احترت كتير قبل ما اكتب هالمنشور... بالعاده انا بحب المقدمات وسهل علي ابلش اكتب عن اي شي ...
بس هالمرة ماعم اعرف كيف بدي بلش..او بالاحرى من وين بدي بلش..
حلب..❤️
الحمد لله انو الله طعمني شوفتها بعد غياب سنين..
كانت اجازة جداً ممتعة.. او بالاحرى رحلة علاج ..علاج من تقل الغربة وغمتها..
فعلاً علاج...علاج روحي..لنفس تاقت لسماع الاذآن ... تسميعات الجوامع يوم الخميس... روحانيات يوم الجمعة...
شوفة الاهل..ولمة الجيران....الضحك من القلب مع رفقة الصغر...شوفة القلعة...التمشاية بشوارعها..محلاتها..شو بدي اكتب لاكتب..
الافكار والمواضيع الي بعقلي عن حلب بدها حلقات لتخلص..
آلمتني كتير مناظر الدمار بالمناطق القديمة..الاثار والمباني..بس ادهشني فعلاً سرعة لملمة حلب لجروحها..وبدء اعمال الترميم وازالة الانقاض..
لو يصير ربع الشي الي عدا على حلب لاي بلد تاني انا متأكدة انها بدها سنين لترجع...
بس حتى بهي حلب عريقة..كم زلزال مدمر عدا على حلب...كم حرب..كم غزو على مدى التاريخ..وتمت هيه على ما هي...شامخة..متماسكة..
اشارات السير شغالة حتى بالمناطق المدمرة...تزفيت الشوارع ..واضاءتها..الجامعات..المدارس..المشافي..كلو شغال رغم صعوبة تأمين ادنى مستلزمات الحياة..
وطبعاً سكانها متطبعين بطباعها..
صامدين....متماسكين...عاشوا اقسى الظروف...الي لايمكن لحدا يتحملها..وتمو مع هيك عم يشتغلوا ويبنوا ليأمنو حياة كريمة...
الصراحة تُرفع لكم القبعة اهالي حلب جميعاً ..صمودكن بينكتب بماء الذهب..
متابعيني السويديين الي تابعوا سفرتي واتفرجوا على شوارع حلب ..وتابعوا فيديوهاتي خطوة بخطوة..كانو مدهوشين فعلاً...مصعوقين...كمية التعليقات الي اجتني عن جمال مدينتنا كانت كتيرة....
صورت الجوامع..الكنائس...الشوارع القديمة...القلعة❤️ ..معالم حلب كلها..حياة الناس الاجتماعية..بيوتها الحلوة وشوارعها النابضة...على مدى شهر ..سؤال انو كيف في حرب ودمار والناس صامدة!؟
فعلاً سؤال يدعو للتوقف قليلاً والتفكير..
لانو الي بيشوف شوارع حلب المشهورة..ومطاعمها..محلاتها المعروفة..كيف عم تنبض حياة بالشباب والاطفال ...بتصيبو الدهشة..والفرح..والتفاؤل..لجيل عايش الحرب واتغلب على مخاوفو ..وماعاد ولا اي سلاح او قصف..او قوة او اي شي يخوفو ويوقف قدام حبهم للحياة وعملهم الدائم لكسب الرزق و العمار وبناء المستقبل..
ودمتم برعاية الله..❤️(:
