(تم التعديل وإضافة شئ اخر اخر)
مساء الخير عليكم جميعاً
النهردا الصبح نزلت مشكلة في المنتدى وجهتنى من وقت ما تطبيق طليق نزل
وهى ان التطبيق لا يفتح ..
المشكله كانت مختلفه عن المشاكل ال واجهت الاغلب .. انا فعلياً التطبيق كان لا يفتح اى شئ علي جهازى .. كان بمجرد الضغط على ايقونة التطبيق كان الجهاز يعلق ومبيفتحش اى شئ
النهردا وجدت حل للمشكلة دى
انا عندى خبره بسيطة فى السوفتوير وعمتاً بدون ما اطول عليكم انا بغير سوفتوير الموبايل كل فتره ..
كنت مثبت سوفتوير معدل كان على اندرويد 10 .. ودا ال كان مواجهني فيه المشكله من ساعت ما نزلت التطبيق
غيرت السوفتوير وثبتت روم اخر مبنيه عليه اندرويد 11 .. والتطبيق اشتغل معى بدون مشاكل
طيب الناس ال واجهتهم
ملهمش علاقه ب حوار تغير السوفتوير دا .. قدامكم حل واحد ودا الوحيد ال انا شايف انه ينفع والله اعلم
ممكن تجربوا تعملوا اعادة ضبط مصنع للهاتف
وسعتها ممكن التطبيق ان شاء الله يشتغل ..
طيب لو التطبيق مشتغلش ؟
هيبقي مفيش حل غير انتظار تحديث من التطبيق او تحديث للسوفتوير الخاص بهاتفك من الشركه المصنعه له
..
دى خلاصة تجربتى واستنتاجى من المشكلة ال واجهتنى ويارب اكون فيدتكم .
(تعديل)
بعد التجربة ال شرحتها اكتشفت أن المشكله كانت من الروت .. لانى مجرد ما عملت روت للموبايل التطبيق أصبح لا يعمل مره اخرى.. ف هذه ملحوظه مهمه جدا ل أصحاب الروت لو حد عامل روت ل جهازه والتطبيق اشتغل معه يقولنا فى التعليقات وشكرا.