم اعتقد ان هما هتحمسوا اكتر وهيبدؤا يفكروا في حاجات جديد يعملوها ... ايه رأيكم ؟؟
طبعا احنا غايتنا كلها واحده وهي ان الموقع يكون مكان للأستفاده ... فا لو عندكم اي اقراحات تانيه نقدر نحمس بيها الاعضاء قولوها وقوليلي رأيكم حاسين ان اللقتراح مجزي ولا لأ؟؟