First time here? Checkout the FAQ!
x

الملاحظات

بدايه جديده موفقه بأذن الله (^‿^✿)

في تصنيف اسئله عامه
بواسطة طالب متحمس (1.4ألف نقاط)  
+15 تصويتات
1.4ألف مشاهدات

 السلام عليكم ورحمه الله وبركاته ❤️

بسم الله بدايه جديده بأذن الله ليا 。^‿^。

من بدايه طليق وانا بدأت معاه بس وقفت كتيييير وطلبت التشجيع اكتر من مرة هنا .. للاسف انا كلمة ايجابيه تطلعني سابع سما وكلمة سلبيه تنزلني سابع ارض من اول ما بدأت في زا امريكان انجلش اخدت كلام سلبي كتيير اهمها هستفيد اي واتعلم حاجة تفيدني افضل -طبخ مثلًا اووه بكرهوا جدااا O_o- واني طبعًا كبرت ع الكلام دا لدرجه اني وقفت فعلًا بعد مقاومه من نفسي كتيير دا من اكتر من سنتين خلالهم جربت حاجات كتيير ومكملتش في اي حاجة خوفًا طبعًا من الفشل ونظرتهم ليا وقتها ولما عرفت بـ طليق اتحمست له كتيير وكنت منتظراه بفارغ الصبر بس للاسف رجع تاني الكلام وخلاني كل ما اقاوم واقف ارجع اقع تاني اسوء من الاول وصراحة بحس اني اصلًا اتعودت ع الكسل والراحة اكتر وبقيت اصدق كلامهم واسأل نفسي السؤال المعتاد هستفاد اي كنت استفدت من شهادتي المركونه بقالها سنين افضل بس بجد تعبت من نفسي من وقت ما اتخرجت وانا مبعملش اي حاجة مفيده حياتي عبارة عن سوشيل ميديا مسلسلات نوووووم كأني ميته مفيش اي جديد واللغات دي الوحيده اللي تقدر ترجعني اتنفس مرة تانيه وتحسسني اني لسه عايشه اي نعم راسي من كتر الركنه تربت جامد ومحتاجة تنفيضه كويسه بس مش مشكله كفايه محاولاتي الدايمه واكيد في مرة هثبت ومفيش حاجة هترجعني تاني بأذن الله (^_^)

جبت كشاكيل جديده اهو ربنا يطرح في وشها البركة بقي ومتتركنش زي اخوتها ツ

طبعًا كل الكلام اللي ملوش لازمة دا انا بقوله علشان اشجع بيه نفسي ويبقي الزام ليا علشان مرجعش اختفي تاني كـ عادتي وازهق وامل من تاني اسبوع حماس دعواتكم بقي ツ♡ 

وبالتوفيق لينا اجمعين ومعلش طولت جدًااااا عليكم ♥

من فضلك سجل دخولك أو قم بتسجيل حساب للإجابة على هذا السؤال

11 إجابة

بواسطة طالب عالمي (7.6ألف نقاط)  
+5 تصويتات
انا هسمعك الكلام من عيوني

هتستفيدي ايه لم توقفي هترجعي لخط البداية مافكرتي تطلعي من خط البداية الى متى وانتي ثابته فيه ؟

ثانيا ع كلام الناس ماعليش ماتخلي شخصيتك ضعيفه كلهم ينتظرو فشلك ليش تعطيهم مبتغاهم ؟ ليش ماتخلي كلامهم السلبي مصدر قوة لك انك تثبتي لنفسك قبل الناس انك قادره تعملي المستحيل

ولا تاخذي قعدتك بالبيت شي سلبي لا بالعكس الحمدلله ماعندك شي تقدري تدرسي وتتابعي وتسمعي اللغة وتتعلميها بوقت قصير بأذن الله

وترى خوذيها مني كلنا بنعاني بس ماستسلمنا للضروف ولا لكلام الناس الفاشلة  اللي بتكلمك عانت من كلام مالوش داعي انتي كيف بتتعلمي صيني وهما شاذين مالقيتي الا اللي عيونهم مشخوطه تتعلمي لغتهم الله يفشلك وفرحانه وانتي تقولين انا احب اللغه الصينيه وابي اتعلمها الناس تتعلم فرنسي او اسباني مش صيني وطبعا بيقولو كلمات يعتبرو انفسهم بينطقو صيني من ضمنها شنق بنق وكلمات غريبه وبعضهم شتموني ورغم كل هذا حولت كلامهم السلبي لمصدر قوة لي راح اثبت اني اقدر ويكفي انهم الان متفشلين الصينيه اللغة المستقبليه وتم فرض تدريسها بـ عدت دول والناس السلبيه دي طلعتهم من حياتي اللي مابيحترم قراراتي مع السلامه هذي حياتي ماحد له دخل فيني ومحد راح يصرف علي وانا اتعلم ولا احد منهم له فضل علي او راح يتعلم عني فخلاص الجميع يسكت قرارك بيدك يامنه ومحد راح يعطيك عمر ثاني لم تكبرين بالعمر وتلتفتين للماضي راح تجيك صفعه ع وجهك من الماضي بتخليك تقولين انا عملت ايه ليه ضيعت سنوات من عمري وانا بحاول وكل محاولاتي فاشله وياليت فيه سبب عشان كلام الناس بس تكبري بالعمر راح تعرفي انه كلام الناس مش بيقدم ولا بيأخر راح تعرفي انه ماضيعك غير كلام الناس فكري بنفسك يابنتي

وعلى سؤالك راح تفيدني بأيه فكريا راح تطور من فكرك جدا راح تعرفك ع حضارات عريقه راح تقدري تبحثي عن المصادر بكل سهوله لانه المصادر العربيه من ناحية الحضارات قليله  راح تتواصلي مع سكان البلد توريهم احترامك وخلقك وقيمك لربما ع يدك احد يسلم

(وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ )

واهم حاجه لمستقبلك ماتعرفي لربما تكون لك اللغات مصدر رزقك وتشتغلي مترجمه الحلم مش بعيد والله اهم شروط الترجمه انك تعرفي تتكلمي مثل سكان البلد الاصليين مش دائما بينظرو للشهاده بعرف وحده من عايلتي مامعها غير شهادة ثانوي فقط مادخلت جامعه ولا شي درست اللغه الانجليزيه بمعهد وغير كده كانت افلام ومسلسلات حسنت النطق عندها بسرعه صارت كانها من السكان الاصليين تعرفي وينها الان مترجمه بالسفارة البريطانيه يعني الحلم مش مستحيل راح تقدري لاتستلمي وتقولي هتفيدني بأيه ماتعرفي وش المكتوب لك حبك وشغفك للغه اهم يامنه هذي نصيحه وحطيها حلق بأذنك ولاتنسيها طول عمرك انتي مش محتاجه كلام حد انتي محتاجه ثقتك بنفسك اولا ثم الحب والشغف في اللغه فقط وبعدها راح تعرفي اهميه نفسك
بواسطة طالب متحمس (1.4ألف نقاط)  
مرام بجد مش عارفه اقولك اي بجد تسلمي ي حبيبتي وعندك حق في كل الكلام اللي قولتيه وهحاول بقدر المستطاع اهتم اكتر بالدراسه مش بكلام حد .. الصيني اطبق عندنا في مصر من اولي اعدادي واعتقد دا اكبر دليل للكل اني مخترتش غلط ولعل وعسي حتي لو مستفدتش بيهم يمكن اقدر افيد غيري او اقدر افيد اولادي في المستقبل مفيش حاجة في الدنيا مفيهاش فايدة... شكرًا بجد ي حبيبتي ... دمتي بخير وبالتوفيق ❤️❤️❤️
بواسطة طالب محترف (2.9ألف نقاط)  
مرااام ... كيفك عزيزتي ان شاء الله بخير ...
مرام صدقتي بكل كلمه قلتيها ... انا بعد بعاني كتير من موضوع الاحباط والكلام السلبي ... بس حرفيا كلامك غير كتيرر والله ما بتخيلي قد ايه فرق معي ... ترا والله انتي من الناس اللي مهما حكتت وكتبت مليون كلمه قرأ كلامك الين اخر حرف لاني ما قرأتلك منشور او تعليق الا وطلعت من غير قبل لا ادخل حرفيا ... الله يعطيكي العافيه و يخليكي لأهلك عنجد انتي كنز هون بالموقع ❤️
بواسطة طالب عالمي (7.6ألف نقاط)  
راح تفيدي وتستفيدي انا متأكده حبي نفسك يامنه وماعليك من حد خلي اللي يتكلم يتكلم واذا ماكفاه الكلام يصقعو روسهم بالحيطان فلا توقفي نفسك عشان شوية اشخاص فاشله صدقيني الناجح مابيتكلم لانه عاش الصعوبات وشاف النجاح بعينه اما الفاشل اللي ماتقدم خطوة ده هو اللي بيبحث عن الناس بتعمل ايه لانه حياته فاضيه فلا تنظري لأحد
بواسطة طالب عالمي (7.6ألف نقاط)  
اهلين جنو
لاتخلي احد يوقفك صدقيني محد راح يتعب غيرك ده مستقبلك وهذي حياتك نصيحه لاتوقفيها عشان احد
ياحبيبة قلبي ربي يسعدك ع هذا الكلام الطيب
وانتي كذلك كنز للموقع وماتفكري ابدا تروحي مننا احنا عايلتك الثانيه ربي يحفظك ويديمك لنا
بواسطة طالب متحمس (1.4ألف نقاط)  
في مثل عندنا بيقول الفاضي يعمل قاضي عندك حق بجد في كل حاجة بتقوليها مفروض احاول بقدر المستطاع مشغلش نفسي في الكلام دا بس انا مشكلتي اني حساسه اوڤر اقل حاجة بتأثر فيا وبفضل افكر فيها كتيير واكتئب وكدا وهما اصلًا مبيفكروش فيا الغلط عندي انا اللي مفروض اتغير كفايه عليا لحد كدا انا اصلًا بقيت معتزله كل الناس الحمدلله .... تسلمي بجد ي مارو ع كلامك الجميل اللي زيك ي حبيبتي ❤️❤️❤️
بواسطة طالب عالمي (7.6ألف نقاط)  
وليه تعتزلي وتحرمي نفسك اللي مش عاوزلك الخير اتركيه ببساطه كده ماتشيليش هم ولا تحزني ولا ع بالك دائما خلي نفسك الاهم طلباتك وحياتك هي اهم حاجه
بواسطة طالب متحمس (1.4ألف نقاط)  
حاضر ي حبيبتي بأذن الله ❤️❤️❤️
بواسطة طالب محترف (4.6ألف نقاط)  
سلمت يداك عزيزتي مرام على كل حرف كتبتيه
و مهما طال كلامك لن أمل ابدا من قراءته...
حفظك الله و رعاك و رضي عنك... و كتب لك النجاح والتوفيق دائمآ... جزاك الله خيرا على النصيحة
دمت في أمان الله و رعايته ❤
بواسطة طالب متحمس (1.4ألف نقاط)  
عُدل بواسطة
+3 تصويتات
فين الصورة طيب هعيط بجد بقالي ساعه بحاول احطها ومظهرتش برضو مفيش فايدة

صراحة مكنتش متوقعه ان حد هيقرأ كل الكلام دا ويرد عليا بجد تسلمواااا ع كلامكم وتشجيعكم الجميل ليا ديمًا... دمتم بخير وبالتوفيق ليكم ❤️❤️
بواسطة طالب اسطوري (11.6ألف نقاط)  
https://bit.ly/3vdvi9X
ده شرح كيفية وضع صورة في السؤال او الاجابة
ولو ما ظبط معاك ابعتيلي الصورة وانا هحطهالك
بواسطة طالب متحمس (1.4ألف نقاط)  
مظبطتش حاولت كتييير ومفيش فايده للاسف ماعلينا مش مهم دي صورة كشاكيلي الجديده سمعت بنصيحتك واشترتهم النهارده ❤️
بواسطة طالب اسطوري (11.6ألف نقاط)  
ابعتيلي الصوره وانا هضعهالك .. ولو اتبعتي كل الخطوات اللي في الشرح هتظهر معك .
بواسطة طالب متحمس (1.4ألف نقاط)  
الحمدلله ظهرت اخيرًا ❤️
بواسطة طالب اسطوري (11.6ألف نقاط)  
+3 تصويتات

يسعد مساك :

كل الكلام ده كلام محفز وتشجيع لك ولغيرك . وبما انك اخذتي تلك الخطوه 

علي الرغم من الأقوال المحبطة التي تدور حولك فتأكدي أنك بأذن الله 

ستنجحي . نصيحة مني لا تعطي أذنيك لأحد والا احنا ما كنا تعلمنا لغات 

اذا لم تكن لها فائدة . يكفي انك ان شاء الله ستتحدثين بها وسيروا ذلك 

وستكوني انتصرتي .. 

مبارك عليك كشاكيلك وان شاء الله بداية موفقة وجميلة ونحن هنا معك 

بالتوفيق حبيبتي ...

بواسطة طالب متحمس (1.4ألف نقاط)  
حاضر بأذن الله دا اللي بحاول اعملوا بقدر المستطاع... الله يبارك فيكِ تسلميلي ❤️❤️
بواسطة طالب عالمي (6.1ألف نقاط)  
+3 تصويتات
١٠٠ مرة قلتلكم اكتبو قصير هههههه بس معلش

ماراح اشجعك راح انصحك (انت هداك الله لشيء لسبب واذا سعيتي باسبابه نجحتي الناس بتقيس الناس من منضورها مو من منضورك واخوك مثال

عندي ٦ اخوة ولا واحد يدرس لغة بس انا تخرجت من الاعدادي تعرفي شو قالو

الكبير هاد الله يحفضه يشجعني بالتثبيط انت ما تنجح انت ما بتصير  قلي روح حاسوب كثير حلو

الاصغر منو  قلي روح ميكانيك وهيك كل واحد بالي يحبه

وانا بحب الطب ومارحت لاني سمعت ملامهن واضطريت ااجل لاني شفت اني لازم اروح بالي اريده

الخلاصة انت مخيرة ولكن الله يهيء لك طريق خاص
بواسطة طالب متحمس (1.4ألف نقاط)  
معلش بقي خليها عليك المرة دي (^_^)
اووك تمام فهمت قصدك .. بالتوفيق ليك وتدخل الكليه اللي بتتمنها..
بواسطة طالب عالمي (6.1ألف نقاط)  
+3 تصويتات
نصيحة ثانية هاي الكشاكيل نسميها احنا دفاتر صغيرة جيبيلك اكبر ههههههه

بس الصراحة اقلامك حلوة كثير
بواسطة طالب متحمس (1.4ألف نقاط)  
هي مش صغيرة اووي بس انا اللي مش جبتها كبيرة اوفر قصدًا علشان ديمًا بجبهم ومبكملش يمكن دول اللي يبقي فيهم البركة بأذن الله .. شكرًا بالتوفيق (^_^)
بواسطة طالب اسطوري (11.6ألف نقاط)  
ان شاء الله حبيبتي هيكون فيهم البركة وهتفرحي وتفرحينا معاك .
بواسطة طالب عالمي (6.1ألف نقاط)  
البركة مش في الكشكول البركة فيكي انت انا بستغرب انا ما اقدر ارمي كشكولي نهائيا عزيز علي
تخيلي كان عندي قلم رصاص من النوع الذي يعبئ برصاص 0.7 ملم ضليت اكتب فيه 4 سنين لين وصلت اخر مرحلة اعدادي  ليس بخلا ههههههه لكن مسكته جميلة
الان اقلام الجاف اشهر وينتهي الحبر والى القمامة بس لازم يكون هدفك عزيز
بواسطة طالب متحمس (1.4ألف نقاط)  
تسلميلي بجد ي حبيبتي ❤️
بواسطة طالب متحمس (1.4ألف نقاط)  
انا كمان بعتز بحاجتي اووي ... بالتوفيق لك
بواسطة طالب عالمي (6.4ألف نقاط)  
+3 تصويتات

اولا : يامنه انا انبهرت بطريقة كتابتك جداااا واسلوبك ومفرداتك وده عكس اللي قولتيه تماما بمعني ان دي مش دماغ اتربت من الركنة

بالعكس دي دماغ الماظات ( افيه مصري ) .

ثانيا : انت اللي بتشجعينا انا عجبتني تعليقاتك جدا علي منشوراتي في الفترة الاخيرة وكمان علي منشوارت زملائنا ودعتلك كتير عشان انت فعلا مشجعة لينا جداااااا

ثالثا بقي صحيح كلنا بنحتاج اللي يشعجنا بس لو مافيش حد حوالينا نشجع نفسنا عشان مش لازم نقف ولا نرجع لورا ولا نسمع كلام اعداء النجاح انا مثلا خلصت تعليمي وباشتغل وكل فترة اروح اخد كورسات وكان عندي رهبة من AUC واجبرت نفسي وقررت اشوف بنفسي ودخلت اخدت كورسات ولاقيتهم ناس عادية مش واوو ولا في البعبع اللي كنت خايفة منه.

المختصر عشان انا طولت بالقوي شجعي نفسك بنفسك ما تستنيش حد لا يشجعك ولا يرجعك ورا لاننا نستاهل ندوق طعم النجاح

بواسطة طالب متحمس (1.4ألف نقاط)  
حبيبتي ربنا يجبر بخاطرك انا اصلًا مبعرفش اكتب ومعرفش كتبت كل دا ازاي مش متعوده احكي كتير عن حياتي بس كنت محتاجة الزم نفسي اكتر بالطريقة دي وبجد مكنتش متوقعه ان حد عنده طاقه انه يقرأ كل الكلام دا وفعلًا تشجيعكم وكلامكم ليا هفضل محتفظه بيه ديمًا كل ما احس بضعف وكسل هقرأوا بسرعه علشان اقدر اكمل الطريق  (^_^)
بجد ي حبيبتي تسلميلي انا معملتش اي حاجة بحب جدااا اللي يدعيلي خلاص انتي اخدتِ قلبي ربنا يخليكِ ليا ❤️
صراحة انا فرحانه جدااا اني لقيت حد متخرج زيي ربنا يوفقك ي حبيبتي الحاجة فعلًا من بعيد بتبقي مرعبه جدااا ومع الوقت كل ما تقرب بتكتشفي انك كنتِ مهوله الموضوع ومدايه اكبر من حجمه الطبيعي دا اللي انا بحاول اعمل مؤخرا اكسر حاجز الخوف من اي جديد ومن الفشل اللي مبوظين فعلًا حياتي ...
اي الكلام دا كله انا اللي طولت وكتبت كتيير مش انتِ خالص الجمله بجد محتاجة تتبروز احنا فعلًا نستاهل ندوق طعم النجاح ربنا يوفقنا... دمتِ بخير ي جميلة وشكرًا ليكِ بجد ❤️❤️
بواسطة طالب عالمي (6.4ألف نقاط)  
يا سيتي لو علي الدعوات احنا كلنا هنا بندعي لبعض وشوفي بوست الحرم بتاع جرير وانت تتاكدي اننا عيلتك الثانية واللي هاتقف معاكي ضد اعداء النجاح بس بشرط نشوفك مستمرة معانا وعايزة تكملي المشوار وصدقيني إنوي وربنا هو اللي هايساعدك
وبعدين عايزة اقولك انا عاجبني الكشكول الفوشيا في بينك جدااااا ده لوحدة هايشجعك تذاكري لبكرة الصبح ههههههه
يالا توكلي وانطلقي مستنية سلسلة تراجعي معانا بيها هنا اختاري موضوعاتها براحتك ماااشي.
بواسطة طالب متحمس (1.4ألف نقاط)  
بأذن الله ي قلبي... الحمدلله نويت وبدأت ربنا يثبتني ... بجد اتفضليه اخويا جابلي مجموعه كشاكيل عجيبة (^_^)
بالتوفيق ي حبيبتي ودمتِ بخير وسعاده يااارب وبجد تسلميلي ❤️❤️
بواسطة طالب عالمي (6.4ألف نقاط)  
العفو يا بطوط ❤❤❤
ربنا يوفقك ويثبتك ويكرمك بكل الخير والفرح والسعادة دايما يااارب وييسر لك امرك ويحققلك كل اللي تتمنيه
بواسطة طالب عالمي (7.2ألف نقاط)  
+3 تصويتات

السلام عليكم ورحمة الله وبركاته 

اياكي ثم اياكي ان تستلمي، أنا هكذا لم أجد تشجيع وسمعت كلام عباره عن حديقه من الزهور السامه، وحين بفضل الله تعالى اثبتت نفسي أصبحوا يتصلون علي كيف حالك وماذا تدرسين الآن وما هي خطوتك المستقبليه بعدما كانوا يسخرون مني حين انطق فقط انطق كلمه مستقبل لكن هيهات استسلم بإذن الله تعالى أسعى والتوفيق من رب العالمين، اما بالنسبة للكلام السلبي فهم يتفننون بالاقوال بصراحه لا أعرف من أين يأتون بها، سمعتهم حين قالوا لي انني مغرورة لأنني اتكلم العربيه ولكنها هي كذلك اللغه العربيه بلساني انا اتكلم بها و اتكلم اللهجه العاميه ،العلم والتعلم يرفع من قدر الإنسان وتتغير شخصيته واسلوبه في الحوار كلما تثقف الإنسان اكثر كلما انعكس هذا الشيئ على شخصيته ومصطلحاته ، وأنا لستُ على استعداد أبداً ان اخسر كل ما تعبت لأجله وسهرت وانا اتعلم من أجل احد نكره لا يحترمني ولا يحترم تفكيري ويسخر مني، الأيام بيننا هي الفاصل الوحيد والحمدلله الباب مفتوح فليخرجوا لا أوقف أحداً منهم أبداً، لكن من واقع يتمنون جميعهم ان يصبحوا مثلك أكملي الموضوع يحتاج وقت وصبر والصبر صعب ومر جداً جداً لكن تذكري (ان الله لا يضيع أجر المحسنين) 

وشكراً. 

بواسطة طالب متحمس (1.4ألف نقاط)  
ماشاء الله عليكِ ي حبيبتي براڤو عليكِ في مثل بيقولك ان الشجرة المثمرة دائما ترمي بالحجارة.... استمري عزيزتي ومتلتفتيش لكلام احد ... وتسلمي ع كلامك الجميل .. بالتوفيق ودمتِ بخير ❤️❤️
بواسطة طالب محترف (3.4ألف نقاط)  
+2 تصويتات
اتمنالك الشغف والحب والسعاده في الاشياء الي هتدرسيها وتلتزمي بيها وما تتركيها ابدا الا وانتي بتتحدثيها بطلاقه ...نصيحتي ملكيش دعوه بالناس لان كلمهم ولا هيفيد ولا هيضر وسواء نجحتي فشلتي انتي الي هتشيلي النتيجه

اتمنالك الجديه والالتزام
بواسطة طالب متحمس (1.4ألف نقاط)  
حاضر بأذن الله تسلم.... بالتوفيق ツ
بواسطة طالب محترف (4.1ألف نقاط)  
+2 تصويتات

منه قد اي فرحانه ببدايتك دي ومبارك عليكي الكشكول الجديد (❁´◡`❁)

باذن الله يا منه هتتوفقي 

منه عايزه اقولك حاجه.... انا فالبدايه لما كونت بدات اتعلم لغات لقيت كتيير جداا محبطين ليا وقالولي احنا خلاص سنه وداخلين علي ثانويه عامه يعني هتوقفي هتوقفي شوفي مذاكرتك الاول وخلصيها وبعدين اتعلمي لغات براحتك.... وفي منهم لما عرف اني هبدا فالصيني اتقلي هتتعلمي صيني لي ده مش هيفيدك بحاجه وغيره وغيره وغيره 

بس انا اتخطيت كلامهم جميعااا وفاابدايه بدات مع نفسي وخليت كلامهم ده حافز لياا لاني لما هوصل للي عيزاه هيفتكروا كلمهم وهيفتكروا انا كنت اي ايام مكنت بتعلم انجليزي بس وعشان انجح فيه فالامتحان وحالياا الحمد لله لما غيرت فكرتي مستواياا اتحسن اكتر واكتر وباذن الله هبقي اي لما اتقن اللغات الي بحبها 

حتي افتكري كلاام مستر ابراهيم لما قال الناس هتلاقيها فالبدايه بتحبطك وبتقولك مش هتوثل ولما توصول هيجوا بقولوا انا كنت عارف انه قدها وغيره وغير 

نصيحه شيلي كلام الناس من دماغك او خوديه كحافز والافضل من ده كله متقوليش لحد انك عايزه تعملي الحاجه دي غير لما تتقدمي فيها او تخلصيها وريهم النتيجه 

يارب مكنش طولت عليكي 

بواسطة طالب متحمس (1.4ألف نقاط)  
الله يبارك فيكِ ي بيرو ❤️❤️
بجد براڤو عليكِ انك مكمله ومسمعتيش لحد هحاول بقدر المستطاع اعمل زيك ومش هقول لحد الحقيقه انا كنت بقول علشان يشجعوني بس بتصدم من رد الفعل وشايفين حاجات تانيه اهم انا اصلًا مش مهتميه بيها نهائي كفايه عليا ماما اكتر واحدة بتفرح لما بتلاقيني بذاكر تاني وتيته كمان صحيح مش لازم لامه كبيرة كدابه ع الفاضي ... لا مطولتيش خالص ولو اكتر من كدا بكتيير كنت هقرأوا بدون ملل كلام جميل ومشجع جدااا... بالتوفيق ي حبيبتي ❤️❤️
بواسطة طالب محترف (4.1ألف نقاط)  
متقوليش لحد من المحبطين قولي للي واقفين جمبك وبيشجعوكي..... والمحبطين دول بعد ما تتقني اللغه اعمليهالهم مفجاه عشان ميكون في مجال انهم يحبطوكي باي حاجه
باذن الله موفقه وانا هشجعك باذن الله يا منمون
تسلميلي ياارب يا حبيبتي ❤❤
وباذن الله نتقن اللغات الي حبينها
بواسطة طالب عالمي (6.0ألف نقاط)  
حلوه الصوره دى اووى يا عبير هههههههه
بواسطة طالب محترف (4.1ألف نقاط)  
جبيبة قلبي اكيد مش احسن منك ههه ❤❤❤
تسلمي ياارب
بواسطة طالب متحمس (1.4ألف نقاط)  
حاضر ي حبيبتي بأذن الله... ربنا يوفقك وتحققي كل احلامك ❤️
بواسطة طالب عالمي (8.9ألف نقاط)  
+2 تصويتات

طريق المجد يحتاج إلى جهد 

و كوني مع

قليل متميزين خير من كثيرا فاشلين

بواسطة طالب متحمس (1.4ألف نقاط)  
حاضر بأذن الله ... بالتوفيقツ
بواسطة طالب محترف (4.6ألف نقاط)  
+2 تصويتات

السلام عليكم...

أهلا أختي منه... أولا ألف مبروك الدفاتر الجديدة و بإذن الله بداية موفقة...

لن أعيد صياغة ما قاله أصدقائي فقد أحسنوا تأدية النصيحة ... فشكرا لهم على كلامهم الطيب...

و عزيزتي منه أدعوا الله أن يرزقك الجدية والالتزام في التعلم هذه المرة و إن شاء الله قريبا تعودين لنا بأخبار مفرحة... 

و هل تعرفين أن هذا المنشور سيكون مفيدا لك... فأنت بكلامك هذا تلزمين نفسك أمام غيرك و لن ترغبي أبدا  بأن تظهري بأقل مما تستحقين... لذا متى ما شعرتي بإحباط اقرأي كلام الأصدقاء و نصائحهم... و لا تيأسي ابدا من المحاولة... و تذكري أن هدفك لن يتحقق في يوم و ليلة و إنما خطوة بخطوة... فلا يحبطنك ذلك و استمتعي بالتعلم و ضعي كلام الناس خلف ظهرك... و بإذن الله يكون النجاح من نصيبك... و متى ما احتجتي تشجيعا لا تترددي فهنا الجميع سيقدم لك الدعم و التشجيع دائمآ...

موفقة في رحلتك و أتمنى لك نجاحا باهرا 

دمت بخير و سعادة حبيبتي منه ❤❤

بواسطة طالب اسطوري (11.6ألف نقاط)  
سلمت اناملك عزيزتي
بواسطة طالب محترف (4.6ألف نقاط)  
الله يحفظك من كل شر و مكروه
في أمان الله ❤
بواسطة طالب متحمس (1.4ألف نقاط)  
الله يبارك فيكِ ي روحي (^_^)
دا اللي ناويه عليه بأذن الله ي حبيبتي ... تسلميلي بجد وشكرًا ع كلامك الجميل ربنا يوفقنا اجمعين بأذن الله ❤️❤️
بواسطة طالب محترف (4.6ألف نقاط)  
موفقة حبيبتي منه
و إن شاء الله تفرحينا بنجاحك قريبا
في رعاية الله ❤❤
بواسطة طالب متحمس (1.4ألف نقاط)  
بأذن الله ي جميلة... دمتِ بخير ي حبيبتي وبالتوفيق ليكِ ان شاء الله ❤️❤️
68 Online Users
0 Guest 68 Member
Today Visits : 21813
Yesterday Visits : 43987
Total Visits : 42509074

25.3ألف أسئلة

124ألف إجابة

154ألف تعليقات

29.4ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...