Question

لان عصير مفرد وبالتالي نضع قبله a و كعك جمع كعكة وبالتالي يجب أنا نضيف له s الجمع

لكن في تطبيق طليق كانت الجملة بالشكل  I want juice and cake 

لو سمحتوا حد يشرحلي السبب ليش هيك الترجمة ووين الغلط 

او مثلا ليش ما حطينا a قبل كلمة juice 

و s لكلمة cake 

Answer 1

لأن العصير مادة غير معدودة وكمان الكعك(التورتة)

يعني انتي تقدري تقولي أريد عدد كبير/قليل من العصير والكيك

ولا برأيك الصح نحكي

اريد كمية كبيرة/قليلة من العصير والكيك

دائما استعملي هاي الطريقة لتعرفي إذا هو معدود ولا غير معدود

إذا شفتي السياق ماشي مع(كمية) فهو غير معدود والعكس مع (عدد)

حتى أنا لما شفت الجملة العربي تخيلت الترجمة (بس الصح طبعا إجابة التطبيق لأنه عمومي شوي )

I want a cup of juice and a piece of cake

هون استعملت ادوات المفرد على الرغم من انه عصير وكيك مش معدودين وبالتالي بقدرش أستعمل معهم أدوات الافراد إلا انه استعملت

Cup and piece

والكلمتين السابقتين كونهم كلمات بقدر اعدهم فلما استعملتهم كمفرد المفروض احط

A/an

Comments

شكرا جزيلا لك صديقتي
أنا متشكرتكم جميعا سهلتوا علي الأمر كتيرر
ورح طبق نصيحتك
شكراا مرة آخرى

---

العفو بالتوفيق ❤️

Answer 2

وعليكم السلام ورحمة الله وبركاته..

لم نضع a قبل juice لأنه غير معدود والأسماء الغير معدودة لا نضع لها أداة.

Comments

تمام شكراا بس ممكن نتناقش أكتر أنا خطر ببالي كلامك لكن في تطبيق طليق بدروس سابقة وردت جملة
 .The juice and the cake on the table
طيب هون كيف وضعنا the ل كلمة juice ؟!
طالما أنها غير معدود وما بصير نوضعلها أداة
أرجوا الرد وشكرااا جزيلاا

---

تمام شكرااا

---

عفوًا.. نضع the اذا كنا بنحدد شيء بعينه لهذا وُضعت في هذا المثال.

Answer 3

السلام عليكم

الجملة الصحيحة بالشكل التالي I want juice and cake

لأنه يتحدث عنهم بالعموم وهذه قاعدة الغير معدود موجودة في دروس القواعد المستوى الاول تستطيعين طلبها في YouTube ولكن تستطيعين اضافة a او s عند التحديد

نقول مثلا There is a glass of juice and 3 cakes on the table

Comments

شكراا صديقي رح شاهد الحلقة إن شاء الله

Answer 4

يعني انت غلطك انك اعتبرت من الاساس انه اريد عصيرا يعني عصير مفرد

وأريد كعكا جمع باعتبار إنها جمع كعكة

وهاذ مو صح

زي ما وضحت قبل هذول غير معدودييين

يعني بتقدريش تضيفي s الجمع ليصيروا جمع

ولا تضيفي قبلهم a/an باعتبار إنهم مفرد

إلا لو ضفتي كلمة معدودة تقدري تعديها قبلهم فلو بدك تقولي عصير بصيغة الافراد

(يعني زي بدي كاسة عصير ضيفي a)

(بدي كاستين عصير لا تضيفي a لأنه انت بتحكي عن كاستين يعني جمع يعني ضيفي s الجمع ع cup بس بس بس )

إذا بدك تحكي بشكل عام انك بتحبي الكيك أو تشربي عصير اكتفي بانك تقولي الكلمة بدون أي اضافات زي ما التطبيق مجاوب