First time here? Checkout the FAQ!
x

الملاحظات

ازاي يبقي عندي هدف لتعلم اللغات ؟ [ تمت إجابته ]

في تصنيف اسئله عامه
بواسطة طالب متحمس (1.2ألف نقاط)  
+9 تصويتات
110 مشاهدات
هو ممكن يبقي سؤال سخيف بس كل واحد هنا عنده هدف بيخليه يقدر يكمل دراسه وبيشجعه لو  زهق او مل بس للاسف معنديش اي اهداف خالص علشان كدا ديمًا بقطع فترة طويلة وبرجع اكمل بفتور حتي تعلمي للغه الانجليزيه والصينيه كان بس بسبب ان مستر ابراهيم بيشرحهم مش حبًا فيهم بالعكس طول عمري معقده من الانجليزي بجد نفسي يبقي عندي هدف يشجعني اكمل وخاصه ان معنديش حد يشجعني خالص بل بالعكس بيحبطوني ديمًا وخاصه بسبب اني مش هستفيد بيهم وكبرت ع التعليم في حل واسفه ع التطويل..
تمت إجابته

4 إجابة

بواسطة طالب متحمس (1.3ألف نقاط)  
مختارة بواسطة
+8 تصويتات
 
أفضل إجابة
اولا ما فيش حاجه اسمها كبرت علي التعليم.... مفيش ابداا

اذا كان قصدك بسن كبير 40 50 سنه مثلا..

حضرتك برده غلطانه..

السن عمره ما فرق

برده ما فيش حاجه اسمها انا كبرت على التعليم ...

حقيقي لو قصدك مثلا انك واحده كبيره فقدرة تحصيلك على المعلومات قليله فا دي ماشي ..حاجه حقيقيه ..

 دي بس عايزه اسلوب بسيط ومبسط في الشرح وده موجود ... عايزه وقت وصبر.. والوقت موجود.. الصبر ده بقى حاجه ترجع لك انت تجبيه منين

لو ما عندكيش اي هدف دراسه او شغل او مدرسه حتى

 فحطي في دماغك ان انت لما تتعلمي مثلا اللغه دي هتبقى احسن تبقى احسن بكثير

انت لو قطعت شوط في زي امريكان انجلش

وحسيتي بفرق بالانجليزي بتاعك وفي معلوماتك هتفهمي قصدي .....احساس كده  بالفرحه وبثقه من نفسك .. لانك حققتي حاجه

انت لو مش بتتعلمي عشان شغل او مدرسه اذا...

 في الاسباب المعنويه ... اصلا اهم بكثير ..

انت هيكون عندك ثقافه  اكثر هتكون احسن من ناس كثير قوي

سمعت قبل كده المستر وهو بيقول ايه مميزاته شخص ثنائي اللغه او اللي بيتعلموا لغات عن غيرو

مثلا يبقى عندك ثقافه  او حتى يعني عشان تتفرجي على فريندز او الافلام  و تكوني فاهمه

  الانجليزي دلوقتي بقى منتشر بشكل رهيب يعني لازم بتفهمي انجليزي علشان تعيشي على كوكب ده

 ممكن تتعلمي عشان ما تبقيش مكسوره الخاطر قدام ناس بيتكلموا بيفهموا بيعرفوا انجليزي وانت مش فاهمه حاجه

 تحسي انك اقل منهم

 وبعدين في الاخر هل يستوي الذين يعلمون والذين لا يعلمون؟

 انت تتعلمي عشان نفسك للتحسين من نفسك من روحك المعنويه.. الناس اللي بيحبطوكي دول ما لهمش اي اي اي اي اي دعوه بك اصلا

اولا ممكن تكون غيرة.. انك هتحققي حاجه هم مش عارفين يعملوها

وكمان سبب كبير جدا هو ..الجهل بالثقافه الجهل ب قدره الانسان على تحقيق اي شيء ..الانغلاق  على نفسهم وانغلاق المخ الدماغ ..محدوديه الفكر

 الجهل ده حاجات كثير قوي في الدنيا انا مش عايز اطول بس في الكلام

انت بتتعلمي لنفسك مش لهم كلهم بجد يعني مهما لقيتهم واقفين في طريقك ابعدي عنهم ابعدي جامد ... ممكن تذاكري في اوضتك لوحدك

هم اصلا ما لهمش اي اي علاقه باللي انت بتعمليه مهما كانوا بصراحه .. انت بتعملي كده عشان نفسك

 مش لازم تخبريهم باي حاجه سيبيهم بس يلاحظو ..انك بقيتي افضل منهم.. اكثر انفتاحيه منهم ..مستوى فكرك اعلى من مستوى فكرهم

موضوع  الاحباط ده لا يستهان به كثيراً

 لكن انت اللي حتصلحي نفسك بنفسك

 المقصود ان انت فعلا لازم تقفي مع نفسك وتفكري...وتقولي انا ليه عايزه اتعلم .. هيفيدني بايه هل هابقى احسن لما اتعلم من الناحيه المعنويه.. مكانتي بين الناس... الدراسه...

لو موضوع التفكير مع النفس ده مش مظبوط معك ..

اسمعي الفيديو ده * هحطو في التعليق*

الفيديو بتتكلم فيه عن المذاكره. لو سمحت لا تستهيني بالموضوع

اسمعي الفيديو للاخر.. امسكي ورقه وقلم واعملي كل المستر بيقوله لك اثناء في الحلقه.. كل حرف بيقولوا لك نفذيه

 علشان في الاخر الفيديو تفهمي المغزي من كل ده

تفهمي حاجه كنت عايزه اوصلها لك دلوقت لكن ما تفهميها لوحدك

ربنا يفوقك ويعينك في طريقك ويدبرلك الأحسن ياارب♥️
بواسطة طالب متحمس (1.2ألف نقاط)  
شكرًا ع الكلام الجميل والمشجع دا ع الرغم انه طويل قرأته مرتين وهعملوا سكرين علشان كل ما يحصلي احباط او ملل اقرأوا .. هما 27 سنة بس من وقت ما اتخرجت وهما حسسوني اني كبرت خلاص فـ صدقت فـ من يومها مبعملش اي حاجة جديده في حياتي بمعني اصح حياتي واقفه ومش قادرة اغيرها مهما حاولت.. تسلمي ع ردك واكيد هروح اسمع الفيديو جزاك الله كل خير ♡
بواسطة طالب عالمي (5.1ألف نقاط)  
بجد احسنتي والله يا روفا حبيبي دايما مبدعة ♥️
ربنا يوفقك يا منة يا رب بإذن الله و في تحسن دايما يارب ♥️
بواسطة طالب متحمس (1.2ألف نقاط)  
تسلمي ي جميلة ♡
بواسطة طالب متحمس (1.3ألف نقاط)  
تسلملي ي سلمي. ♥️♥️
بواسطة طالب متحمس (1.3ألف نقاط)  
ياااااامنه
دي فتره احباط... مجرد فتره احباط وهتعدي .... اسأليني انا في الاحباط...
مهما طولت الفتره هتعدي ولله... اوعدك♥️
بس هي مش هتعدي لوحدها... انتي اللي هتصلحي من نفسك.. محدش غيرك
ممارسه اي عاده صحيه جديده.. لازم تاخد وقت.. عايزه صبر... انتي مش لوحدك ولله ⁦⁦(^^)⁩
فكري مع نفسك... ايه اللي كان بيحصل معايا قبل التخرج..ولنا سبته احبطني كده...
لو اتفرجتي الحلقه...
ها ..عرفتي قيمه التفكير؟ ... عرفتي ان الحلول عندك اصلا؟.... عرفتي ازاي تقعدي مع نفسك وتفكري؟...

.
ربنا ينولك طريقك....
ومتنسيش ابدا البُعد. عن المحبطين.    ♥️♥️
لو محتاجه ناس  تتفاعلي معاهم... تعالي عل موقع هنا.. كلنا بنقف جمب بعض ♥️

.

واتجهي لربنا..خليكي معاه علطول عشان هو بجد مش هينساكي لوحدك... وافتكري ان لو كلامي اثر فيكي شويه..ربنا هو اللي بعتني وخلاني اشوف البوست وهو اللي الهمني اقولك كل ده ،♥️

ربنا يوفقك♥️
بواسطة طالب متحمس (1.2ألف نقاط)  
الفيديو جميل جدااا معرفش ازاي مشفتوش قبل كدا واهم حاجة دلوقتي انفض الكسل وابدأ بشغف تاني من دلوقتي والحمدلله انه بعتك في طريقي بجد تسلمي جدااا ي جميلة وجزيتي الجنة وكل ما احتاج تشجيع اووي هرجع اقرأ كلامك تاني لعل وعسي الاحباط والزهق والملل والكسل يبعدوا شويه عن طريقي ♡♡
بواسطة طالب متحمس (1.3ألف نقاط)  
حبيبي ربنا يوفقك ♥️❤️❤️
بواسطة طالب متحمس (1.2ألف نقاط)  
يااارب انا وانتي ♥
بواسطة طالب متحمس (1.2ألف نقاط)  
+4 تصويتات
تعلم لغة جديدة من أجل يكون لك طموح التحدث مع أشخاص آخرين التعرف تكوين صداقات تريد التوسع حول بلاد العالم ؛ تسافر ، تقرأ عن متحدثي تلك اللغات روايات كتب طبيعة تزيد من ثقافتك تتعلم اشياء اخرى استثمار لوقت الفراق ، تعرف الناس بثقافة منطقتك تزداد حيوية تطور نجاح .

لكن تعال أخبرك ولكنت مشغولة و عندك أعمال آخري ما عندك أي رغبة في تعلم اللغات فأجتهدي في عملك ومن يشغلك ربنا يوفقك .
بواسطة طالب متحمس (1.2ألف نقاط)  
شكرًا ع الرد .. جزاك الله كل خير ..
بواسطة طالب متحمس (1.3ألف نقاط)  
+3 تصويتات
بواسطة طالب محترف (4.3ألف نقاط)  
+1 تصويت

⁦( ꈍᴗꈍ)⁩ اطلع على ثقافة الشعب الآخر وأكيد حيصير عندك شوية مشاعر ولو معجبتك ثقافتهم عادي بدّل اللغة واختار ثقافة أنت حاب تتعرف عليها~

بواسطة طالب متحمس (1.2ألف نقاط)  
حاضر هحاول تسلمي ي حبيبتي ♡
بواسطة طالب محترف (2.8ألف نقاط)  
اهلييين ميلا .... حبييت الفكرة كتيير عنجد ...
بعيدا عن انها مو لألي بس حبيت اشارك ...
شلون عندك هيك افكار رائعه وما بتشركينا ياها ههههههه
دمتما بخير❤️
بواسطة طالب محترف (4.3ألف نقاط)  
⁦(ㆁωㆁ)⁩ لا يا جناوي الفكرة للجميع هيهيهي ، بجد هي من أكثر الحوافز الي تمشيك ➿❤️
وأنتِ بخير.
بواسطة طالب محترف (2.8ألف نقاط)  
هالللو مليار ،،،، شو اخبارك حبيبتيي ؟؟
شكرا كتير❤️❤️
65 Online Users
2 Guest 63 Member
Online Members
Today Visits : 28007
Yesterday Visits : 31206
Total Visits : 11700718

20.1ألف أسئلة

109ألف إجابة

125ألف تعليقات

25.0ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...