First time here? Checkout the FAQ!
x

الملاحظات

حلب (:❤️

في تصنيف اسئله عامه
بواسطة طالب محترف (3.7ألف نقاط)  
+11 تصويتات
1.7ألف مشاهدات

السلام عليكم ورحمة الله وبركاته كيفكم(:

يعني الصراحة قد ماحكيت عن حلب مارح اقدر وصللكن فكرة شقد هي حلوةsad

المهم بحسكن صرتو تعرفو الحلبية حق المعرفة بعد ماحكيتلكن اكتر من مرة عنهاlaugh

بسم الله نبدأ على بركة ❤️

الشعب الحلبي شعب بيحب البسط..كييف وكريم....وبطنو هي مصدر سعادتو..

ومابيبخل ومابيوفر جهد..للحصول على اللقمة الطيبة مهما كان الوصول الها بعيد وشاق..

رغم انو انواع الطبخ الحلبي معروفة عند كل الحلبية و بتشتغل فيو الست بشكل يومي و دائم..بس الرجال بيفتخروا وبيتباروا ببراعتن ..وبيستعرضوا معلمياتن الامتناهية وفهلويتن المنقطعة النظير في اختيار كل أكلة من مكان..ولا بيكلوا ولا بيملوا عن التفصيل والشرح واقناع المستمع بصحة وصواب وتميز اختيارن..مع انو المستمع بيستنا ليخلص شرح لينقض عليه ويبرهنل بالادلة القاطعة عن خطئو الكبير وغشمو..

 مثلاً بشي عزيمة كبيرة ...وعليها كل ماتوصل اليه القاموس الحلبي من اكلات وطبخات...منسف فريكة كبير بالمكسرات..سندوانات..كبب بكل أنواعها واشكالها...جاط يبرق معتبر والدهن عم يشر ويلمع.......وغيرو وغيرو..بيمشي صاحب البيت وهو ناتع كرشو متر..معرض وفارد كتافو...وبيبلش يقسَم...

_خيو ...اش داقلك..انا قصابي منظوم كتييير وعلى كيف كيفك..صرلنا فوق الاربعين سنة مناخد من عندو..آدمي وبخاف الله..بوقف فوق راسو..وبطالعلك الهبرة وبفتح عيني منيح ومابخليو يغش او يفرملي ياها مع الدهنة..اي لكااان....دوق دوق هالكبة وانت احكم...

_لااا.....اش عم تحكي..غلطان كتير ..اصلا بلا معلمية عليك..( الجملة الاكثر تداولاً في حلب..) لحمة الكبة لازم يكون فيها دهنة من شان تشرشر علمنقل وهي عم تنشوى..وماتتطلع ناشفة....اي لكااان...(بينتقد وبياكل...كلشي لحال..)

_ لا خيو لا اش عم تخبص انت...اصولا هيك ..بزمانو ابوي الحاج محمود..الله يرحم ترابو..(بيغص بباقي الجملة...مدري من ذكرى المرحوم..مدري من قرص الكبة والسندوانات واليبرقات الي دخلن لتمو فرد لقمة...)

_تعيش...صحة صحة..ناولونا كاسة مي..رح يختنق الزلمة..

_ كان ياخدني معو بالعيد عالاضاحي.. (بيستناولو كم مخللاية...)...وهنيك اتعلمت وفهمت كل اللعبة..وصرت شيخ الكار...اسأل عني هنيك ..الكل حبايبي وصحابي.. وين العيرااان؟؟؟....

_اي اسمحلي اقلك (بلا مؤاخذة) انك غلطان كتيرر...(بيحكي هالجملة وهو عم ينتف منسف الخاررف...).

لا بيكلو ولا بيملوا..وبيتموا على هادا المنوال لبين ما يعلقوا ببعض ..وبيدخلوا بجدال عقيم بكل معنى الكلمة...وصواتن بتعلى....(بس مابيوقفوا اكل ابداً...)وممكن يدخل بيناتن باقي المعازيم ...ويخلصو بيناتن بأيديهن الزفرة...ويحلو كل القصة بكلمة ..خلص حجّي..فضوا سيرة بقى...اشتهيتلك هالقرص الكبة..بياكلو وبيتنغم بلذتو وبينسى كل الموضوع... وبيكملوا اكل ..وبيقضوا على كل السفرة قضائاً مبرماً ..ولا كأنو صار شي....لانو شعب طيب مهما اتوتر..بيضعف قدام اللقمة الطيبة ..وبيتعدل كل مزاجو...وبيرجع بيفرفح وضحكتو بتصير لورا اذنيه...بس طبعاً مع التعنت والتمسك الشديد برأيو..

فمنلاحظ انو لكل عيلة حلبية عريقة..قصاب خاص..وخضرجي معين..وحلواني مابيغيروا لو طبقت السما عالارض..حتى ولو غلى أسعارو...بالعكس هالشي بيرفع من قيمتو وبيعطي مصداقية اكتر انو اصولي ومابيغش...فهو ارث عائلي هام..وتغيرو هو الخيانة بحد ذاتها..

حتى بياع المعروك البسيط ما بيسلم من الدخول للسلالة..فبتلاقيو بيقلك..

_بسطة المعروك الي عراس الشارع عند الاشارات..معروكاتو طيبة كتيييير ..بحياتي مادقت اطيب من هيك معروك...طرية وحلوة بتذوب بلتم ذوبان....

_لا يييي اش عم تحكي (طبعاً مع الشد على مخارج الحروف..) اي مابتاكل طاول طاول..

_لااا خيو غلطان كتير... هيئتك ماجربتو...

_اش جربتو ماجربتو ..مدري كم مرة ابني الله يصلحو بالغلط جاب ..وكان عندي عزيمة ..ييييي تنذكر وماتنعاد...كبيناهن وسودلي وشي قدام ضيوفي....

_اي لا ...معنتا ابنك جاب من عند الزاوية التانية...انا عم احكي عن الزاوية الي على ايدك الشمال وانت رايح عالجامع..بتحطو بضهرك وبتتطلع سيوي..بيصير عشمالك...

_اي هاااا... اي قول هادا..فكرت التاني..قلت لحالي بعرفك مزوقك..( مرقت عخير هالمرة..)

بس يالطيف الحلبية اذا كان غضبولن عشي محل كانوا زباينو....خلص لا يعذب حالو...انقطع رزقو..وانضرب سيطو..لولد ولدو..بس مابحطها واطية ابداً..من شان كرامتو ماتنتزع...فبيقول قدام العالم..

_أصلاً من زمان ماكان عاجبني..وعم اترقد عمهل لأستدل عشي واحد غيرو...حرام مابيجوز اقطع برزقو للزلمة فوراً..بيتم صاحبنا وحبيبنا..

وكتير كتير من الأمثلة والمناقشات العقيمة..فكل واحد مفكر حالو صح..ومميز ..واختيارو هو الصواب بحد ذاتو...ومابيغير قناعاتو اللهم الا ما ندر..وهالشي بينطبق على مجالات كتيرة...مو بس بالأكل..فالكل معلم..والكل مسبع الكارات..بس هادا ان دل على شيء فهو انو الحلبي بشكل عام كرامتو عالية و صاحب مزاج ..وبيحب يفهم كلشي ..لانو اكره شغلة عليه هي انو ينغلب او ينضحك عليه..

خبروني شرايكن بحلب❤️(:

ودمتم برعاية الله..❤️

من فضلك سجل دخولك أو قم بتسجيل حساب للإجابة على هذا السؤال

10 إجابة

بواسطة طالب متميز (1.8ألف نقاط)  
+2 تصويتات

مساء الورد، دخيل حلب و بنت حلب و أكلات حلب ❤ هذا أطول سؤال أقوم بمراجعته ^_^ 

شهيتيني في أكلات حلب ❤

أسلوبك في السرد جميل جدا و يخلي الواحد يحس أنه عايش في قلب الأحداث اللي وصفتيها .. ❤

هل جربتي من قبل الكتابة بنفس هذا الأسلوب باللغة العربية ؟ أتوقع أن كتاباتك ستكون في غاية الروعة و الإبداع ❤❤❤

يعطيك الصحة واضح أنك تعبتي في كتابة هذا السؤال، صحى رمضانك و كل عام و انتي بألف خير ❤

بواسطة طالب محترف (3.7ألف نقاط)  
دخيل قلبك❤️بعتزر لاني طولت بالحكي ⁦◉‿◉⁩
لا والله ماجربت لانو لسا مابعرف الفصحة كتير منيح
تسلمي واياكي يارب❤️وانتي بخير ❤️❤️
بواسطة طالب عالمي (6.0ألف نقاط)  
+2 تصويتات

الله على حلب و بناات حلب و اكلاات حلب الله الله + انا بحب سوريا جدا جدا جدا و حتى كمان معظم اليوتيوبر الى بتفرج عليهم سوريين و دمكم خفيف و عسلاات اوى ربنا يحفظك يا رب ❤❤❤

بواسطة طالب محترف (3.7ألف نقاط)  
منال❤️❤️❤️❤️
ونحن بنحبكن والله❤️ويحفظك حبيبتي ❤️
بواسطة طالب عالمي (6.0ألف نقاط)  
تعرفى يا رجااء المنطقه الى انا ساكنه فيها فى مصر فيها ناس سوريين كتييييييييير و كلهم زوق و اخلاق مفيش بعد كده ♥️♥️♥️حتى و من كتر ما حبيت الناس الجمال دول اتصاحبت على عيالهم هههه و بقيت بعرف اتكلم سورى كويس كمان ولله حتى كمان لما بتفرج على اليوتيوبرز بفضل انى اتفرج عل  السورين علشان بحكم جدا جدا جدا شعب طيب و جميل و اخلاق و دمكم خفيف و كل حاجه حلوه فيكم ♥️♥️
بواسطة طالب عالمي (7.6ألف نقاط)  
+2 تصويتات
اهلا وسهلا يازين حلب الله يرجع ايامها بكل خير محد بينافسكم بالشام بالطبخ والله كلمة حق تنقال ذقت الاكل الشامي وعملت اكلت كثير شامية بس الاكل الحلبي مختلف له نكهه وتكمن النكهه بالبهارات اللي بيعملوها ماشاءالله والنفس بالاكل مافيه اطيب منه حفظكم الله يااهل حلب اهل الكرم

وصراحه بعشق اللهجه الحلبيه وخصوصا نطقهم لحرم الجيم بستمتع والله لم بسمعه
بواسطة طالب محترف (3.3ألف نقاط)  
شكرا شكرا شكرا
ميت اهلا وسهلا
بواسطة طالب محترف (3.7ألف نقاط)  
حبيبتي والله هاد شرف النا❤️
حفظنا واياكم❤️
بواسطة طالب محترف (3.7ألف نقاط)  
محمد انت من حلب؟
(:
بواسطة طالب محترف (3.3ألف نقاط)  
اهلا بك اختي رجاء الله يسلم ايديكي عالموضوع
 نعم صدقتي القول ( القاطرجي )
انتي من حلب كمان :)
بواسطة طالب عالمي (7.6ألف نقاط)  
هذي حقيقه مايبيلها شكر
اهلا وسهلا فيك اخي
بواسطة طالب عالمي (7.6ألف نقاط)  
حنا العرب اللي شرف لنا والله يكون عندنا حضارة واصاله حلب الله يحفظكم يارب
بواسطة طالب محترف (3.3ألف نقاط)  
ادامك الله " وأمانة برئبتك لخخيت ( لخخيت = يا اختاه )
اش بلزمك نحن جاهزين :)
بواسطة طالب عالمي (7.6ألف نقاط)  
ايوه بفهم كلامك ياخيو مايحتاج تعمل ترجمه الله يخلي المسلسلات الحلبيه اللي تابعتها هي اللي علمتني كثير ع لهجتكم الله يحفظكم ابي سلامتك ورضاك
بواسطة طالب محترف (3.7ألف نقاط)  
عراسي حارتك اخي محمد
اي من صلاح الدين (:
بواسطة طالب محترف (3.3ألف نقاط)  
طبق ورد .. ميت اهلا وسهلا
اول مرة بشوف حدا من حلب معي هون
دمت بخير
بواسطة طالب عالمي (8.7ألف نقاط)  
+2 تصويتات

تسلملي بنت حلب وحلب وسوريا كلها 

انا حسيت حالي قاعدة معهم وباكل كبة كمان 

المطبخ السوري ما في حد بينافسه خصوصا في عمايل الكبة 

هاد غير انو الشعب السوري شعب لطيف ومعطاء وخفيف الدم ولهجتهم اخف واحلى 

ودليل ذلك انو في معنا هون قمر بتجنن متلك عم تعيشنا اجواء مدينة حلب 

انا كمان بدي شو المعروك  والبيرق هو ورق العنب ولا شي تاني 

وتحياتي smiley

بواسطة طالب محترف (3.7ألف نقاط)  
ربي يسلمك شهد❤️
المعروك هو نوع خبز فيني قلك بس اكتر شي بينعمل برمضان(:
نعم صحيح اليبرق هو ورق العنب
بواسطة طالب محترف (3.3ألف نقاط)  
+2 تصويتات
بس كلام الزلمة مظبوط

ابو المعروك اللي عالزاوية التانية اطيب

لانو التاني بيدهنو أطر وبحط جوز هند بس اريضة عالفاضي

والدبين عقرص المعروك اكتر مالسمسم :)

بس انشالله يطالع الجامع من ضهرو قبل الصلاة

وانشالله يكون كلامي عن المعروك صعب

الترجمة من قبل الاخوة هون واللا بكرا المعروك كللو سبيل
بواسطة طالب محترف (2.9ألف نقاط)  
لدي سؤال صغير:- ما معني معروك ؟
وايضا كلمة اريضة؟
بواسطة طالب محترف (3.7ألف نقاط)  
ههههه عراسي والله
بواسطة طالب عالمي (7.7ألف نقاط)  
ههههههههههه
بواسطة طالب محترف (3.3ألف نقاط)  
هلق المعروك هو نوع من المعجنات
بمكونات بسيطة على شكل قرص مع سمسم
على الوجه وهناك من يفضل المعروك مع الجبنة
او الشوكولا ( يعني بصراحة بحطللو قطعتين جبنة
او لعطة شوكولا وببيعو بضعف السعر )  :)
اما كلمة اريضة فهي بالفصحي تعني ' تبا له '
مع اضافة تنوين النصب على الالف
اظن كده الامور وضحت :)
بواسطة طالب عالمي (7.7ألف نقاط)  
يعني مفكرت تشرح إلا هلأ!! وذكرت الشوكولا بالموضوع كمان
حسابنا بعدين .
بواسطة طالب محترف (2.9ألف نقاط)  
هذا ما يحدث في كل العالم اخي هههههه
شكرا لكَ كثيرااا علي شرح هذة الكلمات اتمني لك التوفيق لكه
تحياتي
بواسطة طالب محترف (3.7ألف نقاط)  
هههههه بلشت جوع
بواسطة طالب محترف (3.3ألف نقاط)  
لا شكر على واجب اهلا بك على الدوام
مريوووم ... يا مريوووم ... طولي بالك
يعني الشوكولا ما بتهرب للمسا
صلي عالنبي وقولي خير .. يلا يوم يلا
الله يرضالي على اسمك .. ماري .. :)
بواسطة طالب عالمي (7.7ألف نقاط)  
هههه ماري ، مريوم ، مريام ، مريماية
تحبوا تضيفوا أسماء أخرى ؟ :))
بواسطة طالب عالمي (7.7ألف نقاط)  
+2 تصويتات

خلص انا جاية اليوم لعندكن اريد اشوف هالمحادثات بعيني هههههه

وكمان وقت اجي لعندك بدي تعلميني لهجتكن عشان اكون حلبية ومحد يعرف اوك :)

دخيلا حلب , حلوة واهلها حلوين وانتي اولهم والله heartheart

بواسطة طالب محترف (3.7ألف نقاط)  
لعيونك مريوم❤️ههههه
حلا عيونك مريوم فديتك والله ❤️
بواسطة طالب محترف (3.3ألف نقاط)  
رجاااااء لا تدلي مريوم وين ساكن انا
ديري بالك ها هي جاي وبعيونا الشر بدا تدبحني
بس للصراحة معروك الشوكالاطة شي ناهي
مافي بعدو كلااام بس كول وقول ياسلااام
بواسطة طالب عالمي (7.7ألف نقاط)  
تم الإظهار مرة أخرى بواسطة
هههههه مفكر رجاء هتقلك تمام يعني ولا ايه
وذكرت الشوكولا مرة تانية !اللهم إني صاائم .
بواسطة طالب محترف (3.7ألف نقاط)  
هههههه اشبكن انتو
بواسطة طالب متميز (1.9ألف نقاط)  
+1 تصويت

بلا معلمية عليك نسيت تقولي حاجه مهمة ان الحلبيين دمهم خفيف وده واضح جدا ف كلامكsmiley

شكرا لك جدا استمتعنا بالحوارات الحلبية

تحبي ابعتلك كنافة من مصر ونشوف رأيكم يا بتوع حلبheart​​​​​​

بواسطة طالب محترف (3.7ألف نقاط)  
ههه تسلم اخي soly
والله نفسي بيها ⁦ಥ‿ಥ⁩
بواسطة طالب محترف (2.9ألف نقاط)  
+1 تصويت
لقد عشقت حلب والسوريين كلن حرفيا

استمتع كثيرا لما بقرأ اسألتك لأني بحب اتعرف علي ثقافات الدول وايضا كتباتك باللهجة السورية مخليه الموضوع احلي واحلي

بالتوفيق لألك عزيزتي❤️
بواسطة طالب محترف (2.9ألف نقاط)  
ايوه الله ههههه
اكشلي نو *_*
بواسطة طالب محترف (3.3ألف نقاط)  
المهم النية الموجودة بالحكي
هاف a جوود داي 2u
بواسطة طالب محترف (2.9ألف نقاط)  
ولكَ ايضا ...✨
بواسطة طالب عالمي (7.7ألف نقاط)  
اند 4 يو 2 all :)
 -معنديش حاجه اقولها-
بواسطة طالب محترف (2.9ألف نقاط)  
اهلين مريوم صيامًا مقبولا وإفطارًا شهيا عزيزتي❤️
بواسطة طالب عالمي (8.9ألف نقاط)  
+1 تصويت

حلب لها مكان فيheart القلب 

بواسطة طالب محترف (3.7ألف نقاط)  
شكرا لك ❤️☺️
بواسطة طالب عالمي (6.6ألف نقاط)  
+1 تصويت
وعلیکم السلام

تحية إلى حلب الشهباء وأهلها

 دائما ما كانت وما زالت مشهورة بطيبة إهلها وجمالها

 بالتوفيق لك اختي رجاء
بواسطة طالب محترف (3.7ألف نقاط)  
شكرا لكِ ربى ❤️❤️❤️
دمت بخير يارب ❤️☺️
122 Online Users
0 Guest 122 Member
Today Visits : 55447
Yesterday Visits : 56116
Total Visits : 44225581

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...