من قبل رمضان بيومين وانا للاسف مبلحقش اذاكر
ودي مشكلة معظم الإناث اذا مكنش كلهم سواء بنات او ستات في رمضان
واول ملقيت ساعة كدة اخطفها وانا لوحدي انصدم بفيديو استاذ ابراهيم ان تم اصابته بكورونا؟
وان في ناس خدت بالها من اختفائه (وللاسف ان انا مكنتش منهم يمكن لاني لسه بتابع ف المستوى التاني ع zamerican English ) وسألوا عليه
وازعجني حكاية التعليقات السلبية اللي وصلتوا
رغم مجهوداته الضخمة وامانته ف عمله ومساعداته بدون مقابل
استاذ ابراهيم؛مش هقولك ميهمكش منهم ولا ان في ناس بتحب تهد اللي بتعمله ولا حتى هقولك استمر و...الخ
لأنك أكبر وأوعى من ان حد لسه هيقولك الكلام ده او يطيب خاطرك بكلمتين مواساة
لان اللي حصل ده ميستهلش اصلاً اننا نذكره
لكن كنت حابة اني اقولك حمدلله ع سلامتك ومتشوفش اي شر ف حياتك وتقابل كل الخير واللي تتمناه
وشكراً ولو كانت قليلة لكل اللي بتعمله واللي هتعمله ان شاءالله
اتمنى ان رسالتي دي توصلك وانت بكل خير