Question

لماذا حين يكون السؤال 20 تصويت بالموجب فلا يأخذ غير 20

هل من الممكن شرح الحكمة من وضع حد للنقاط على السؤال الواحد

و جزاكم الله كل خير

Answer 1

مساء الخير :

مبدئيا .. هذه ليست حكمة . بل نظام قانون للنقاط ..

ولتصحيح المعلومة عندما تحصل علي 20 تصويت موجب للسؤال أو الأجابة تأخذ منهم فقط 10 تصويتات .

والباقي لا يحتسب .. لماذا ؟؟ لأنه كان الأغلبية من الأعضاء همهم الوحيد جمع نقاط بأي طريقة وبأسئلة غير مفيدة واجابات غير منطقية ..و هدفنا هنا ليس النقاط بل الافادة والاستفادة ..وبالتالي تم تغيير نظام النقاط  ..

بالتوفيق .

Comments

شكرا لك جدا

---

احسنت رومانتيك ❤❤❤
فالاهم من جمع النقاط عن طريق عدد من الاسئلة الغير مفيدة والبحث وراء جمعها باي صورة دون افادة الناس ومساعدتهم لن يفيد الاعضاء ومن قبلهم صاحب الاسئلة رغم ان جمع النقاط يشعرني بسعادة الا ان اطراء الزملاء علي اجابة او استفادتهم من معلومة ذكرتها يشعرني بسعادة اكبر سعادة غامرة تجعلني اشعر بانني اتحسن باللغة وتترسخ المعلومة برأسي اكثر واحيانا وجدت انني لست بحاجة لمراجعة هذة الجزئية وكأني اعرفها من سنين
دمت بخير وسعادة وباعتذر للإطالة ❤

---

مساء الفل . لا تعتذري أبدا .. كلامك علي عيني وكله مظبوط .
تخيلي ميرفت لو النقاط دي تبقي مكانها فلوس ههههه . هتعملي ايه ؟؟
بقولك ليه ما فكرتي تكتبي بالتدوين ليست مجاملة أبدا بس فعلا انا يعجبني تنسيقك بالكلام وترتيبه حتي لو كانت جمل بيسطة
وما في أجمل من البساطة .. فكري في الموضوع . ان شاء الله يكون لك نصيب بالفريق يا رب .

---

ازي حضرتك يا استاذه رومانتيك ❤️
انااا اول مره اعرف المعلومه دي ... بس سؤال اناا مش فاهمه برضو اي السبب في ناس اجابتها بتبقي كويسه وتستاهل وفي اساله بتبقي مفيده والناس بتديهاا تصويتات فاعتقد ملهمش ذنب يتساوا مع ناس عمله حسابات كتير عشان يجمعوا نقاط ..... او مثلاا تخلوا من كل جهاز تصويت واحد.  
بس معني كلام حضرتك ان لو حد واخد 19 تصويت هيتحسبو كاملين ولو حد واخد 20 تصويت هيتحسب منهم 10 بس !!

---

بس برضوا فكره ان تثويت لكل سؤال او اجابه من تليفون واحد مض هتنفع

---

حبيبه قلبي بسمة اشتقت لك يا حبوبة .
انا اقصد يا حبيبتي . ان مهما كان التصويت علي السؤال والأجابة ستأخذي فقط 10 نقاط . يعني جالك 15 تصويت هتأخذي 10 .
جالك 11 برده هتأخذي 10 .. فوق ال 10 تصويتات ما بيحسب ... معلش يا جميلة الموضوع ده ماشي علي الجميع ...

---

اناا كمان اشتقتلك اكتر والله ❤️❤️ اناا الحمد لله كويسه ❤️يارب انتي كمان تكوني كويسه ❤️ ..... اه اناا فهمت انااا بحسب ده بس بيبقي للي يوصلوا 20 بيبقي النصف
طيب سؤال هو النظام ده برضوا بيمشي علي الادمن ومستر ابراهيم ولا لاا

---

يارب تسلميلي علي كلامك اللي كله ذوق ورقي واخلاق ❤❤ كنت اتمني نلتقي فعلا ونتعرف اكتر .
لو النقاط دي فلوس كنت هاشارك مستر ابراهيم هههههههخ
بخصوص المدونة فكرت فعلا بس اجلت الاشتراك لحين تسليمي المشروع اللي باشتغل فيه حاليا عشان اقدر ابحث عن موضوعات وافيد فعلا في المكان مش احجزه وخلاص.
مرة تانية تسلميلي رومانتيك اسعدتني كلماتك جداااا ❤

---

اه  يا بسمة بيمشي عليهم .. نظام النقاط ما ينفع تمييز واحد عن الأخر . ده مبرمج لما يحدث له تغيير يبمشي علي الكل ..
منتظر

---

جميل جدا يا مرفت . بس شوفي انا عوزاك تكتبي علي الاقل حتي مقال واحد بس اسمك يظهر
في المدونة . بعد كدة خدي وقتك براحتك . انا واثقة انه هيخرج منك ابداع والله .

---

حاضر بس ده مش هايأثر علي فرص الناس اللي عايزة تشترك اقصد ان يكون العدد المطلوب محدود

---

لا خالص . ده لسة ما تم اختيار حد نهائي . ومحتاجين عدد ياما . لا تقلقي .
أبدئي أنت وربنا يوفقك ان شاء الله  ..

---

حاضر يا حبيبتى وتسلميلي علي تشجيعك وثقتك وباتمني اكون قدهم ان شاء الله
ويارب يوفقك ويكرمك وتحققي كل اللي تتمنيه ❤

---

اه تمام يا استاذه رومانتيك شكراا بس استفسار مثلاا مستر ابراهيم عنده 12 سؤال و 24 اجابه لو نفرض كل حاجه ب 10 هيبقي 36 *10 =360
ولنفرض ان ال 24 اجابه مختارين كافضل يبقي 24 *5 = 120
يبقي المجموع 360 +120 =480 ومستر ابراهيم ماشاء الله عنده 10700 نقطه
كمان اناا حسبت نقاطي دلوقتي بان لو في سؤال معدي ال 10 نقاط حسبته ب 10 والاجابات كذلك ولما حسبتهم كلهم طلعوا 402 وكمان حسبت معاهم الامختاره كافضل واناا معايا اصلااا 4019 يعني في 17 نقطه ذياده حسبت تاني الاساله بنفس دراجتهاا لقيتهم تمام 4019 اعتقد الاساله لحد 20 نقطه صح
انااا اصلااا تافهه عارفه بس كنت فاصيه حبتين صراحه هههههه.  
علي العموم اساسا مش مهم النقاط قد ما مهم اننا نستفيد انااا اصلااا دخله الموقع ومكنتش اعرف اي هي النقاط دي واي لزمتهااا ههه كنت فكراهااا بتخليني فالتصنيفات الي قدام ده كان كل الي اعرفه عنها
بالتوفيق يارب وبالتوفيق ليكي انتي كمان يا مرفت وان شاء الله تشتركي فمدونه طليق فعلااا يا ايتاده رومانتيك اناا لما بقرا حاجه هي منزلاهاا بتكون جميله وطريقتها فالكتابه حلوه ❤️

---

شوفي يا جميلة . مستر ابراهيم مختلف عنا يعني النقاط اللي عنده دي زيادة اركنيه علي جنب
اما الحساب بتاعك . بتقولي في زيادة عندك في النقاط انتي فاكرة ناصر لما زود نقاطك اول ما تعرفنا عليك ع الشات
هي دي الزيادة .. ثانيا النقاط لها فائدة كبيرة جدا اولا تم انضمامك لتجربة التطبيق . هيكون في مميزات شراء كتب Pdf.
كمان في ميزة للتطبيق اللي تحدث عنها مستر . ومميزات كتييرة جدا هتعرفوها بوقتها ... انتي كمان لو ليك في كتابة المقالات حاولي
مش لازم تكون طويلة . فكري بها وممكن تكوني معانا بالفريق يا سكر انتي ..

---

صباح الفل عليكوا ❤
تسلميلي بسمة علي ذوقك ومبسوطة من تشجيعك
بس ماتقوليش علي نفسك تافهة انا قريت الكلام تحسي اللي كاتبة محاسب شارب اتنين قهوة ومج نسكافية وقاعد بيقفل ميزانية السنة ههههههههه بس برافو عليكي بسمة

---

اه تمام اناا فهمت شكرااا جداا يا استاذه رومانتيك اسفه لو ازعجتك .... ايوه اناا بعدهاا بفتره قرات منشور لمستر ابراهيم ووضح اهميه النقاط وعرفتهاا واناا حد بيسال عنها بجاوبه وبقوله اهميتهااا شكراا ليكي ❤️ .... حاصر هحاول ان شاء الله .

شكرااا جداا يا ميرڤت تعليقك فرحني وضحكني هههه ❤️
شكراا ليكي ربناا يوفقك ان شاء الله ❤️

---

ويوفقك دايما يا بسمة وتحققي كل احلامك ❤

---

امين يارب شكرااا جداا يا ميرڤت ❤️❤️ كلنا ان شاء الله ❤️

Answer 2

تقصد ان لو سؤال صوتله ٢٠ صوت بعد كده لو حد صوت بيفضل العدد ثابت عند ال ٢٠ لا يزيد ؟

Comments

تماما
.

Answer 3

مساء الخير عبد الرحمن

انت بتعني انو لو شخص  20 نقطة ما بياخد غيرهم حتى لو زاد عدد المصوتين للسوال

Comments

تماما . هذا ما اقصد

---

بس انا ماشفت في الاسئلة  متل هيك بالعكس في كتير اسئلة ماخذة اكتر من 100 تصويت ومبين هاد الشي