خذ فترة راحه بين كل درسين، ولا تأخذ دروس كثيره في اليوم عشان ما تمل رغم ان مدة شرح الاستاذ للدروس قصيره و خفيفه. و كافئ نفسك في حال حليت الاختبار صح او أنجزت شيء ف الدرس. و نوّع بين الكورسات، مثلا اليوم قواعد بعده بنص ساعه كذا خذ درس قصير من تعلم من الصفر او اي كورس تحسه خفيف ووقف. لاتجمع حلقتين في اليوم من كورس القواعد او الصوتيات او الاستماع. حلقه وحده ف اليوم تكفي لان هذي الكورسات لازم تعطي كل درس حقه للاستفاده و لو جمعت بين حلقاتهم في اليوم راح تحس انك تتلخبط و تنسى وهالشي راح يسبب أحباط. بعد ماتخلص من الدروس شوف فيلم قصير و حاول تتقمص شخصياتهم وتقلدهم او استمع لقصص بالإنجليزية. وهكذا من باب التغيير والمتعه في الدراسه. هذا كل اللي عندي ممكن يفيدك، وبالتوفيق للجميع.
