أهلااا لوزايه شوفي يا قمر فااهمة عليج وحاسه بالشعور الي تحسينه
وبالعكس ما اشوفه الموضوع بسيط ولكن شوفي باختصار راح أقولج على موقف قد يكون مشابه
في نهاية أحد السنوات حسيت نفسي مضغووووووووووطة جدا جدا جدا لدرجة كبيرة وكنت تعبانة من كلشي لدرجة ما عرفت شنو أبي بهذه الدنيا ولا كنت أشوف نفسي منجزة سسويت شغلتين الأولى تخليت عن كلشي أسويه التعلم الذاتي واي ثاني كنت أسويه اي شي حتى لو أحبه بس يضغط علي تركته واحتفظت بشغلة أو اثنين فقط لأنه تعبت عليهم تعب مو طبيعي عشانهم وسهرت وما نمت وقصرت بشغلات ثانية بس عشانهم المهم
ومر عام على هالموضوع ولما خلصت السنة وانتبهت انه مر عام على هذا القرار اجاني حزن مو طبيعي انه مرت سنة والأيام وما حسيت فيها شنو سويت وشنو انجزت وشنو اشتغلت وضليت اتذكر واتذكر ليما تذكرت قراري هذا المهم كنت خلال هذه السنة شنو اسوي ابني نفسي من جديد يعني ريحت وشفت شنو أبي شنو أحب صج وشنو الي عندي رغبة كبيرة فيه واحبه وبديت أضيفهم ورجعت درست انجليزي واخذت تركي ولقيت انه هذه السنة صج تركت شغلات وااايد بس بنفس الوقت بديت بغرس بذور ولي الحين ارويهم على أمل تصير شجرة عملاقة سوي جذي أبحثي في نفسج أنتي شنو تبين وسويه مو الي ناس تبيه ومو الي الكل يتعلمه وانتي لازم تتعلمين شوي شوي وتتضبط الأمور بإذن الله
وعلى دراستج قد يكون الله كاتبلج شي أخر وأفضل لا تيأسين