First time here? Checkout the FAQ!
x

الملاحظات

التطبيق شغال من غير مشاكل | No problems

في تصنيف تطبيق طليق
بواسطة طالب محترف (2.8ألف نقاط)  
+19 تصويتات
445 مشاهدات

كل عام وانتم بخير وعيد سعيد عليكم باذن الله

وعدتكو ان التطبيق اول ما يشتغل كويس هعرفكوا ودلوقتي التطبيق شغال كويس

التطبيق بقاله اسبوع تقريبا شغال كويس ومن غير مشاكل طبعا مفيش كلام رسمي بيقول ان السيرفر اتحدث او المشاكل اتحلت لكن انا سألت بعض الاصدقاء ولقيت التطبيق كمان شغال معاهم كويس جدا

حبيت اعرف الناس اللي لسا مفتحتش ولسا منزلتوش ولسا مجربتوش انهم يفتحوا ويجربوا دلوقتي بس قبل ما تجربوا هقلكوا على الطريقه اللي سجلت بيها وحلول لبعض المشاكل

انا سجلت من التطبيق نفسه مش جوجل ولا فيس بوك ولا حتى دخلت كضيف لا انا اول ما فتح معايا التطبيق دخلت على التسجيل وسجلت وبعدها فتح معايا بدون اي مشاكل بعد كدا روحت فعلت الايميل ومكنش في اي مشاكل

ملحوظه انا التليفون بتاعي اندرويد 6.0.1 سامسونج وجربتوا على اكثر من تيليفون وشغال برده بدون اي مشاكل

انا لما استخدمت التسجيل بجوجل وفيس بوك كان فيهم مشاكل وقت تجريب النسخه الاولى والثانيه في المجموعه السريه معرفش اذا كانت اتحلت ولا لاء ممكن تجربوا

المهم المشاكل اللي زي الجمله الصحيحه غير مقبوله او بختار الاجابه الصح ويقولي غلط او بتبقى اجابه واحده ومفيش غيرها وبرده مش شايفها صح كل المشاكل اللي من النوعيه دي ليها تبليغ خاص من داخل التطبيق روحوا عند السؤال اللي في المشكله وهتلاقي تحت شريط باللون الاحمر اضغط عليه واختار اول اختيار في القائمه اذا كان المشكله متعلقه بالسؤال اللي انتا واقف عنده ولو عندك مشاكل تانيه اختار تاني اختيار واكتب المشكله باختصار في اختيار ثالث بس مش فاكر كان فيه اي انا هعدل المنشور بالشرح مع الصور

اما اللي عندو مشكله مع التطبيق نفسه دي حلها تبليغ بس اتاكد ان المشكله في التطبيق مش التليفون 

اتأكدوا من مساحه التخزين لانها بتأثر على ظهور المحتوى وطبعا الرامات والبروسييور لو مش متوسطين ممكن ميشغلوش التطبيق حتى لو الاصدار متوافق 

رابط لوضع المشكله للتبليغ عنها 

اضغط هنا

رابط لايجاد حل اولي للمشكله حتى يتم حلها من قبل المبرمجين لو ملقتش مشكلتكوا هناك دور على الاجابات ولو لسا مش موجوده اكتبوها وانا هتابع معاكوا

اضغط هنا

من فضلك سجل دخولك أو قم بتسجيل حساب للإجابة على هذا السؤال

11 إجابة

بواسطة طالب عالمي (8.2ألف نقاط)  
+4 تصويتات
يا ربي لك الحمد... الحمد الله واخيرااا إن شاء الله الله يوفق جميع الي يدرسون ويبارك لجميع العاملين في هذا المشروع
بواسطة طالب محترف (4.6ألف نقاط)  
+3 تصويتات

شكرا جزيلا لك أخي يوسف

الحمد لله بالفعل عندما جربت التطبيق من كم يوم اشتغل معي بدون أية مشاكل و بكل سرعة و سلاسة...

جزاكم الله خيرا و جعله في ميزان حسناتكم... و شكرا جزيلا للأستاذ و فريق العمل...

بالتوفيق للجميع smiley

بواسطة طالب متحمس (684 نقاط)  
+3 تصويتات
فعلا الحمد لله بقالو اسبوعين شغال معايا كويس ما شاء الله
بواسطة طالب عالمي (7.1ألف نقاط)  
+2 تصويتات
معك حق... كلامك صحيح100%...

ربي يجزاه كل خير الاستاذ وفريق العمل....

ويبارك فيهم....

ويقدرنا ع رد الجميل....

وهيك انتهت ولله الحمد ..قصه التطبيق مش شغال...أو عندي مشكله في التطبيق...
بواسطة طالب عالمي (6.4ألف نقاط)  
+2 تصويتات
شكرا جزيلا يوسف

انا معنديش مساحة تخزين والموبايل بيصوت والحمد لله التطبيق شغال كويس بس ارخم حاجة التحديد بدرسين فقط يوميا

دمت بخير وبالتوفيق ان شاء الله
بواسطة طالب محترف (2.8ألف نقاط)  
لو فكرتي فيها بتركيز هتلاقيها احسن حاجه
التقييد بدرسين ده مدروس يعني الاستاذ دارس المحتوى وعقليه الطالب وتقريبا كلنا هنحصل على نفس النتيجه لو ذاكرنا بمقدار درسين يعني كده نعرف نراجع ونثبت المعلومه ونفتكرها وكمان نواظب عليها عشان اللغات دي مهاره اكثر من انها هدف يعني تحتاج استمراريه
الخلاصه
الاستاذ يعتبر عاملكوا جدول وحدد فيه عدد الحلقات الجديده وسابلكوا انتو تحددوا الميعاد ولكن هيبقى كل 24 ساعه
فكري فيها تاني وطلعي المزايا قبل العيوب
بواسطة طالب متميز (1.7ألف نقاط)  
+2 تصويتات

كل عام وأنا بألف خير وعيد سعيد عليك

في الحقيقة التطبيق لهلا مش راضي يشتغل في التاب بيجيب شاشه سوداء لثواني بعدين يغلق لكن في الجوالات بيفتح وبكل سلاسه

في البداية أعتقدت أن المشكلة في التاب فعملت إعادة تعيين لكن مفيش فايده نفس المشكلهcrying

بواسطة طالب محترف (2.8ألف نقاط)  
ماشي
روحي بلغي بنوع التاب
ولكن اتأكدي ان الرامات والبروسيسور يستحملو التطبيق
بواسطة طالب عالمي (8.9ألف نقاط)  
+2 تصويتات

احلى بشرى

يا يوسف 

          صراحة حتى الآن مانزلت التطبيق 

بواسطة طالب محترف (2.8ألف نقاط)  
طب استعد ونزله وان شاء الله هتلاقيه شغال زي الفل
بواسطة طالب محترف (3.7ألف نقاط)  
+2 تصويتات

جزاكم الله كل خير على كل ماتقدمه لنا❤️

بواسطة طالب عالمي (6.6ألف نقاط)  
+2 تصويتات
الحمد لله التطبيق صار احسن

جزاك الله خيرا اخي

وانت بألف خير وصحة وسعادة

بالتوفيق للجميع
بواسطة طالب عالمي (7.3ألف نقاط)  
+2 تصويتات
بارك الله فيك أخي يوسف وجزاك كل خير

والحمد لله التطبيق شغال معاي لحد دلوقتي وما فيش مشاكل

والتوفيق للجميع
بواسطة طالب اسطوري (11.7ألف نقاط)  
+1 تصويت

السلام عليكم 

عيدكم مبارك أخي يوسف 

كل عام و أنتم بألف خير 

أعاده الله علينا و عليكم باليمن و البركات 

دخلت لأهنئك بمناسبة العيد فوجدت خبرا رائعا عن التطبيق 

جزاكم الله خيرا 

بالتوفيق للجميع smiley

125 Online Users
0 Guest 125 Member
Today Visits : 30445
Yesterday Visits : 56116
Total Visits : 44200601

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...