Question

السلام عليكم ورحمة الله وبركاته رمضان كريم عليكم جميعاً 

إن شاء الله انهاردة هنبتدي عملي مش هقدر انشر لينك برنامج بايثون لأنه ممنوع 

بعد تثبيت برنامج بايثون نذهب إلى قائمة Start ثم All Programe وننقر على برنامج 

 IDLE(Python GUI) دة هنستخدمه فى كتابة الاكواد 

وبعد ما نفتح برنامج  IDLE(Python GUI) هنبقى كدة جاهزين لكتابة الاكواد 

أول مشروع معانا هنعملوا سهل وبسيط جداً

هنعمل برنامج ترحيب:-

هنطبع كلمة (Hello World) الشفرة هى كالتالى

print('Hello World')

هتعمل Enter النتيجة هتظهرلكم كدة                                                     Hello World

ملحوظة: اى جملة عايزين نكتبها لازم تحط الفاصلتين دول '' 

التعليقات:-

كل مايكتب بعد إشارة # يعتبر تعليق وسيقوم المفسر بتجاهله تماماً

وبس كدة إن شاء الله المرة اللى جاية هشرحلكم موضوع التعليقات دة بالصور بس حبيت اديلكم فكرة عن العملى لسة التقيل جاى قدام إن شاء الله يكون سهل عليكم 

ربنا يوفقكم جميعاً يارب يكون شرحى للعملى يكون واضح وعجبكم 

Answer 1

بل أصبح ممكنا  على ما أظن أستاذة روعة كما قال admin ولكن خصص لها  جناح بذلك في تصنيف موضوعات أعجبتني أظن انك تعلمين هذا

Comments

انني مهتم كثير بالبرمجة شكرا جزيلا لك

---

أولاً  رؤى مش روعة
ثانياً إن شاء الله المرات القادمة سأنشره فى التصنيف الجديد لأن هذا خطأ مطبعى منى
بالتوفيق لك

---

اعتذر أعتذر اختاه انا قرأتها روعة استسمح صراحة ظنت أنها العين لأن الهمزة والعين تكتب a في فرنسى استسمح مرة أخرى

---

عادى ولا يهمك أخى
بالتوفيق لك

Answer 2

تقصدى ايه ببرنامج بايثون و احملة ازاى و نفسى احمل HtML و اتعلمة تعرفى موقع عشان اتعلم اللغة دى

Comments

لغة Html مش عارفة عنها حاجة خالص ولا موقع ولا فيديو

---

طب تقصدى ايه ببرنامج بايثون يعنى هو البرنامج اللى بنعمل بيه تطبيق بلغة بايثون ؟؟

---

بايثون عبارة عن لغة بنعمل بيها مواقع وطبيقات وحاجات تانية وبتستخدمها شركات

---

السلام عليكم ورحمة الله وبركاته ☆
أسفة على التدخل......مرحبا باشمهندسة رؤى
مرحبا أخي Ilaria ......
أولا html لغة مخصصة لتصميم هيكل المواقع.
وهي لغة خاصة ببرمجة ال web أول خطوة فيه سواء front-end أو backend .
ممكن تشتغل ب Notepad عادي ولكن لو عايز حاجة أفضل فهو برنامج VS CODE اختصار ل
Visual Studio Code برنامج روعة
وبما إن قوانين المنتدى لا تسمح بكتابة أي قناة وأنا أحترم ذلك بلا أدنى أي شك.
ولكن يوجد شخص غني عن التعرف الأشهر في الوطن العربي في مجال الWeb ولتوضيح أكتر كان عامل مرة قريب في ٢٠٢١ بث مباشر حوالي ٣ دقائق وفخر العرب كان معاه.اكتب بس html وهتظهرلك على طول ولكن نصيحة مني لا تتخصص في مجال معين من غير ما يكون عندك خلفية يعني اية برمجة ؛ لغة برمجة؛ خوارزميات ؛ لغة ألة؛ كود ثنائي. عشان تكمل في المجال براحة .
وربنا يوفقك أخي ولو احتجت حاجة قولي.

---

شكراً يا إسراء على المعلومات دى
انتى تتدخلى فى اى وقت
فعلا Visual Studio Code حلو جداً وانا درسته سنتين فى الجامعة وعملت بيه اول مشروع ليا مشغل قرآن كريم

Answer 3

مرحبا حبيبتي رؤى ♡

عااااش يا بشمهندسة ☆

معليش اسمحي لي أقول شئ ومش قصدي أي شئ سئ لك طبعا..... ولكن بستغرب من حاجة وهي لو تبعتي أي شخص في العالم  بيشرح برمجة بأي لغة كانت لازم يكون أول برنامج يعمله

Hello World 

حتى لو قناة أمريكية .......

لا أدري لماذا أتفوه بهذا الكلام ولكن لا بأس.

عاااااش استمري 

Comments

لا ابداً صديقتى مفيش اى سوء فى كلامك
انا كتبت الكلمة دى علشان جات فى بالى وانا كنت بدرس اللغة  على اليوتيوب مقصدش تقليد لأى مدرسين كانوا بيشرحوا ودة مجرد مثال

---

حبيبتي لم أقصد نهائيا أنك بتقلدي....
أنا فقط قولت لك كل اللي بيشرح بيستخدم ذلك المثال
كبداية وقد ايه هو مشهور حتى بالجامعة عندنا حتى على اليوتيوب العربي والأجنبي....
دمتي بخير حبيبتي ♡♡♡

---

هو فعلاً المثال دة مشهور جداً مش عارفة ليه ههههه
وحتى لما درست Visual basic برضو نفس الحكاية الدكتور استخدم نفس الكلمة

---

فعلا  المثال ده حاشر أنفة في كل لغات البرمجة بكل دول العالم تقريبا ☆☆☆☆☆☆☆☆☆☆☆☆تلك النجوم تعبر عن الضحك....دمتي بخير

---

انتى والاستاذة رومانتيك بتحبوا تحطوا نجوم
واخى سيد علامة صح فى كل منشوراته
طيب انا علامتى فيين هههههههه

Answer 4

السلام عليكم

حبيبتي رؤى كنت انتظر هذه السلسة التي وعدتينا بها واذا به قد نزل وانا لا ادري ، ذهبت وقرات كلما فاتني :)

جزاك الله خيرا سلسلة مفيدة وفي قمة الروعة استمري حبيبتي

دمت بامان وكل عام وانت بخير رمضان كريم

Comments

رمضان كريم عليكى وانتى بخير
وإن شاء الله لن أتوقف مرة أخرى عن هذه السلسلة

---

واياك يا روحي تقبل الله منا ومنكم صالح القول والعمل
ان شاء  الله

Answer 5

وعليكم السلام ورحمة الله 

هل ستكملي هذه السلسلة العملي باذن الله ام توقفتي لاني متابع ؟

اتمني الاستمرار

Comments

سأستمر إن شاء الله
واسفة على التأخر لأن هناك بعض الاشياء تشغل بالى الان وتحزننى كثيراً ومش عارفة أركز

---

شكرا لحضرتك استاذة رؤي ارريد ان تنشري ف اقرب وقت ممكن

Answer 6

مبارك ليكم رمضان

صحا فطوركم

كنت اتمنى لو تركزي لنا اكثر على الاساسيات

شكرا

Comments

كل سنة وحضرتك طيب
انا نزلت فالاول تعريف بايثون ومميزاته واستخداماته وليه هى افضل من اى لغات تانى
لو فى حاجة تانى ممكن انشرها ياريت تقولى ممكن اكون نسيت حاجة

Answer 7

وه هو ليه مشفتش السؤال ده هههههه ال syntax دي حجات بسيطة ال جاي اقوى