First time here? Checkout the FAQ!
x

الملاحظات

ماتيجوا معايا ❤❤❤❤1

في تصنيف اسئله عامه
بواسطة طالب عالمي (5.8ألف نقاط)  
+21 تصويتات
340 مشاهدات

انا حجزتلكم التذاكر يالا بينا كله يطلع الطيارة انا سيبتكم اسبوع تحضروا الشنط والكاشات وعشان ماحدش يقولى واحنا طايرين على جنب انا نسيت حاجة هارجع اجيبها ممنوع رحلتنا طويلة شوية.

اتفضلوا اقعدوا كل واحد يختار الكرسى اللى يريحه معندناش التزام برقم محدد نحن نختلف عن الاخرين.

ايه ده مين الاثنين اللى لسه واقفين دول ااااه عرفتهم اللى بضهره ده جرير عرفته من صورة منشور الحرم ههههه والثانى اللى رافع ايديه ده عبد الخالق اللى على طول معترض هههههه ايون والكرسى الفاضى ده بتاع سلمى هانم عشان غايبة.

النهاردة رحلتنا لبلد السحر والطبيعة والجمال " تايلاند "

ليه اختارتلكم تايلاند لانها بتضم ثلاث مدن من قائمة اجمل المدن السياحية بالاضافة الى انها تتميز بالبيئة الاستوائية والشواطئ الخلابة حيث انها عبارة عن جزر متجاورة.

أهم مدن تايلاند :-

بانكوك - بوكيت - بتايا - شنغماى - كوه ساموى - كرابى - هواهين - كانشانابورى

بانكوك:-

هى عاصمة تايلاند وبها المقر الحكومى والمطار الرئيسى ومن اهم الاماكن معبد وات ارون او المعبد الذهبى واللى احنا قدامه دلوقت هو معبد بوذى به خمس ابراج اهمهم البرج الرئيسي واللى لما بتسقط عليه اشعة الشمس بيعكسها بضوء ذهبى 

كمان فى القصر الكبير وسوق تشاتوتشاك بس ماعندناش وقت نزورهم النهاردة

بوكيت:-

هى اكبر جزر تايلاند واهمها وبها مطار بوكيت الذى يسهل علينا الزيارة والجزيرة بها اكثر من 30 شاطئ من اروع الشواطئ زي ما احنا شايفين

كمان فى فانتازيا بوكيت وهى مدينة ملاهى كبيره مساحتها اكثر من 140 فدان وهى ليست العاب فقط ولكن بها انشطة ثقافية وفى كمان معبد بوذا الكبير نبقى تروحهم مرة تانية عشان البنزين يكفى هههههههه

بتايا:-

واللى قدامنا دلوقت دي حديقة نونج نوتش مساحتها اكثر من 600 فدان وهى اكبر حديقة نباتات طبيعية فى شرق اسيا شايفين الجمال والتنسيق

بما اننا فى بتايا يالا بينا نروح السوق نشترى شوية حاجات بس ده مش اى سوق ده عايم اي والله زيمبقولك كده طب ادينا وصلنا بصوا شوفوا ده بقى سوق بتايا وعايم على المحيط وزي ما انتوا شايفين الناس بتتنقل بالقوارب يالا كل واحد يشتري شوية فواكة عشان نتغذى لحد اخر الرحلة.

شنغماى:-

مش هانروحها بس هاقولكم على اهم المعالم هناك وهى حديقة دوى انتانون وبازار شنغماى الليلي ومعبد الجبل.

كوه ساموى:-

احنا وصلنا دلوقت لتانى اكبر جزيرة واهم حاجة بقى هنا اللى احنا شايفينه ده شلال نامونج او الشلال الارجوانى وارتفاعه اكثر من 14 م من سطح البحر بصوا بقى اللى جنبه هناك ده شلال تانى والغريبة ان له نفس الاسم غالبا من حبهم فيه ولو عايزن نروحه هاننزل وناخد كل اتنين على فيل ايوة على فيل وما يهمكوش من الاوزان هايتحمل الاكس لارج ههههههه

كمان فى هنا حديقة مو كو انج ثونج اى والله اسمها كده وشاطئ تشاوينج وبرضوا مش هانروحهم هههههه.

كرابى :-

ياسيدى بقى على الجمال بصوا الجمال مش محتاجة نتكلم عنها كتير كفاية نسرح فى جمال المنظر ده واللى خلى الاخ ليوناردو ديكابيرو يصور هنا فيلم الشاطئ عنده حق هيلاقى احلى من كده فينheart طبعا فى هنا شاطئ جميل تانى اسمه رايلى للناس اللى بتحب القوارب الشراعية وكمان فى معبد النمر وده عبارة عن كهوف وعشان توصل للكهف الرئيسى اللى هو اسمه كهف الجرس هاتطلعوا 1250 درجة وانا عارفة انكم بتتطلعوا سلم بيتكم بالعافية زيي هههههه وكمان خوفت نتوه من بعض عشان كده مش هانروحه ههههههههه

هواهين :-

اهم حاجة هنا قرية التسوق وده عبارة عن مبنى خشبي كبير وسط المدينة فيه مطاعم ومقاهى وكمان فى شاطئ هواهين وده من الشواطئ الهادية وكمان فى حديقة راجاباكتي  بس احنا لفينا كتير وانا تعبتلكوا ههههه يالا بينا على اخر مدينة هههههه

كانشانابوري :-

اهم حاجة هنا مش السمك البورى لاء طبعا اهم حاجة الجمال اللى انتو شايفينه ده هنا حديقة ايراوان الوطنية زى ما انتوا شايفين مليانة شلالات طبيعية والشلال ده اسمه الفيل الابيض يالا بينا نركب الافيال عشان نتمشى بيه وسط الشلالات ايه رايكم ولا تعبتوا شكلكوا تعبتوا وانا كمان حاسة بيكم خلاص يالا بينا نرجع .

ثوانى يا مستعجلين انت وهى وهى ثوانى اركن هههههههههه

صحيح رحلتنا خلاص خلصت بس انا كنت سعيدة بجد وانا معاكم يارب لو عجبتكم تحجزوا معانا الرحلة الجاية على فكرة انا مالحقتش اترجم بس اللى حابب يشاركنا بالترجمه حتى لو جمع بسيطة باللغة اللى يحبها ويعلمنا معاه يبقى عمل معانا احلى واجب.

حمدلله على سلامتكم heartheartheart

ودمتم سالمين .... بحبكم جدااااااااااااا

مرام صديقتنا بتقولنا ان كلمة مرحبا بالتايلندي يعني سوادي كابيب احفظوها بقي 

من فضلك سجل دخولك أو قم بتسجيل حساب للإجابة على هذا السؤال

26 إجابة

بواسطة طالب محترف (2.6ألف نقاط)  
+8 تصويتات

يا أهلاً بميرفت خفيفة الدم :) .. الصراحة ما مليت ابداً وانا اقرأ  اعجبتني الرحلة جداً و اسلوبك يشد القارئ دائماً وجميل.. استمري ياعزيزتي انا من أوائل الحاجزين للرحلة القادمة بإذن الله معكم طالما انتِ فيها ؛)

دمتِ بخير ✨

بواسطة طالب عالمي (5.8ألف نقاط)  
ااااوبااااا نوف بذات نفسيها ❤❤❤❤❤
تسلميلي نوف مبسوطة قوي انها عجبتك وخلاص هاحجزلك الرحلة الجاية مجانا هدية مني ليكي ههههههههه
دومت بخير وفي رعاية الله ❤❤❤❤
بواسطة طالب محترف (2.6ألف نقاط)  
يسلمك ربي ويخليك، شكراً على كرمك لكن إذا ممكن تضبطيني عند الشباك؟ لأني من محبين منظر الغيوم.. إذا مافي كلافه عليك طبعاً ؛)
بالتوفيق بسلسلتك ان شاء الله ✨
بواسطة طالب عالمي (5.8ألف نقاط)  
ابداااااااااااا تعبك راحة حااااااااضر احلي مكان واحلي شباك واحلي غيوم هههههههههه
تسلميلي نوف ويخليكي ليا ودايما تشجعيني باتمنالك كل الخير والفرح والسعادة وتحققي كل اللي تتمنيه ❤❤❤
بواسطة طالب متميز (1.7ألف نقاط)  
+7 تصويتات

انا عندى اعتراض المرة الجاية لازم اقعد جنب الشباك ههههه

بصراحة يا مرفت بجد تحفة تحفة جدا برافو عليكي ♥️

الفكرة رهيبة و الاسلوب جميل اوى و يشجع جدا 

و المعلومات هايلة شابووووو 

إضافة الصورة عملت جو جميل ♥️♥️♥️

و احلى حاجة أن انت اللى بتقدميها يا مرفوووت✨

انا مكنتش عايزة الرحلة دى تخلص ⁦ಥ‿ಥ⁩

بس يلا مستنيين الرحلة الجاية و تحجزولى مكان جنب الشباك انا قولت اهو 

استمر يا باشا 

بواسطة طالب عالمي (5.8ألف نقاط)  
ههههههههههههه حاضر من عيوني هاحجزلك مكان جنب الشباك الرحلة الجاية
تسلميلي يا صااافي ❤❤❤❤ مش عارفة اقول ايه يعبر عن سعادتي بكلامك والله مبسوطة قووووووي وشجعتيني اكمل رغم ان الموضوع مرهق جدا وبياخد وقت في التحضير
دمت بخير وفي رعاية الله يا احلي صااااافي ❤❤❤❤
بواسطة طالب متميز (1.7ألف نقاط)  
الصراحة الموضوع يستاهل التعب عشانه فعلا ⁦(◍•ᴗ•◍)⁩♥️
و احلى ما فيه اسلوبك الجميل ♥️
خلاص كدا يبقى تحجزيلى انا و نوف جنب الشباك ههههه
دمت بخير بطوط ♥️✨
بواسطة طالب عالمي (5.8ألف نقاط)  
تسلميلي يا صافي ❤❤❤ مع اني خوفت ان اكتب بالطريقة دي ممكن حد يعترض علي الزيادات والكلام المصري.
ههههههههه حاضر ياقلبي هاقعدكوا انتوا الاثنين جنب الشباك الرحلة الجاية باذن الله
بواسطة طالب عالمي (5.5ألف نقاط)  
+5 تصويتات

يالله 

أنا أول واحد معاك ابدااااااااع مرفت 

بواسطة طالب عالمي (5.8ألف نقاط)  
تسلملي يا جرير وبعد كده تطلع تقعد علي طول والا مافيش رحلة جاية ليك ههههههه
بواسطة طالب محترف (3.6ألف نقاط)  
انا جنبك جرير ههههه ولا لسة واقفين
بواسطة طالب عالمي (5.8ألف نقاط)  
انت كنت واقف لاخر الرحلة عشان لازم تفضل معترض
بواسطة طالب عالمي (5.5ألف نقاط)  
طيب محمد فين
لا لا لا
مش معقوله تسيبيه
ههههه
بواسطة طالب عالمي (5.8ألف نقاط)  
محمد اجازة انت ماتعرفش ولا ايه ؟
بواسطة طالب عالمي (5.5ألف نقاط)  
ماشاءالله
أنا رئيس على الفاضي
كل واحد بيأخذ إجازة من رأسه
هههههههه
بواسطة طالب عالمي (5.8ألف نقاط)  
اه شوف بقي عندك اتنين اجازة محمد وسلمي ههههههههه
بواسطة طالب متميز (1.8ألف نقاط)  
+4 تصويتات
الاجمل اسلوبک يا احلی مرفت في الدنيا .

انا حاجزة معاكو يا حلويين واول الحاجزين عشان اكون جنب الشباك :)))

بالتوفيق يا قمر
بواسطة طالب عالمي (5.8ألف نقاط)  
العسل والسكر كله زينب ❤❤❤❤❤❤❤❤
تسلميلي يا زوزو يا احلي زوزو ❤❤❤ مبسوطة من كلامك الحلو قووووي ❤❤❤❤
حاضر هاحجزلك جنب الشباك هههههههههه
بواسطة طالب متميز (1.8ألف نقاط)  
السكر يعرف بعضه يا قلبي ❤❤❤❤❤❤❤❤
هههه شكرا يا حبيبتي ، تسلميلي يا روحي .
بواسطة طالب عالمي (5.8ألف نقاط)  
تسلميلي يا زوزووووووووووو ❤❤❤❤❤
بحبك كتير ❤❤❤❤❤❤❤
بواسطة طالب متميز (1.8ألف نقاط)  
وانا بعععععععشقك ❤❤❤❤❤❤❤❤❤❤❤❤❤❤
بواسطة طالب محترف (4.3ألف نقاط)  
+4 تصويتات

واااه! حابييتت! 

泰国 تايلند 

曼谷 بانكوك 

泰语 اللغة التايلندية 

بالتوفيق~

بواسطة طالب عالمي (5.8ألف نقاط)  
شكرااااا مليااار ❤❤❤❤
مبسوطة انها عجبتك يا جميل ❤❤❤
بس هي ولا الصيني ؟ ولا الاثنين شبه بعض ؟
وبالتوفيق ان شاء في سلسلة اللغة الصينية ❤
بواسطة طالب محترف (4.3ألف نقاط)  
لا هذه الكلمات باللغة الصينية متعلقة بالموضوع الي كتبتي عنه ⁦◖⚆ᴥ⚆◗⁩
بواسطة طالب عالمي (5.8ألف نقاط)  
شكرا مليار❤❤❤
 ودي اول ترجمه معانا النهاردة
بواسطة طالب محترف (3.6ألف نقاط)  
+4 تصويتات
والله وصعدنا الطيارة هههههههههه مرة ثاني مسرح

بس صراحة ماكنت مفكر تايلند حلوة هيك
بواسطة طالب عالمي (5.8ألف نقاط)  
ههههههه ان شاء الله المرة الجاية نروح بالاتوبيس هههههه
خلاص مش هاطلعك علي المسرح تاني ههههههه
بس بجد عجبتك تايلند ؟
بواسطة طالب محترف (3.6ألف نقاط)  
اي بجد ههههههه يعني بلاش مسرح
بواسطة طالب عالمي (5.8ألف نقاط)  
حاضر بس لو زعلان بجد اشيل الفقرة بتاعتك
بواسطة طالب محترف (3.6ألف نقاط)  
يعني واضح اني واحد بيزعل ههههههههه اصلا انا احلى شي بالمنشور  بكل تواضع هههههههههه
بواسطة طالب عالمي (5.8ألف نقاط)  
هههههههههه
زيدي يا زيدي ع التواضع ههههههههه
بواسطة طالب متحمس (890 نقاط)  
+4 تصويتات

تسلم إيدك يا قمر إنتيkiss

ما فيش أحلى من كدا

لو إنتي تألفي مادة الجغرافيا للمدارس عشان ننجح بقىcrying

بس أنا عايزة أفهم، هو ليه ماي اتشنقت في  شنغمايwink

أنا عايزة أروح معاكي كل مرة تروحي فيها لمكان و عايزة أكون في أول كرسي ❤

بواسطة طالب عالمي (5.8ألف نقاط)  
تسلميلي انت يا قمرررر ❤❤❤❤
مناااار انا مبسوطة قووووي انها عجبتك ❤❤❤❤
ههههههههه عارفة انا كنت باعشق الجغرافيا والتاريخ ابعتيلي اي درس رخم وانا اشرحهولك
مش عارفة يا اوختشي ليه شنقوها بس اكيد عملت مصيبة ههههههههه
حاااأضر من عيوني هاحجزلك كل الرحلات وعلي حسابي هههههههههه
دمت بكل الخير حبيبتي ❤❤❤❤
بواسطة طالب متحمس (890 نقاط)  
آه عجبتني جدا جدا
و أنا ما كنتش بحب التاريخ ولا الجغرافيا (: لكن من النهاردة أنا بمووووت فيكي و فيهم (:
و بقيت بتكلم مصري كمان أهو ههههههههههه
بواسطة طالب عالمي (5.8ألف نقاط)  
+3 تصويتات
باتمني الموضوع والاسلوب يعجبكم بس لو حد عنده اي تعليق او حاجة ممكن احسن بيها او حتي معترض علي اي شئ يقولي هنا عشان اخد بالي بعد كده.

شكرا جزيلا
بواسطة طالب محترف (4.9ألف نقاط)  
جيت اكملها عميتها ..ع قولتنا ههههه
بالغلط الداون فوت .
...
اي غلط يا جميل فوق الممتاز منشورك
بواسطة طالب محترف (4.9ألف نقاط)  
+3 تصويتات

اولا  สวัสดี ثانيا ميرفت مادوخينيش ياحبيبتي ثواني ثواني ايه تايلاند لحظه لحظة ليه ماعزمتيني دي البلد بلدي الله انا هعيط ياقدعان دي تاني لغة عاوزة اتعلمها بعد الصيني وماعزمتنيش ليه crying رايحه ع شرق اسيا وتاركتني ليه انتي مجرمة بجد كسرتي قلبي 

ولا بعد تايلاند اليوم مش هسكت من البكاء 

بواسطة طالب عالمي (5.8ألف نقاط)  
انا يا قلبي ما اقدرش اكسر قلبك ابداااااا ده انتي الحب كله ❤❤❤❤❤ هو انت ما شوفتيش اول منشور ولا ايه انا قولت تعالوا معايا وانت اولهم يا بطوط ❤❤❤
قوليلي بقي ايه ترجمة اللي بعد اولا ولو تعرفي اي كلمة من المنشور باللغة التايلندية قوليها عشان نتعلم منك يا قمر زي ما بتعلمينا الصيني ❤❤❤
بواسطة طالب محترف (4.9ألف نقاط)  
اول كلمه مرحبا بالتايلاندي بينطقوها متابعين تايلاند سوادي كاببب
هو انا بهزر معاكي ياعسل ربنا يكرمك انا اول الراكبين لو ملقيتش مطرح راح اقعد ع رجولك اعتبريني طفله ههههههههه
كلامهم ثقيل جدا ع فكره ولغتهم بحت نغمييييه
بالبدايةه هتكون مزعجه جدا بس بعدين لم تتعودي عليها هتكون خفيفه
وشكرا ع المنشور القمر ياقمر الله يحفضك طرح اكثر من رائع
بواسطة طالب عالمي (5.8ألف نقاط)  
هههههههه يعني اول ما يقابلوا بعض ع الصبح يقولوا سوادي كابيب يا سوادي عليهم هههههههه
ماشي موافقة اهو الاطفال احباب الله هههههه
تسلميلي انت علي المعلومات الجميلة دي هاضيف مرحبا للمنشور عجبتني هههههه
بواسطة طالب محترف (4.9ألف نقاط)  
ايوه حتى لم بيتذمرو يقولي اوي وايضا كون  ايوه سوادي كاب اللغة جدا ثقيلة وصراحه انا بسمع لغات شرق اسيا كتير بس التايلانديه بعد سنوووات طويله حبيتها كنت بكرهها حرفيا مزعجه ع الاذن ثقيله جدددددا مرهقه حرفيا بس لم تتعودي عليها هتحبيها
اي والله احباب الله وانا جاني نكوس هههههههههههه
بواسطة طالب عالمي (5.8ألف نقاط)  
ههههههههههههه
ربنا يوفقك فيها وفي كل اللغات ان شاء الله
بواسطة طالب محترف (4.9ألف نقاط)  
وياك يارب ربنا يكرمك
بواسطة طالب متحمس (1.2ألف نقاط)  
+3 تصويتات

جميل جدااا ي حبيبتي ابدعتي ... احلي رحله دي ولا اي استمري في انتظار باقي الرحلات الممتعه ⁦^_^⁩❤️

بواسطة طالب عالمي (5.8ألف نقاط)  
مين مينا عندنا...... يا مرحبا يا مرحبا هههههههه
صباح الفل يامنه ❤❤❤❤
مبسوطة انها عجبتك ياقمر ❤❤❤
بواسطة طالب محترف (5.0ألف نقاط)  
+2 تصويتات

The most important city in Thailand 

Bangkok - Phuket - Pattaya - Chiangmai - Koh Samui - Krabi - Huahin - Kanchanaburi 

Very nice trip 

Enjoy it   

 We meet on the next trip 

Good luck ❤️

بواسطة طالب عالمي (5.8ألف نقاط)  
Great job my dear friend
Thank you for your translation
I'll reserve the first chair for you
❤❤❤ Good bless you Ruba
بواسطة طالب محترف (5.0ألف نقاط)  
You're welcome my dear ❤️
oh so beautiful
الله يسعدك حبيبتي ❤️
بواسطة طالب متميز (1.5ألف نقاط)  
+2 تصويتات
أيييه الرحلة الحلوه دي عمرها ما تنتسى دا أنا كنت عايزه نطول شويه ⁦ಡ ͜ ʖ ಡ⁩

بس ياله بنعوضها في الرحلة الجايه إن شاء الله⁦(●♡∀♡)⁩
بواسطة طالب عالمي (5.8ألف نقاط)  
تسلميلي نهي ❤❤❤❤
مبسوطة قوووووي انها عجبتك ❤❤❤❤
ان شاء الله يا جميل وربنا يوفقك دايما ❤❤❤
بواسطة طالب متميز (1.6ألف نقاط)  
+2 تصويتات
يا سلاااااااااااام رحلة ممتعة اختي ميرفت

عجبتني بزاف الثقافة التايلاندية و ناسها و مدنها كلشي زوين بزاف

و لكن اختي ميرفت انا عندي عتاب لانك نا خديتيناش للجزيرة

هاد المرة ماشي مشكل و لكن المرة الجاية ما تنسايش عفاك

تحياتي لخفة دمك و شخصيتك المرحة
بواسطة طالب عالمي (5.8ألف نقاط)  
تسلميلي يا مريوم ❤❤❤❤❤❤
وانا عجباني لهجتك قوووووي
معلش مكانش معانا وقود كفاية يرجعنا ههههههههههه
تسلميلي ومبسوطة قووووي انها عجبتك ❤❤❤
ربنا يخليكي ليا وتشجعيني دايما يارب
دمت بخير وسعادة مريوم ❤❤❤❤
بواسطة طالب محترف (3.4ألف نقاط)  
+2 تصويتات

السلام عليكم ورحمة الله وبركاته .......

أنا ليش طايفني هذا الموضوع الجميل ....جماااااااااال الصور والكلام والسرد والكتابة رااائعة يا ميرفت 

بواسطة طالب عالمي (5.8ألف نقاط)  
سالخير يا احلي زوزو في الدنيا ❤❤❤
تسلميلي يا زوزو بس ده من شهر مايو شوفي بقي هاتعوضيني عن تأخير تعليقك لي بايه هههههه انا عايزة خمس شيكولاتات ونص ههههههههه
ربنا ما يحرمني منك يا زوزو ابداااااا❤❤❤❤
بواسطة طالب جديد (64 نقاط)  
+2 تصويتات

أسلوبك الساحر اللي بيخطفنا كدا و احنا بنقرأ بنعيش فعلا جوا الرحله  و لا دمك الخفيف اللي بيخلي الضحكه علي وشوشنا من اول حرف لآخر حرف 

جميل ي ميرفت جميل جدا  

كملي و بالتوفيق ليكي يا ريفو هههههه ريفو بقي اسمك عندي اسم اسبرين بس يلا دا دلعك و بسكداheart 

دمتي بخير و رعايه اللهheart

بواسطة طالب عالمي (5.8ألف نقاط)  
ياقلبي علي احلي كلام والله كلامك انت اللي خطف قلبي من جماله ❤❤❤ تسلميلي يا دودو وربنا ما يحرمني منك ابدا ابدا وتفضلي كده تشجعيني علي طووول يا قمر ويارب يكرمك ويوفقك دايما ويريح قلبك ويجبر بخاطرك ❤❤❤❤
علي فكرة انا فعلا كان اسمي ريفو من ايام ماكنت في الجامعة لحد النهاردة اصحابي المقربين بينادوني بيه وده اقرب دلع لقلبي عشان اصحابي بيقولولي انك عاملة زي المسكن وبتحبي تسمعينا وبنحب نفضفضلك يااااااه كانت ايام جميلة ❤❤❤❤❤❤
بواسطة طالب محترف (3.1ألف نقاط)  
+1 تصويت

قلبي الصغير لا يتحمل sadheart

عنجد ولا احلا من هيك رحلة مستحيل ننسيها❤️

بالتوفيق ميرو❤️

بواسطة طالب عالمي (5.8ألف نقاط)  
رجااااااااء حبيبتي ❤❤❤❤❤ تسلميلي يا قمر علي التشجيع والكلام الحلو ❤❤❤❤❤❤❤❤❤❤
ربنا يكرمك دايما ودمت بخير روجا ❤❤❤❤❤❤
بواسطة طالب عالمي (5.3ألف نقاط)  
+1 تصويت

مساء الخير ميرفت heart 

رحلة جميلة جداً , مرحناش فحتة الحمدلله هههههههه , معلومات جميلة جداً واول مرة اعرفها , جزاكِ الله خيراً يا ميرفت 

بس انا تهت في سوق بتايا دا ومحدش لاحظ عفكرا رجعت البيت لوحدي متعرفيش ازاي ههههه

أسلوبك بالكتابة حلو جداًً وممتع جداً !! , واكيد أنا من الموجودين في الرحلة القادمة :)heart

دمتِ بخير ياعثل 

بواسطة طالب عالمي (5.8ألف نقاط)  
مسا النور والسعادة علي السكر الزيادة ❤❤❤
تسلميلي يا مريوم ❤❤❤❤ واياكم ياجميل ❤
ههههههه اكيد انشغلتي بفاكهة التنين ونستينا يا هانم هههههه وتلاقيكي ضيعتي كل فلوس علي الطيارة الخاصة اللي رجعتك عشان تحرمي تتوهي بعد كده  ههههه
تسلميلي يا مريوم ودمت بكل خير وصحه وسعاده ❤❤❤
بواسطة طالب محترف (4.9ألف نقاط)  
+1 تصويت

شكل الرحله راحت علي....خساااره...

...

.

يعطيك العافيه ميرو. جميل جدا..

بواسطة طالب عالمي (5.8ألف نقاط)  
تسلميلي يا لوزة ❤❤❤ تتعوض المرة الجاية ههههههه
يارب تكون عجبتك وتحجزي معانا الرحلة الجاية
دمت بخير حبيبتي ❤❤❤
بواسطة طالب محترف (4.9ألف نقاط)  
نحجز نحجز كل شي منك جميل ⁦♥️⁩✨
بواسطة طالب محترف (3.9ألف نقاط)  
+1 تصويت
اعد يا جرير عايزين نروح الرحلة مع ميرڤت

ممكن يا مشرفة ميرڤت تودينا علي بوكيت علشان العب فيها شوية please

هههههههه
بواسطة طالب عالمي (5.8ألف نقاط)  
حوده معلش جرير مزهقك ماتزعلش المرة الجاية ابقى ارميه من الشباك هههههه
معلش محمود لسه شايفة رسالتك اعوضهالك فى رحلة النهاردة باذن الله
بواسطة طالب محترف (3.9ألف نقاط)  
عادي ميرڤت
هههههههههه
بواسطة طالب متحمس (1.4ألف نقاط)  
+1 تصويت
عجبتني رحلة ياحبيبتي  الله يحفظك واتمنى رحلة جاية تاخذينا للبرازيل انا بحبها كثير و والله يحفظك و تايلاند كثير جميلة
بواسطة طالب عالمي (5.8ألف نقاط)  
تسلميلى با قلبى على الكلام الحلو قووووى ده اسعدتينى ربنا يسعدك ويكرمك بكل الخير والفرح والسعادة
باعتذر بونيتو لسه شايفة رسالتك والرحلة النهاردة لرومااااااا
بواسطة طالب متحمس (1.4ألف نقاط)  
دقيقة  اجهز حالي و اجي معاكم  روما كمان حلوة
74 Online Users
6 Guest 68 Member
Today Visits : 25259
Yesterday Visits : 33880
Total Visits : 10295048

19.0ألف أسئلة

105ألف إجابة

120ألف تعليقات

24.2ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...