First time here? Checkout the FAQ!
x

الملاحظات

التعبير عن انبهاري بـ"ChatGPT" والذكاء الاصطناعي.

في تصنيف شات طليق
بواسطة طالب عالمي (7.5ألف نقاط)  
+4 تصويتات
100 مشاهدات

لو دلوقت chatGPT والذكاء الاصطناعي ومنتجاته العظيمة اللي جاية فالمستقبل ...

ChatGPT موقع بيعتمد على الذكاء الاصطناعي، يعتبر زي جوجل كدا (محرك بحث) لكنه متطور اكتر منه وكمان اصلا جوجل دا ممكن يتنسي ويختفي مع مرور الوقت هو واغلب محركات البحث

chatGPT لوحده بس يقدر يعمل حاجات كتير اوي اي حاجة تقريبا عالنت يقدر يعملها، يكتبلك مقال (طويل او قصير بالاسلوب اللي عايزه)، يحل مسائل معقدة يحل اي حاجة عايز تحلها، يقيم اسلوب حياتك او يديك خطة لحاجة معينة، يصمملك موقع كامل ويطورلك كود كامل من غير مبرمج!

كل دا واكتر يقدر يعمله ChatGPT! وكل دا بردو ما هي الا بداية فقط!! كل دا وبداية بس ما بالكم ب ال هيجي بعدين؟ chatGPT ما هي الا مجرد حاجة بدائية جدا جدا مقارنة بعلوم المستقبل خصوصا مستقبل البشر مع الذكاء الاصطناعي وال جاي فالسنين ال جاية، ودي حاجة مرعبة

دلوقت لو الذكاء الاصطناعي هيقدر يعملنا كل حاجة تقريبا في المستقبل، احنا كبشر دورنا هيبقى عامل ازاي؟ مش احنا كدا مش هنتعلم نعمل اي حاجة دام الذكاء الاصطناعي هيعملها؟

هنكتب مقال ليه ونتعب نفسنا دام هو يقدر يعملنا يكتبلنا مقال جامد احسن م ال هنكتبه بمرات كتيرة؟ هنصمم مواقع ليه ونتعلم برمجة وكود دام هو يقدر يصمملنا واحد تحفة كل الحكاية هنقله بس عايزين الموقع يبقى عامل ازاي وهو يشتغل مع نفسه ويدينا كود موقع جاهز 

لو فعلا هيحصل كدا الواحد مش هيحتاح يتعب عشان يعمل حاجة، اي الدافع عشان يقوم يشتغل ويعمل هو بنفسه واللي هيعمله دا اساسا موجود قدامه!؟ مفيش، ودي الحاجة المرعبة..

بس فنفس الوقت الواحد مينكرش ان دي حاجة رهيبة وشيقة جدا! وادي هتغير تغيير جامد جدا فحاجات كتيرة جدا بردو موجودة دلوقت ..

والشاطر والذكي بجد هو ال هيعرف يتكلم اللغة دي ويتعامل معاها ويعرف يستغلها كويس، بمعنى اننا لو اهتمينا بالموضوع دا ممكن يبقى لينا دور كبير جدا فالمستقبل..

اتمنى جدا جدا ان يبقى في اهتمام بموضوع الذكاء الاصطناعي دا هنا في القطاع العربي ونقدر نطبقه فبلادنا خصوصا انه لسا فبدايته ودي حاجة حلوة، اتمنى بجد نجتهد كدا ونصلح مشاكلنا بنفسنا وننتج نوابغ ومتعلمين يفيدوا البلد ويطوروا وينشؤوا شركات تزيد من اقتصاد الدولة التعبان دا وتبقى شركات عالمية تحسن من وضع البلد ان شاء الله.

انا اهتميت جدا بالموضوع دا وأُلهمت جدا بعد ما عرفته وقريت عنه وهبحث وهتعلمه أكتر

كفاية بقى نفضل دول نامية دول نامية امتا بقى ونبقى دول مثمرة بجد بدل م احنا ناميين من اول ما جينا على وش الحياة دي

يارب ترجع ايام زمان وامثال الناس العظيمة زمان. ابحثوا عن الموضوع واعرفوا عنه اكتر وعرّفوا ال حواليكم يعني مين عارف؟ ممكن حد يكتشف انه بيحب الحاجة دي فعلا ويكمل وينتج فيها، اتعلموا وخدوا الموضوع بجد يا جماعة

لو شايفين انكوا مش هتقدروا تعملوا كدا بصوا عالناس الصغيرة ال عندكم.. مواهب وقدرات مدفونة في نفوس هؤلاء الاطفال الذين بإمكانهم تغيير العالم كله!، علموهم وطلعوا قدراتهم وخلوهم ينشؤوا عالم منتج واحسن من دلوقتي

مبحبش ومش عايزة الكلام يبقى تحفيزي اكتر من كونه حقيقي وقابل للتنفيذ، لاتستهينوا بالموضوع يجماعة، قد تبدو حاجة ضخمة وكبيرة بس كل حاجة بتيجي بخطوات، والواحد بيتعلم حاجات وبتجيله افكار جديدة مع كل خطوة، وفكرة بسيطة تدفعك لفعل شيء معين قد تُغير مجرى العالم، او على الأقل جزء منه..

بس اكيد مش مجرى الكوكب يعني ..


كانت معكم مريم مُحبة الفلك، شاركوني آرائكم والسلام عليكم ورحمة الله وبركاته❤.

من فضلك سجل دخولك أو قم بتسجيل حساب للإجابة على هذا السؤال

4 إجابة

بواسطة طالب عالمي (7.3ألف نقاط)  
+4 تصويتات

اهلا مريم كيفك حبيبي طمنيني عنك 

عامله ايه يارب تكوني بخير 

انا مع كل حاجة ولكن اتمنى ماياخذ الامر بالامور السلبية  زي العادة 

لانه كل حاجة صح فيها ايجابيات وسلبيات ولكن الاغلب بتتعمل وياخذ الجانب السيء منها 

ع العموم شكرا لك ع طرحك الاكثر من رائع ياقمر 

منذ بواسطة طالب عالمي (7.5ألف نقاط)  
مرام:) ان كان هناك شيء اكثر من رائع فهو أنت.
انا كويسة انتي عاملة اي؟؟
منذ بواسطة طالب عالمي (7.3ألف نقاط)  
الاروع تواجدك ياقمر
انا بخير انتي طمنيني عنك
بواسطة طالب محترف (3.9ألف نقاط)  
+2 تصويتات

هو موضوع الذكاء الاصطناعي حيغير العالم معك حق لكن هل الانسان سيرتاح ؟بالنسبة لي سيتعب اكثر 

هلا ممكن الذكاء الاصطناعي او التكنولوجيا عموما تعوض الجهد البدني والعمل الروتيني الممل فمش حنحتاج مثلا حارس يسهر طول الليل لحراسة مبنى بلدية مثلا .

وكذلك الذكاء الاصطناعي سيغنينا عن عمال البلدية وممكن عن البنكيين كذلك وغيرها من الاعمال.

لكن من سيسهر على حماية النظام ؟اكيد بشر والعمل على حماية النظام سيكون متعب حقا لان اي خلل سيزلزل العالم 

لو الذكاء الاصطناعي استطاع تعويض الطب مثلا هل تقبل ان تقوم بعملية قلب مع آلة قد يختل نظامها في اي لحظة؟اكيد لا ويجب ان تكون على الاقل تحت اشراف طبيب بشري واحد .

بالنسبة للعرب والدول النامية مادام الناس لايؤمنون بالاختلاف و بتعدد الطرق للوصول لنفس النتيجة ومادامنا نربى في المدارس على استبعاد دور العقل في التعلم ومادمنا ومادمنا نقدس الشهادات لليوم فلا امل لنا.

لكنت اسمعت لو ناديت حيا 

           ولكن لا حياة لمن تنادي 

منذ بواسطة طالب عالمي (7.5ألف نقاط)  
معك حق يا فطوم ورأيك اعطاني زاوية جديدة للموضوع، البشر لازم يكونوا تحت اشراف كل أجهزة الذكاء الاصطناعي ولازم يراقبوا كيف تسير الامور زي ما قلتي لامكانية حدوث اي خلل في اي لحظة ودا هياخد مجهود ذهني جامد، بس لو تلاحظي التعب كله هيبقى فين؟ او اغلبه يعني، هيبقى موجود في النطاق دا بس، نطاق المراقبة والاشراف والاصلاح لو حدث خلل مثلا والصناعة وباقي الحاجات، واكيد صناع الاجهزة دولا مش هيصنعوا ويسيبوه يشتغل على طول لازم يجربوا عليه الاول ولو حدثت اخطاء يصلحوها وهكذا لحت ما يبقى معدل الاخطاء قليل جدا وبعدها يطلقوه نحو العالم والتطبيق الحقيقي، دا بالنسبة للاجهزة ال هتشتغل بشكل عملي زي الحراسة او ف الطب او البناء او خدمة المنزل او اي حاجة تانية عملية، فالاول هتاخد شغل وتعب جامد مننا بس بعدين هتشيل عنا تعب جسدي رهيب، انما تطبيقات الذكاء الاصطناعي عالموبايل مثلا وامكانياتها انها تقدر مثلا تكتب مقال او تنشئ برنامج لوحدها او اي حاجة وتانية محتاجة علم وبحث، دي بردو هتاخد منا تعب اننا نبحث ونتعلم ونكتب بنفسنا، ودي حاجة وحشة بس هتبقى موجودة فالمستقبل ف رأينا سواء وحشة او حلوة مش هيغير حاجة، لازم نعرف نتعامل ونستغل الشيء دا بطريقة مفيدة.

بدل ما اروح اتعلم برمجة عشان اشتغل مبرمج واكسب فلوس، ممكن اعمل بالذكاء الاصطناعي دا برامج متعددة لكذا فكرة حلوة وابيعهم واكسب فلوس بردو اكتر من الاول، دا قصدي اننا نستغل الحاجة دي بطريقة تفيدنا، ودا مثال واحد بس
منذ بواسطة طالب عالمي (7.5ألف نقاط)  
___
اما بالنسبة للعرب، مع حقيقة الكلام ال قلتيه الا انه يزال في الكثير من العقول العظيمة والمنتجة وهي عربية ابن عربية، المشكلة كلها تكمن في المبادرة وان الواحد يبدأ بس يفكر ويطبّق فبلده ويعمل منشآت تفيد بلده، واكيد في ناس كتير تؤمن بالاختلاف وعارفة نظام المدرسة الفاشل ولا تؤمن بيه وانت اولهم يا فطوم انت كمثال بسيط تقدري تعملي حاجات عظيمة جدا وزيك موجود ويقدروا يعملوا اشياء عظيمة بردو بس المشكلة ال قلتها فوق ..
ألم تلاحظي ان اغلب الناس العرب الشطار بجد ما بيقعدوش ف بلدهم وبيطلعوا برا او عايزين يطلعوا؟ ليه؟ عشان بلدهم مش قد كدا مش موفرالهم ال عايزين يعملوه ودي الحاجة ال تحزن، كل علمهم وجهودهم بتطلع لبلد ومجتمع مش مجتمعهم، لو يفيدوا بلدهم بجد بالعلم ال اكتسبوه ويطبقوا تطبيقات حقيقية وعملية في بلدهم ممكن يعملوا تغيير كبير جدا.
منذ بواسطة طالب محترف (3.9ألف نقاط)  
هو انا لا اؤمن باي شكل من الاشكال ان الانسان سيتخلى عن العمل يوما
مثلا نجد الجدات كثيرا ما تصر على القيام بالاعمال المنزلية رغم ان هناك من يقوم بها الا انهن يرفضن الجلوس دون عمل وهذا طبع الانسان يحب ان يشغل نفسه بشئ
ثاتي شي انا احب الكتابة مثلا هل هلا لما اكتب العالم محتاج لكتاباتي؟ولا والف لا لكن يكفيني اني احب هذا الشئ لاقوم به
اليوم ممكن اني اجيب كود واعملو نسخ ولصق ويصير عندي برنامج لكن لا لاني احب ان اكتب الكود وافكر بنفسي . فمهما كان الظرف الناس حتكمل تتعلم وان لم يكن لحاجة فلحب وشغف
اخيرا العرب وما ادراك ما العرب ما لهم حل
ما بيقعدش في بلدو لانو بلدو لا تريد ان تتطور العالم الجزائري بلقاسم بن حبة مثلا قال انه كان يريد ان يحقق ما حققه في الجزائر لكنه لم يستطع
واخيرا هذه كلها حسابات بشر وحسابات الله شئ آخر فندعوه ان يصلح حالنا ويلم شملنا وشتاتنا ويوحد صفوفنا ويعلينا على كل الاعداء
بواسطة طالب عالمي (5.9ألف نقاط)  
+1 تصويت
والله يا اخت ماري ما اعرف شو اقلك

بس الموضوع حلو استمري

المشكلة بالبحث والتعلم عنو فهو الى الان بيد مؤسسيه تقريبا
منذ بواسطة طالب عالمي (7.5ألف نقاط)  
لكل مشكلة حل يا اخ عبدالله
اه نعم الكلام سهل بس الحل بل الحلول تبقى موجودة وقابلة للتنفيذ حتى لو هتاخد وقت.
لو تسأل نفسك ما الفرق بين بلد العراق الان والعراق قديما؟ اختلاف كُلِّي في كُل شيء تقريباً، تخيل لو ظلت بغداد -عاصمة العلم قديما وفيها كان يجتمع علماء العالم وفيها كان ينشئ العلم وتؤلف الكتب- كما كانت قديما إلى الان..؟ تخيل كمية الازدهار والتطور ال بتكونوا فيه.
لو تسأل نفسك ليه تدنت المستويات؟ في اسباب كثيرة وفي منها خارجة عن ارادتنا زي تأثير الغرب، ومن المهم بردو هو مفيش لا ارادة على العلم ولا عزيمة ولا دافع للتغيير.
منذ بواسطة طالب محترف (2.9ألف نقاط)  
+1 تصويت

السلام عليكم

اتفق مع كلامك شو اقول مممم هههه فعلا علمت بال chatGPT السنه دي بس - مش عارف صارلو كام سنه موجود - هو فعلا مبهر وسابق محرك بحث Google بسنوات ضوئيه (ده رائيي ههه)- بالوقت الحالي ال chatGPT بيساعد المبرمجين انهم ينجزو اسرع - مبرمجين تقال اووي فمجال البرمجه قالوا انو ال gpt مش هيحل محل المبرمجين بالمستقبل القريب بل اداه هتساعد المبرمجين

اتفق انو لازم نهتم بالمجالات دي اكثر لان هي المستقبل !

نصيحه لو انت بدات تتعلم برمجه بعد عن chatgpt لانك راح تعتاد تعتمد عليه فمن الافضل بعد عنو

هو اكيد مهما تطور مش هيقدر يعمل منشورات حلوه زي اللي بنعملها ههههه

لو الكلام ده بالنسبه لك اسباني معلش ممكن تجرب ال chatGPT من هون https://chat.openai.com/auth/login

في اصلاحات في ال chatGPT مش شغال دلوقتي ممكن تجرب في وقت لاحق!!

بالتوفييييق

منذ بواسطة طالب عالمي (7.5ألف نقاط)  
انا فاهمة
شركة chatgpt هي ال موجودة من كام سنة -من ٢٠١٥- انما chatgpt نفسه دا تم اطلاقه اواخر السنة ال فاتت ف ١١، ف لسا طازة
شوف دلوقت دا بالوقت الحالي بس، يعني ممكن يصلح اكواد بايظة او يقولهم الخلل فين الى اخره او يطوره او يضيفله اكواد الى اخره، ودا لسا في البداية بس حتى من مؤسسي شركة الchatgpt نفسه قال كدا -Sam altman- دي حاجة بسيطة جدا بالنسبة لل جاي، لو كان كدا وهو بالعظمة دي يبقى ال جاي ممكن يعمل اي؟؟! هو انا ال منبهرة بس ولا اي
اكيد مش هتعلم برمجة معgpt انا قصدي اتعلم البرمجة تبع الAI ال تقدر تعمل حاجات زي gpt بس فالاول لازم نعرف اي هو الai اصلا وانواعه وازاي بيشتغل الى اخره
منذ بواسطة طالب محترف (2.9ألف نقاط)  
كان كلامي لاي حد عاوز يتعلم برمجه هههه انو يبعد عن gpt (لو انك هتستعين بيه عشان حل المشاكل)- لان ال problem solving من اهم المهارات اللي لازم يكتسبها المبرمج
بالتوفيييق
37 Online Users
1 Guest 36 Member
Online Members
Today Visits : 22008
Yesterday Visits : 25817
Total Visits : 27767298

24.5ألف أسئلة

122ألف إجابة

152ألف تعليقات

27.6ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...