First time here? Checkout the FAQ!
x

الملاحظات

اسرار الموناليزا " مع صافى "

في تصنيف اسئله عامه
بواسطة طالب متميز (2.0ألف نقاط)  
+17 تصويتات
1.4ألف مشاهدات

السلام عليكم ورحمه الله وبركاته 

طبعا انت فاكر انك عارف لوحة الموناليزا و ان الست اللى فى الصورة دى اسمها موناليزا و الموضوع خلص كدا صح ؟ لو كدا يبقى انت لسا متعرفش حاجة.          بص معايا بقى يا سيدى عشان هبهرك هههههه

اولا كدا يا معلم كلمة Mona هى كلمة إيطالية معناها (سيدتى) يعنى موناليزا معناها "سيدتى ليزا" 

اللوحة دى بلد منشأه هى ايطاليا و اسمها هناك la Joconde

و الدولة المالكة لها دلوقتى هى فرنسا و اسمها هناك la Gioconda 

و الاسمين دول فيهم إشارة لاسم زوجها "جوكوندو"

طبعا هى للرسام ليوناردو دافنشي اللى رسمها فى ايطاليا و مخلصهاش و لا سلمها لأصحابها و اخدها معاه لما سافر على فرنسا . 

زمانك بتقول دلوقتى أيوة بردو فين الجديد ؟؟ 

اصبر عليا هقولك احنا لحد دلوقتي مش عارفين مين الست اللى فى الصورة دى و هل اسمها الحقيقى " ليزا" اصلا و فيه نظريات كتير حولين الموضوع دا ، و دا بسبب أن عمنا دافنشى موقعش على الرسمة و لا كتب عليها تواريخ ، و دا على الرغم من ن اغلب البورتريه أن فى الوقت دا كان بيبقى فيها حاجة تدل على عائلة الشخصية الجالسة أو الحالة الاجتماعية إلا أن مفيش اى حاجة زى دى موجودة فى الموناليزا !!!!

​​​​​​طب خد التقيلة بقى ​​​​​​فيه نظرية بتقول أن الموناليزا هى بورتريه ذاتى ليوناردو دافينشي رسمه لنفسه !!!!!!!!!!! و دا الدليل على كلامهم 

دى مقارنة بين الصورة اللى رسمها ليوناردو لنفسه و بين لوحة الموناليزا و طبعا الشبه و التطابق واضح جدا !!!!!!!!

هتقولى امال مين " ليزا " دى ؟؟ 

بص يا سيدى ليزا دى هى زوجة تاجر و مسؤول حكومى احنا شكين أنها هى دى الشخصية اللى فى اللوحة بس بردو مفيش إثبات . 

انت عارف سعر اللوحة دى دلوقتى يعادل كام 800 مليون دولار 

( انا شكلى هقوم اجيب رسوماتى و انزل على الرصيف أبيعها بعد شوية) هههههههه

عشان ايه كل دا ؟؟ دا احنا حتى مش عارفين مين اللى فى اللوحة اصلا ، و مع ذلك تعد الموناليزا اليوم تقريبا اشهر عمل فنى فى العالم !!!!!

المفروض يبقى فيه سؤال فى دماغك دلوقتى هى ليه اللوحة دى مشهورة كدا يعنى الست اللى فى اللوحة دى اللى احنا مش متأكدين هى مين اصلا احتمال انها مرات تاجر عادى يعنى و هى مش فاتنة الجمال يعنى و اللوحة اصلا صغيرة جدا و مش من اجمل اعمال دافنشي أصلا امال ليه الشهرة دى كلها   ؟؟؟

الصراحة مننكرش أنه من عجائب اللوحة دى أنها مرسومة بنسب معينة تخليك متقدرش تهرب من نظرة عينيها مهما كانت الزاوية اللى انت واقف فيها !!!! 

بس شهرة لوحة الموناليزا مبدأتش فعليا غير  لما اللوحة اتسرقت أيوة زى ما بقولك كدا ....

سنة 1911 الناس ماشية فى معرض اللوفر عادى و فجأة لوحة الموناليزا اختفت !!!!  و دا شكل مكانها بين باقية اللوحات لما اختفت . 

و بعد سنتين اللوحة رجعت تانى و اللى سرقها اتمسك و كان واحد اسمه Vincenzo Peruggia و اتحبس ست شهور ، و بقى بطل قومى فى إيطاليا عشان هما شايفين أنه حاول يسرق اللوحة عشان يرجعها ايطاليا تانى . 

و دا عمو اللى سرق اللوحة /   

بس كدا يا سيدى و طبعا لما اللوحة اتسرقت عملت ضجة كبيرة مع انها مكانتش مشهورة اصلا فى الوقت دا و بدأت صورها تنزل فى الجرائد والمجلات و تتعرف خصوصا بقى لما رجعوها تانى متحف اللوفر طبعا  الناس كلها كانت عايزة تشوفها و دا اللى خلاها تتعرف . 

الموناليزا لما اتسرقت اتعمل منها نسخ كتير عشان تتباع على أساس أنها الصورة الأصل و فيه كلام كتير بيقول أن اللوحة المعروضة فى متحف اللوفر مش هي اللوحة الاصليه اصلا !!!!  و دا عرّض اللوحة للخطر كتير عشان كدا هى محفوظة دلوقتى و معروضة خلف لوح زجاجة مقاوم للرصاص فى متحف اللوفر. 

ف لو ربنا كرمك فى يوم من الايام و سرقت بنك متنساش تسافر فرنسا و تروح تشوف لوحة الموناليزا هتلاقيها فى متحف اللوفر ، قسم اللوحات الإيطالية ، الغرفة رقم 6 . 

و بس كدا يا سيدى يارب تكون المعلومات دى جديدة عليكم و تعجبكم زى ما عجبتنى أنا بعتذر انى طولت بس فعلا لوحة الموناليزا عليها كلام كتير و ضجة و مثيرة جدا للجدل و يمكن هو دا السبب اللى مخليها مشهورة كدا دلوقتى . 


الموضوع دا اخد وقت كبير فى تجميعه و كتابته اتمنى انكم متنسوش تشجعونى و لو بكلمة بسيطة لو  عجبكم ♥️

و شكرا بجد لأى شخص بيشجعنى ✨

دمتم فى رعاية الله احبتى ♥️

من فضلك سجل دخولك أو قم بتسجيل حساب للإجابة على هذا السؤال

14 إجابة

بواسطة طالب عالمي (6.6ألف نقاط)  
+4 تصويتات
وعليكم السلام

موضوع جميل جدا

ابدعت اختي ❤️❤️

يعطيك العافية اختي

بالتوفيق للجميع

استمري ❤️❤️
بواسطة طالب متميز (2.0ألف نقاط)  
شكرا يا رورو ♥️♥️♥️
فرحانة جدا أنه عجبك ♥️✨
بواسطة طالب عالمي (6.6ألف نقاط)  
العفو اختي ❤️❤️
اسعدك الله دائما ❤️❤️
بواسطة طالب عالمي (8.9ألف نقاط)  
+3 تصويتات

عمل جبار يستحق الإحترام 

استمر صافينازوتحية بمرتبة الامتياز

بواسطة طالب متميز (2.0ألف نقاط)  
شكرا جدا لك جرير فرحت كتير
و الف الف مبروك انضمامك للمحررين ✨
دمت موفقا اخى و اتمنى لك النجاح الدائم
بواسطة طالب عالمي (8.9ألف نقاط)  
اشكرك يالله ماباقي لك كثير
على 1000
بواسطة طالب محترف (2.9ألف نقاط)  
+3 تصويتات
و عليكم السلام و رحمه الله و بركاته

ابدعت اختي صافيناز

الموضوع شيق للغاية

شكرا على مجهودك
بواسطة طالب متميز (2.0ألف نقاط)  
شكرا جزيلا لكى مريوومة ♥️✨
بواسطة طالب جديد (28 نقاط)  
عُدل بواسطة
+3 تصويتات
لسي فيه اسرار  على ما اعتقد . فى كتاب شيفرة دافينشي بيحكى عنها . اعجبني سلمت يداك.
بواسطة طالب متميز (2.0ألف نقاط)  
شكرا لمرورك الطيب ✨
بواسطة طالب جديد (28 نقاط)  
لا داعي للشكر
بواسطة طالب محترف (3.3ألف نقاط)  
+2 تصويتات
ازيك ياصافي :)

عجبني عنوان الموضوع وطبعا الاسلوب

والمعلومات

وانا شاكك ان هم صحاب اللوحة والمتحف اللي سرقوا

اللوحة علشان تتشهر كدا  واللا ايه ؟!
بواسطة طالب متميز (2.0ألف نقاط)  
اهلا جدو محمد ⁦:-)⁩ عامل ايه
كنت هقول كدا بس قولت أن بعض الظن اثم ههههههههه
غيرت مصادرى فى الموضوع دا حاولت اجيب معلومات مختلفة شوية و مش تقليدية يارب اكون نجحت فى كدا ههه ⁦(◕ᴗ◕✿)⁩
فرحت ان العنوان عجبك عشان كنت محتارة فيه الصراحة ♥️♥️♥️
بواسطة طالب عالمي (8.9ألف نقاط)  
اهلا ابو حميد
لنفكر من جديد
اليوم أول مكس
بعد العودة لازم تشوفه
بواسطة طالب محترف (3.3ألف نقاط)  
اهلا بك جرير
ان شاء الله عندما اعود ساراهم جميعا
انا هنا بصدد امر اخر حاليا
دمت بخير مبدعنا
بواسطة طالب متميز (2.0ألف نقاط)  
انا نشرت الموضوع و مستنية المحررين يقبلوه
هنتظر رأى حضرتك
بس الحقيقة انا مش راضية عنه ⁦
بواسطة طالب محترف (3.3ألف نقاط)  
طيب لما نشوف نحكم ياصافي
انا واثق اني هعطيكي داونفوت :)
طبعا لا اكيد هيكون تحفة انا هستنى
بواسطة طالب عالمي (5.9ألف نقاط)  
+2 تصويتات
صباااحو ❤❤❤

القصة جميلة جدا وسردك  المميز الها هو اللي عطاها الجمال

برافووو❤
بواسطة طالب متميز (2.0ألف نقاط)  
شكرا سمورة متعرفش تعليقك فرحني ازاي ❤️❤️^_^
ميرسي حبوبة :-)
بواسطة طالب عالمي (8.2ألف نقاط)  
+2 تصويتات

وعليكم السلام ورحمة الله وبركاته .....

الله يعطيج العافية لهذا الموضوع والصور والتوضيح ....

من أحد أسباب شهرة هذه اللوحة هو الغموض في كل تفاصيلها سواء بابتسامتها بشخصيتها وأنها خذت 7 سنوات لرسمها وكل هذه التفاصيل 

وفي مرة قريت أنه سبب أنه الامرأة في هذه الرسمة من غير حواجب أنه قبل كانت هذه الموضة ومن علامات الجمال:) 

وشكرااا لج مرة ثانية واستمري 

بواسطة طالب متميز (2.0ألف نقاط)  
تصدقى اول مرة اعرف موضوع الحواجب دا بس عجبنى و مقنع بردو ⁦(◍•ᴗ•◍)⁩
ميرسى كتييير لمرورك الجميل يا زيزى ♥️♥️♥️♥️
و للمعلومات الجميلة ⁦(◕ᴗ◕✿)⁩
دمتى بخير حبوبة ♥️
بواسطة طالب عالمي (8.2ألف نقاط)  
مساااء الخير شلونج صفيناز شخبارج وشلون الدراسة
سعيدة بعودتج للمنتدى
 حابه تشاركين معانا بهذه الفعالية  ألقِ نظرة على هذا المنشور
https://shortest.link/2PgX
بواسطة طالب متميز (2.0ألف نقاط)  
حبيبتي زيزي الفنانة كيفك انت
حاضر اكييد ♡❀
بواسطة طالب عالمي (8.2ألف نقاط)  
الحمد الله بخير سألت عنج قبل بواحد من منشوراتج بس ما رديتي قلت يمكن ما شفتيه
ألحين لما شفتج هالأيام فرحت وتطمنت عليج
شكرا
بواسطة طالب متميز (2.0ألف نقاط)  
اسفة جدا يمكن غاب عني فعلا
حبيبتي يسلملي سؤالك جدا ربنا يخليكي ♡
انا مبسوطة جدا اني شوفتك و مبسوطة بالمبادرة الجميلة اللي عملتيها ♡
ربنا يوفقك يارب ♡♡♡
بواسطة طالب عالمي (8.2ألف نقاط)  
ولا يهمج  مو زعلانة الأهم انج بخير
تسلمييين لي ...شكرااا ربي يسعدج سعادة الدارين
وأنا بعد جدددا سعيدة بوجودج صافيناز
بواسطة طالب متميز (2.0ألف نقاط)  
شكرا جدا يا زيزي بجد ♡♡♡
انا عايزة اعتذر منك تاني :)
انا حذفت مشاركتي عشان حسيت اني ناسية اشخاص كتير و مش عايزة حد يزعل او يحس انه منشوراته مكنتش مفيدة و بصراحة فعلا الكل هنا منشوراته جميلة و تستاهل ♡
المهم بقي
دعواتك يا جميلة عشان راجعين للدراسة تاني :)
و مبسوطة كتييييييير اني كلمتك و ان شاء الله بعد الامتحانات اتعرف عليكي و علي منشوراتك الجميلة اكترررر ♡♡♡
دمتِ بخير ❀
بواسطة طالب عالمي (8.2ألف نقاط)  
العفو الله يووووووفقج إن شاء الله يا صفيناز ويسهل ويسر عليج الدراسة
لا يا حبيبتي محد يزعل لأنه تعليقاتنا كانت مكملة لبعض وكلنا نحاول نذكر الكل ولكن أكيد براحتج ...تجين وتنورين
الله يوفقج وأنا بعد سعيييدة ❤️
بواسطة طالب متحمس (1.3ألف نقاط)  
+1 تصويت
ما شاء الله عليك لقد جسدتي الموناليزا وعرفنا اشياء .

شكراً جزيلاً بالتوفيق
بواسطة طالب متميز (2.0ألف نقاط)  
سعيدة جدا بهذا
شكرا جزيلا ✨✨✨
بواسطة طالب متحمس (1.3ألف نقاط)  
تسلمي اختي
بواسطة طالب عالمي (6.1ألف نقاط)  
+1 تصويت
هههههههه الله يخلي مرڨت لو ماهي من وين نجيب عناوين

ملاحضة ماقدرت اقرء كل المنشور لانو طويييييل هههههه
بواسطة طالب متميز (2.0ألف نقاط)  
هههههههه لا ارجع أقرأه كله عشان هستنى رأي حضرتك فيه
فعلا مش عارفة كنا هنعمل ايه من غير مرفوووت ههه ♥️♥️
بواسطة طالب عالمي (6.1ألف نقاط)  
قراته لخاطرك  اكثر شي عجبني لو ربي مرمك وسرقت بنك ههههههه نساني كل المعلومات هههه
بواسطة طالب متميز (2.0ألف نقاط)  
ههههههههههه ضحكتنى
وفقك الله
بواسطة طالب متميز (1.7ألف نقاط)  
+1 تصويت
موضوع شيق جداً

ومعلومات جديدة ليا⁦(✷‿✷)⁩

يسلمووو صافي ❤️❤️

خلاص لو سرقت بنك بقول لك عشان نروح سوا نزورها هههه⁦(✿^‿^)⁩
بواسطة طالب متميز (2.0ألف نقاط)  
هههههههه خلاص أن شاء الله نسرق البنك و نطلع على هناك على طول
ميرسى كتير فرحانة أنه عجبك ♥️
وفقك الله اختى نها ♥️♥️✨
بواسطة طالب متميز (1.7ألف نقاط)  
إن شاء الله، دا أحنا لو نتأخر راح نروح فيها ههههههه
دمتي في أمان الله
بواسطة طالب متميز (2.0ألف نقاط)  
+1 تصويت
حسيت أن ناس كتير وجدته طويل اوى و محبتوش

هل ابقى اصغر الموضوع عن كدا و لا اغير الأسلوب نفسه ⁦( ・ั﹏・ั)⁩

انصحوني يا جماعة
بواسطة طالب عالمي (8.9ألف نقاط)  
كلهم معروفين لدي
بواسطة طالب محترف (3.3ألف نقاط)  
يعني اطرح عليهم الفكرة يا حبيبي ده قصدي
واعرف ايع رايهم وقلي علشان اناقشك بالتفاصيل
بواسطة طالب عالمي (8.9ألف نقاط)  
طيب أنا مافهمت الفكرة
ياعمري
بواسطة طالب محترف (3.3ألف نقاط)  
اتمنى ان تطعنني بسكين طب ليه كده :)
الفكرة انو نحن نعمل حملة ونجمع اعضاء بساعة معينة في الموقع
بنفس العدد اللي بالصورة ولو لساعة واحدة نتفاعل فيها او اقل من ساعة
والطريقة وازاي نعمل كده لما تشوف راي الاسماء اللي قلتلك عليها
بواسطة طالب عالمي (8.9ألف نقاط)  
هههههه
طيب كف لا هههههه ماشي
بواسطة طالب متميز (1.7ألف نقاط)  
+1 تصويت
وعليكم السلام ورحمه الله وبركاته ، كنت اعلم انها بالفعل من اشهر واغلى اللوحات بس مكنتش اعرف انها خاضت كل هذه المغامرات لوحدها  ، جزاكى الله خيرا صافى على هذه المعلومات المفيده استمرى وبالتوفيق عزيزتى
بواسطة طالب متميز (2.0ألف نقاط)  
حبيبتى يا خدووووجة ♥️
فعلا و الله دى خاضت مغامرات كتير اوى هههه
ميرسى كتير مرورك كتييير فرحنى ✨♥️♥️♥️♥️
دمت بخير حبوبة
بواسطة طالب متميز (1.7ألف نقاط)  
حبيبتى ❤️❤️❤️
بواسطة طالب عالمي (6.4ألف نقاط)  
+1 تصويت
صباحو فل موناصافي ههههههه❤❤❤

مين ده اللي محتاج كلمة تشجعه احنا اللي محتاجين تشجعينا بعد المنشور ده عشان نخطط انا والعصابة نسرقها ازاي دول ٨٠٠ مليوووون دولااااااار اسندوني جلبي هايوجف مني هههههههههه

فينك يا حاج جرير فينك يا ا محمد في عملية هنا لوز اللوز هههههههههه

احسنت يا موناصافي ❤❤❤❤
بواسطة طالب متميز (2.0ألف نقاط)  
بطوط وحشانى اوى ♥️♥️♥️
فرحتينى جدا جدا بجد
خلاص زى الفل جمعوا العصابة و روحوا اسرقوها بس خدونى معاكم عشان اتفرج و تسيبولى نصيبى بدل ما ابلغ عنكم هههههههه انا حذرتكم اهو
ميرسى كتير مرفوت ⁦(◕ᴗ◕✿)⁩♥️♥️♥️♥️♥️
بواسطة طالب اسطوري (11.7ألف نقاط)  
0 تصويتات

وعليكم السلام ورحمة الله تعالى و بركاته 

كيف حالك يا صافي. ؟ 

وما هذا الاختفاء  ؟

جاوبتِ على تساؤلي حول سبب شهرتها , وكفيت ووفيت 

جزاك  الله خيرا على المعلومات يا مبدعة 

بالتوفيق للجميع smiley

122 Online Users
0 Guest 122 Member
Today Visits : 32582
Yesterday Visits : 56116
Total Visits : 44202734

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...